དཀོར་གཉེར་ཕྱིས་བདར་མཁས་དྲགས་ན།།
གསེར་སྐུ་རག་ལ་བཏང་ཡོང་ངོ༌།།
དཀྱིལ་དུ་བཞག་ན་ཕྲ་འདྲ།།
ཟུར་དུ་བཞག་ན་རྒྱན་འདྲ།།
བཀའ་དྲིན་ལ་བསམ་ཤེས་མེད་པར།།
དྲིན་ལན་ལ་ལོག་འཇལ།།
བཀའ་ཤོག་གོ་མ་ཆོད་རྒྱལ་པོའི་ཕྱག་རྩ་དང༌།།
མནའ་མ་གོ་མ་ཆོད་ཨ་མའི་སྒོ་རྩ།།
བཀའ་རྡོ་རྗེ་གཅོད་པ་དང༌།།
གསུང་སྤུ་གྲི་ངར་མ།།
བཀའ་ལན་སྔོན་མོར་ཞུ་ལན་ལྗང་ཁུ།།
བཀའ་བཀྱོན་ཡོད་ཀྱང༌།།
ཕྱག་འཇུག་མེད་པ།།
བཀའ་ཤོག་རྒྱབ་ལ་མི་ཤོག།
བཀོལ་མི་ཤེས་ཡོན་ཏན་ཕན་མེད་རེད།།
འདེབས་མི་ཤེས་ས་ཞིང་སྟོང་བ་རེད།།
བཀྱགས་ན་སྤོར་གང༌།།
བཞག་ན་ལྗིད་མདོག་ཁ་པོ།།
བཀྲ་ཤིས་པའི་གླུ་ལེན་སར།།
ལྟས་ངན་པའི་སྡུག་སྐད།།
བཀྲ་ཤིས་ཟེར་བར་བཀྲ་མི་ཤིས།།
སྐྱེས་པའི་ཞོགས་པར་ཨ་མ་ཤི།
བཀྲ་ཤིས་པའི་བྲོ་འཁྲབ་སར།།
ལྟས་ངན་པའི་ཞབས་བྲོ་མ་རྒྱོབ།།
བཀྲོལ་ལོང་མེད་ནས་འབྲེགས།།
ཉན་ལོང་མེད་ནས་བཤད།།
རྐང་བཞི་ལ་ཁ་དང༌།།
གཡུ་ཆུང་སྒོ་རྒྱབ།།
རྐང་ལག་ཕྲ་པོར།།
ཁུར་ཙ་ལྗིད་པོ།།
རྐང་བར་ལྷམ་འཇུར་མེད་པར།།
ཞབས་བྲོ་ཧྲག་སྒྲ་རྒྱག་འདོད།།
རྐང་པ་རྒྱག་ས་ལག་པས་འཚོལ།།
གོམ་པ་རྒྱག་དུས་མིག་གིས་ལྟོས།།
རྐང་ཐང་ལ་མ་ཕྱིན་པར།།
རྟ་རྩ་ཆེན་ཡིན་པ་མ་ཤེས།།
རྐང་འོག་གི་རྡེའུ།།
དཔྲལ་བར་འཕར་བ།།
རྐང་པ་ཆུ་ལ་མ་རེག་པར།།
ཉ་མོ་ལག་པས་འཛིན་ཐབས་མེད།།
རྐང་ཆུང་གོམ་པ་མ་བརྟན་ན།།
མཐོན་པོའི་མགོ་བོ་ས་ལ་རྡེབ།།
རྐུ་མི་ཆོག་གསུང་མི་དཔོན་པོ་དང༌།།
རྒྱུ་མནངས་ཆེན་དགོས་མི་དཔོན་པོ་རེད།།
རྐུ་རྒྱུས་ཡོད་ཀྱིས་བྱེད།།
རྫུན་རྒྱུས་མེད་ཀྱིས་ཤོད།།
རྐུན་མ་ནང་ལ་བཞག།
སྒོ་ལྕགས་ཕྱི་ལ་བརྒྱབ།།
རྐུན་མ་ལ་དཔག་པའི་ཆོག་ཤེས།།
རྐུན་མ་ཨ་ཡག་གིས་བརྐུས།།
ཁག་འ་གག་ལ་བཞག།
རྐུན་མ་ཁ་སྐྱེངས་ཀྱིས་མི་གསོད།།
ཁྱི་ཁ་སྐྱེངས་ཀྱིས་ཆུ་འཐུང༌།།
རྐུན་ཇག་བཟུང་ན་གཏེ་པོ་ཟུངས།།
རྩྭ་ངན་བཀོག་ན་རྩ་བ་འདོན།།
རྐུན་མ་ལ་དཔའ་དར།།
སྤྱང་ཀི་ལ་ཚེ་ཐར།།
རྐུན་པོར་རྫུ་འཕྲུལ་གྱི་སྟོབས་ཡོད་ཀྱང༌།།
བདག་པོར་ཡེ་ཤེས་ཀྱི་སྤྱན་ཡོད།།
རྐུན་པོ་གཡག་ལ་དགའ།།
བླ་མ་རོ་ལ་དགའ།།
རྐུན་པོས་གཡག་ལ་བཞོན།།
གཡག་མགོས་རྟ་རྒྱུག་བཏང༌།།
རྐུན་པོས་ཁྲིད་པའི་བ་མོ།།
རྐུན་མ་རྐུན་ཟོག་ཆེ།།
རྐུན་མ་མི་ཤོར་བ་དགོས།།
རྐུན་རྩལ་མི་ཆོད་པ་དགའ།།
རྐུན་མ་ཧམ་ཆེན་གྱིས་མི་གསོད།།
རྐུན་མ་དང་སངས་རྒྱས་གར་ཡོད་མི་ཤེས།།
རྐུན་མ་ལང་ཤོར་མི་གྲལ་ལ་མི་ཚུད།།
རྐུན་མ་ལ་ཇག་པ་ཤོར།།
རྐུ་སེམས་ལ་བཅངས་ན་ཐོབ་རྒྱུན་མི་ཆད།།
རྐུབ་ཁ་བྲལ་ལ་མི་ཚུད།།
ཌ་རུ་རྔ་གྲལ་ལ་མི་ཚུད།།
རྐྱང་ཁ་དཀར་བཟུང་ནས་བློ་རྟ་བྱས།།
འབྲོང་བྲེ་སེར་བཟུང་ནས་སྒོ་ཟོག་བྱས།།
རྐྱང་ཕོ་ཧྲེང་ལ་ཆུ་མི་རག།
མི་ཕོ་ཧྲེང་མི་ཚེ་མི་འཁྱོལ།།
རྐྱང་ལ་རྔོ་ཤོར་ན།།
ཡས་སོ་ཅན་གྱི་བསྟན་པར་གནོད།།
རྐྱང་ལྷོ་ལ་ཤི་ཡང༌།།
མགོ་བྱང་ལ་ལྟ།།
ཀ་བའི་ལྟག་ཤེད་ཀྱིས།།
གདུང་མས་འཕྲེད་ཉལ་བརྒྱབ།།
ཀ་ར་བཞིན་དུ་དྲང་དགོས།།
ཀ་རྡོ་བཞིན་དུ་བརྟན་དགོས།།
ཀརྨ་པ་ལ་ཉེ་རིང་མེད།།
ཀ་རི་སྦོ་ཀ་རྒྱལ་གྱུར་ཅིག།
ཀ་གི་གུའི་ཡིག་ངོ་མ་ཤེས་གོང༌།།
འབུམ་ཕྲ་མ་ཀློག་འདོན་བྱེད་ཀྱི་ཟེར།།
ཀ་བར་བསྐོར་ནས་གདུང་བར་བརྡ་བཏབ།།
ཀ་ར་མེད་ན་གུར་མི་འབུབས།།
འབངས་དང་བྲལ་ན་དོན་མི་འགྲུབ།།
ཀ་བར་འཇག་མའི་ལྷན་པ།།
ཀ་ལིས་གནམ་ཆུ་བསྐུགས།།
སྒལ་ཚིགས་བྱེ་མས་ཁེངས།།
ཀི་ཧོར་པས་བརྒྱབ་རྒྱུ་ཧོར་མོས་བརྒྱབ།།
ཁྱི་བདག་པོས་འགོག་རྒྱུ་མགྲོན་པོས་བཀག།
ཀུན་ལ་མཐུན་པའི་སེམས་དང༌།།
འགྲོགས་ལ་མཐུན་པའི་ཚིག་དགོས།།
ཀུན་དང་མཐུན་པ་མི་ཆོས་རྩ་བ་ཡིན།།
ཀུག་ཀུག་ན་ཆག་འགྲོ།
འཐེན་འཐེན་ན་ཆད་འགྲོ།
ཀེར་ལེབ་སྒུར་གསུམ་གྱི་བདག་པོ་ལས།།
ལུས་ངག་ཡིད་གསུམ་གྱི་སྡོམ་པ་དགའ།།
ཀེར་ཀེར་གྱི་ཕྱག་དང་སྒུར་སྒུར་གྱི་ཞུ་འབུལ།།
ཀོ་གྲུ་སྔ་བཙན་དང་བཀའ་ཤོག་རྗེས་བཙན།།
ཀོ་བ་སྐམ་ན་ཆུ་ལ་སྦོངས།།
ངན་པ་ལང་ཤོར་བཙོན་ལ་ཆུག།
ཀོ་བ་གཅིག་ནས་དྲས་པའི་རྒྱུན་བུ་དང༌།།
ཤ་ཁོག་གཅིག་ནས་གཏུབས་པའི་ཏིག་ག།
ཀོ་ཀོ་གཡག་ལ་རེ་མི་དགོས།།
རྒྱ་ཚ་གླང་གི་ཀོ་བ་ཡོད།།
ཀོ་བ་སྐམ་པོས་སྐུད་མི་ལེན།།
སྦང་མ་རློན་པས་ཆུ་མི་ལེན།།
ཀོ་གླ་སྤྲོད་རྒྱུ་དང༌།།
རྒྱབ་ཆུ་བརྒལ་རྒྱུ།།
ཀོ་གྱོང་ཆུ་ལ་སྦངས་ནས་བངས་སྲིད་ཀྱང༌།།
རྡོ་ཆུ་ལ་སྦངས་ཀྱང་བངས་མི་སྲིད།།
ཀོང་པོ་ཀླུ་ནང་དུ་སླེབས་དུས།།
ཨ་ཇོས་ཕ་ཡུལ་མི་དྲན།།
ཀོང་བོ་བ་འདྲ་བ་ཡིན་ཀྱང༌།།
མར་ལྟང་འདྲ་འདྲ་འགྱོགས་མི་ཐུབ།།
ཀྱག་ཀྱག་ཤིག་ལ་བྱས་ན།།
བེམ་པོ་མེ་སྲེག་ཐེབས་ཡོང༌།།
ཀྱག་ཀྱོག་གི་ལམ་མ་འགྲིམ་པར།།
ཙ་རིའི་གནས་ཆེན་སྐོར་མི་ཐུབ།།
དཀའ་ལས་སྐྱ་བས་བརྒྱབ།།
ལོངས་སྤྱོད་གཟར་བུས་བཏང༌།།
དཀའ་ལས་སྔོན་ལ་རྒྱོབ།།
སྐྱིད་པོ་རྗེས་ལ་གཏོང༌།།
དཀའ་ལས་རི་ཙམ་བརྒྱབ་པ་ལས།།
སྤྲེལ་ལད་ཚིག་གཅིག་བཤད་ན་དགའ།།
དཀའ་བ་དང་དུ་ལོངས།།
ལྩི་བ་རྒྱབ་ཏུ་ཁུར།།
དཀའ་བའི་ལས་ཤིག་མ་བྱས་ན།།
ཞིམ་པའི་ཟས་ཤིག་ག་ལ་རག།
དཀའ་སྤྱད་བཟོད་ཐུབ་ན།།
བྱ་བ་ལོས་ཀྱིས་གྲུབ།།
དཀའ་ངལ་ཆེ་དུས་གཡོ་ཟོལ་མི་བྱེད།།
བདེ་སྐྱིད་བྱུང་སྐབས་བག་ཕེབས་བྱ་དགོས།།
དཀའ་བའི་བྲག་དང་མ་ཐུག་ན།།
བདེ་བའི་སྤང་ལ་སླེབས་མི་ཐུབ།།
དཀའ་ལས་རང་གིས་བརྒྱབ།།
ལོངས་སྤྱོད་མི་ཡིས་བཏང༌།།
དཀའ་ལས་བརྒྱབ་པའི་དཀའ་ཆང་དང༌།།
མཛོ་ཕོ་བསད་པའི་སྡིག་གླ།།
དཀའ་ལས་མ་བརྒྱབ་པར་དངོས་གྲུབ་ག་ནས་ཡོང༌།།
དཀའ་བའི་དུས་སུ་གྲོགས་པོའི་བཟང་ངན་རྟོགས།།
འདམ་རྫབ་ནང་ནས་རྟ་ཕོའི་ཤེད་ཤུགས་ཤེས།།
དཀར་དཀར་སྣམ་བུའི་ཚོན་མདོག་རེད་མ་གཏོགས།།
ཁྲ་ཁྲ་ཚོན་རིས་ཀྱི་གཡབ་གོས་མ་རེད།།
དཀར་ཤག་བང་བ་རྒྱོང་དགོས་ན།།
ལྗང་ཕྲུག་རྐོ་མས་གསོ་གལ་ཆེ།།
དཀར་མོ་ནས་ཀྱི་གོང་ཐང་ཆོད་ཚར་ན།།
གྲོ་དང་སྲན་མའི་གོང་ཐང་ཤོད་མ་དགོས།།
དཀར་ཡོལ་ཆག་ཀྱང་རི་མོ་བློ་ལ་ངེས།།
དཀར་པོ་གྱེན་འདེད་དང༌།།
ནག་པོ་ཐུར་འདེད།།
དཀར་པོ་བཏབ་སར་དཀར་པོ་དང༌།།
ནག་པོ་བཏབ་སར་ནག་པོ་ཡོང༌།།
དཀོན་མཆོག་གིས་ལམ་གང་བསྟན་དང༌།།
བྱིས་པས་ཁྱི་གང་བཀག་ལས་མེད་པ།།
ཁ་བ་བབས་པས་ཡག།
ཁ་ཤུལ་ཉི་མ་དྲོ།།
ཁ་ནས་དགྲ་མ་སོག།
ཁོག་ནས་རྩིས་རྒྱོབ།།
ཁ་བ་བབས་ན་ཉི་སྲིབ་དང་།།
ཉི་མ་ཤར་ནས་ན་ཕུ་མདའ་མེད།།
ཁ་མ་བསྲེས་ན།།ཆམ་པ་འགོས་དོན་མེད།།
ཁ་བཏགས་རིང་ནི་གང་ཡོང་།།
དཀར་ཁ་གཙང་བ་ཡག་འདྲ།།
ཁ་གཏམ་གཡུ་འབྲུག་སྐད་ལས་ཆེ།།
ལག་ལེན་ནམ་མཁའི་འཇའ་ལྟར་ཡལ།།
ཁ་ཤོབ་ཤོབ་ཤོག་བུའི་ཤོབ་ཤོབ་རེད།།
དོན་སྣག་ཚའི་རི་མོ་འབྲི་མ་རེད།།
ཁ་བཤད་ལ་ཉི་མ་ཤར།།
ལག་ལེན་ལ་མུན་པ་རུབ།།
ཁ་འཚེར་མ་ལ་མི་ཁ་སྡང་།།
ངོ་ནག་མ་ལ་ཕྲུ་གུ་བྱུང་།།
ཁ་སྟོང་ནང་གི་ལྕེ་སྟོང་།།
ལག་སྟོང་ནང་གི་ཕྱག་སྟོང་།།
ཁ་བཤད་ཆུ་ཡི་ཝུ་བ།།
ལག་ལེན་གསེར་གྱི་ཐིགས་པ།།
ཁ་མཁས་པས་བུ་ལོན་གསོས་དུས་མེད།།
རྒྱུ་འདོད་པས་སྡིག་པ་དག་དུས་མེད།།
ཁ་ཚིག་ངན་པའི་དགྲ་མ་སོག།
གནག་པ་བྱུང་ན་སེམས་ལ་ཞོག།
ཁ་བདེ་ཅན་གྱིས་ཅི་ཤོད་དང་།།
དྭངས་ཁ་ཅན་གྱིས་ཅི་ཟ།།
ཁ་ཆག་སྣ་རལ་མ་བྱུང་གོང་།།
བསམ་བློ་དྲུག་གསུམ་བཅོ་བརྒྱད་ཐོངས།།
ཁ་བདེ་པོ་མི་ཡི་དཔོན་པོ་དང་།།
ལག་བདེ་པོ་མི་ཡི་གཡོག་པོ་ཡིན།།
ཁ་བྲལ་ཡུན་རིང་ན།།
ཕ་མ་ཡིན་ཀྱང་བརྗེད།།
ཁ་ལང་ལ་ཤོར་བའི་གླུ་ཆུང་དེ།།
ཕ་ཨ་མ་ཤི་ཡང་ལྷང་ལྷང་ལེན།།
ཁ་ཕོ་སྔོན་དང་ལག་ལེན་རྗེས།།
ཁ་བཤད་མང་ངམ་ཉུང་ངམ་རུང་།།
ཡོས་ལ་འབབ་རྒྱུ་རྩམ་པ།།
ཁ་བདེ་མོས་མི་ཚེ་མི་འཁྱོལ།།
ཁ་ལ་པདྨའི་ལྷ་ཁང་བཞེངས།།
གཏིང་ལ་དགོ་རུའི་གཅུ་ཕུར་ཉར།།
ཁ་ཆུང་ཟ་མ་ཟ་འདོད་ན།།
ཨ་ར་སེར་པོས་སེར་གཡུག་རྒྱོབ།།
ཁ་དན་ཚིག་ལ་མ་གནས་ན།།།
གནམ་དྭངས་འབྲུག་སྒྲ་གྲགས་དང་མཚུངས།།
ཁ་འཇམ་གཏིང་ནག་དུག་གི་མེ་ཏོག།
ཕྱི་འཇམ་ནང་རྩུབ་བོང་བུའི་ཨོང་རིལ།།
ཁ་ཁྲས་ཁྲས་པགས་པའི་འཐེན་ཕྱོགས།།
དགའ་མི་དགའ་སྙིང་གི་རྩ་བ།།
ཁ་དང་ཁོག་པ་དྲང་པོ་གྱིས།།
ལུས་དང་ལག་པ་གཙང་མ་གྱིས།།
ཁ་མང་གྱོད་ཀྱི་རྩ་བ།།
བྱ་མང་བྱུར་གྱི་སྣ་འདྲེན།།
ཁ་ཆེ་བ་ལས།།
ཉེན་ཆུང་བ་དགའ།།
ཁ་ཁ་རོག་བསྡད་ན་ཁ་མཆུ་མེད།།
མགོ་རུམ་དུ་བཅུག་ན་ལྷགས་པ་མེད།།
ཁ་མཆུ་ཡུལ་ལ་མེད་པ་དང་།།
རྩ་བ་རང་ལ་མ་ཟུག་པ་དགོས།།
ཁ་བལ་ལས་འཇམ་པ་དང་།།
གཏིང་སོ་བ་ལས་གནག་པ།།
ཁ་མཆུ་མི་འདོད་གནམ་རྡོ་སྒོར་མོ།།
བུ་ལོན་མི་འདོད་སྔོན་གྱི་ལན་ཆགས།།
ཁ་བ་བབས་ན་ཐོག་ཁར་འབབ།།
སྐུ་མགྲོན་ཕེབས་ན་ནང་ལ་ཕེབས།།
ཁ་མཆུ་ཞག་ལ་ལུས་ན་ཕོ་ལས་མོ་མཁས།།
ཁ་མཆུ་དངུལ་གྱིས་རྒྱག་པ་ལ།།
བདེན་པ་དགོས་ཡས་མི་འདུག།
ཁ་ལ་མར་བཏུང་།།
གདོང་ལ་ཐལ་བ་བྱུག།
ཁ་ཆད་རྒྱག་མཁན་ཁ་རེད།།
རི་མོ་འབྲི་མཁན་ལག་རེད།།
ཁ་སྣའི་བར་ལ་རྫུན་ལབ།།
མཛུབ་མོའི་བར་ལ་རི་བཀབ།།
ཁ་ཆར་ཞོད་ཆེ་ལ།།
ལག་ཐན་པ་ཚ་བ།།
ཁ་ནས་ཚིག་ཤོར་ཡུ་བ་ཐུང་།།
ཡུ་བ་ཐུང་ལ་འཇུ་ས་མེད།།
ཁ་བདེ་དགོས་ཁར་ཟད།།
ལག་བདེ་དགོས་ཁར་ཆད།།
ཁ་འཐབ་བར་ལ་ལྕེ་མཆུ་སྡེམ།།
རྡོ་རྡུང་བར་ལ་མཛོག་མགོ་སྡེམ།།
ཁ་ཤས་ལྷ་ཁང་བསམས་ནས་ཡོང་།།
ཁ་ཤས་ཞལ་ཟས་བསམས་ནས་ཡོང་།།
ཁ་མཆུ་ཏོ་ཟུར་གསུམ་གྱིས་རྫུན་མ་ལབ།།
ལག་མཛུབ་མོ་བཅུ་ཡིས་རྐུ་མ་བྱེད།།།
ཁ་དཀར་རྐྱང་ལ་རྔོ་བརྒྱབ་ན།།
ཡས་སོ་ཅན་གྱི་ལ་རྒྱར་གནོད།།
ཁ་བསངས་ན་གོ་བདེ།།ནམ་གསལ་ན་འགྲོ་བདེ་།།
ཁ་རྒན་འདི་ལ་རྩེབ་རྩེབ།།
ཉ་རྒན་ཆུ་ལ་གཤིབ་གཤིབ།།
ཁ་ཕོ་རུས་མེད་ཀྱང་གོང་ང་།།
