Featured on གནའ་ཤུལ།

  སྤྱི་ལོ་ ༧༥༥ ལོར། བོད་ཀྱི་རྒྱལ་པོ་མེས་ཨག་ཚོམ་བློན་པོ་འབལ་ལྡོང་ཙབ་དང་ལང་མྱེས་གཟིགས་གཉིས་ཀྱིས་ཡར་འབྲོག་གཡུ་མཚོའི་འགྲམ་དུ་བཀྲོངས་པས། དགུང་ལོ་ ༨ ལ་སོན་པའི་ཁྲི་སྲོང་ལྡེ་བཙན་རྒྱལ་པོའི་ཁྲི་ལ་མངའ་གསོལ། མ་ཞང་ཁྲོམ་པ་སྐྱེས་བློན་ཆེན་པོའི་གོ་སར་འཁོད། མ་ཞང་ཁྲོམ་པ་སྐྱེས་ནི་བོན་ཆོས་ལ་དད་ཞེན་ཆེན་པོ་ཡོད་མཁན་ཞིག་ཡིན་པས། སྐབས་དེར་བོད་དུ་དར་འགོ་བརྩམས་མ་ཐག་པའི་སངས་རྒྱས་ཆོས་ལུགས་ལ་མིག་ནང་གི་ཚེར་མ་ལྟར་ཤིན་ཏུ་སྡང་པོ་ཡོད། དེ་བས་ཁོས་བཀའ་ཁྲིམས་རབ་དང་རིམ་པ་ཕབ་སྟེ་སངས་རྒྱས་ཆོས་ལུགས་དར་སྤེལ་བྱེད་མི་ཆོག་པ་བཟོས། ར་ས་འཕྲུལ་སྣང་གི་གཙུག་ལག་ཁང་དང་རྒྱ་སྟག་ར་མོ་ཆེ་གཉིས་བཤས་ར་བྱེད་དུ་བཅུག་པ་དང་། འུན་ཤིང་ཀོང་ཇོས་བོད་དུ་གདན་དྲངས་པའི་ཛོབོ་ཤཱཀྱ་མུ་ནེའི་སྐུ་བལ་བོད་ས་མཚམས་ཀྱི་སྐྱིད་ལུང་དུ་བཙན་གྱིས་སྐྱེལ་དུ་བཅུག

作品及编号如下： ↑↑↑作品A01:金色紫金 ↑↑↑作品A02：新年祈福 ↑↑↑作品A03：江孜雪景 ↑↑↑作品A04：祈祷 ↑↑↑作品A05：传承人 ↑↑↑作品A06：起跑线 ↑↑↑作品A07：开耕啦 ↑↑↑作品A08：童真 ↑↑↑作品A09:春 ↑↑↑作品A10：圣城

འཛམ་གླིང་ན་རིན་ཐང་དཔག་ཏུ་མེད་པའི་རྟེན་ཉན་ཐོས་ཤཱ་རི་བུའི་སྤྱན་གཡས་པ་བཞུགས་པའི་ཕུ་ཐང་སྤྱན་གཡས་དགོན་པ་ནི་བོད་ལྗོངས་ལྷོ་ཁ་འཕྱོངས་རྒྱས་རྫོང་རྒྱལ་སྨན་ཡུལ་ཤོག་སྤྱན་གཡས་གྲོང་ཚོར་གནས་ཡོད།། སྤྱན་གཡས་ཏེ། མཚན་རྒྱས་པར་ཡར་རྒྱལ་ཕུ་ཐང་སྤྱན་གཡས་དགོན་ས་ཞུ། འཕྱོངས་རྒྱས་རྫོང་ནས་སྤྱིར་བཏང་འཁོར་ལམ་བརྒྱུད་ནུབ་ངོས་སུ་སྤྱི་ལེ་བཅུ་དྲུག་ཙམ་རྒྱ་སྨན་ནང་ཞེས་པར་སོང་ན་སྤྱན་གཡས་གྲོང་དབུས་སུ་དགོན་དེ་མཇལ་རྒྱུ་ཡོད། དགོན་དེ་ནི་ཐོག་མར་གཏེར་སྟོན་གྲྭ་པ་མངོན་ཤེས་ཀྱིས་སྤྱི་ལོ་1012ལོར་ཕྱག་བཏབ་གནང་མཛད། སྤྱོད་འཇུག་གི་བཤད་གྲྭ་རྒྱ་ཆེན་སྤེལ་གནང་ནས་དགེ་འདུན་ཞལ་གྲངས་ལྔ་བརྒྱ་ཙམ་ཟིན་གསུངས།

གསང་ཕུ་ཀུན་དགའ།   གསང་ཕུ་དགོན་པའམ་མཚན་རྒྱས་པར་གསང་ཕུ་ནེའུ་ཐོག་ཅེས་པའི་དགོན་འདི་ཉིད་ནི་ལྷ་སའི་སྐྱིད་ཆུའི་ལྷོ་ངོས་ཀྱི་ཐུབ་པ་རི་འདབས་སུ་ཆགས་ཡོད་ཅིང་བར་ཐག་ལྷ་ས་ནས་སྤྱི་ལེ་ཉི་ཤུ་རྩ་ལྔའི་མཚམས་ལ་ཡོད། དགོན་འདི་ནི་གསང་བདེ་གུང་གསུམ་དང་དགའ་སྐྱོར་ཟུལ་གསུམ་ཞེས་པའི་བོད་ཀྱི་གདན་ས་ཆེན་པོ་དྲུག་གི་ཡ་གྱལ་ཡིན།