༄༅། དཔལ་ཆེན་རྡོ་རྗེ་གཞོན་ནུའི་ཕུར་པ་འདི་ཉིད་ནི་སྐྱེ་འགྲོ་ཡོངས་ལ་ལྷ་སྲིན་སྡེ་བརྒྱད་དང་། ས་བདག་ཀླུ་གཉེན་སོགས་ཀྱི་གནོད་པ་ལྷག་མེད་དུ་འཇོམས་ཤིང་སྐལ་ལྡན་ལས་འཕྲོ་ཅན་ལ་དངོས་གྲུབ་ཆར་ལྟར་འབེབས་པའི་ཡི་དམ་ཁྱད་པར་ཅན་འདི་ཉིད་ནི། སྔོན་ཆོས་སྐུ་ཀུན་ཏུ་བཟང་པོ་ནས་འདིའི་ཆོས་སྐོར་མཁའ་འགྲོ་མ་རྣམས་ལ་བཀའ་བརྩལ་བས་མཁའ་འགྲོ་མ་རྣམས་ཀྱིས་ཟབ་ཆོས་འདི་ངེས་རྣམས་ཁོང་དུ་ཆུད་པར་དཀའ་བའི་གསུང་བསྒྲོས་མཛད་སྐབས་མཁའ་འགྲོ་མ་བདེ་བྱེད་དབང་མོ་ནས་ཟབ་ཆོས་འདི་རྒྱ་གར་བསིལ་བ་ཚལ་གྱི་མཆོད་རྟེན་བདེ་གཤེགས་བརྩིགས་པའི་དྲུང་དུ་གཏེར་དུ་སྦོས་ཤིག་མ་འོངས་པའི་དུས་རིང་མོ་ཞིག་ན་ཨོ་རྒྱན་ཆེན་པོ་པདྨ་འབྱུང་གནས་ཞེས་གྲགས་པ་བྱོན་ཏེ་དེས་གཏེར་ནས་བཏོན་པར་འགྱུར་རོ་ཞེས་གསུངས་པས་མཁའ་འགྲོ་མ་ཐམས་ཅད་དེར་ཞལ་ཆམ་ནས་ཟབ་ཆོོས་འདི་གཏེར་དུ་སྦས་པ་དང་།

རི་རྒྱལ་ལྷུན་པོ་གནམ་ལྕགས་འབར་བ་ནི། བོད་ཀྱི་རི་བོ་མཛེས་ཤོས་གྲགས་ཅན་བཅུ་ཡི་དང་པོར་དཔྱད་འདེམས་བྱས་ཡོད། དེ་ལྟར་བྱས་པའི་རྒྱུ་མཚན་གལ་གནད་ཆེ་ཤོས་གཅིག་ནི། རི་བོ་གནམ་ལྕགས་འབར་བ་དེ་ནིད་རྒྱུན་དུ་སྨུག་སྤྲིན་གྱི་ཁྲོད་དུ་གནས་པ་དང་། བརྗིད་ཉམས་དང་ལྡན་པ་བཅས་ཀྱི་ཡིན།

  སྲོལ་རྒྱུན་བོད་ཀྱི་ཟློས་གར་ཁྲོད་ཆེས་སྐད་གྲགས་ཆེ་བའི་བོད་ཀྱི་ཟློས་གར་ཆེན་མོ་བརྒྱད་ནི་《རྒྱ་བཟའ་ཀོང་ཇོ་》དང་།《ཆོས་རྒྱལ་ནོར་བཟང་》དང་།《སྣང་ས་འོད་འབར་》དང་།《འགྲོ་བ་བཟང་མོ་》དང་།《གཟིགས་ཀྱི་ཉི་མ་》དང་།《པདྨ་འོད་འབར་》དང་།《དོན་ཡོན་དོན་གྲུབ་》དང་།《དྲི་མེད་ཀུན་ལྡན་》བཅས་སོ།།  