སྐེ་རུས་པ་མེད་ཀྱང་ཀྲོང་ཀྲོང་།།
ཁ་བདེ་པོའི་རྒྱབ་ལ་རྒྱུ་ཞིག་དགོས།།
ཁ་རིན་པོ་ཆེ་ལུས་དལ་དུ་ཆུགས།།
ཁ་རྗེ་ལ་བུ་ཡོད་ཀྱང་།།
དབང་ཐང་ལ་ནུ་མ་བསྐམས།།
ཁ་ནས་ཐོན་པའི་སྨྲ་བ་དེ།།
སླར་དུ་བསྡུ་བའི་ཐབས་ནི་མེད།།
ཁ་རོག་བསྡད་ན་བུ་མོ་ལྐུགས་མ་ཟེར།།
གནས་ལུགས་བཤད་ན་བུ་མོའི་འཕེར་ཤ་ཟེར།།
ཁ་ཏ་ཞོ་བསྙལ་བསྙལ་ལ།།
ཆག་སྒོ་ཆང་ལངས་ལངས།།
ཁ་ལོག་ལ་ཕྱི་ལོག་བྱ་རྒྱུ་མེད།།
ལམ་ལོག་ལ་ཕྱི་ལོག་བྱ་རྒྱུ་མེད།།
ཁ་རྨ་གསོ་དཀའ།།
ལག་རྨ་གསོ་བདེ།།
ཁྭ་ཏ་ནག་པོའི་སྡིག་སྒྲིབ་ཀྱིས།།
ངང་པ་སེར་པོ་འདམ་ལ་ཟུག།
ཁ་དན་ཚིག་ལ་མ་གནས་ན།།
སྐྱེད་མ་ཡིན་ཀྱང་ཡིད་མ་ཆེས།།
ཁ་རླངས་ཤིག་གིས་དྲོས།།
བྱ་གྲིབ་ཅིག་གིས་འཁྱགས།།
ཁ་སོ་གཅིག་གིས་མི་ཡི་ཞིང་བཟས་ནས།།
ཁ་སོ་ཡོངས་ཀྱིས་འགྲོ་བའི་ལམ་བུ་བཀག།
ཁ་ཟས་སྤང་ནས་བཟས།།རིལ་མ་ནགས་སུ་བཏང་།།
ཁ་ཟས་ལུས་གྱོན་མེད་ཀྱང་།།
ལ་རྒྱ་རྣམ་ཤེས་མི་འཚོང་།།
ཁ་ཏིག་གི་རོ་མ་མྱངས་ན།།
མངར་མོའི་རོ་ངོ་མི་ཤེས།།
ཁ་མངར་ལྐུགས་པའི་སེམས་ལ་གསལ།།
བྱམས་སྡང་བྱིས་པའི་ཡིད་ལ་འཁོར།།
ཁ་ལ་ཟ་འདོད་ན།།
ལག་པས་ལས་ཀ་བྱེད།།
ཁ་ཟ་འདོད་ཀྱི་ཚོགས་འཁོར་དང་།།
གླུ་གཏོང་འདོད་ཀྱི་མགུར།།
ཁ་ཐབས་ཀྱིས་མེ་ཁ་གསོས་པར།།
བློ་རིག་གི་མང་ཇ།།
ཁ་དོག་དགོན་སར་ལོ་ལེགས་ན།།
འཛམ་བུ་གླིང་ལ་ལྟས་ངན།།
ཁ་ཡ་རབས་ཀྱིས་མིན་མིན།།
ལག་མ་རབས་ཀྱིས་རྐྱོང་ཙམ་རྐྱོང་ཙམ།།
ཁ་ཡག་གི་ཁ་དང་བསྟུན།།
ངོ་ཡག་གི་ངོ་དང་བསྟུན།།
ཁ་གང་གཏད་ལ་བཀྲ་མི་ཤིས།།
རྐུབ་གང་གཏད་ལ་རྩྭ་མི་སྐྱེ།།
ཁ་ཤས་བླ་མ་བསམས།།
ཁ་ཤས་གཏོར་མ་བསམས།།
ཁ་ནོར་ལམ་་ནོར་གཉིས་དེ།།
ཉེས་རྡུང་གཟེད་པའི་གཞི་མ་རེད།།
ཁ་པགས་གླིང་གི་ཞྭ་མོ་དེ།།
མགོ་འཁྱགས་ན་མ་གོན་ཀ་མེད།།
ཁ་བ་མགོ་ཐོག་ཏུ་བབས་ན།།
རྦད་མགོས་གཡབ་གཡབ།།
ཁ་ནས་ཨ་ཙི་ཟེར།།
གཏིང་ནས་ཇུས་ངན་བཏོན།།
ཁ་དཀར་རྐྱང་ལ་ཁ་ལོ་མེད།།
བྲེ་སེར་འབྲོང་ལ་སྣ་ལོ་མེད།།
ཁ་ས་རྣ་གཡག་མཆོངས་སར།།
དེ་རིང་པ་ཕས་མཆོངས།།
ཁ་གནམ་ལ་ལྟ་རིང་།།
རྐུབ་ཕོ་རོག་གིས་འདྲུས།།
ཁ་བ་ཉིན་མཚན་བཅོ་བརྒྱད་བབས་ཀྱང་།།
བྱེའུ་ཅོ་ཀ་ཁྲ་མོའི་སྐད་ལ་འགྱུར་བ་མེད།།
ཁ་ཟུར་བཞུ་མར་བཞུ་རྫས།།
ཌམ་ཁ་བརྒྱ་ལས་ལྷག་པ།།
ཁ་ནང་གི་རྨ་ཁ་ཁ་ནང་ལ་གསོས།།
ཁྱིམ་ནང་གི་ཁ་རྩོད་ཁྱིམ་ནང་ཞི།།
ཁ་འཚིགས་པ་ལག་པས་མ་བཟོད།།
ཁ་སོ་པགས་པས་མི་འདུམ།།
ཁ་བུ་རམ་ལས་མངར་བ།།
གཏིང་སོལ་བ་ལས་གནག་པ།།
ཁ་བདེ་པོས་བཤད་ན་རི་མགོ་འཇོག་འཇོག།ལ
ག་བདེ་པོས་མཉེས་ན་རྫ་ཀྱོག་སྐེད་པ་ལྡེམ་ལྡེམ།།
ཁ་ལག་གཙང་མའི་མཆོད་པ་དེ།།
དམ་ཚིག་གཙང་མའི་གནས་ལ་ཕུལ།།
ཁ་གཅིག་ལ་ཁོག་པ་མི་གཅིག།
སྔས་གཅིག་ལ་རྨི་ལམ་མི་གཅིག།
ཁ་གཅིག་ལྕེ་གཉིས།།
གཏམ་གཅིག་དོན་གཉིས།།
ཁ་དབང་ཡོད་ཀྱང་རང་དབང་མེད།།
མཛོད་ཁང་ཡོད་ཀྱང་ལྡེ་མིག་མེད།།
ཁ་འཆམ་གྲོས་འགྲིགས་གསེར་གྱི་ནོར་བུ།།
ཁ་ཐོར་དཀྲུག་ཤིང་སྙིང་གི་རལ་གྲི།།
ཁ་དང་ཁ་སྦུ་དབྱེ་འབྱེད།།
ནོར་དང་བུ་ཚ་དབྱེ་འབྱེད།།
ཁ་ཆེ་རུང་སྣ་བའི་འོག་ཏུ་ཡོད།།
ཆུ་ཆེ་རུང་ཟམ་པའི་འོག་ལ་ཡོད།།
ཁ་ཆེའི་ཁ་ལ་མ་བལྟ།།
ཁ་ཆེའི་ལྟོ་ལ་ལྟོས།།
ཁ་མཆུ་ཁ་ཡིས་བརྒྱབ་པ་ལ།།
རྐུབ་ཁྱོད་སྡུག་བསྐུམ་བཙུམ་ནས་སྡོད།།
ཁ་ཡག་གི་ཁ་ལ་མ་བལྟ།།
ངོ་ཡག་གི་ངོ་ལ་མ་བལྟ།།
ཁ་ལ་སོ་མེད་ན་ལྕེ་གུ་ཡངས།།
ཁ་མང་གྲོང་པའི་དཀྲུགས་ཤིང་།།
བྱ་མང་མི་ཁའི་གཞི་མ།།
ཁ་འཚེར་གྱིས་སྐྱོབ་མི་ཐུབ།།
དར་ར་བཏུངས་པས་སྐོམ་མི་སོས།།
ཁ་དང་མ་ཐུག་སྣ་དང་ཐུག།
ཁ་ཡ་རབས།།
སྤྱོད་པ་མ་རབས།།
ཁ་བཟང་ན་ཚིག་རྩུབ་མི་སྨྲ།།
སྤྱོད་བཟང་ན་སེམས་ངན་མི་སྐྱེ།།
ཁ་བཤད་དོན་ལ་གནས་དགོས།།
ཁབ་ཤུལ་སྐུད་པས་བཀང་དགོས།།
ཁ་ནས་སྨྲས་ན་སྨན་ཡིན།།
ཁོག་ཏུ་ཉར་ན་དུག་ཡིན།།
ཁ་ཚ་བའི་གཏམ་དེ་རྣ་ལ་ཚ།།
རྣ་ཚ་བའི་གཏམ་དེ་ཤ་་ཚ་ཆེ།།
ཁ་ནས་མ་ཎི་འདོན།།
ལག་ཏུ་ཤན་གྲི་འཕྱར།།
ཁ་ཡིས་སྟག་གསོད།།
ལག་གིས་ལྗི་བ་མི་ཐེག།
ཁ་ལ་དཔག་པའི་སོ་དང་།།
མགོ་ལ་སྤམ་པའི་ཞྭ་མོ།།
ཁ་ཡིས་ཆོས་བཤད།།
ལག་གིས་མི་གསོད།།
ཁ་རྩོད་འདི་ཡིན་བསམ་པ་མ་བརྒྱབ་ན།།
བརྩེ་གདུང་གཅིག་སེམས་གཅིག་སྒྲིལ་ཡོང་བ་དཀའ།།
ཁ་རྩོད་རྒྱག་པར་ཁོག་པ་ཡངས་པོ་དགོས།།
རྟ་རྒོད་འཁྲིད་པར་ཐུར་ཐག་རིང་པོ་དགོས།།
ཁ་ཡོད་རུང་བཤད་དབང་མེད།།
མིག་ཡོད་རུང་བལྟ་དབང་མེད།།
ཁྭ་ཏ་སྐད་མི་སྙན་ཡང་རྒྱག་དགོས།།
རི་བོང་ལུས་སྟོབས་མེད་ཀྱང་རྒྱུག་དགོས།།
ཁྭ་ཏ་བསད་ན་ཕོ་རོག་སྐྱོ།།
ཁང་བཟང་རྒྱག་པ་ལས།།
ཞིང་བཟང་འདེབས་པ་དགའ།།
ཁང་པ་གྲུ་བཞི་ཤོ་འདྲའི་ནང་དུ།།
བསམ་བློ་སྒོར་མོ་རྔ་འདྲ་ཐོངས།།
ཁང་པ་མཐོ་བ་ལས།།
རྩིག་རྨང་བརྟན་པ་དགའ།།
ཁབ་ཀྱི་རྗེས་སུ་སྐུད་པ་འགྲོ་ཤག་ཤག།
ཁབ་རྒྱུས་མགར་བ་དང་།།
ཆུ་རྒྱུས་མཉན་པ་ཟབ།།
ཁབ་རྣོ་ཡང་གོང་ངའི་འོག།
གཏམ་རྣོ་ཡང་དོན་དངོས་འོག།
ཁབ་འཚེམ་མངགས།།
སྦུད་པ་དབུགས་མངགས།།
ཁབ་ཤུལ་སྐུད་པས་མ་ཁེངས་ཀྱང་།།
ཁབ་མིག་སྟོང་པར་མ་ལུས་པ།།
ཁབ་ཤུལ་སྐུད་པས་གང་ནོན།།
ཁབ་བརླག་དགོས་ཀྱི་གྲུ་གུ་གང་།།
གྲུ་གུ་བརླག་དོགས་ཀྱིས་གདང་ལ་བཀལ།།
ཁབ་ཀྱིས་མནའ་མ་ཟོས།།
སྐུད་པས་ཁྲེལ་མ་གཡུགས།།
ཁབ་བརླག་དུས་ཚ་གི་ཚིག་གི།
མཛོ་བརླག་དུས་འབར་རེ་འབུ་རེ།།
ཁབ་མིག་གིས་ནམ་མཁའི་ཚད་འཇལ།།
ཁབ་རྐུ་བའི་སྙིང་གིས།།
གཡག་རྐུ་བའི་དཔེ།།
ཁམ་བུ་ཟ་འདོད་མ་རེད།།
སྐྱུར་མོ་སློང་འདོད་རེད།།
ཁམ་བུ་ཟ་འདོད་མ་རེད།།
ཡལ་ག་གཅོད་འདོད་རེད།།
ཁམས་མོས་གཡོག་མི་ཟ།།
གཡོག་གླས་ཁམས་མོ་ཟ།།
ཁལ་བོང་བུས་འཁྱེར་བར།།
རྒྱ་ལམ་སྐེད་པ་ན་དགོས་མེད།།
ཁལ་ཁུར་བགྱིད་བསམས་ནས་སྟེང་རྩེགས།།
འགྲོས་རྒྱག་བགྱིད་བསམས་ནས་ཡོབ་རྡུང་།།
ཁལ་གསུམ་ཐེག་པའི་བོང་བུའི་ལུས་དང་།།
ནམ་ཚོད་འཐིང་པའི་བྱ་ཕོས་ལུས།།
ཁལ་རང་ཐོག་འཁེལ་ན།།
རྟ་ལས་བོང་བུ་མགྱོགས།།
ཁས་གོང་བར་བཤད།།
གོང་བས་ཆ་གར་བཤད།།
ཆ་གས་ས་གཞི་ཁྱབ།།
ཁས་ལེན་རང་གིས་བྱས་པ་དེ།།
ཁྲིམས་དཔོན་ཡིན་ཡང་བྱོལ་ཐབས་མེད།།
ཁས་ལེན་མ་མང་།།
གྲགས་པར་གནོད་ཡོང་།།
ཁས་རྩམ་པ་འགམས།།
རྐུབ་ཀྱིས་གླིང་བུ་བཏང་།།
ཁས་སུ་ལེན་པ་སླ་རུང་།།
དོན་དུ་འགྲུབ་པ་དཀའ།།
ཁས་མེ་ལྟར་བླངས།།
ཐེབས་ཆུ་ལྟར་བཅག།
ཁས་བྱ་ཟིན་ལག་པས་ཉ་ཟིན།།
ཁུ་བ་དྭངས་ཁར་མི་འགྲོ་ཡང་།།
བག་ཚ་བློས་ཀྱིས་མི་གཏོང་།།
ཁུ་ཚུར་ཆེན་པོ་མི་ལ་བརྒྱབ།།
ངུ་འབོད་ཆེན་པོ་རང་གིས་བྱས།།
ཁེ་ཉེན་རང་ལག་ཏུ་ཡོད་དུས།།
བླང་དོར་གྱི་འདེམས་ཁ་མ་ལོག་པ་དགོས།།
ཁེ་གཅིག་དགོས་ན་གྱོང་གཅིག་འཁུར།།
ཁེ་འདོད་ཀྱི་ཚོང་དང་།།
དང་འདོད་ཀྱི་སྐོར་བ།།
ཁེ་འདོད་ན་སྤུ་ཐོགས།།
གཅིག་ཤུལ་ལ་གཉིས་སྐྱེས།།
ཁེ་དང་རྒྱལ་ཁ་གཞན་ལ་སྤྲོད།།
གྱོང་དང་ཕམ་ཁ་རང་གིས་ལེན།།
ཁོག་མའི་ནང་ལ་ཡོད་ན།།
གཟར་བུའི་ནང་ལ་ཡོད།།
ཁོག་མའི་ནང་དུ་མ་ལུས་པ་དང་།།
གཟར་བུའི་ལྡེབས་ལ་མ་འགོས་པ།།
ཁོག་མ་ལ་མེ་ཏོག་ལེགས་ཀྱང་།།
མཛོག་མགོ་ནས་སད་ཀྱིས་ཁྱེར།།
ཁོག་ནང་མེ་འབར་ཡང་།།
ཁ་ནས་དུ་བ་མི་ཐོན་པ།།
ཁོག་པ་གཤགས་རུང་དུང་དཀར་ཡིན།།
ཁྲག་རྩ་བཅད་རུང་འོ་མ་ཡིན།།
ཁོག་ལ་ནད་མེད་ན།།
གདོང་ལ་དྲེག་པ་ཆགས་དོན་མེད།།
ཁོག་དྲོད་ཡོད་ནས་ཞོགས་ཆུ་བརྒལ།།
ཁོང་ཁྲོ་གཡག་ལ་ཟ།།
རྡོག་རྒྱག་རྟ་ལ་གཞུས།།
ཁོང་ཁྲོའི་རྗེས་ལ་འགྲོ་མཁན་སྨྱོན་པ་ཡིན།།
ཁོང་ཁྲོ་སློང་མཁན་མེད་ན།།
བཟོད་པ་སུ་ལ་སྒོམས།།
ཁོང་ཁྲོས་ཁོང་ཁྲོ་འདུལ་མི་ཐུབ།།
ཁྱི་བདག་པོས་གཅུན།།
སྐུ་མགྲོན་པོས་གཅུན།།
ཁྱི་མཐོང་དུས་རྡོ་བཙལ།།
འུ་ཐུག་དུས་ཉེ་བཙལ།།
ཁྱི་མ་ཐུབ་ཐོགས།།
མི་མ་ཐུབ་གཏོང་།།
ཁྱི་མང་ཁ་བསྒྲིལ་ན་འབྲོང་གསོད།།
ཁྱི་ནག་གི་དོན་ལ།།
རྟ་དཀར་གྱི་རྨིག་བུད།།
ཁྱི་བདག་པོས་འགོག་རྒྱུ་མགྲོན་པོས།།
གཏམ་ཨ་ཕས་གཏོང་རྒྱུ་ཨ་མས།།
ཁྱི་བདག་པོས་འགོག་པ།།
ལྕགས་སྐམ་པས་འཆུན་པ།།
ཁྱི་དང་བུད་མེད་ཕྲུ་གུ་གསུམ།།
ཁ་མཆུ་སློང་བའི་གཞི་རྩ་ཡིན།།
ཁྱི་ཕྲུ་གུ་གཉིས་ཀྱིས་ཉེ་ངོ་ཤེས།།
བྱ་རི་དྭགས་གཉིས་ཀྱིས་དགྲ་ངོ་ཤེས།།
ཁྱི་རྒན་ཤ་ལ་རྒྱུག་ན།།
ཁྱི་ཕྲུག་རང་ལ་རྒྱུག་པ།།
ཁྱི་མི་རྨུགས་དཀའ་མེད་རྐུ་མས་སྒོ་རྡུང་།།
ཝ་མི་རྒྱལ་དཀའ་མེད་ལྷ་འདྲའི་འགྲམ་ལྕག།
ཁྱི་མཐུ་བོ་ཕྱི་ཡི་ལྕགས་རི་འདྲ།།
མཐུ་དྲགས་ན་སྒོ་རྩ་རྡོ་ཡིས་ཁེངས།།
ཁྱི་རྒན་གས་ཁུག་ཚུད་ན།།
མཆེ་བ་མི་འདོན་ཀ་མེད།།
ཁྱི་སྤྲང་སྦྱིན་སར་སྙེག།
ཁྱི་མོས་མཇུག་མ་མ་བསྒྲིལ་ན།།
ཁྱི་ཕོས་རྣ་ཅོག་ཀེར་དོན་མེད།།
ཁྱི་དང་ཝ་མོ་ཁ་མཐུན་བྱས།།
ཞི་མིའི་སྐེ་ལ་གཡེར་ཁ་གཡོགས།།
ཁྱི་རྒན་རུས་བཟུང་དང་།།
མི་རྒན་མགོ་མཁྲེགས།།
ཁྱི་གཞུ་གུ་བཟང་ཡང་རང་གི་སྣ།།
ཁྱི་མོས་མཇུག་མ་རིལ་རིལ་བྱེད་པ་དེ།།
སྤགས་ཀྱི་ལྟོགས་སླ་མིན་ན་ཅི།།
ཁྱི་ལ་འཚོ་རྒྱུ་གཞུ་གུ།
ཁྱི་མེད་ན་ཕག་པས་རུས་པ་འབྲད།
།ཁྱི་ཉར་སར་མཇུག་མ་མ་ལུས་པ།།
ཁྱི་ཁུག་ལ་བཀར་དྲགས་ན།།
ཡོང་རྒྱུ་ཁ་ལོག་ལས་མེད།།
ཁྱི་ལྷ་ཁང་དུ་འཛུལ་བ།།
ཞལ་ཟས་ཀྱི་ལྟོགས་སླ།།
ཁྱི་འཁྱམ་མི་རོ་ཟོས་ཟོས་ཀྱིས།།
བདག་པོའི་གདོང་ལ་ལྟ་རྫིག་རྫིག།
ཁྱི་རྒན་རྒྱགས་ཤ་ལངས་ན།།
སྤགས་ལ་འགབ་ཡུལ་བཏང་ནས་འགྲོ།།
ཁྱི་ངན་པས་ལུང་པ་ཀུ་ཅོས་འགེངས།།
མི་ངན་པས་ཡུལ་སྡེ་ཕུང་ལ་སྦྱོར།།
ཁྱི་ངན་བྱུང་ན་བེར་ཀ་སྣ་ལ་གཞུས།།
ཁྱི་སྨྱོ་ཡང་བདག་པོ་ངོ་ཤེས།།
མི་བཟི་ཡང་རྩིས་རིག་པས་ཟིན།།
ཁྱི་རྒན་ཁེར་འགྲོ་རྡོ་དང་ཐུག།
འཕར་སྤྱང་དཔུང་བསྒྲིལ་ཤ་དང་འཕྲད།།
ཁྱི་ཁྲག་ལ་མི་དགའ་བ་དང་།།
མི་རྒྱུ་ལ་མི་དགའ་བ་མེད།།
ཁྱི་བརྡུངས་ཀྱང་ཕག་མ་འདྲོགས།།
ཁྱི་ལུས་དར་གྱིས་བཏུམས་ཀྱང་།།
དྲི་ངན་ཕྱི་ལ་བྲོམ་ཡོང་།།
ཁྱི་གཅིག་གི་གྱོད་ལ།།
སྤུ་ཡོད་པ་ཕྱི་ལ་བཏོན།།
ཁྱི་ཕྲུག་ཚང་གི་སྒོ་འགྲམ་ན།།
སེང་གེ་ཡིན་ཡང་དོགས་ཟོན་དགོས།།
ཁྱིའི་ཁ་ལ་ཤ་གཡུགས་ན།།
མ་ཟོས་པ་ག་ལ་ཡོད།།
ཁྱི་འཛིང་ཤོར་ཡང་།།
ཁྱི་ལྤགས་མི་རལ།།
ཁྱིའི་ཁ་ནས་མར་ཀོ་འཕྲོག།
ཁྱི་རྩིག་ཁུག་ལ་བཀར་ན་ཁ་ལོག།
ཁྱི་ཉམས་སྤྲང་པོས་ལོན་ནས་རྒྱུག་པ་ཕྲེད་གཟེར།།
ཆུ་ཉམས་མཉན་པས་ལོན་ནས་ཀོ་བ་ཕྲེད་གཅོད།།
ཁྱི་ལ་སེང་གེའི་མིང་བཏགས།།
ཁྱི་ཚེ་རིང་ཡང་ལོ་དགུ།
ཁྱི་ཤི་ན་ཕོ་རོག་གི་གྲོག།
ཁྱི་རུས་སྒོ་གསང་ནས་ཤོར།།
ཨ་མར་མཆོད་གནས་ཤོར།།
ཁྱི་ལག་པ་ཆག་པའི་སྐད་ངན།།
ཁྱི་ལ་སྤགས་ཀྱི་སྡིག་སྒྲ།།
ཁྱི་དང་ཉེ་ན་རྨ་དང་ཉེ།།
ཁྱི་དེད་ན་ལམ་ལ་མི་འགྲོ།།
ཁྱིའི་མཐོང་ལས་མེད་པར་རིའི་འཁུར།།
ཁྱིམ་འཛུགས་རྒྱུ་སླ།།
ཤུལ་སྐྱོང་རྒྱུ་དགའ།།
ཁྱིམ་བདག་པོས་གཅེས།།
མགྲོན་གནས་མོས་གཅུན།།
ཁྱིམ་ཚང་གཅིག་གི་མི་དང་།།
ཕ་མ་གཅིག་གི་སྤུན།།
ཁྱིམ་མཚེས་དུ་བ་གདང་འབྲེལ།།
སྒོ་ཕྱོགས་ལོག་ཀྱང་ཐོག་འབྲེལ།།
ཁྱིམ་མཚེས་ཞེ་སྡང་མེད་ན།།
གྲོང་ལ་ཡར་རྒྱས་མེད།།
ཁྱིས་ཕར་ཟུག་མེད་པར།།
གླ་ཕོས་ཚུར་ཟུག།
ཁྱིས་རྒྱ་ནག་བཀོར་བ།།
ཁྱུང་གི་སྒོ་ང་ལེན་འདོད་ན།།
དེ་ལ་འཐབ་པའི་དཔའ་རྩལ་དགོས།།
ཁྱུང་ཆེན་རྙི་ལ་འཛིན་ཐབས་མེད།།
རྒྱ་སྟག་ཐག་པས་འདོགས་ཐབས་མེད།།
ཁྱེད་ཀྱིས་མ་མཐོང་ཤེས་བྱ་མང་།།
བོང་བུས་མ་ཕྱིན་ལམ་འཕྲང་མང་།།
ཁྱེད་རྒྱུས་ང་དང་ང་རྒྱུས་ཁྱེད།།
ཁྱོ་གའི་ལག་དང་།།
ཨ་ལྕེའི་ཁ།།
ཁྱོ་ཕྱུག་ཆུང་མ་གྲུང་།།
བལ་འཇམ་སྣམ་བུ་ལེགས།།
ཁྱོ་ག་རི་རྒྱུག་རྐུ་རྒྱག་དང་།།
སྐྱེས་དམན་ནང་སྡོད་སྨད་ཚོང་།།
ཁྱོད་རྩངས་པ་ཁ་རལ་ཀླུང་ལ་བབས་ན་ཆུ་མི་འཐུང་།།
ང་ཆུ་ནང་ཉ་མོ་སྐམ་ལ་ཐོན་ན་རྩྭ་མི་ཟ།།
ཁྱོད་ཀྱི་རྐང་རྗེས་ལས།།
ངའི་རྐུབ་རྗེས་མང་།།
ཁྱོད་ཀླུ་ཡི་རྒྱལ་པོ་བུ་དྷ་ར་ཡིན་ན།།
ང་བྱུ་ཁུང་གི་རྒྱལ་པོ་གྷ་རུ་ཌ་ཡིན།།
ཁྱོད་ཀྱིས་ལམ་ལ་སྐྱོད་པ་ལས།།
ང་ཡིས་ཟམ་པ་བརྒལ་བ་མང་།།
ཁྱོད་ཀྱིས་འབྲས་བཟས་པ་ལས་ངས་ཚྭ་བཟས་པ་མང་།།
ཁྱོད་ཟླ་བ་བཞི་པ་ངོ་མ་ཚ་ན།།
ང་པགས་ཚགས་གྱོན་མི་ངོ་མི་ཚ།།
ཁྱོད་ཤྭ་ཕོ་དུང་རྭ་ཅན་ལ་འགྲོ་ལུགས་བཅོ་བརྒྱད་ཡོད་ན།།
ང་རྔོན་པ་དུག་མདའ་ཅནལ་སྒུག་ལུགས་ཉི་ཤུ་ཡོད།།
ཁྱོད་མགོན་པོ་ཕྱག་དྲུག་ཡིན་ན།།
ང་པདྨ་ལག་རྡུམ་མ་རེད།།
ཁྱོད་རྒྱ་མཚོ་སྐམ་ནུས་ན།།
ང་སྦལ་པ་ཤི་མི་ནུས་པ་མེད།།
ཁྱོད་གྱོང་པོ་བཀུག་པས་མི་གུག་པ་ཞིག་ཡིན་ན།།
ང་མཉེན་པོ་བཅག་པས་མི་ཆག་པ་ཞིག་ཡིན།།
ཁྱོད་ལ་ངན་པ་དགུ་འཛོམས།།
ང་ལ་བཟང་པོ་བཅུ་འཛོམས།།
ཁྲ་ཆུང་མིག་ལ་རྡུལ་མི་འགྲོ།།
དམ་པའི་ཆོས་ལ་རྫུན་མི་འགྲོ།།
ཁྲ་ཆུང་མིག་གིས་རྒྱུ་རིག་ན།།
གངས་དཀར་སེམས་ལ་འདྲེ་ཞུགས།།
ཁྲ་ཆུང་མིག་ལ་སྐྱོན་མེད་ན།།
ལྟད་མོ་ག་ནས་ལྟ་ལྟ་རེད།།
ཁྲ་ཚང་འོག་གི་བྱེའུ་ཚང་།།
རྒྱལ་བ་ལྔ་པའི་འཁྲུངས་ཡུལ།།
ཁྲ་ཡིས་ནམ་མཁའ་གསལ་ན་བསམ།།
འུག་པས་མུན་པ་རུབ་ན་བསམ།།
ནེ་ལོས་ས་ཆུ་དྲོས་ན་བསམ།།
ཁྲ་དང་འུག་པ་ནེ་ལེ་བསམ།།
སྤོ་ཐོག་གཅིག་ལ་སྔས་བཅོལ་ཀྱང་།།
བསམ་བློ་མི་གཅིག་སོ་སོ་རེད།།
ཁྲ་དང་ཝ་མོ་ལེ་ལེ་གསུམ།།
ཉལ་ལུགས་འདྲ་ཡང་ལོ་མི་གཅིག།
ཁྲ་སྡིག་ཅན་གྱིས་བྱིའུ་བསད་པ་ལས།།
བྱིའུ་སྡིག་མེད་ཀྱིས་འབུ་བསྒྲུགས་པ་མང་།།
ཁྲག་གི་སྐྱིན་ཚབ་ཁྲག་གིས་ལོན།།
ཁྲམ་དང་གཡོ་སྒྱུ་མ་བྱས་ན།།
ཕོ་རབས་ཐམས་ཅད་བློ་གཅིག།
ཁྲལ་ལ་གསེར་ཕྱེ་འཇལ།།
ཁ་ལ་རམ་པ་ཟ།།
ཁྲལ་ཆད་པ་རྒྱལ་པོས་མི་འདུམ།།
རིག་ལུག་པ་ཐག་པས་མི་འདུམ།།
ཁྲལ་ཆག་མེད་པའི་བོགས་འཕར།།
ཁྲི་གདུགས་ཉི་མའི་རང་འོད་ལ།།
མེ་འཁྱེར་སྲིན་འབུས་འགྲན་ཡ་བྱེད།།
ཁྲི་གདུགས་ཉི་མ་ཀུན་ལ་མཛེས་ཀྱང་།།
བྱ་འུག་པའི་མིག་ལ་དེ་མི་མཛེས།།
ཁྲིམས་བཟུང་རྒྱལ་པོའི་སྨྲ་བ་ལན་གཅིག་ཡིན།།
དེ་ལས་མང་ན་རྒྱལ་ས་འཛིན་མི་ཐུབ།།
ཁྲིམས་ལར་རྒྱའི་ཁོག་པ་མི་ཆུང་དགོས།།
གཏམ་ཆུ་བོའི་ཕུགས་དེ་མི་ཐུང་དགོས།།
ཁྲིམས་ཀྱིས་བསྡམས་ན་བརྒྱ་དང་།།
ཐག་པས་བསྡམས་ན་གཅིག།
ཁྲིམས་ལེན་དཔོན་གྱི་ཁྲིམས་ར་ལ།།
བཤད་ལོང་ཉན་ལོང་གཉིས་ཀ་ཡོད།།
ཁྲིམས་མེད་དཔོན་གྱིས་བྱས་ན།།
གདུང་འབོད་སུ་ལ་བྱེད།།
ཁྲིམས་མེད་དཔོན་གྱི་བྱས་ན།།
ར་མདའ་སུ་ལ་སྦྲན།།
ཁྲིམས་ཁྲ་མས་བཅད།།
ཤ་སྟ་གྲིས་གསེས།།
ཁྲིམས་སའི་ཚིག་དང་རྒྱ་མཚོའི་རྡོ།།
ཁྲིམས་དང་སྡོམ་པ་རང་སྲུང་།།
ཁྲུང་ཁྲུང་སྤུ་རིས་དཀར་ནའང་།།
མཇུག་གུའི་རྩེ་མོ་ནག་པོ་རེད།།
ཁྲུང་ཁྲུང་བྱང་ལ་འགྲོ་བ་ལ།།
ཕག་པས་བྱུས་ཏོག་བྱེད་དོན་མེད།།
ཁྲུང་ཁྲུང་དཀར་པོ་ལ།།
མཇུག་རྩེ་ནག་པོར་མ་སོང་བ།།
ཁྲེལ་དང་ངོ་ཚ་བོར་ནས་གསོན་པ་ལས།།
བག་ཡོད་ཚུལ་ལྡན་ངང་དུ་ཤི་བ་དགའ།།
ཁྲེལ་མེད་ཀྱི་རྟ་ལ་བཞོན་ནས།།
འཇོན་མེད་ཀྱི་བྱང་ལམ་དུ་སྐྱོད་མི་རུང་།།
ཁྲིམ་པའི་གཏིང་གི་སྦལ་པའི་ངུ་སྒྲ།།
ལྷའི་དབང་པོས་སྙན་གྱིས་མི་གསན།།
ཁྲོ་ཁོང་ཆག་སོང་།།
དངུལ་ཕོར་ཁྱེར་ཤོག།
ཁྲོམ་ཚོགས་པའི་ཉིན་མོར་གཏམ་དགོས།།
དགྲར་འཐབ་པའི་ཉིན་མོར་དཔའ་དགོས།།
ཁྲོན་པའི་ནང་གི་སྦལ་པ།།
ཁྲོན་པའི་ནང་གི་རུས་སྦལ།།
རྒྱ་མཚོའི་གཏམ་གྱིས་ཤི།།
མཁར་དང་སྒོ་མོ་ལྕགས་རི་གསུམ།།
ཨེ་བཙན་བསམས་ནས་བརྒྱབ་པ་ཡིན།།
མཁར་སྒོར་མེད་སྐྱོན་ཤོར།།
གནོད་འཚེ་རྟ་ལ་ཕོག།
མཁས་པའི་གཤོག་པ་ཡོན་ཏན།།
སྐྱ་མིའི་གཤོག་པ་རྟ་མཆོག།
མཁས་པས་ཤེས་ཡོན་ནོར་ལ་བརྩི།།
གླེན་པས་གསེར་དངུལ་ནོར་ལ་བརྩི།།
མཁས་པ་ཡིན་ན་ཕྱི་བལྟས་བྱེད།།
དཔའ་བོ་ཡིན་ན་སྔ་བལྟས་བྱེད།།
མཁས་པས་མཁས་པར་བཀུར་ཤེས་ན།།
རིག་པའི་གནས་ལྔར་ཐོགས་པ་མེད།།
མཁས་ཀྱང་དོན་ལ་མ་དཔྱད་ན།།
ས་འོག་གསེར་གྱི་མདངས་དང་འདྲ།།
མཁས་རློམ་ཅན་གྱིས་རྒྱལ་དོན་མི་འགྲུབ།།
མཁས་པ་བྱེད་འདོད་ན།།
ཁེངས་སེམས་མེད་པ་དགོས།།
མཁས་པ་མི་གཙོ་རྒྱུས་ཡོད་གཙོ།།
མཁས་པས་འཆུགས་ན་འདོམ་གང་།།
གླེན་པས་འཆུགས་ན་མཐོ་གང་།།
མཁས་པའི་ཤེས་རབ་བླུན་པོའི་སྟོབས་ལས་བཟང་།།
མཁས་པ་རིས་སུ་མ་བོར།།
སྤྱི་མི་དགྲ་རུ་མ་ལེན།།
མཁས་པ་ཡོན་ཏན་ཅན་ལ་ང་མི་སྐྲག།
བླུན་པོ་གཏི་མུག་ཅན་ལ་ང་སྐྲག།
མཁས་པའི་ཚིག་གི་ཟུར།།
གནམ་ལྕགས་རའི་གྲིའི་འོད།།
མཁས་པས་མཁས་པར་སྡང་།།
འཕྱོན་མས་འཕྱོན་མར་སྡང་།།
མཁས་པས་མཁས་པ་དང་།།
དཔའ་བོས་དཔའ་བོ་མཐོང་།།
འཁར་རྔ་ཕྱི་ནས་བརྡུངས།།
དྲིལ་བུ་ནང་ནས་དཀྲོལ།།
འཁོན་མེད་ཉི་མ་སྤྲིན་བྲལ།།
འཁོན་པའི་ན་ཚ་དེ།།
ལུས་ལ་མེད་པར་སེམས་ལ་ཡོད།།
འཁོར་འདོད་ན་ཤྭ་བ་རི་ནས་འཁོར།།
འབྲལ་འདོད་ན་ཙི་ཙི་ཚང་ནས་བྲལ།།
འཁོར་བ་ཁབ་ཀྱི་རྩེ་མོ།།
བདེ་བར་སྡོད་པ་གནས་མི་སྲིད།།
འཁོས་ཀས་ཤིག་མི་ཟིན་རུང་།།
ཁ་ཕོས་འབྲོང་གཤོར་བའི་གྲོས་བྱེད།།
འཁོལ་འཁོལ་འོ་མ་བཞིན་དུ་འཁོལ་མི་དགོས།།
འཚབ་འཚབ་རྟ་པོ་བཞིན་དུ་འཚབ་མི་དགོས།།
འཁྱག་དུས་གོས་ལ་ལྗིད་ཡང་མེད།།
ལྟོགས་དུས་ཟས་ལ་བཟང་ངན་མེད།།
འཁྱག་པ་མ་མཐོང་ན།།
ཆུ་ལ་གདུང་སེམས་མི་སྐྱེ།།
འཁྱག་པ་སྦར་མཐིལ་ཙམ་ལ།།
ཉི་མ་སྤུན་བདུན་ཤར།།
མཁྲིས་ནད་ཅན་གྱིས་དུང་དཀར་སེར་པོར་མཐོང་།།
རླུང་ནད་ཅན་གྱིས་གངས་རི་སྔོན་པོར་མཐོང་།།
མཁྲེགས་དང་ཕྲད་ན་འདྲེད།།
འབོལ་དང་ཕྲད་ན་ཟུག།
འཁྲུག་པ་ལྷ་ཡི་ཡུལ་དུའང་ཡོད།།
འདུམ་པ་སྲིན་པོའི་ཡུལ་དུའང་ཡོད།།
ག།
ག་ནས་བལྟས་ཀྱང་གཉེན་ཚན།།
སྒོ་ཕྱོགས་ལོག་ཀྱང་ཐོག་འབྲེལ།།
ག་ཚོད་ཕྱུག་ན།།
དེ་རྩིས་སྤྱོད་མི་ནུས།།
གང་ལ་རྒྱུ་ནོར་ལྡན་གྱུར་ན།།
དཀའ་བའི་དོན་ཡང་ལྷུན་གྱིས་གྲུབ།།
གང་ལ་མིག་ལྡན་སྐྱེ་བོ་འབོད།།
ཤེས་བྱས་ཕྱུག་ན་མིག་ལྡན་ཡིན།།
གང་སྐྱིད་ཕ་ཡུལ་དང་།།
སུ་བྱམས་ཕ་མ་རེད།།
གང་དུ་འགྱེལ་ཀྱང་།།
གང་དུ་ལངས།།
གང་དྲག་བྱས་པས་ཅི་དྲག་ཟེར།།
གྲོས་ཀྱི་འབྲི་འདྲ་ཐབས་སྡུག་ལ།།
གང་ལས་མེད་ཀྱང་།།
ཨྰ་ལའི་ཧོ།།
གང་དང་གང་ལ་བྱེད་འཁྱེར་དགོས།།
སྐྱག་པ་གཏོང་བར་ཁ་འཁྱེར་དགོས།།
གང་ཟག་རེ་ལ་བྱེད་སྟངས་རེ།།
ཤིང་སྣ་རེ་ལ་སྐྱེ་སྟངས་རེ།།
གབ་ལེ་ཡིན་ཏེ་ཝ་ར་ར།།
གསང་ལེ་ཡིན་ཏེ་འུ་རུ་རུ།།
གང་དང་གང་ལ་སྦྱངས་ན་མཁས།།
ལུག་རྫི་འུར་རྡོ་རྒྱག་ལ་མཁས།།
གངས་དཀར་སེང་གེའི་གཡུ་རལ་ལ།།
ཁྱི་ནག་དོམ་བུའི་རྔ་མས་འགྲན།།
གངས་སྡོད་སེང་གེའི་གཡུ་རལ་ངོམ་པ་ལ།།
ས་འོག་འབུ་སྲིན་ཡ་མཚན་སྐྱེ་དོན་མེད།།
གངས་དཀར་པོ་སེང་གེའི་གདན་ས་ལ།།
འབྲུག་ཕོ་ཐང་ཡིན་ཡང་གཟུར་ན་དགའ།།
གངས་རི་དཀར་པོ་མར་ལ་གྱུར་ཀྱང་།།
གྲི་གཞོག་གཅིག་གི་རེ་བ་མེད།།
གར་སོང་ས་ན་སྐྱིད་པ་མེད།།
གར་བསྡད་ས་ན་སྡུག་པ་མེད།།
གལ་པོ་ཆེ་ལ་ནན་ཏན་དང་།།
དམ་པའི་ཆོས་ལ་བརྒྱ་ཚར།།
གོ་ཆོད་མེད་ཀྱང་གོ་བཀག།
ཤེས་རྒྱུས་མེད་ཀྱང་ལམ་རྒྱུས།།
གོ་བ་མེད་པའི་གླང་རྒན་ལ།།
རྒྱལ་པོའི་བཀའ་ལས་དབྱུག་པ་བཙན།།
གོ་ཐལ་ལ་མེ་ཁ་གསོ་མི་ཐུབ།།
གོ་རང་གིས་མ་ཆོད།།
ཡིད་ཕྱོགས་བཞིར་མུག།
གོ་ལོང་མེད་པར་བཤད།།
འགྲོལ་ལོང་མེད་པར་བྲེག།
གོ་རང་གིས་མ་ཆོད།།
ཡུས་ཕ་མར་བཤད།།
གོ་ཆོད་པོ་ལ་བསྟོད་ར་མ་སྔ།།
རེ་བ་སྐྱེ་བ་ཡིན།།
གོ་མ་ཆོད་པ་ལ་སྨད་ར་མ་ཆེ།།
ཡིད་མུག་སྐྱེ་བ་ཡིན།།
གོ་གོ་བའི་རྣ་རྩ་དང་།།