 སྤྱིར་ན་བོད་དབུས་ཁུལ་གྱི་མི་དམངས་ཚོས་རང་རང་འཁོས་སྦྱོར་ལ་གཞིགས་ཏེ་བོད་ཟླ་ ༡༢ པ་ནས་བཟུང་ལོ་གསར་གྱི་ཉེར་མཁོའི་སྟ་གོན་རིམ་བཞིན་བྱེད་འགོ་ཚུགས་ཏེ་ཤ་མར་འབྲུ་སྣུམ་སོགས་ལོ་གསར་གྱི་ཉེར་མཁོ་དང་།  གཟབ་སྤྲོས་གྱོན་ཆས་སྣ་ཚོགས།  སྡེར་ཁའི་ཁ་ཟས་དང་།  ལུག་མགོ།  ལོ་ཕུད།  ཕྱེ་མར་གྱི་རྩིབས་སྒྲོ་དང་ལོ་གསར་མེ་ཏོག་སོགས་གྲོ་སོ་ཕྱེ་མར་གྱི་ཡོ་ཆས།  ཁང་པའི་དར་ལྕོག་དང་། དར་ཤིང་།  ཤམ་བུ་སོགས་ཉོ་སྒྲུབ་བྱེད་པ་དང་། ཆང་བཙོ་བ་དང་།  སྦོ་ལུག་དང་ཁུར་བ་སོགས་ཁ་ཟས་སྣ་ཚོགས་འགར་བ་མ་ཟད།  ཁྱིམ་ཚང་སོ་སོའི་ཐབ་ཚང་གིས་གཙོས་ཁང་པའི་ཕྱི་ནང་གི་དུ་བ་དང་ཐལ་བ་རྣམས་གཙང་མར་འཕྱག་པ་སོགས་ལོ་གསར་གྱི་སྟ་གོན་བྱེད་ཅིང་།  བོད་ཟླ་ ༡༢ ཚེས་ ༢༩ ཉིན་གྱི་དགོང་མོ་དགུ་ཐུག་མ་འཐུང་གོང་ཁྱིམ་མི་ཚང་མར་སྤགས་གོང་ཆུང་ངུ་རེ་སྤྲད་ནས་དེས་མི་སོ་སོའི་གཟུགས་པོའི་སྟོད་སྨད་ཚང་མར་ཕུར་སྟེ་ལོ་གཅིག་ཟླ་བ་བཅུ་གཉིས་ཞག་མ་སུམ་བརྒྱ་དྲུག་ཅུའི་གེགས་བར་ཆད་ཚང་མ་སེལ་བའི་སྨོན་ལམ་བཏབ་རྗེས་དྲི་གླུད་བཟོས་ནས་རྫ་ཁོག་ཆག་དུམ་ཞིག་ནང་བླུགས་པ་དང་།  དེ་རྗེས་ས་སྲོད་ཙམ་ལ་དགུ་ཐུག་འཐུང་འགོ་ཚུགས།

ལྷ་ས་ནས་ནུབ་ཏུ་བསྐྱོད་པ་དང་། ཡར་ཀླུང་གཙང་པོ་དང་ཁ་བྲལ་ནས་བྱང་ཕྱོགས་སུ་སོང་ན་རྩྭ་རྩི་ཤིང་གི་རྫོང་མཐུག་ཅིང་ནམ་ཟླ་བཟང་བའི་ས་ཞིག་ཏུ་སླེབས་ཤིང་། ས་དེ་ནི་ཐོན་མི་སམ་བྷོ་ཊའི་ཕ་ཡུལ་སྙེ་མོ་རྫོང་ཡིན། ཕུ་གསུམ་ནི་སྙེ་མོ་རྫོང་དུ་གཏོགས་པའི་ཤང་ཞིག་ཡིན་ཞིང་། ལོ་ངོ་སྟོང་ཕྲག་གི་ལོ་རྒྱུས་ལྡན་པའི་ཕུ་གསུམ་དགོན་ནི་དེ་རུ་བརྗིད་ལྷང་ངེར་ཆགས་ཡོད།

གུང་ཐང་མེ་ཏོག་མཆོད་པ་ནི་ལྷ་སའི་བཅོ་ལྔ་མཆོད་པ་དང༌། རྭ་སྒྲེང་ཁུ་བྱུག་མཆོད་པ། ལོ་གནམ་གང་མཆོད་པ་བཅས་དབུས་ཀྱི་མཆོད་པ་ཆེན་པོ་བཞིའི་ཡ་གྱལ་ཞིག་ཡིན་ལ། གུང་ཐང་མེ་ཏོག་མཆོད་པ་ནི་ལོ་ལྟར་བོད་ཟླ་ ༤ ཚེས་ ༡༥ ཉིན་གྲིབ་རྫོང་བཙན་དང་གུང་ཐང་ལྷ་མོ་གཉིས་ལྷན་འཛོམས་ཀྱི་དུས་དྲན་ཞིག་སྲུང་རྩི་གནང་སྲོལ་ཡོད། དེ་ཡང་དམངས་ཁྲོད་དུ་གཏམ་རྒྱུད་འདི་འདྲ་ཞིག་ཤོད་སྲོལ་ཡོད།