རིག་རིག་པའི་མིག་རྩ།།
གོ་བའི་བུ་ལ་ཚིག་གསུམ།།
མགྱོགས་པའི་རྟ་ལ་ལྕག་གསུམ།།
གོང་དཔོན་ལ་འཛིང་མཁན་སྨྱོ་བ་ཡིན།།
དུག་ནག་པོ་བཟས་ན་ཤི་བ་ཡིན།།
གོང་དཔོན་པོའི་དབུ་འཕངས་དགུང་ལས་མཐོ།།
གཡོག་ཨ་སྡུག་ཕུ་དུང་ས་ལ་དྲུད།།
གོང་རྒྱལ་སའི་རྒྱལ་པོ་མ་ཡིན་ཏེ།།
རྐུབ་རྟུག་དྲི་འཚོག་པའི་ཕྲུ་གུ་ཡིན།།
གོང་མ་རྙིང་པས་ལྷམ་གསར་པ་གྱོན་པ།།
གོང་ལ་ངོ་དགའ་དང་།།
འོག་ལ་ཐུབ་ཚོད།།
གོམ་གསུམ་སྤོས་ན་དོན་གསུམ་གྲུབ།།
ཙོག་པུར་བསྡད་ན་མུ་གེས་འཆི།།
གོམ་གསུམ་སོང་ན་དོན་གསུམ་གྲུབ།།
གར་སོང་ས་ན་གྲོགས་དང་འཕྲད།།
གོམ་གསུམ་འགྲོ་དབང་མེད་ཀྱང་།།
ཚིག་གསུམ་ཤོད་དབང་ལོས་ཡོད།།
མ་འགྲོས་མེད་པའི་རྟ་ཕོ་བཞོན་པ་ལས།།
སེམས་ཁོ་ཐག་ཆོད་པའི་རྐང་ཐང་སྐྱིད།།
གོམ་གཅིག་མ་སྤོས་གླིང་བཞི་མི་འཁྱེར།།
ཆུ་ཐིགས་མ་བསགས་རྒྱ་མཚོ་མི་ཡོང་།།
གོམ་གསུམ་མ་སྤོས་རྒྱལ་པོའི་ལྡུམ་ར།།
ཚིག་གསུམ་མ་བཤད་དཔོན་པོའི་ཁྲིམས་ར།།
གོས་བཟང་པོ་རང་གིས་གྱོན།།
ཟས་ཞིམ་པོ་མི་ལ་བྱིན།།
གོས་རལ་པར་རྩིག་ཟུར་སྡང་།།
ཁུག་མ་འདུས་ལ་ལབ་རྒྱུ་མང་།།
གོས་ལ་གོན་མཁས་བྱས་ན།།
ཨ་ཡག་རྒྱུན་མི་ཆད།།
གོས་ཐུང་མ་ཕུད།།
དཔྱི་མགོའི་གདེང་ཚོད།།
གོས་ཆེན་ཐོག་ལ་འཚེམ་དྲུབ།།
རལ་པའི་ཐོག་ལ་ལྷན་པ།།
གོས་ཐུང་གཅིག་ལ་རྐང་པ་བརྒྱུས་པ་དང་།།
སྣ་ཁུང་གཅིག་ནས་དབུགས་གཏོང་བ།།
གོས་ཆེན་གྱི་ཐབ་ཕྱིས།།
ཙནྡན་གྱི་གུ་ཡོག།
གོས་ལ་ལྷན་པ་རྒྱག་རྒྱུ་ཡོད།།
གྲོད་པར་ལྷན་པ་རྒྱག་རྒྱུ་མེད།།
གོས་ཆེན་ཐང་ལ་གདིང་བར།།
བཟོ་ཁོག་ཡིད་ལ་འཆར་དགོས།།
གོས་གྱོན་ནས་ཡོད་ན་མི་གྲང་གི།།
ཟས་སྣོན་ནས་ཡོད་ན་མི་ལྟོགས་གི།
གོས་ཁ་གང་ཡོད་ན་མཉམ་གོན།།
ཟས་ཁ་གང་ཡོད་ན་མཉམ་ཟ།།
གོས་ཆེན་རྒས་ཀྱང་རི་མོའི་གཞུང་།།
གོས་ཆ་ཆེའི་ཆ་ལ་མ་ཕན་ཡང་།།
ཕུ་དུང་ཨོག་རྩེའི་གསོས་ལ་ཕན་ཙམ་ཡོད།།
གོས་ལུས་དང་བསྟུན།།
གཏམ་གྲོགས་དང་བསྟུན།།
གྱང་འགྱེལ་བ་ཡོག་ཤིག་གིས་མི་ཐེག།
གྱང་འགྱེལ་སར་ཐལ་འཚུབ་ལསངས།།
གཡག་གསོད་སར་ཁྲག་ཐིག་རྒྱག།
གྱང་ན་ནིང་ལོག།
ཐལ་བ་ད་ལོ་ལངས།།
གྱེན་རེ་འཛེགས་ན་ཐུར་རེ་ཡོད།།
གྱེན་ཐུར་མེད་པའི་ལམ་ཞིག་མེད།།
གྱོན་ཁ་མཆུ་གཏམ་གྱིས་འདུམ།།
གོས་རལ་བ་སྐུད་པས་འཙེམ།།
གྱོད་མེད་ལ་གྱོད་བཟོས།།
གཞི་མེད་ལ་གཞི་བཟོས།།
གྱོད་ཡ་སྟག་གཟིག་ཁ་སྤྲོད་ལ།།
འགྲིག་རྒྱུའི་རེ་བ་རྦད་ཟད།།
གྱོང་པོ་ཞག་ཚིས་མི་ཐུལ།།
མར་གོག་སྣུམ་གྱིས་མི་ཐུལ།།
གྱོད་ཀྱི་སྡོང་པོ།།
རྣག་གི་འཐུམ་བུ།།
གྱོད་མགོ་རི་ལས་བརླིང་བ་དང་།།
གྱོད་མཇུག་ཆུ་ལས་རིང་བ།།
གྲྭ་པ་བྲོས་ཀྱང་དགོན་པ་བྲོས་མི་ཐར།།
གྲྭ་པས་དཀོར་འཇུ།།
རྨ་བྱས་དུག་འཇུ།།
གྲྭ་གོག་ཆོས་ཀྱིས་མ་འདུལ།།
མར་ཀོག་སྣུམ་གྱིས་མ་འདུལ།།
གྲྭ་པ་ཉུང་ན་མང་ཇ་ལེགས།།
གྲྭ་པ་ཉིན་གཅིག་བྱས་ན།།
དྲིལ་བ་ཉིན་གཅིག་དཀྲོལ་བ།།
གྲགས་ཅན་གནས་རི་ཡིན་ཙ་ན།།
མཐོན་པོ་མིན་ཀྱང་ལྷག་པར་གྲགས།།
གྲལ་མགོ་ནས་སྟོད་ཧྲེང་ཕུད་ན།།
གྲལ་གཞུག་ནས་དམར་ཧྲེང་འབུད།།
གྲལ་འགོར་བཞག་ན་འཇོན་ཐང་མེད་།།
གྲལ་མཇུག་བཞག་ན་ནུས་པ་མེད།།
གྲམ་པའི་རྡོ་བསྔོགས་ན་མང་།།
གཏམ་དང་མདུད་པ་གསེས་ན་མང་།།
གྲི་རྣོ་མེད་ཀྱི་ཁག་འཁྲི་དེ།།
ཤ་མ་འཚོས་པའི་མགོ་ལ་བསྐྱལ།།
གྲི་རིང་མིན་ཐུང་མིན་བང་བཀང་།།
དགྲ་ཁང་འོག་སླེབས་དུས་སྐྱོགས་གཡུག།
གྲི་ངོ་འཕྱར་རྒྱུ་བཞག་ནས།།
གྲི་ཡུ་ལག་པས་མི་འཆང་།།
གྲི་རྣོ་མེད་ལག་ལ་གཟན།།
གཏམ་དོན་མེད་རྣ་བར་གཟན།།
གྲི་རྡོ་མེད་ཀྱིས་རྒྱུད་པ་མི་ཆོད།།
མི་ཐ་ཤལ་གྱིས་དོན་ཆེན་མི་འགྲུབ།།
གྲི་འགྲམ་ནས་གཡུགས་ན་དཔའ་བོ་ཡིན།།
མདའ་རྒྱང་ནས་འཕངས་ན་སྡར་མ་ཡིན།།
གྲི་མ་བརྡར་ན་བཙའ་རྒྱག།
མི་མ་གཅུན་ན་ཁྲམ་པ་ཆགས།།
གྲི་བརྒྱབས་པས་མ་ཚད་ཡུ་བ་སྒུལ་སྒུལ།།
འབྲོང་བསད་པས་མ་ཚད་རྔ་མ་འཕྱར་འཕྱར།།
གྲི་རྣོ་མེད་ལ་རྣོ་དང་།།
མི་ནུས་མེད་ལ་ནུས་པ།།
གྲི་དང་ཕོར་པ་གང་འགྲོར་འཁྱེར།།
དགྲ་དང་གྲོགས་ལ་གང་ཡོང་མེད།།
གྲི་དཔའ་དམ་ལ།།
མི་དཔའ་རྒོད་དགོས།།
གྲིབ་ཆར་སྔོན་པོ་རྟ་ལས་མགྱོགས།།
སེ་རའི་གྲྭ་པ་ར་ལས་འཚུབ།།
གྲུབ་པ་འགྲོ་འགྲོ་མང་ན།།
སྲིན་པོའི་ལུང་པར་སླེངས་ཡོང་།།
གྲུབ་ཚད་མ་བྱེད།།
མཐར་འགྱོད་ཡོང་།།
གྲུབ་ཆེན་ལགས་ཀྱི་གསོལ་ཞིབ།།
དང་པོ་རང་ནས་རྫོགས་སོང་།།
གྲུབ་པ་ལ་དགའ།།
རལ་ལྕོག་ལ་སྐྱུག་བྲོ།།
གྲོག་མ་གཏིང་ལ་མེད་ན།།
གྲོ་ལོ་ཁ་ལ་མི་ཐོན།།
གྲོ་དང་བྲའོ་སྲན་མ་གསུམ།།
བསེར་བུ་རླུང་ལ་འཕྱར་ན་འབྱེད།།
གྲོག་མ་འགྲོ་འགྲོ་མང་ན།།
རྐང་ལག་ཐང་ཆུས་འཛིན།།
གྲོག་མ་ལས་ལ་རྩོལ་བ་དེ།།
རྟ་ཐོག་མི་ཡིས་ག་ལ་མཐོང་།།
གྲོག་ཁ་ནང་དུ་ཡོད་པ་ལྕེས་བུད།།
གྲོག་པོ་སྐམ་པོར་ཉ་རྒྱ་བཙུགས།།
གྲོགས་བཟང་བསྟེན་ན་ཡོན་ཏན་ཤུགས་ཀྱིས་འཕེལ།།
གྲོགས་ངན་བསྟེན་ན་སྤྱོད་ངན་ཤུགས་ཀྱིས་འཕེལ།།
གྲོགས་པོ་ཉེ་འདོད་ན།།
སྐྱོན་ལ་མཛུབ་མོ་ཚུགས།།
གྲོགས་འདྲིས་ཆེ་ན།།
དུད་འགྲོ་ལ་ཡང་བརྩེ།།
གྲོགས་པོ་ཉེ་ཡང་ཡིག་ཚང་མ་སྔོགས།།
གྲོགས་པོ་ཉེ་འདོད་ན།།
རྩིས་མགོ་དམ་དགོས།།
གྲོགས་པོས་བསླུ་དུས་དགོན་བཞིན་བསླུ།།
ཁྲམ་པས་བསླུ་དུས་ངུ་བཞིན་བསླུ།།
གྲོགས་པོས་རྐུ་མ་ནི་མི་རྐུ།།
ཁྱིས་ལྕགས་ནི་མི་བཟའ།།
གྲོགས་ལ་མཐུན་པའི་ཚིག་དགོས།།
ཀུན་ལ་ཕན་པའི་སེམས་དགོས།།
གྲོགས་ལ་འཁོན་པ་དེ།།
དགྲ་ལ་སྐྱོང་བ་ཡིན།།
གྲོགས་པོ་བརྒྱ་ཡོད་ཀྱང་ཉུང་དྲགས།།
དགྲ་བོ་གཅིག་ཡོད་ཀྱང་མང་དྲགས།།
གྲོགས་ངན་དུག་གི་སྡོང་པོ་འདྲ།།
གྲོགས་བཟང་སྨན་གྱི་ལྗོན་ཤིང་འདྲ།།
གྲོང་གཅིག་མ་ལ་རྐུན་མ་སྡང་།།
ལུག་གཅིག་མ་ལ་སྤྱང་གི་སྡང་།།
གྲོང་པ་ཉེ་འདོད་ན་གོང་ལར་ཚེར་མ་གཏོང་།།
གྲོང་པའི་བ་ཤི་ཡང་མྱ་ངན་ཞག་གསུམ།།
གྲོང་ནང་དུ་བརྒྱ་འབུལ་སྟོང་འབུལ་ལས།།
རི་ཁྲོད་དུ་ཟས་ཁམ་གཅིག་ལྷག།
གྲོད་པ་རྒྱགས་རྗེས།།
རྩམ་རྐྱལ་ལ་རྐུབ་བཀྱག།
གྲོད་པ་མིས་བཟས་ན་ཧྲོབ་ཧྲོབ།།
གྲོད་པ་རང་གིས་བཟས་ན་ཆག་ཆག།
གྲོད་པ་མ་ལྟོགས་ན་འབྲུ་རྩ་ཆེན་མིན་པ་མི་ཤེས།།
རྐང་ཐང་མ་ཕྱིན་པར་རྟ་རྩ་ཆེན་ཡིན་པ་མ་ཤེས།།
གྲོད་པ་ཤ་ལ་མི་ཐེ།།
ཨ་ནེ་མི་ལ་མི་ཐེ།།
གྲོས་མི་ལ་དྲིས།།
ཐག་རང་གིས་གཅོད།།
གྲོས་ཉེས་པ་ལ་འགྱོད་པ་མ་ཟློ།།
འཁྲུལ་པ་རང་ལའང་ཡོད།།
གྲོས་ལེགས་པའི་དུས་སུ།།
ཚོད་ཟིན་དགོས་པ་ཡིན།།
གྲོས་མང་སར་བགྲོས་ན་བློ་གྲོས་སྐྱེ།།
གྲོས་མི་འགྲུབ་པ་མ་ཤོད།།
ཡལ་ནས་འགྲོ་བ་ཡིན།།
གྲོས་ལ་མི་དགའ་བའི་མི་མ་བཀུག།
གྲོས་ཀྱི་དཀྲུག་ཤིང་བྱེད་པ་ཡིན།།
གླ་བ་གླུ་ལ་གཡེངས།།
ཚེ་འདས་འོད་ལ་གཡེངས།།
གླ་བ་སྔ་ལོ་ཤི།།
རིལ་བ་ད་ལོ་འགུལ།།
གླ་བ་འཇུག་ཚོད།།
ཐག་པ་བསྡོག་ཚོད།།
གླང་རོག་ནག་རྒྱུད་ལ་ཁྱུང་དཀར་མཛོ།།
བོང་བུ་མགྲིན་བཟང་རྒྱུད་ལ་སྨུག་ཆུང་དྲེལ།།
གླང་ཆེན་དར་མར་འགྲོ་སྟངས་འདི་ལས་མེད་པར།།
ཡ་ཙེ་རྐུབ་རིལ་ལ་འགྲོ་སྟངས་འདི་ལས་ག་ནས་ཡོང་།།
གླང་ཆེན་གྱི་ཁལ་བེའུར་བཀལ་བ།།
ང་ལོ་པའི་ཆག་སྒོ།།
ཡོས་ལོ་པར་འབབ།།
གླིང་ལ་ཨ་ཁུའི་གང་བྱས།།
གླིང་བུ་གཏོང་རྒྱུ་དང་རྩམ་པ་འགམ་རྒྱུ།།
གླེན་པ་ཁྱི་ལ་བཤད་ན་གོ་རྒྱུ་མེད།།
མགོ་ནག་མི་ལ་བཤད་ན་གོ་རྒྱུ་ཡོད།།
གླེན་པའི་སྡིག་པ་ཡང་རུང་བ་ལྕི།།
མཁས་པའི་སྡིག་པ་ལྕི་རུང་ཡང་།།
གླེན་པ་ཁྱི་ལ་ཟུག་རེས་ཉན་རེས་ཡོད།།
མགོ་ནག་མི་ལ་ཤོད་རེས་ཉན་རེས་ཡོད།།
གློ་བར་མི་ཕན་མཆིན་པའི་དུག།
དགའ་མ་ཐག་ཏུ་འཛུམ་མ་སྟོན།།
ཁྲོས་མ་ཐག་ཏུ་བཞིན་མ་སྡུད།།
དགའ་བྱེད་སྡུག་བྱེད་ཚིག་རེད།།
རྒྱགས་བྱེད་སྦོས་བྱེད་ལྟོ་རེད།།
དགའ་དུས་སྙིང་གཏམ་བཤད།།
སྡུག་དུས་དགྲ་ལ་ལངས།།
དགའ་བའི་རྗེས་སུ་སྡུག་གཅིག་ཡོད།།
དགའ་བའི་དུས་སུ་སྐྱིད་སྣང་མ་ཚོར་ན།།
དལ་འབྱོར་མི་ལུས་ཐོབ་ཀྱང་སྙིང་པོ་མེད།།
དགའ་སྤྲོ་སྤྲོའི་ཁྲུང་དམག་རྒྱག་སར།།
ར་བཟི་ནས་གནས་མོའི་དཀར་ཡོལ་བཅག།
དགའ་པོ་འཁོན།།
ཞིམ་པོ་སྐྱུགས།།
དགུན་སྔོན་ཡངས་རུང་འཕུར་ས་མེད།།
ས་གཞི་ཆེ་རུང་འཛུལ་ས་མེད།།
དགུང་ནམ་འཕང་གཅོད་པར།།
གཤོག་རྩལ་མེད་ན་སྟོང་བསམ།།
དགུན་དགྲ་བོ་འདྲ་བ་མཆོངས་ནས་ཡོང་།།
དཔྱིད་རྩི་ཏོག་འདྲ་བ་ཕ་ལ་ཡལ།།
དགུན་བ་མོ་མ་གསོས་ན།།
དབྱར་མར་རྡོག་ག་ན་ཡོང་།།
དགེ་བཤེས་ལགས་དང་རྩོད་པ་མ་རྒྱག།
ཀ་བ་ལགས་དང་རྡུང་ག་མ་རྒྱག།
དགེ་འདུན་གྱི་འདུ་རྟེན།།
རྣམ་དཀར་གྱི་མཆོད་ཐེབས།།
དགེ་བ་ཉེ་ཕྱོགས་དང་།།
གཏོར་མ་དགྲ་ཕྱོགས།།
དགེ་བཤེས་རྟས་གཡུགས་པ།།
བབས་མི་དགོས་ཁེ་བཟང་རེད།།
དགེ་རྒན་མེད་པའི་ཡོན་ཏན།།
ཕ་མ་མེད་པའི་སྐྱིད་པོ།།
དགོ་བ་འགྲོ་ས་ཐང་དང་།།
ངང་པ་འགྲོ་ས་མཚོ།།
དགོང་མོ་མི་ཉལ་རྟ་དང་འདྲ།།
ཞོགས་པ་མི་ལངས་བ་དང་འདྲ།།
དགོང་མཆོད་རྒྱུན་རིག་ན་ཁ་མཆུའི་རྒྱུ།།
དགོན་པའི་མང་ཇ་མ་རག།
ཞོལ་གྱི་ཐུག་པ་མ་རག།
དགོན་ཇོ་ཇོས་བཟུང་ན་ཇོ་ཇོས་བཟུང་།།
ཇོ་མོས་བཟུང་ན་ཇོ་མོས་བཟུང་།།
མི་ང་ནི་གྲྭ་པ་ཡོང་ལེ་མེད།།
དགོན་པའི་ཁྱི་ལ་གཞུས་ན།།
བླ་མའི་ཐུགས་ལ་ཕོག་ཡོང་།།
དགོས་པ་དམ་པའི་ལྷ་ཆོས་མེད་པར།།
མི་དགོས་འཇིག་རྟེན་གྱི་བག་མ།།
དགོས་པའི་ལྷ་ཁང་ནག་པོར་བཞག།
མི་དགོས་བྲག་ལ་སྐུ་དཀར་གསོལ།།
དགོས་དུས་རྡོ་རྗེ་དང་།།
རྒྱག་རན་དུས་མེ་མདའ་ཁ་སུ་ཤོར།།
དགོས་ས་ལ་ཆད།།
མི་དགོས་ས་ལ་ལྷག།
དགོས་ངེས་པའི་གྲོགས་པོ་མདངས་དང་འཛུམ་གྱིས་བསུས།།
གྲོས་ཐམས་ཅད་ལ་ནམ་ཕུགས་འབྲས་བུ་ཆེ་ཆུང་སོམས།།
དགོས་རྒྱུ་སྤགས་ལ་སྤགས་ཁུ་དར་ར།།
དགོས་དོན་ཕོག་པར་སྨྲོས།།
རན་ལ་མཛེས་པ་ཤོད།།
དགོས་མེད་ཀླན་ཀ་ཕུང་དཀྲོལ།།
དགྲ་འཁྲུགས་པ་ལྷ་ཡི་ཡུལ་དུ་ཡོད།།
གཉེན་བསྒྲིགས་པ་སྲིན་པོའི་ཡུལ་ལའང་ཡོད།།
དགྲ་མ་མཐོང་གོང་གི་ཀི་སྒྲ་དང་།།
རོ་མ་མཐོང་གོང་གི་ངུ་སྐད།།
དགྲ་ལ་དཔོན་པོ་བྱུང་ན་འགྲོ་རྩིས་དང་།།
ནད་ལ་བལ་ནད་བྱུང་ན་ཤི་རྩིས་གྱིས།།
དགྲ་བོའི་སྦྲང་རྩི་བཏུངས་པ་ལས།།
གྲོགས་པོའི་ཆུ་རྐྱང་འཐུང་བ་དགའ།།
དགྲ་བོ་ངོ་མ་ཡིན་ན།།
ཉེ་རིང་ཁྱད་པར་མེད།།
དགྲ་ཡ་ཆུང་ཡང་སེམས་མ་ལྷོད།།
དགྲ་ཡ་བཙན་རུང་འཇིགས་མི་རུང་།།
དགྲ་སྟག་ལྤགས་གཉིས་དེ་མགོ་ནས་མཉེས།།
གཉེན་ཉི་མ་གཉིས་དེ་རྒྱང་ནས་སྲོལ།།
དགྲ་བྱུང་ན་གྲི་ཁ་མཉམ་ལེན་དང་།།
གྲོགས་བྱུང་ན་ཕོར་པ་མཉམ་འཛུགས།།
དགྲ་ཕྱི་ནང་འདྲེས་ན།།
རྫོང་དྲུག་མཁར་གྱིས་མི་བརྟེན།།
དགྲ་གཉིས་བྱུང་ན།།
དགྲ་གཅིག་པང་དུ་ལེན།།
དགྲ་ལག་འོག་ཏུ་ཚུད་ན།།
བུ་ལས་བྱམས་པ་དགོས།།
དགྲ་ཤཕའི་དུས་ལ་ཤ་ཕ་དང་།།
ཆོས་མ་ཎིའི་དུས་སུ་མ་ཎི།།
དགྲ་ཁ་གྲོག་ཤོར་མ་རེད།།
ཁྱི་ཁ་རུས་ཤོར་རེད།།
དགྲ་མ་རུངས་རྐུན་མ་ཁྲམ་པ་གསུམ།།
ཡུལ་མི་སྐྱིད་སྡུག་གི་སྣ་འདྲེན་རེད།།
དགྲ་མ་ཡོང་གོང་ལ་དོགས་ཟོན།།
ཆུ་མ་ཤོར་གོང་ནས་རགས།།
དགྲ་མེ་སྟག་གཉིས་དེ་ཆུང་ནས་གསོད།།
འགྲོས་ཆེན་རྟ་ཕོའི་འགྲོ་ལམ་དེ།
སྲོག་ཆགས་གྲོག་མས་འགོག་མི་ཐུབ།།
མགར་བ་རང་གི་རལ་གྲིས་བསད།།
མགར་བས་མར་བརྫིས་དཀའ་བ་མཐོང་།།
རྫི་པས་ལྕགས་བཟོ་དཀའ་བ་མཐོང་།།
མགོ་སླ་དྲགས་ན།།
རང་མགོ་ཆུ་འདྲེན་ཡིན།།
མགོ་མཐོ་སར་བཏགས།།
སྐེ་དམའ་ས་ནས་བཅད།།
མགོ་བཀྲུས་ནས་མཇིང་པ་དག་པ་དགོས།།
མགོ་མགོ་ཞེང་ཆེ་ལ་ཀླད་པ་མེད།།
བྲང་བྲང་ཞེང་ཆེ་ལ་སྙིང་སྟོབས་མེད།།
མགོ་ལ་མེ་ཤོར་ཡང་ཕུར་ལོང་མེད་པ།།
མགོ་གསེར་སྐུས་བཅག་དང་དབྱུག་པས་བཅག།
རྟེན་བྱིན་རླབས་མེད་ན་འདྲ་འདྲ་རེད།།
མགོ་བོ་བཀབ་ཀྱང་།།
མཇུག་མ་དོན་པ།།
མགོ་རུས་པའི་ཀླད་རྒྱ་མ་ཞིག་ན།།
ཁ་གྲུ་བཞིའི་གཏམ་ལ་ཟད་མཐའ་མེད།།
མགོ་ཡོད་ནས་མཇུག་མ་ཚང་བ་དགོས།།
མགོ་སྟོང་ཕྱི་ལ་ཁྱེར།།
ཀླད་རློན་མི་ཡིས་བླུགས།།
མགོ་རུལ་རྣ་ཡིས་མི་ཚོར།།
ཕུབ་མའི་འོག་གི་ཆུ་དོང་།།
མགོ་ཐར་ཙང་དཔུང་པ་ཐར་ཐབས།།
མགོ་རྨོག་གིས་བཅག།
ལྷ་དཀོན་གཉེར་གྱིས་བརྡུངས།།
མགོ་གཉིས་ཀ་མཚུངས་པ་དགོས།།
མགོ་རིལ་རིལ་ས་ལ་མ་བབས་ན།།
ལས་བྱ་བ་གཉིས་ལ་བྱས་ཚད་ཡོད།།
མགོ་འདྲེན་གྱི་དཔོན་པོ་དང་།།
ཡར་འདྲེན་གྱི་བླ་མ།།
མགོ་བོ་མི་འོག་དང་།།
སྲབ་མདའ་སྒ་འོག།
གོ་མ་ཐོན་ན་དཔོན་པོ་དང་།།
གཡོག་མ་བརྒྱུགས་ན་གཡོག་པོ་མིན།།
མགོ་ཐོག་གི་བུམ་པ་དང་།།
ལྕེ་ཐོག་གི་བདུད་རྩི།།
མགོ་གཡུ་བྱུར་རྒྱན་གྱིས་བཏུམས་པ་ལས།།
ལས་ཀ་མད་སུམ་ཅུ་ཤེས་པ་དགའ།།
མགོ་བོ་བདེ་པོ་བྱེད་དྲགས་ན།།
ནམ་ཞིག་རང་གི་ཞྭ་མོ་བརླགས།།
མགོ་བོ་བྲག་ལ་བརྡབས་ན།།
ཀླད་ཁྲག་ནམ་མཁར་ཐོར།།
མགོ་འཚོས་ནས་ཀླད་པ་ལྡག་དགོས།།
མགོ་ཆག་པའི་དུམ་བུ་བསྒྲིག་རྒྱུ་དཀའ།།
གཡང་ལ་ལྷུང་ན་ཡན་ལག་ག་ནས་ཚང་།།
མགོ་ཞོ་འདག་དང་།།
སྔོ་གྲོད་པ་གང་།།
མགོ་རྨོངས་པས་མ་ཚད།།
མིག་ལ་གྲིབ་སྐྱོན་ཕོག།
མགོ་ལ་སྐྱེས་པའི་རྭ་ཅོ་མིག་ལ་ཟུག།
མགོ་རིལ་རིལ་ཐམས་ཅད་གྲྭ་པ་ཡིན་དོགས་མེད།།
གྲི་བཏགས་པ་ཐམས་ཅད་བཤན་པ་ཡིན་དོགས་མེད།།
མགོ་ལ་འཇུས་ན་སྐྲ་ལོ་སྤར་བ་གང་།།
རྐུབ་ནས་འཇུས་ན་ལྷན་པ་སྤར་བ་གང་།།
མགོ་ལ་དཔག་པའི་ཞྭ་མོ་དང་།།
ཁ་ལ་དཔག་པའི་སོ།།
མགོ་བསྟན་སར་སྔས་ཕྱོགས་མ་ལོག་པ།།
མགོ་སྤུ་མེད་ལ་རལ་པའི་ཁྲལ།།
མོ་བསྒུར་པའི་དགྲ་བོ་ཕམ་མི་འཇུག།
མགོའི་ལྷས་མ་བསླས་ནས།།
མཇུག་གི་མདུད་པ་རྒྱག་དགོས།།
མགྱོགས་མགྱོགས་བྱས་པས་འགོར་འགོར།།
མགྱོགས་པ་དགོས་ན་ལྷོད་དུ་བཅུག།
མགྱོགས་པོ་གཅིག་གིས་མ་དེད་ན།།
འགོར་པོ་གཅིག་གིས་མ་ཟིན།།
མགྱོགས་པོ་བྱུང་ན་བསྐོར་ནས་ཕྱིན་ཀྱང་འགྲིགས།།
མགྲོན་པོར་བསྐྱོད་ཉིན་ལས་ལྟོགས་པ་དང་།།
གཟབ་སྤྲོས་སྤྲས་ཉིན་ལས་འཁྱག་པ།།
མགྲོན་པོ་གསར་པ་གདན་ལ་བཏིངས།།
གུ་ཡོག་རྙིང་པ་མེ་ལ་བུད།།
མགྲོན་པོ་རྒྱུས་ཆེ་ཡང་།།
བདག་པོ་ཡིན་མདོག་མ་བྱེད།།
མགྲོན་པོ་ཡིན་ན་མང་དྲགས།།
དམག་མི་ཡིན་ན་ཉུང་དྲགས།།
འགྱིངས་ཆེ་ན་སེང་གེ་ཡིན་ཡང་གན་རྐྱལ་ལོག།
འགྱེལ་ཚར་ནས་ལངས་པར་སྔ་ཕྱི་མེད།།
འགྱེལ་བའི་སྒང་ལ་རྡོག་བརྫིས།།
མུ་གེའི་སྒང་ལ་ཟླ་ལྷག།
འགྱེལ་ཉེན་འདུག་ན་རྟེན་ས་དགོས།།
ཁ་མཆུ་རྒྱག་པར་བདེན་པ་དགོས།།
འགྲངས་ན་ལྟོགས་དུས་མ་བརྗེད།།
དྲོད་ན་གྲང་དུས་མ་བརྗེད།།
འགྲངས་པ་གཉིད་ཁུག་ཀྱང་།།
ལྟོགས་པ་གཉིད་མི་ཁུག།
འགྲན་ཟླ་གཡག་ལ་བྱས་ན།།
རྟ་ཕོའི་རྟིང་རྩ་ཆད་ཡོང་།།
འགྲིག་པའི་ཚ་ལ་མ་གཏོགས།།
མི་འགྲིག་དཀྲུག་ཤིང་མ་བྱེད།།
འགྲུལ་པ་འགྲོ་ཁ་དང་།།
ནད་པ་འཆི་ཁ།།
འགྲུལ་པའི་འགྲོ་ཚོད་འགྲུལ་པས་མ་བྱས་ན།།
གནས་ཚང་རྒྱབ་ལ་ཁྱེར་ནས་འགྲོ་ཐབས་མེད།།
འགྲུལ་པ་དགོང་སླེབས་སྡོདཔའི་རྟགས།།
ཁ་བ་ཞོགས་བབས་དྲོ་བའི་རྟགས།།
འགྲོ་ཕྱོགས་ཡིད་བཞིན་ནོར་བུ་མེད་གྱུར་ན།།
གཏམ་ཡིག་རྩིས་ལྐུགས་པའི་བང་ཆེན་རེད།།
འགྲོ་དགོས་དཔོན་པོའི་བཀའ་རེད།།
སྡོད་དགོས་ཚེ་སྔོན་ལས་རེད།།
འགྲོ་ཝ་མོ་ལས་མཁས་ཀྱང་མཇུག་མ་རིང་སྐྱོན།།
སྡོད་རི་བོང་ལས་ཙོག་ཀྱང་རྣ་བ་རིང་སྐྱོན།།
འགྲོ་ཤེས་ན་རྐང་སྣེ་རྡོ་ལ་མ་ཐུག།
འཕུར་ཤེས་ན་གཤོག་སྣེ་བྲག་ལ་མ་ཐུག།
འགྲོ་ཞུམ་བུ་ལས་མཁས་པ་དང་།།
སྡོད་རི་བོང་ལས་ཙོག་པ།།
འགྲོ་ན་ཨ་མས་མི་གཏོང་།།
མི་འགྲོ་ཨ་མས་མི་འཇོག།
འགྲོ་མི་ཤེས་ལམ་ལྟག་ལམ་འོག་གྱུར།།
ཤོད་མི་ཤེས་ཡར་མཐོ་མར་མཐོར་གྱུར།།
འགྲོ་མི་དགོས་དམྱལ་བར་ཕྱིན།།
འཁྱེར་མི་དགོས་ལྕགས་དོ་ཁྱེར།།
འགྲོ་བའི་གྲོགས་ནི་གྲིབ་མ་དང་།།
ཤུལ་དུས་ལུས་རྒྱུ་རྐང་རྗེས་རེད།།
འགྲོ་འདོད་ན་རྟ་ཕོ་ཆག་གིས་གསོས།།
མཁས་འདོད་ན་རིག་པའི་གནས་ལྔ་སྦྱོངས།།
འགྲོ་མ་ཤེས་རྐང་འགོ་རྡོ་ལ་བརྡབས།།
ཤོད་མི་ཤེས་རྒྱ་གྲོང་མི་ཡིས་བརྙས།།
འགྲོ་ལ་མ་འགྲོའི་རྟ་ཕོ་ལས།།
བློ་ཐག་ཆོད་པའི་རྐང་ཐང་སྐྱིད།།
འགྲོ་བའི་མི་ལ་སྡོད་པའི་བསམ་པ་མེད།།
འགྲོ་མ་ཤེས་རྐང་སྣེ་རྡོ་ལ་ཐོགས།།
ཤོད་མ་ཤེས་ཚིག་སྣེ་ལྕེ་ལ་ཐོགས།།
འགྲོ་བསམ་པ་ཐོག་ཁའི་དར་ལྕོག་གིས།།
དར་ཤིང་སྐམ་པོ་བློས་མི་གཏོང་།།
འགྲོ་དགོས་པ་ལ་མུན་ནག་པ།།
ངུ་དགོས་པ་ལ་སྐད་མེད་པ།།
འགྲོ་རོགས་རྨ་བྱ་འཕྲད་ན།།
མཐའ་མཇུག་དུག་དང་འཕྲད།།
འགྲོ་འགྲོ་འབེལ་ན་སྡོད་ས་ཤོར།།
འགྲོ་སའི་ལམ་དང་འཛུལ་སའི་ཁུང་བུ།།
རྒན་པས་གང་བྱེད་གཞོན་པས་བྱེད།།
གླ་བའི་ཕྲུ་གུས་བྲག་ལ་འཛེག།
རྒན་མོ་གསེར་འཁུར་གྱི་ལམ་མ་གཏོགས།།
རྟ་པ་མདུང་འཁྱེར་གྱི་ལམ་མ་རེད།།
རྒན་མོ་གསེར་འཁུར་ལམ་བགྲོད་བདེ།།
རྒན་པ་རྡོ་རྗེ་བྲག་ལ་ཡོད་།།
གཞོན་པ་ང་རྒྱལ་བྱེད་དོན་མེད།།
རྒས་ལོང་བྱུང་ན་སྐུ་དཀར་ཡོང་།།
རྒས་མོ་འཆི་ཁར་འདར་འཁྲུག་འཁྲུག།
ཕྲུ་གུ་ངུ་ཁར་དགོད་ཚེར་ཚེར།།
རྒས་བདེན་མིན་ཐོད་པའི་གཉེར་མར་ལྟོས།།
ངུ་བདེན་མིན་མིག་གི་མཆི་མར་ལྟོས།།
རྒོད་པོ་མཁའ་ལ་འཕུར་ཡང་།།
གྲིབ་མ་ས་ལ་འཕོག།
རྒོད་ཐང་དཀར་ལྟོགས་ཀྱང་།།
སྔོན་པོའི་རྩྭ་མི་ཟ།།
རྒོད་ཤྰཀྱ་གཤོག་རིང་འདི།།
ཕབ་ལེ་གཅིག་གིས་ཟིན་ལེ་མ།།
མདའ་སྐྱེན་པོ་ཡོད་ན་གང་འཕངས་རེད།།
རྒོད་ཚང་བཙན་རུང་ས་ནག་སྟེང་།།
རི་རྒྱལ་མཐོ་རུང་ཉི་ཟླའི་འོག།
རྒོད་ཐང་དཀར་བྲག་རྩེར་བསྡད་ནའང་།།
མིག་རྒྱང་གིས་རི་ཀླུང་ཀུན་ལ་མཐོང་།།
རྒྱ་མཚོ་ཆེ་ཡང་ཀུ་ཅོ་མ་གྲགས།།
ཆུ་ཕྲན་ཆུང་ཡང་ཀུ་ཅོ་ཆེ།།
རྒྱ་གར་ལ་རྔ་མ་འགྲོ་གིས་བསམས་ནས།།
ར་གཞུག་ལ་ཚོས།།
རྒྱ་གར་ཨ་ཙར་ཤི་བའི་རས་གོས་དེ།།
བོད་བསྟན་པ་དར་བའི་དར་ལྕོག་ཡིན།།
རྒྱ་མཚོའི་གླིང་དུ་མ་ཕྱིན་ན།།
ཡིད་བཞིན་ནོར་བུ་ག་ནས་རྙེད།།
རྒྱ་མཚོར་ཆུ་ཡུར་མི་ཆགས།།
བཀྲེན་པོས་སྦྱིན་པ་མི་གཏོང་།།
རྒྱ་མ་མ་བཀྱག་གོང་ནས་མཐོ་འཇོག།
བ་མོ་མཐོང་རྒྱུ་མེད་པའི་མར་དཀྲོག།
རྒྱ་ཆེ་ཆེ་བྱས་ནས་ཆེ་ཆེ་བྱེད།།
བརྒྱ་ལུགས་རི་ལ་བཀྲམ་འདྲ་བྱེད།།
རྒྱ་མཚོར་མེ་འབར་ན་གསོད་པའི་ཆུ་མི་རག།
རྡོ་ལ་སྤུ་སྐྱེས་ན་བཞར་བའི་གྲི་མི་རག།
རྒྱ་ལ་འགྲོ་བ་ལ་རྒྱུ་དགོས།།
རྒྱུ་མ་རྒྱོང་བ་ལ་ཁྲག་དགོས།།
རྒྱ་ལྷ་ཁང་གི་དགེ་སློང་བྱེད་པ་ལས།།
ཆུ་སུམ་མདོའི་གོ་མག་བྱེད་པ་དགའ།།
རྒྱ་མཚོ་འགྲམ་ལ་བཞག།
ཀོ་སྐམ་མཆིལ་མས་སྦངས།།
རྒྱ་མཚོའི་ནང་གི་ཆུ་ཐིགས་དང་།།
སྐམ་སའི་ཐོག་གི་རྡོ་ཆུང་།།
རྒྱ་མཚོ་བཏུངས་ནས་མི་ངོམས།།
རི་བོ་བཟས་ནས་མི་འགྲངས།།
རྒྱ་མཚོ་ལ་དུག་བཏབ།།
རི་བོ་ལ་མེ་བརྒྱབ།།
རྒྱ་ཁབ་རྩེ་གཉིས་སྒང་ལ་བྲོ་འཁྲབ།།
རལ་གྲི་ཁ་གཉིས་སྒང་ལ་འཁྱེར་བརྒྱབ།།
རྒྱ་ཡི་ཇ་ཞན་ལེ་ཡིན་ནམ།།
བོད་ཀྱི་ཆུ་ཞན་ལེ་ཡིན།།
རྒྱག་རེས་རྒྱག་སར་མ་འགྲོ།།
སྣུམ་ཚོང་སར་རྒྱུག།
རྒྱག་དང་མི་རྒྱག་ཐེ་ཚོམ་སོམ་ཉི་མེད།།
ཐེབས་དང་མི་ཐེབས་རླུང་རྟའི་སྟེང་ཤོད་ཡིན།།
རྒྱག་རེས་ཀྱི་ཁ་ལ་བཀྲ་ཤིས་མེད།།
རྒྱགས་ཆེས་པའི་ཕོ་བའི་གཟེར་ཟུག་དེ།།
ལྟོགས་མུ་གེས་ཤི་ཡང་མི་དྲན་ནོ།།
རྒྱན་ཆ་མེད་ན་ཨ་ནེ་རང་ཤུགས།།
རྒྱན་པོའི་སྟོད་དང་།།
རྗུད་པོའི་སྨད།།
རྒྱན་མེད་མདའ་དེ་ཨ་ཁུ་སྟོན་པ་ཚ།།
བརྒྱབ་པའི་ཁ་ལ་མ་ཕོག།
མ་བརྒྱབ་སྣ་ལ་ཕོག།
རྒྱབ་རི་ལྷ་ཤིང་ཤུག་པ་ཡིན་ན།།