རྫོང་རྒྱབ་ཀླུ་ཁང་ནི། དུས་རབས་བདུན་པར་ཆོས་རྒྱལ་སྲོང་བཙན་སྒམ་པོས་དམར་པོ་རིར་ཕོ་བྲང་པོ་ཏཱ་ལ་བཞེངས་སྐྲུན་མཛད་པ་ཕྱིས་རིམ་བཞིན་དམག་འཁྲུག་དང་རང་བྱུང་གནོད་འཚེས་ཉམས་རྒུད་བྱུང་ཞིང༌། ཕག་གྲུའི་དབང་སྒྱུར་སྐབས་རྒྱལ་པོའི་ཕོ་བྲང་ཉམས་ཆགས་སོང་ཤུལ་དུ་སྐྱིད་ཤོད་རྫོང་བཏབ་པ་དེ་ལ་ལྟོས་ནས་རྫོང་རྒྱབ་ཅེས་འབོད་སྲོལ་བྱུང་བ་ཡིན་ནམ་སྙམ།

གོང་གསལ་ཞི་རྒྱས་དབང་དྲག་གི་ལས་ཁུངས་གཙོ་བོར་གྱུར་པའི་བོད་གཞུང་དགའ་ལྡན་ཕོ་བྲང་གི་རྒྱལ་དོན་ཆབ་སྲིད་དང༌། དཔལ་འབྱོར་སོགས་ཀྱི་ལས་དོན་བྱེད་མིའི་རྒྱུན་ལས་ལས་ཁུངས་གལ་ཆེ་ཁག་ཅིག་ངོ་སྤྲོད་མདོ་ཙམ་རེ་ཞུས་པ་ལ། ༡༽ ཕྱི་ལོ་ ༡༧༥༢ ལོར་༸རྒྱལ་དབང་སྐུ་ཕྲེང་བདུན་པ་བསྐལ་བཟང་རྒྱ་མཚོའི་སྐུ་དུས་སུ་སྐུ་སྒེར་ཡིག་ཚང་ལྟ་བུར་གསར་དུ་བཙུགས་ཤིང༌། རིམ་བཞིན་སེར་མོ་བ་ཡོངས་ཀྱི་སྤྱི་ཁྱབ་ཡིག་ཚང་ལས་ཁུངས་སུ་མིང་བསྒྱུར་བྱས་པའི་རྩེ་ཡིག་ཚང་ལས་ཁུངས་དང༌།

༡ ལྷོ་ནུབ་མཚམས་ན་འདྲེའི་འདུ་ཕུང་ངམ་འདྲེའི་འདུན་ས་ཞེས་པ་ནི། ལོ་རྒྱུས་ཀྱི་དེབ་ཐེར་མང་པོ་ཞིག་ཏུ་ལྷོ་ནུབ་ཟླ་བ་ཚལ་ཞེས་དང༌། འགའ་ཞིག་ཏུ་གླ་བའི་ཚལ་ཞེས་མི་འདྲ་བ་འབྱུང་བ་ལས། ལྕགས་པོ་རི་དང་གཙུག་ལག་ཁང་གཉིས་ཀྱི་བར་གྱི་ནགས་ཚལ་དང༌། དུག་ཤིང་གི་སྡོང་པོ་རྐང་གཅིག་ཡོད་ས་དེར་མཚན་མོ་ལྷ་འདྲེ་རྣམས་འཚོགས་ས་ཡིན་ཞེས་པའི་གནས་ནི། དེང་སང་བོད་རང་སྐྱོང་ལྗོངས་སྲིད་གཞུང་གི་ཐོག་བརྩེགས་ཅན་གྱི་ཁང་པ་ཡོད་སའི་ས་ཁུལ་དེ་ཡིན།

  ལྷ་སའི་ཕྱོགས་བཞིའི་ཁྱད་དུ་འཕགས་པའི་རི་བཞི་ནི། ནུབ་གཉྫིའི་སྟེང་དུ་དུང་ཕོར་བཞག་པ་ལྟ་བུ་དང༌། བྲང་ཕུའི་བྲག་ལ་འཁོར་ལོ། གདོང་དཀར་གྱི་བྲག་ལ་པདྨ། ཡུག་པའི་རི་ལ་དཔལ་བེའུ་བཅས་བཞི་ཡིན། ལྷ་སའི་མཐའ་སྐོར་གྱི་རི་བོའི་ངོས་སུ་བཀྲ་ཤིས་རྟགས་བརྒྱད་ཀྱི་རི་མོ་གསལ་བར་ཡོད་པའི་ནང་ཚན། ༡ ནུབ་ཏུ་གཉྫིའི་སྟེང་དུ་དུང་ཕོར་བཞག་པ་ལྟ་བུ་ཞེས་པ་དེ་སྟག་བྲག་རི་ཁྲོད་གནས་ཡུལ་ལྷ་ས་གྲོང་ཁྱེར་སྟོད་ལུང་བདེ་ཆེན་རྫོང༌།