བསངས་ཤུག་མི་ལ་རེ་དགོས་མེད།།
རྒྱབ་ཆག་སྒོས་འདེད་པ་མ་ཤེས་པར།།
མདུན་བློ་ཤེད་ཆེ་མདོག་དགོད་རེ་བྲོ།།
རྒྱལ་པོ་ལེགས་པ་ལ་འབངས་དང་།།
མཆོར་མོ་མཛེས་པ་ལ་རྒྱན་དགོས།།
རྒྱལ་ཁ་བློན་པོས་བསྒྱུར།།
རྟ་ཁ་སྲབ་ཀྱིས་བསྒྱུར།།
རྒྱལ་པོའི་བཀའ་ལས་བློན་པོའི་དབྱུག་པ་བཙན།།
རྒྱལ་པོ་ཁྲི་ལ་བཞུགས་ཀྱང་།།
སྤྱན་མིག་སྡེ་ལ་གཟིགས།།
རྒྱལ་པོས་ཡུལ་འཁོར་སྲུང་།།
སེང་གེས་ས་མཐའ་སྲུང་།།
རྒྱལ་པོ་མ་བཞེངས་ཁྲི་ལ་བཞུགས།།
རལ་གྲི་བཏོན་ཤུབས་ལ་ཆུག།
རྒྱལ་སྲིད་རྒྱལཔོའི་སྐུ་བསོད་དང་།།
བདེ་སྐྱིད་བློན་པོའི་ལག་རྩ་ཡིན།།
རྒྱལ་བ་ལྔ་པ་ཟེར་ན་ཟླ་བ་ལྔ་པ།།
རྒྱལ་པོའི་བཀའ་དང་རི་གཟར་རྦབ།།
གྱེན་དུ་ལྡོག་པ་དཔེར་མི་སྲིད།།
རྒྱལ་པོའི་སྨྲ་བ་ལན་གཅིག་ཡིན།།
བློན་པོའི་འདུ་ར་ཐེངས་གཅིག་ཡིན།།
རྒྱལ་སྲིད་རྒྱལ་པོའི་ཕྱག་རྩ།།
རྒྱལ་ཁ་བློན་པོའི་སྒྱུར་ཕྱོགས།།
རྒྱལ་པོ་ཁྲིམས་དང་ཐམ་གས་འཛིན།།
རྒྱལ་པོའི་བཀའ་ཁྲིམས་ནོར་གྱིས་བཤིགས།།
སྒོམ་ཆེན་ཕྱག་རྒྱ་ཤིག་གིས་བཤིགས།།
རྒྱལ་པོ་ཆགས་པའི་རྟེན་དང་།།
ཐེའུ་རང་འཁོར་བའི་ཡོས།།
རྒྱལ་ཁྲིམས་གསེར་གྱི་གཉའ་ཤིང་།།
ཆོས་ཁྲིམས་དར་གྱི་མདུད་པ།།
རྒྱལ་པོ་རྒྱལ་གཞིས་བཞག་ནས་འགྲོ།
སྤྲང་པོ་བེར་ཀ་བཞག་ནས་འགྲོ།།
རྒྱལ་ཁམས་ཕོ་ཕྱེད་མོ་ཕྱེད།།
ལུང་པ་རྩྭ་ཕྱེད་ཆུ་ཕྱེད།།
རྒྱལ་པོ་རྒྱལ་བཟོད་མི་བདེ་ན།།
མོ་ཧྲེང་གཉིད་བཟོད་མི་བདེ།།
རྒྱལ་པོ་རྣམས་ནི་ངོ་བསྟོད་དགའ།།
དྲང་པོའི་གཏམ་ལ་ཉན་པ་དཀོན།།
རྒྱལ་ཁམས་ལོ་ལེགས་བྱུང་ན།།
སྤྲང་པོ་འཚོ་བ་བདེ།།
རྒྱལ་པོའི་བང་མཛོད་ལ་ཡི་དྭགས་ཀྱི་སེར་སྣ།།
རྒྱལ་པོ་ཡུལ་ཤོར་འདོད་དུས་ཁྲིམས་ཁ་མེ་ལས་ཚ།།
ཡུལ་མི་དམའ་འབེབས་འདོད་དུས་ཧམ་པ་དགུང་ལས་མཐོ།
བརྒྱ་ཐམ་པའི་གྲལ་འགོར་མ་སླེབས་ཀྱང་།།
སྟོང་ཐམ་པའི་གྲལ་གཞུག་ཏུ་མ་ལུས་པ།།
བརྒྱ་བཤད་སྟོང་ལ་བབས་ཀྱང་།།
ཡོས་ལ་བབ་རྒྱུ་རྩམ་པ།།
བརྒྱ་ལུག་འཚོ་བའི་རྫི་བོ།།
འོག་སྡེ་བའི་དཔོན་པོ།།
བརྒྱ་ལུག་བསྐོར་འཚོས།།
ལ་ཁར་ཐག་འཚོས།།
བརྒྱ་ཐམ་པའི་ཁ་ཁེབས་ཀྱང་།།
སྟོང་ཐམ་པའི་མིག་མི་ཁེབས།།
བརྒྱད་མེད་པར་དགུའི་གྲབས་གཤོམ།།
བརྒྱའི་དཀྱིལ་ནས་བདམས།།
སྟོང་གི་དཀྱིལ་ནས་བསྒྲུགས།།
བརྒྱ་འདྲེ་ཐེངས་གསུམ་མ་བརྒྱབ་ན།།
ཤག་པོ་སྙིང་འདྲ་མི་ཆགས།།
བརྒྱ་ཚར་བའི་མདའ་མོར།།
ལོག་ཤོག་ཟེར་རྒྱུ་མེད།།
བརྒྱབ་འདྲེའི་ཁ་ལ་བཀྲ་ཤིས་མེད།།
རྒྱུ་མེད་པའི་མི་དེ་བསམ་རྒྱ་ཆེ།།
སྤྲིན་མེད་པའི་གནམ་དེ་ཁ་རྒྱ་ཆེ།།
རྒྱུ་ཡོད་ན་ཨ་ཁུའི་ཚ་བོ་རེད།།
རྒྱུ་མེད་ན་ཨ་ཁུའི་གཡོག་པོ་རེད།།
རྒྱུ་སྐར་ཕྲ་མོ་མ་རྫོགས་བར།།
ཐོ་རེངས་སྐར་ཆེན་ཤར་ཐབས་མེད།།
རྒྱུ་ཆུ་ལ་བརྟེན་ནས་རྐྱེན་འཁྱག་པ།།
རྒྱ་ལ་མི་བལྟ་མི་ལ་ལྟོས།།
ཁ་ལ་མི་བལྟ་སེམས་ལ་ལྟོས།།
རྒྱུ་ནོར་མེད་པའི་ལྕེ་རྩེ་ལ།།
བདེན་དོན་ཚིག་གི་མདུད་པ་ཡོད།།
རྒྱུ་བདུག་སྤོས་ངོ་མ་ཡིན་ན།།
མིང་སྒྱུར་ཡང་དྲི་བསུང་སྔར་བཞིན་འཐུལ།།
རྒྱུ་འགྲོ་སོང་ཆེ་ལ།།
དགེ་བ་ཚོགས་མ་བསགས།།
རྒྱུ་མིས་བཟོས་པ་ལས།།
རྒྱུས་མི་བཟོས་པ་མིན།།
རྒྱུ་རྒྱུ་ཐོག་ལ་འཁེལ་བ་མ་བྱུང་ཡང་།།
སེམས་སེམས་ཐོག་ལ་འཁེལ་བའི་རེ་བ་ཡིན།།
རྒྱུ་ཡོད་ན་བུ་མོ་སྤུན་མཆེད་དང་།།
རྒྱུ་མེད་ན་བུ་མོ་དཔོན་གཡོག་ཡིན།།
རྒྱུ་མེད་ཀྱང་གྲྭ་སའི་གྲྭ་པ་རེད།།
མདོག་མེད་ཀྱང་ཕ་མའི་གཅེས་ཕྲུག་རེད།།
རྒྱུ་མེད་ན་ཁྲམ་པ་ཤུགས་ལ་བྱུང་།།
ལས་མེད་ན་མི་མཁྱམ་ལོས་ཀྱིས་ཡོང་།།
རྒྱུམ་ལུག་ཀྱང་གསོན་པའི་རེ་བ།།
ཕར་སོང་ལ་གཏམ་ཚུར་ལྷག།
རྒྱུ་འགྲོ་ས་རྒྱལ་པོའི་བང་མཛོ་དང་།།
ཆུ་བབས་ས་ལུང་པའི་སུམ་མདོ།
རྒྱུ་འགྲོ་མི་དགོས་པའི་ལྷ་དབུ་ཆེན་པོ།།
རྒྱུ་དྲང་པོས་རྩིས་མ་ཟིན་ན།།
ཁ་དར་ལས་འཇམ་ཡང་ཕན་པ་མེད།།
རྒྱུ་མ་རློན་པ་གྲིས་མ་ཆོད།།
རྒྱུ་མ་རིང་པོས་ལས་མི་ཚར།།
རྒྱུག་ར་བྲག་ལ་བྱས་ན།།
རྟ་ལས་ར་མགྱོགས།།
རྒྱུག་རྒྱུག་རྟ་པོ་བཞིན་དུ་རྒྱུག་དགོས་མ་རེད།།
འཁོལ་འཁོལ་འོ་མ་བཞིན་དུ་འཁོལ་དགོས་མ་རེད།།
རྒྱུག་ཆུའི་ཤུལ་དུ་ཡུར་བུ་རང་ཤུགས་ཆགས།།
ལས་བཟང་སྤེལ་ན་བྱས་རྗེས་རང་ཤུགས་གསལ།།
རྒྱུག་རན་དུས་ཨ་ཉག་རྨུག་གུ་ཆད།།
འཕེན་རན་དུས་ཧོ་ཐོ་ཤ་ཁ་ལུས།།
རྒྱུགས་ཟེར་ན་དམྱལ་བ་དང་།།
རྒྱོབས་ཟེར་ན་ཕ་མགོ།།
རྒྱུད་ལ་མེད་ན།།
བཅོས་ལ་དཀའ།།
རྒྱུའི་བདག་པོ་སླེབས་དུས།།
སླ་ངའི་ལྷན་པ་བཀོན།།
རྒྱུས་མེད་ཀྱི་རྒྱུས་གཏམ་བཤད་ན།།
རྒྱུས་ཡོད་གད་མོ་ཤོར།།
རྒྱུས་མེད་ལམ་དུ་མ་འགྲོ།།
གཡང་སར་ལྷུང་ཉེན་ཡོད།།
རྒྱུས་མེད་མི་དེ་ལན་གཅིག་ཕུང་།།
སྒ་ཕ་གཞིས་ཡིན་པས་ཉར་དགོས།།
ཁལ་མགྲོན་པོ་ཡིན་པས་སླེབས་ཡོང་།།
སྒལ་པས་འདྲོངས་ཀྱང་།།
རྩིབས་མས་མི་འདྲོང་།།
སྒོ་ལྕིབས་འབུས་མི་ཟ།།
རྒྱུག་ཆུ་རུལ་མི་སྲིད།།
སྒོ་ལུང་མེད་ལ་ལུང་དང་།།
རྟ་རྔ་འཛེར་མེད་ལ་འཛེར།།
སྒོ་ང་རྐུ་དུས་བཟོ་ལྟ་མ་བཟོས་ན།
བྱ་མོ་འཁྱེར་བའི་རྗེས་ལ་རྟ་ཕོ་འཁྱེར།།
སྒོ་ངའི་ནང་གི་སེར་རིལ།།
ཨ་ཡོད་ནང་གི་ད་ཡོད།།
སྒོ་ང་རྡོ་ལ་གཞུས་ན།།
གྱོང་རྡོ་ལ་མ་ཕོག་སྒོ་ངར་ཕོག།
སྒོག་པ་ལྐོག་ལ་བཟས་ཀྱང་།།
སྒོག་དྲི་ངོས་ལ་ཁ་བ།།
སྒོག་པར་འགྲོགས་ན་དྲི་ངན་བྲོ།།
ངན་པར་འགྲོགས་ན་སྐྱོན་གྱིས་བསླུ།།
སྒོག་པ་རང་གིས་བཟས་ན་ཁ་ཚ།།
མིས་བཟས་ན་མིག་ཚ།
སྒྱུ་མའི་ནོར་ལ་ཆགས་དྲགས་ན།།
དངངས་སྐྲག་འཇིགས་གསུམ་རྒྱུན་མི་འཆད།།
སྒྱེ་མོ་སྟོང་པས་རང་འཚོ་མ་ཟིན།།
སྒྲུབ་པ་འགྲོ་འགྲོ་ཡང་ན་སྲིན་པོའི་ཡུལ་ལ་སླེབས།།
འཚེམ་མཁན་འགྲོ་མང་ན་ཕགས་ཧྲུལ་དང་འཕྲད།།
སྒྲོན་མེ་འོད་གསལ་ཡང་།།
རང་གི་ཞབས་ར་མི་མཐོང་།།
ང།
ང་གཅིག་མིན་ན་སུ་ཞིག་ཡིན།།
ང་སྤགས་ལས་བཟོས་པའི་མི་དང་།།
ཁྱོད་ལྕགས་ལས་གྲུབ་པའི་ཁྱི་མ་རེད།།
ང་འདི་འདྲ་བཟོ་མི་ཨ་མ་དང་།།
རི་དཀར་པོར་གཏོང་མི་ཁ་བ་ཡིན།།
ང་སྦལ་པ་ས་འོག་ཏུ་ཡོད་ཀྱང་།།
བསམ་པ་གླིང་དཀར་སྟོད་ན་ཡོད།།
ང་རྒྱལ་བྱ་ན་གྱོང་གུན་ཐོབ།།
ཁེངས་སྐྱུངས་བྱས་ན་ཁེ་བཟང་ཐོབ།།
ང་རྒྱལ་གྱི་གོང་བུར།།
ཡོན་ཏན་གྱི་རྩྭ་མི་སྐྱེས།།
ང་རྒྱལ་ཅན་གྱི་ཆུང་མ་ཡིས།།
རང་གི་ཁྱོ་བོ་གཡོག་ཏུ་བསྐུལ།།
ང་རྨ་བྱ་ཆུ་བརྒལ་མི་སྐྲག་པར།།
ཁྱོད་རབ་ཁར་སྡོད་མཁན་སྐྲག་དོན་མེད།།
ང་གར་སོང་ནམ་མཁའི་བྱ་དང་འདྲ།།
བྱ་གར་འབབ་རང་གི་འདོད་པ་ཡིན།།
ང་ཚོའི་བུ་མོ་གྱང་ལ་སྲན་གཏོར་འདྲ།།
ཁྱོད་ཚོའི་བུ་ནི་ཞིང་ལ་སོན་བཏབ་འདྲ།།
ང་སྡུག་ཁོ་སྡུག་ཤ་འཐེན་པགས་འཐེན།།
ང་འགྱེལ་ཉེན་བྱུང་ན་ཁྱོད་ལ་བརྟེན།།
ཁྱོད་འགྱེལ་ཉེན་བྱུང་ང་ལ་བརྟེན།།
ངུ་དགོས་པའི་དཀའ་ལས་མ་བརྒྱབ་ན།།
དགོད་དགོས་པའི་ཟ་མ་ག་ལ་རག།
ངུ་མཁས་ཀྱང་གད་མོ་དང་མི་ནོར་བ་དགོས།།
ངོ་ཤེས་པ་ལས་དགའ་བ་མེད།།
རྒྱུས་ཡོད་པ་ལས་སྡུག་པ་མེད།།
ངོ་དགའ་ངོ་བསྟོད་བྱེད་པ་དེ།།
སོ་མེད་རུས་པ་ཆོད་པ་འདྲ།།
ངང་པ་མཚོ་ལ་འཇུག་པར་སྟེང་འོག་ཀུན་ལ་བལྟ་དགོས།།
ཤྭ་བ་ལ་མོ་རྒྱག་པར་སྔ་བལྟས་ཕྱི་བལྟས།།
ངང་པ་མཚོ་ལ་འཇུག་པར།།
སྔ་བལྟས་ཕྱི་བལྟས་མི་དགོས།།
ངང་པ་ཆུ་ནང་འབྱིང་ལེ་མ།།
བདེན་པ་རླུང་གིས་འཁྱེར་ལེ་མ།།
ངང་པས་མཚོ་ངོམས་ན།།
འུག་པས་བྲག་ངོམས།།
ངང་པ་མཚོ་ལ་འཕུར་བར།།
ཉ་མོ་སྐྲག་དགོས་མེད།།
ངན་པའི་སྦྲང་རྩི་ལས།།
བཟང་པོའི་ཆུ་དཀར་དགའ།།
ངན་པ་རྒྱགས་ན་ཤིང་ལས་རེངས།།
བཟང་པོ་གུད་ན་བལ་ལས་འཇམ།།
ངན་པ་རང་ཚོད་མ་ཟིན་ན།།
རང་ཉིད་ཕམ་པའི་སྔ་ལྟས་ཡིན།།
ངན་པ་བསྐྱངས་ན་བཟང་པོ་བརྡུང་བ་འདྲ།།
ངན་པ་ཟས་ཀྱིས་འགྲངས་ན་སྐད་གསང་མཐོ།།
མ་རབས་མཐོ་སར་བཞག་ན་ཀུན་ལ་ལྡང་།།
ངན་པའི་དཔོ་ལས།།
བཟང་པོའི་གཡོག་དགའ།།
ངན་པ་རང་བརྩི་ཆེ།།
ཁྱི་རྒན་སྐྱག་བརྩི་ཆེ།།
ངན་ཁོག་ནང་ཡོད་ཀྱང་།།
ཁ་རུ་འཇམ་སྐད་ཐོན།།
ངན་པ་ཚར་མ་བཅད་ན།།
བཟང་པོ་སྤྲོ་བ་མི་སྐྱེས།།
ངན་པས་རང་བསྟོད།།
ཁྭ་ཏས་སྒྲོ་བསྟོད།།
ངན་པ་དཔོན་དུ་བསྐོས་ན།།
རང་གི་སྡེ་ལ་སྡང་།།
ངན་པ་ཚར་གཅོད་དང་།།
བཟང་པོར་བྱ་དགའ།།
ངན་པའི་ཞོར་ལ་རྒྱུག་རྡུང་དང་།།
བཟང་པོའི་ཞོར་ལ་ཇ་ཆང་།།
ངན་པ་ཁྱིམ་དུ་དྲངས་པ་དེ།།
དུག་སྦྲུལ་གདན་ཁར་དྲངས་པ་ཡིན།།
ངན་པ་ཁུ་འདུས་མང་པོའི་དཔོན་པོ་ལས།།
ཡ་རབས་བཟང་སྤྱོད་ལྡན་པའི་གཡོག་པོ་སྐྱིད།།
ངན་པས་སྡེ་དཔོན་བྱེད་པ་དེ།།
སྤྱང་ཀིས་ལུག་རྫི་བྱེད་པ་ཡིན།།
ངམ་ཤོལ་བྱེ་མས་རྐང་པ་འཚིགས།།
དེ་ནས་འམ་བུ་སྤྱང་ལ་ཚུད།།
ངན་རིང་དབྱར་ཆོས་ལ་འགྲོ་བར།།
བསམ་བློ་དགུན་དུས་ན་ཐོངས།།
ངར་མིས་ཕྱག་རྒྱ་བཅའ་རུང་།།
སྒོམ་པས་སྙིང་རྗེ་མི་བྱེད།།
ངས་ཉིན་མོ་བལྟས་ནས་མ་མཐོང་བར།།
ཁྱོད་མཚན་མོ་བལྟས་ནས་ག་ལ་མཐོང་།།
མངར་སྐྱུར་ལྐུག་པའི་སེམས་དང་།།
བྱམས་སྡང་བྱིས་པའི་ཡིད་ལའང་གསལ།།
རྔ་མ་དཀར་དཀར་གཡག་གི་རྒྱན།།
ཁ་བ་ཁྲ་ཁྲ་ལུང་པའི་རྒྱན།།
མེ་ཏོག་སེར་ཆེན་སྤང་གི་རྒྱན།།
རྔ་ཚིག་མ་བརྡུངས།།
ཁྱི་ཚིག་མ་ལང་།།
རྔ་མདུད་རང་གྲོལ།།
སྦྲུལ་མདུད་སྦྲུལ་བཤིག།
རྔ་མོང་སྐེ་རིང་ཡང་།།
ལ་རྒྱབ་ཀྱི་རྩྭ་མི་རག།
རྔ་བརྡུངས་རྒྱུ་ཕར་བཞག།
རྔ་ཡོག་ལ་ལག་པ་མ་འཆང་།།
རྔ་རྡུང་སྟངས་ལ་གཞིགས་པའི་འཆམ།།
རྔ་གོག་བརྡུངས་ན་ཟེར་ཁོག་འཕར།།
རྔ་གོག་འདྲ་བའི་མགོ་གཉིས་མ།།
དུག་སྦྲུལ་འདྲ་བའི་ལྕེ་གཉིས་མ།།
རྔོས་མ་ནས་ལ་ཡང་བརྔོས་དང་།།
མི་ངན་ཚིག་ལ་ཡང་བསྐོར།།
རྔ་དྲུག་ལ་འགྲོ་བ་ཤེས་པ་ལས།།
དྲུག་ཡས་ནས་འགྲོ་བ་མི་ཤེས།།
སྔ་བསམ་ཕྱི་མནོ་དང་།།
རྗེས་ཡོང་སྔོན་དྲན་དགོས།།
སྔ་ལབ་མ་ཉུང་བ་དང་།།
ཕྱི་ལབ་མ་མང་བ་དགོས།།
སྔ་སྐྱེས་རྣ་མཆོག་དང་།།
ཕྱི་སྐྱེས་རྭ་ཅོ།།
སྔ་རྗེ་མ་སྤོངས།།
ཕྱི་རྗེ་མ་འཚོལ།།
སྔ་དྲོ་ལངས་པའི་སྔ་མ་དང་།།
ཕྱི་དྲོ་ཉལ་བའི་རྟིང་མ།།
སྔ་ཆར་མ་ཆད་པར་དགོང་ཆར་བབས།།
སྔ་མ་རྡབ་ཆག་ཤོར་སར།།
ཕྱི་མ་གད་མོ་མ་དགོད།།
སྔ་དྲོ་བླ་མ་ལས་དལ་བ།།
ཕྱི་དྲོ་ཉེ་གནས་ལས་བྲེལ་བ།།
སྔར་བསྲོས་པའི་ཉི་མར་དྲོད་མེད་ན།།
སླད་བསྲོ་རྒྱུའི་ཉི་མར་དྲོད་མི་ཡོང་།།
སྔར་ཐུག་ཆུ་མི་ཉན་པར།།
ད་ཇ་ཆུ་ཉན་གྱི་མ་རེད།།
སྔར་གྱི་ལམ་དང་།།
རྗེས་ཀྱི་ཤུལ།།
སྔར་བྱ་ཉལ་ས་ལ།།
ད་བྱིའུ་མི་ཉལ།།
སྔར་ཁྲལ་མར་ཁལ་ལས།།
ཕྱི་ཁྲལ་སྟེང་ཚྭ་ལྗི་བ།།
སྔར་དུག་སྦྲུལ་ནག་པོས་སྲོག་བཅད།།
ད་ཐི་གུ་ཁྲ་ཁྲར་ཡ་ང་།།
སྔར་གཏམ་གོག་པོས་འགྲམ་སོ་བཅག།
སྔར་བྱས་རྒྱབ་བསྐྱུར་དང་།།
ཕྱིན་ཆད་པང་ལེན།།
སྔོ་ཐམས་ཅད་ཟ་ཉན་དོགས་མེད།།
མི་ཐམས་ཅད་བློས་འགེལ་དོགས་མེད།།
སྔོན་ཆད་འདྲིས་པའི་གྲོགས་པོར་གཞུང་མ་བསྲངས་ན།།
ཕྱིན་ཆད་གྲོགས་པོ་བཙལ་ཀྱང་རྙེད་པར་དཀའ།།
སྔོན་ཆད་མེ་ལོང་བྱས་པས་ན།།
ཕྱིན་ཆད་ཅི་ཡོང་ཤེས་རྟོགས་ཐུབ།།
སྔོན་པོའི་གོས་ཆེན་ལ།།
དྲང་པོའི་ཐིག་རྒྱག་དགོས།།
སྔོན་ལ་བཏོན་ན་ཇུས་ཡིན།།
རྗེས་ལ་བཏོན་ན་འགྱོད་པ་ཡིན།།
སྔོན་པོའི་ཆུ་ལ་མེ་འབར།།
སེར་རོང་ལྕགས་ལ་འབུ་ཞུགས།།
དངོས་སུ་མཐོང་བའི་བྱ་བ་ཡང་།།
བདེན་པ་ཡིན་པའི་ངེས་པ་མེད།།
དངོས་གྲུབ་མེད་ཀྱང་།།
མཛོག་མགོ་གློད་རོགས།།
དངོས་ཟོག་ལེགས་ཉེས་བསྡུར་ན་ཤེས།།
བྲོ་བ་ལེགས་ཉེས་མྱངས་ན་ཤེས།།
དངོས་པོ་ཆེ་ན་སྡུག་བསྔལ་ཆེ།།
དངོས་པོ་ཆུང་ན་སྡུག་བསྔལ་ཆུང་།
ཅ།
ཅ་ཟིང་པོའི་གཏམ་དྲངས་པ་ལས།།
ཆ་ཚང་བའི་དངོས་དྲངས་ན་དགའ།།
ཅ་ལེ་ཅོལ་ལེའི་གོམ་པ་རྒྱག་པ་ལས།།
འདུམ་བདེ་བའི་མཆོང་རྒྱག་བརྒྱབ་ན་དགའ།།
ཅག་ག་བྱས་པའི་མེ་ཏོག།
བྱ་མ་བྱིའུ་ཡིས་བཟས་ཡོང་།།
ཅང་ཤེས་རྟ་ཕོ་ཆག་གིས་གསོ་བ་དེ།།
རྐང་ཐང་འགྲོ་འདོད་མེད་པའི་རྐྱེན་གྱིས་ཡིན།།
ཅང་ཤེས་རྟ་ཕོའི་འགྲན་ཟླ།།
མགྲིན་བཟང་བོང་བུས་མི་ཆོག།
ཅི་མཛད་ལེགས་པར་མཐོང་དགོས་ན།།
མ་གནང་དགུ་གནང་མ་གནང་ཞིག།
ཅི་གསུང་བཀའ་བཞིན་སྒྲུབ་དགོས་ན།།
མི་གསུངས་དགུ་གསུང་མ་གསུངས་ཤིག།
ཅི་ལ་འཆམ་དང་ལྟོ་ལ་འཆམ།།
ཅི་བཤད་ལ་མི་ཉན།།
ཅི་བྱས་ལ་བརྟག་དགོས།།
གཅན་གཟན་གྱིས་རང་རྒྱུད་མི་ཟ།།
གཅིག་ལ་མ་འགྲིགས་གཞན་གྱི་སྐྱོན།།
ཀུན་ལ་མ་འགྲིགས་རང་གི་སྐྱོན།།
གཅིག་བཤད་དོན་ལ་མ་གནས་ན།།
བརྒྱ་བཤད་སྟོང་བཤད་དོན་མེད་ཡིན།།
གཅིག་མི་ཐུབ་སྟོང་ལ་འགྲན།།
གཅིག་མ་ཤེས་བརྒྱ་བཤད་འདོད།།
གཅིག་གྲོས་གཅིག་ལ་ཕན།།
གཅིག་དོན་གཅིག་གིས་སྒྲུབ།།
གཅིག་འོག་གཅིག་གིས་མ་ནོན།།
གཅིག་ཁོག་གཅིག་གིས་མ་ལོན།།
གཅིན་ཁ་བྲོ་དུས་གསང་སྤྱོད་དྲན།།
གཅིན་པ་གྱེན་ལ་བཏང་ན།།
ལ་གཡོག་ཐུར་ལ་བརྒྱབ་ཡོང་།།
གཅེས་ལང་བཏང་ན་བྱམས་སྐྱོང་མིན།།
གཅོང་གཅོང་གཅིག་ལ་ཐང་ཐང་བརྒྱ།།
ལྕི་བ་གསེར་ལ་མི་འགྱུར།།
ཆུ་ནག་སྣུམ་ལ་མི་འགྱུར།།
ལྕགས་ལ་ལྕགས་ཀྱི་ལྷན་པ།།
ཟངས་ལ་ཟངས་ཀྱི་ལྷན་པ།།
ལྕགས་ཀྱི་རིལ་བུ་བཟས་ན།།
རྡོ་ཡི་འགྲམ་སོ་དགོས།།
ལྕགས་ཚ་ཐོག་ལ་བྱུང་ན།།
དོན་འགྲུབ་ཐོག་ལ་བགྱིད།།
ལྕགས་མ་ཟད་བར་དུ།།
བཙའ་མི་ཟད།།
ལྕགས་ལ་མེ་འབར་ན།།
ལན་ལ་ཐལ་བ་རྒྱོབས།།
ལྕགས་རོང་བོང་བུ་སྡུག་ཀྱང་རང་སྡུག་རེད།།
སྒལ་པའི་རྒྱབ་འཁུར་མ་ཁྱེར་ཀ་མེད་རེད།།
ལྕང་མ་ལོ་གསུམ་སྐྱེས་པར་དགའ་མི་དགོས།།
སྦྱར་པ་ལོ་གསུམ་བསྐམས་པར་སྡུག་མི་དགོས།།
ལྕང་རའི་བདག་པོར་གུ་ཡོག་དཀོན།།
ལྕང་མར་ལྕང་སྐྱོར་མ་ཐུབ་རུང་།།
ལྕང་རྩ་རྡོ་ཡིས་རྡུང་མི་ཉན།།
ལྕང་སྡོང་འགྱེལ་ན་གྲིབ་མ་ཡལ།།
ལྕང་གླིང་བྱ་ཁྲས་བསྐོར་བ་ལ།།
བྱེའུ་ཆུང་བྲོས་པས་ག་ལ་ཐར།།
ལྕང་མའི་བདག་པོར་མེ་སོག་དཀོན།།
ལྕང་རྩ་རྡོག་གནོན་དང་།།
མགོ་འོག་མཇུག་གནོན།།
ལྕང་མ་རློན་པའི་ཟམ་པ།
ལྡེམ་ལྡེམ་བློས་སུ་མ་འཁེལ།།
ལྕང་མ་རློན་པའི་ཟམ་པ།།
རང་གིས་བཙུགས་ནས་རང་ཐར་བ་དགོས།།
ལྕམ་སྐུ་ཞབས་ཀྱི་འགྲོ་སྟངས་མི་ཤེས།།
བུ་མོ་ང་རའི་འགྲོ་སྟངས་ཀྱང་ཤོར།།
བཅག་བཅག་གི་ཟས་ཟ་བ་ལ།།
རུབ་རུབ་ཀྱི་གྲོས་བྱེད་དགོས་པ་ཡིན།།
བཅད་པའི་ཤུལ་དུ་འཛུགས་པ་དཀའ་རུང་།།
ཁྲག་ཤུལ་ཆུ་བཤལ་དུ་མ་སོང་བ་དགོས།།
བཅད་ཁ་སྒོར་སྒོར་ལ།།
མཐུད་ཁ་གྲུ་བཞི་མི་འགྲོ།།
བཅད་ཁར་མ་ཚང་ཡང་།།
མཐུད་ཁར་ཚང་བ་དགོས།།
བཅུ་གསུམ་ཁོག་རྩིས་མ་ཐེབས་ན།།
རང་མགོ་ཐོན་ན་ལྷ་རྒྱལ་རེད།།
བཅོ་ལྔའི་ལྷ་ཟླ་འདྲ་འདྲ་ང་མ་རེད།།
ཉི་ཤུའི་ཟླ་ནག་འདྲ་འདྲ་ང་མ་རེད།།
བཅོ་ལྔ་མཆོད་པ་ཞེ་པོ་ཡོད་ན།།
ཉི་མའི་དགུང་ལ་ཐོན་ཤོག།
བཅོལ་ཚད་ཁས་མ་ལེན།།
བླངས་ཚད་ཐོག་ཏུ་ཁེལ།།
བཅོལ་བའི་ལས་གོ་ཆོད་པ་བགྱིད།།
རང་མགོ་ཐོན་འོང་བ་ཡིན།།
བཅོས་མའི་ཚིག་མི་བདེན།།
ཤོག་ནང་མེ་མི་ཐུབ།།
བཅོས་མིན་གསེར་ལ་བལྟས་ན།།
རང་སེམས་དཀར་པོར་འདུལ་དགོས།།
བཅོས་མིན་བློ་དང་ལྡན་ན་ཀུན་གྱིས་བཀུར།།
ཆ།
ཆ་ལུགས་ཡ་མ་ཟུང་ལ།།
ལྟ་སྣང་མཐོང་མི་གཅིག།
ཆག་སྒོ་བྱུང་ན་མགོ་དང་།།
མུ་གེ་བྱུང་ན་མཐའ།།
ཆག་སྒོ་ནག་པོས་འདེད་པའི་མི།།
བློ་དང་བྱ་ལག་གཞན་ལས་མང་།།
ཆག་མ་མྱོང་གཤིན་རྗེའི་རྒྱ་མ་ཆག།
ཤི་མ་མྱོང་ཨ་ཁ་གླང་མགོ་ཤི།།
ཆག་སྒོ་བསླངས་སོང་ཆག་ཆག།
སྡིག་པ་བསགས་སོང་སྡིག་སྡིག།
ཆག་རྟ་ཕོས་བཟས།།
ཡ་ལ་བོང་བུར་བཀལ།།
ཆག་སྒོ་མེད་ན་ཆེ་ན་དགའ།།
ཆགས་ན་ཞོ་དང་།།
མ་ཆགས་ན་དར་ར།།
ཆང་གཞས་མེད་ན།།
བོང་བུ་ཆུ་འཐུང་རེད།།
ཆང་ལན་ཆུ་འཇལ།།
བཟང་ལན་ངན་འཇལ།།
ཆང་ནད་ཆང་གིས་བསངས།།
ཆང་ཚོད་མེད་ལ་ཁ་མཆུ་བར་མི་ཆད།།
ཆང་རང་གིས་བཏུངས་ན་མགོ་ན།།
ཆང་མིས་བཏུངས་ན་སྙིང་ན།།
ཆང་གིས་བཟི་ན་དྭངས་མཐའ་ཡོད།།
ནོར་གྱིས་བཟི་ན་དྭངས་མཐའ་མེད།།
ཆང་གིས་བཟི་བའི་ཡོན་ཏན་ལ།།
ཁྱི་དང་བྱེའུ་ངོ་མི་ཤེས།།
ཆང་ཁས་བཏུངས་ཀྱང་།།
རྩིས་རིག་པས་ཟིན།།
ཆང་འཐུང་ཤེས་ན་སྨན་དང་།།
འཐུང་མི་ཤེས་དུག་རེད།།
ཆང་གཅོད་འདོད་ན།།
ར་བཟིའི་སྐྱོན་ལ་ལྟོས།།
ཆང་བཟི་ཁ་དང་།།
གཉིད་ཤོར་རྐུབ།།
ཆད་པ་ཡོད་ན་སྣེ་འཛིན་དགོས།།
ཆབ་ཏོག་ཉི་མར་བསྲོས་ན།།
ཁ་ལས་ཞབས་ར་མཐོ་བ།།
ཆབ་ཏིག་ཉི་མར་བསྲོས་ན།།
ཡོང་རྒྱུར་དྲི་མ་ངན་པོ།།
ཆབ་སྔོན་མོ་ཁ་ཞེང་ཆེ་ནའང་།།
གྲུ་བཟང་པོས་ཕར་བཅད་ཚུར་བཅད་རེད།།
ཆམ་པར་ཕན་ཡང་།།
ཡ་མར་གནོད།།
ཆར་པ་བཏང་ན་རི་ཀླུང་སྣུམ།།
སྡིག་པ་བཤགས་ན་བར་དོ་ཡང་།།
ཆར་པ་རྒྱ་གྲོང་ལ་བབ་ན།།
ཞིང་ཆུ་མ་བཏང་གང་ཡག།
ཆར་དྲག་ཆར་ཉིན་མཚན་དགུ་བབ་ཀྱང་།།
བྱིའུ་འཇོལ་མོ་རང་མགོ་རང་གིས་ཐོན།།
ཆར་འདོད་བྱིའུ་ཁ་སྐོམ་ཡང་།།
ས་ལ་འཁྱིལ་བའི་ཆུ་མི་འཐུང་།།
ཆར་སྣེ་ཆུ་འཁྲིད།།
ཆུ་འགོ་གངས་ཐུག།
ཆར་སྣེ་རླུང་འཁྲིད།།
ངན་པ་སྣེ་འཁྲིད།།
ཆར་པ་ཆུ་གྲོགས།།
ཉི་མ་མེ་གྲོགས།།
ཆར་པ་བྱུང་ན་གནམ་ལ་དགོས།།
གནམ་གྱི་མཐའ་རྣམས་སྐམ་པོ་རེད།།
ཆར་པས་རློན་པ་ཆགས་ན།།
ཟིལ་པས་ག་ལ་གནོད།།
ཆུ་མོ་ཡུར་ནང་དུ་རྒྱུག་པ་ལ།།
ཀླུ་མོ་ཕྲག་དོག་བྱེད་དོན་མེད།།
ཆུ་ཡི་ཐིགས་པ་ཆུང་ཡང་།།
བྲག་ལ་ཨི་ཁུང་བརྟོལ།།
ཆུ་སྐྱོན་འགོག་པའི་ཆུ་རགས་དང་།།
སྤྱང་ཀི་འགོག་པའི་ལུག་ཚང་།།
ཆུ་རྐ་མགོར་ཡོད་ན།།
རྐ་མཇུག་ལའང་ཡོད།།
ཆུ་སྔོན་པོ་ཉིན་འགྲོ་མཚན་འགྲོ།།
དམན་བུ་མོའི་འགྲོ་རོགས་མི་ཕན།།
ཆུ་ཕརཐོན་ཟམ་པ་བརྗེད་མི་ཉན།།
བུ་ཕ་མཉམ་ཕ་མ་བརྗེད་མི་ཉན།།
ཆུ་བརྒལ་དུས་ཁ་ཞེང་ལ་ལྟོས།།
ལ་བརྒལ་དུས་གཡང་སར་ལྟོས།།
ཆུ་ཆེན་ཡུར་བུར་མ་ཤོང་།།
ས་ཆེན་ཁྲུ་སློག་མི་ཐུབ།།
ཆུ་ཆེན་འབྲི་ཆུ་ཆེ་ནའང་།།
ཞིང་ཆུ་འདྲེན་ལ་ཕན་ཐོགས་མེད།།
ཆུ་ཐོན་སོང་ཟམ་པ་ག་ལེར་བཞུགས།།
ལ་ཐོན་སོང་ཁ་བ་ག་ལེར་བཞུགས།།
ཆུ་ཆེན་འབྲི་ཆུ་རྫ་ཆུ་ཆེ།།
དྲིན་ཆེ་བ་རི་སྐེད་རྫིང་བུ་ཡིན།།
ཆུ་ནང་ནས་ཟླ་བ་འཛིན་པ།།
ཆུ་ཆེན་དལ་ཡང་འགྲོ་མི་སྲིད།།
དར་ལྕོག་བྲེལ་ཡང་སྡོད་མི་རེད།།
ཆུ་སུམ་མདོའི་དགེ་སློང་བྱེད་པ་ལས།།
རྒྱ་གྲོང་གི་མག་པ་བྱས་ན་དགའ།།
ཆུ་བརྒྱ་ཟམ་འོག་ཏུ་མ་འདུས་པ་དང་།།
མི་བརྒྱ་ཁྲིམས་འོག་ཏུ་མ་འདུས་པ་མེད།།
ཆུ་ལ་དྲི་མ་མེད་པ་དགའ།།
མི་ལ་གཡོ་རྫུན་མེད་པ་དགའ།།
ཆུ་གཙང་པོ་དཀྲུག་ནས་མར་མི་ཐོན།།
རྡོ་གཡམ་མ་བཙིར་ནས་སྣུམ་མི་ལོན།།
ཆུ་ལ་ཆུ་འགོ་དང་།།
ཤིང་ལ་རྩ་བ།།
ཆུ་ལ་ཆར་པས་སྐྱོ་རོགས།།
བྲག་ལ་འུག་པས་སྡོད་རོགས།།
ཆུ་ཆུང་ཐབས་དང་།།
ཟམ་པ་དམའ་ཐབས།།
ཆུ་དང་ཉ་མོ་མཐུན་ན།།
གཉིས་ཀ་བདེ་བར་གནས།།
ཆུ་ཉམས་མཉན་པས་ལོན་ན།།
མཐིལ་བརྡོལ་ཀོ་བས་སྒྲོལ་ཡོང་།།
ཆུ་མེད་པའི་ལུང་སྟོང་འདབ་རྫབ་ལ།།
ཉ་གསེར་མིག་སྡོད་པ་སྣང་བ་འཁྲུལ།།
ཆུ་དྭངས་ཉ་མོ་གསལ།།
ཆུ་དལ་ཉོ་མོ་སྐྱིད།།
ཆུ་ཉམས་མཉན་པས་ལོན་ན།།
ཀོ་གྲུ་མཐིལ་རྡོལ་གཏོང་།།
ཆུ་རང་ཡུལ་དུ་མ་བཏང་ན།།
རགས་གཞན་ཡུལ་དུ་རྒྱོབས།།
ཆུ་ཆུང་དུས་ཆུ་རགས་མ་བརྒྱབ་ན།།
ལུང་པ་ཆུ་ཡིས་འཁྱེར་ཉེན་ཡོད།།
ཆུ་འགོ་ཁྲི་སྟོང་ཡོད་ཀྱང་།།
འདུ་ས་རྒྱ་མཚོའི་ནང་རེད།།
ཆུ་གཏིང་ནས་རྙོག་མཁན་ཀླུ་བདུད་དང་།།
སྦྲུལ་ཤིང་རྩེར་ཁྱེར་མཁན་མཁའ་ལྡིང་རེད།།
ཆུ་ལ་ཨེར་ཀོག་གཞུས་ཀྱང་།།
ཉ་ལ་ན་ཚ་མི་གཏོང་།།
ཆུ་རྒྱ་མཚོ་ཆེན་པོའི་འཁྱིལ་ལམ་དུ།།
རྫིང་ཆུང་ཆུང་འདམ་ཆུས་གཡས་སྐོར་བྱེད།།
ཆུ་མིག་སྒམ་ཚིག་ཙམ་ནས།།
ཉ་ཆེན་འདོམ་པ་བཅོ་བརྒྱད།།
ཆུ་འགྲོ་མུས་དང་།།
གདུང་མ་འདྲུས་མུས་ཡིན།།
ཆུ་ངན་ལམ་ཞུགས་དང་།།
མི་ངན་ལང་ཤོར།།
ཆུ་དྭངས་ན་ཉ་གསལ།།
སྤྲིན་པ་དྭངས་ན་ཉི་མ་གསལ།།
ཆུ་ངོས་ཞི་འཇམ་ཡང་།།
གཏིང་ན་ཆུ་སྲིན་ཡོད།།
ཆུ་བོ་ཆེན་པོ་གཏིང་ཟབ་པ།།
ཆུ་ཕྲན་མང་པོ་འདུས་ལས་བྱུང་།།
ཆུ་ཐིགས་བསགས་པའི་རྒྱ་མཚོ།།
ཆུ་གད་པ་གཉིས་ལ་དམའ་རེས་མཐོ་རེས།།
ནམ་ཉི་མ་གཉིས་ལ་རིང་རེས་ཐུང་རེས།།
ཆུ་ཆར་པའི་སྐྱོ་རོགས་མ་བྱུང་ཡང་།།
སད་སེར་བའི་སྣ་འདྲེན་བྱེད་མི་རུང་།།
ཆུ་ཆར་པ་རྒྱལ་ཁམས་ཀུན་ལ་བབས།།
ཐོག་སེར་བ་ང་ཡི་མགོ་ལ་སྡང་།།
ཆུ་དང་མེ་འཕྲད།།
དགྲ་དང་གྲོགས་འཕྲད།།
ཆུ་མོ་དྭངས་ཤིང་དྭངས་ཤིང་།།
གྲམ་པ་གསལ་དུ་གསལ་དུ།།
ཆུ་རང་འཁོལ།།
སྐྱོན་རང་ལེན།།
ཆུ་ལ་སྡེར་མོ་མེད་ཀྱང་།།
ས་གཞི་གྲོག་རོང་འདྲུ།།
ཆུ་ཆེན་པོའི་དབུ་འཕང་ཆར་གྱིས་བསྟོད།།
ཆར་མེད་ན་ཆུ་ཕྲན་འདྲ་འདྲ་རེད།།
ཆུ་མོ་ལང་ལོང་རྒྱུག་ཀྱང་།།
འདུ་ས་ཟམ་པའི་འོག་རེད།།
ཆུ་མོའི་གཏིང་ལ་མ་ཞུགས་ན།།
གསེར་ཉ་ཆེན་པོ་ལག་མི་ཐོབ།
ཆུ་མོའི་གཏིང་ཚད་ལོན་ནས་ཉ་ལ་སྤར་འཛིན།།
ཆུ་རྙོག་ན།།
ཉ་འཛིན་མི་ཐུབ།།
ཆུ་བྱའི་ཕྲུ་གུ་ལ་རྐྱལ་དང་།།
དུང་དཀར་ལ་དཀར་རྩི།།
ཆུ་མ་སྐམ་ན།།
ཉའི་སྒལ་པ་ཕྱི་ལ་ཐོན་དོན་མེད།།
ཆུ་འཐུང་ཡུན་རིང་ན་ཆུ་དྲི་དང་།།
རྩྭ་་ཟ་རྒྱུན་རིང་ན་རྩྭ་དྲི་ཁ།།
ཆུ་བོ་ཆུང་ཆུང་འུར་སྒྲ་ཆེ།།
ཡོན་ཏན་ཆུང་ཆུང་ང་རྒྱལ་ཆེ།།
ཆུ་ཐོན་ཟམ་པ་བརྗེད།།
རྨ་གསོས་ན་ཚ་བརྗེད།།
ཆུ་འགོ་གངས་ཐུག།
ལག་རྩ་དཔུང་ཐུག།
ཆུ་དྲོད་འཇམ་གྱིས་ཤ་མ་འཚོས།།
ཆུ་འཚོགས་པའི་སྣོད་ཡོད་ཀྱང་།།
གཏམ་འཚོགས་པའི་སྣོད་མེད།།
ཆུ་བྱའི་ཕྲུ་གུར་རྐྱལ་དང་།།
གླ་བའི་ཕྲུ་གུར་རྩལ་བསླབ་དོན་མེད།།
ཆུ་རང་ཡུལ་ནས་བཏུང་།།
གཅིན་པ་གཞན་ཡུལ་དུ་བཏང་།།
ཆུ་རྐ་ནང་དུ་མི་འདུས་པ་དང་།།
མི་ཁྲིམས་འོག་ཏུ་མི་འདུས་པ།།
ཆུ་དང་ཉེ་བའི་བ་གམ་ཐོག།
ཟླ་བའི་འོད་ཟེར་སྔོན་ལ་ཕོག།
ཆུ་མོ་ཁ་ཞེང་ཆེ་ཡང་།།
གྲུ་ཤན་རྟ་མགོའི་འོག།
ཆུ་དང་འོ་མ་འདྲེས་པ་བཞིན།།
ལྷད་མེད་སེམས་པ་གཅིག་ཏུ་མཐུན།།
ཆུ་རྒྱུག་སའི་གཞུང་དང་།།
མི་འགྲོ་སའི་ལམ།།
ཆུ་བརྒྱུགས་ཤུལ་དང་།།
གདུང་མ་འདྲུད་ཤུལ།།
ཆུ་ཆག་ན་གྲམ་པ་གསལ།།
མཐའ་ཟད་ན་མཐིལ་མཐོང་།།
ཆུ་ཕྱིན་ཡང་གྲམ་པ་སྡོད་ཀྱི་རེད།།
ཆུ་ལ་རྒྱུག་པ་གཞུས་ཀྱང་།།
ཉ་ལ་ཡང་ལྕི་མེད།།
ཆུ་མ་བདེ་ན་ཉ་མ་བདེ།།
ཆུ་ལ་ཟམ་པ་མེད་ན།།
བརྒལ་བ་ལས་འོས་མེད།།
ཆུ་ཆེན་པོ་རྒལ་དུས་ངོ་ཚ་མེད།།
གཏམ་ཆེན་པོ་ཤོད་དུས་ངོ་ཚ་མེད།།
ཆུ་ཕྱེད་ཙམ་བརྒལ་ན།།
ཧ་ཕྱེད་ཙམ་གོ་ཡོང་།།
ཆུའི་ཚུར་རོལ་ལ་ར་བརླག།
ཆུའི་ཕ་རོལ་ལ་སྟག་སྐད་སྒྲོག།
ཆུ་སྔོན་མོའི་ཁ་ཞེང་ཆེ་ན་ཡང་།།
གྲུ་བཟང་པོས་ཕར་བཅད་ཚུར་བཅད་རེད།།
ཆུ་མོའི་བབ་དང་བསྟུན་ནས།།
ཀོ་རྐྱལ་རྒྱག་ལུགས་བྱེད་དགོས།།
ཆུ་ཆེན་གྱི་ཞེང་ལ་མ་བལྟས་ན།།
ཕོ་གསར་གྱི་རྐྱལ་དེ་སྨྱོ་རྐྱལ་རེད།།
ཆུ་ཁར་མཉན་པས་གང་བཤད་དང་།།
ལ་ཁར་ཇག་པས་གང་བཤད།།
ཆུ་ཡག་ཉེས་མཚམས་ལ་གཟབ་དགོས།།
རྟ་འདོ་ལོའི་སྟེང་དུ་སྒྲིམ་དགོས།།
ཆུང་དུས་འོ་མའི་གསོ་སྐྱོང་མེད་པར།།
འཆི་ཁར་ཐུག་པའི་སྐྱེལ་མ།།
ཆུང་ཆུང་འོ་མས་གསོས་པའི་དུང་ཕྲུག་དེ།།
དགྲ་ཆུ་སྲིན་ཁ་ལ་རྒྱག་བྱེད་ཡིན།།
ཆུང་ཆུང་བློས་ཀྱིས་མི་གཏོང་།།
ཆེན་པོ་གར་སོང་མ་ཤེས།།
ཆུང་ཡི་གེ་ཀ་ཁ་མ་བསླབས་ན།།
རྩེ་བློ་རིག་བཀྲ་བ་ག་ནས་ཡོང་།།
ཆུང་དུས་ཡོན་ཏན་མ་སྦྱངས་ན།།
ཆེ་དུས་ངུས་དང་མ་ངུས་མེད།།
ཆུས་ཁྱེར་ཀྱང་རྐྱལ་གྱི་ཚུལ་དང་།།
མ་འགྲིགས་ཀྱང་འགྲིགས་པའི་ཚུལ།།
ཆུས་མི་ཐེག་པའི་སླེའུ།།
མིས་མི་ཐེག་གཏམ།།
ཆེ་བ་འདོད་ན་ཆེན་པོ་ཡོང་བ་དཀའ།།
དེ་ཡི་ཐབས་ལ་ཆེ་འདོད་བཞག་ན་མཛེས།།
ཆོས་རྒྱལ་སྐུ་དབང་ཆེ་ཡང་།།
སྡིག་པར་གུ་ཡང་མི་གནང་།།
ཆོག་ཤེས་མེད་པའི་བོང་བུས།།
རང་གི་བདག་པོར་རྡོག་རྒྱག་གཞུས།།
ཆོག་ཤེས་ལྡན་ན།།
ནོར་ལ་མང་ཉུང་མེད།།
ཆོག་ཤེས་བློ་དང་ལྡན་ན།།
ཕྱུག་པོའི་མཐར་ཐུག་ཡིན།།
ཆོས་པ་རི་ལ་སྒོམ་ན།།
ཟན་གོང་གྱེན་འགྲིལ།།
ཆོས་མི་ལ་ཤོད་ཤོད།།
བླ་མ་ཁྱེད་ཀྱིས་གནང་དང་།།
ཆོས་བདག་མེད་ལ་སྙིང་རུས་སུ་ཆེ་དང་།།
ལྷ་དཀོན་མཆོག་ལ་གསོལ་བ་གང་བཏབ་ཡིན།།
ཆོས་ཀྱིས་སངས་མ་རྒྱས་པར།།
དྲིལ་བུས་སྙིང་རླུང་བླངས།།
ཆོས་བྱེད་པར་ཡར་འདྲེན་ཆེ་ཆུང་དང་།།
གཏམ་བརྗོད་པར་བདེན་པ་ཆེ་ཆུང་།།
ཆོས་ཤོབ་ཤོབ་ཀྱིས་མི་ཚེ་རླུང་ལ་བསྐུར།།
ཆོས་སྐྱོང་རང་མགོ་མ་ཐོན་པར།།
མགོ་ནག་མི་ལ་སྐྱོབ་རོགས།།
ཆོས་རར་ཆོས་དང་།།
གཞས་རར་གཞས།།
ཆོས་མེད་ཀྱང་བླ་མས་སྐྲ་བཅད།།
ནོར་མེད་ཀྱང་ཕ་མའི་གཅེས་ཕྲུག།
ཆོས་མེད་ཀྱང་ཀོ་བའི་ཚུལ།།
སྤུ་མེད་ཀྱང་ཀོ་བའི་ཚུལ།
ཆོས་མི་ལ་ཤོད་པར།།
རང་ཉིད་སྡོམ་པ་གཙང་དགོས།།
མཆེ་ཅན་སྤྱང་ཀིར་སྙིང་རྗེ་ན།།
ཞི་བའི་ལུགས་ལ་ལྟས་ངན་ཡིན།།
མཆོད་རྟེན་མགོ་མཇུག་ལོག་ཀྱང་།།
བམ་རིམ་སྐེད་པར་གནས།།
འཆམ་འགོ་བསུ་བའི་ཐང་ཐང་འཁར་རྔ།།
མགྲོན་བརྡ་ཞུ་བའི་མགྲོན་ཤོག་དམར་པོ།།
འཆང་བའི་ལུང་དང་།།
ཞོག་པའི་ཞབས་ར་དགོས།།
འཆར་ཅན་གྱི་ལོ་གསར་ལ།།
དམིགས་བསལ་གྱི་བརྡ་ཐོ་མི་དགོས།།
འཆི་ཁར་ངུ་འབོད་བྱེད་པ་ལས།།
སྡོད་རིང་དུ་ཁ་གཤིས་འཇམ་ན་དགའ།།
ཇ།
ཇ་བཏུངས་སྤགས་བཟས་བྱས་ན།།
སྲོག་ལ་ཉེས་སྐྱོན་མེད།།
ཇ་ཚ་ཕོ་རང་གིས་མི་འཐུང་།།
ཐུག་པ་ཚ་པོ་ཨ་མས་མི་སྟེར།།
ཇ་བསྐོལ་ན་ཟངས་ཁོག་སོ་སོ་དང་།།
མེ་བཏང་ན་དུ་ཁུང་སོ་སོ་ཡིན།།
ཇ་འཐུང་དུས་མ་ཡོང་ན།།
ཚོང་དཔོན་ཡིན་ཡང་ཇ་སྐལ་ཆད།།
ཇ་ཆང་ལ་འཐུང་རེས་དང་།།
ཤ་ལྤགས་ལ་ཟ་རེས།།
ཇ་གྲང་དུ་དཔོན་གྱིས་མི་འཇུག།
ཤ་ཚ་པོ་དཔོན་གྱིས་མི་སྟེར།།
ཇ་དེ་རྒྱ་ཇ་ཡིན་ཡིན་ཁ་ལ་བཏུངས་ན་ཤེས་ཡོང་།།
ཨ་མའི་ཨོ་ལོ་ཡིན་མིན་རང་མགོ་ཐོན་ན་ཤེས་ཡོང་།།
ཇ་ཚྭ་མེད་དང་གཏམ་ཆོ་མེད།།
ཇ་མགྱོགས་པོ་བསྐོལ་ན་མེ་ཚ་པོ་རྒྱོབ།།
ཇ་ལྷབ་སུས་ཕོ་བར་སྡང་།།
རྟུག་དྲི་ཐུ་སུས་སྣ་ལ་སྡང་།།
ཇ་ཁུག་མར་ཁུག་ཁྱིས་འཁྱེར་ཀྱང་།།
རང་ཉིད་སྤྱང་པོའི་གྲས་ལ་བརྩིས།།
ཇ་ཆུ་ལས་འཐུང་རྒྱུ་མེད་ཀྱང་།།
ལུས་བདེ་སེམས་སྐྱིད་བྱུང་ན་དགའ།།
ཇ་རིན་སྤྲོད་ཡས་མེད་པར།།
མར་ལྟང་ལ་གོང་སྒྲིག།
ཇ་ཐུག་འཐུང་དུས་ཁ་འཚེར་འཚེར།།
ལས་ཀ་བྱེད་དུས་མུག་ལོང་ལོང་།།
ཇ་ཞིམ་པོ་མར་གྱི་བཀའ་དྲིན་རེད།།
ཇ་རིག་འཛིན་རྡོ་རྗེ་ལ་ཁུ་བ་མེད་ན།།
མི་ཁྱོད་ལ་བསོད་ནམས་མེད་པ་རེད།།
ཇ་ཚྭ་མེད་དང་།།
གཏམ་ལན་མེད།།
ཇ་ཐུག་པ་གཉིས་ཀྱིས་བརྒྱགས།།
མེ་ཉི་མ་གཉིས་ཀྱིས་དྲོས།།
ཇུས་འདོན་སྐུ་ཞབས་མེད་ན།།
རྒྱལ་པོས་ཇུས་ཀྱང་མཁས་མི་སྲིད།།
ཇུས་དཔོན་མང་ན་ཇུས་ཉེས་ཤོར།།
ཇུས་ཡོད་ལ་དབང་མེད།།
དབང་ཡོད་ལ་ཇུས་མེད།།
ཇོ་ལགས་སྐུ་ཐང་མཉེལ་རོགས་དང་།།
ཤ་ཁྱི་རྐང་པ་ཚ་རོགས།།
མཇལ་མཇལ་བའི་ལྷ་ཁང་དང་།།
གཤིབས་གཤིབས་པའི་བུ་སྤུན།།
མཇལ་འདོད་ན་མཇལ་དར་ཁྱེར་ནས་ཤོག།
ལྟ་འདོད་ན་མིག་སྐྱག་ཕྱིས་ནས་ཤོག།
འཇག་མ་སྡོད་དུ་རླུང་པོས་མི་འཇུག།
ཕོ་རོག་སྡོད་དུ་ལྷ་འདྲེས་མི་འཇུག།
འཇའ་གར་སོང་ཉི་མ།།
བུ་གར་སོང་མནའ་མ།།
འཇིག་རྟེན་འདི་ལ་བརྩོན་འགྲུས་ཡོད་ན།།
ཡོན་ཏན་རང་གི་ལག་ན་ཡོང་།།
འཇིག་རྟེན་མི་ལ་ཚེ་རོགས་དགོས།།
ཚེ་རོགས་མེད་ན་སྟོང་སྟོང་རེད།།
འཇིག་རྟེན་ཆུང་དང་།།
སེམས་མཐུན་གྲོགས།།
འཇིག་རྟེན་བྱེད་པ་ཧ་གོ།
སྒ་གླང་སྒོ་ཕྱུགས་ཧ་མ་གོ།
འཇུ་བའི་ལུང་དང་།།
འཇོག་པའི་ཞབས་ར།།
འཇུ་ཚོད་ཀྱི་ལྟོ་དང་།།
ཐེག་ཚོད་ཀྱི་ལས།།
འཇུ་ན་སྨན་དང་།།
མ་འཇུ་ན་དུག།
འཇོན་རྒྱུ་མེད་པའི་གྲི་གོག་ཕྲེད་གཟེར།།
ཉེས་རྡུང་གཟེད་པའི་ཨང་དང་པོ་ཡིན།།
རྗེ་དྲིན་ཅན་འབངས་ཀྱིས་མ་བསླུས་ན།།
འབངས་གུས་ལྡན་རྗེ་ཡིས་ག་ལ་དོར།།
རྗེས་སུ་སྟེར་དགོས་ཟེར་ཡང་དགའ་མི་དགོས།།
རྗེས་སུ་རྡུང་དགོས་ཟེར་ཡང་སྡུག་མི་དགོས།།
རྗེས་འགྱོད་སྐྱེ་དུས་སྔ་མ་འཕྱུག་པའི་རྟགས།།
ལྗང་ཕྲུག་རྐོ་མས་གསོ་དུས་རོགས་པ་མེད་པར།།
འབྲུ་རིགས་བང་བ་རྒྱོང་དུས་རོགས་མི་དགོས།།
ལྗང་ཆུང་སེར་བས་བརྡུངས་ན།།
བང་བ་གསར་པ་རྒྱོབས།།
ལྗིད་པོ་རྒྱབ་ཀྱིས་མ་འདྲོངས།།
རལ་པ་ལྷན་པས་མ་ཁེབས།།
ལྗོན་ཤིང་གསོ་བར་ལོ་བཅུ་དང་།།
མི་བཟང་གསོ་བར་ལོ་བརྒྱ།།
ཉ།
ཉ་མོ་འཁྱུག་བགྲོད་མ་ཤེས་ན།།
ལྕགས་ཀྱུ་ངར་མས་འཛིན་ཉེན་ཡོད།།
ཉ་མོ་སྤགས་ལ་དད་ན།།
རང་སྲོག་རང་གིས་བསྐྱལ་ཡོང་།།
ཉ་མོ་ཆུ་དང་བྲལ་ན་སྲོག་དང་བྲལ།།
ཉ་མོ་གཤོག་རྩལ་ཆེ་ཡང་།།
གྲུ་ཤན་རྟ་མགོའི་འོག་རེད།།
ཉ་མོ་མ་ཐེབས་པ་མ་གཏོགས།།
མཚོ་མཐའ་མ་བསྐོར་བ་མིན།།
ཉ་མགོ་བཙོ་ཤེས་ན།།
མར་ཁུ་ཕོར་པ་གང་།།
ཉ་ཁྲིམས་བླ་མས་བསྡམས།།
ཉ་ཁྲལ་བླ་མས་བསྡུས།།
ཉི་ཟླ་འོད་ཟེར་མཉམ་བསྡེབས་རེད།།
སྐར་ཕྲན་མེ་སྟག་ངོམ་ས་མེད།།
ཉི་མ་རྒྱལ་ཁམས་ཀུན་ལ་ཤར།།
མུན་པ་ནག་པོ་ང་ཡི་མགོ།
ཉི་མ་ཀུན་གྱི་ཉི་མ་ཡིན་རུང་།།
རྒྱ་མཐོངས་ཉི་མ་སྒེར་ཉི་ཡིན།།
ཉི་ཤར་སྤར་མོས་མི་ཁེབས།།
གྱང་འགྱེལ་དབྱུགས་པས་མི་ལོངས།།
ཉི་མའི་འོད་ལ་མར་མེའི་གསལ་འདེབས།།
ཉི་མ་སྤྲིན་མེད་ཀྱིས་མ་བརྒྱབ།།
ཟླ་བ་སྤྲིན་མེད་ཀྱིས་ནམ་བསྐྱལ།།
ཉི་མ་ཤར་ཁ་ལ་མགོ་འཐུམ་བརྒྱབ་པས་ཅི་ཕན།།
ཉི་མ་ཡུན་རིང་འགྲོགས་པས་ན།།
མི་ཡི་བཟང་ངན་དེ་ནས་ཤེས།།
ཉ་མོ་ཆུ་ནང་ལྡིང་བར།།
སྤལ་པ་མིག་ཟེར་རྒྱག་དོན་མེད།།
ཉ་མོའི་འཁྱུག་རྩལ་སྦལ་པར་ཡོད་ན།།
རྒྱ་མཚོའི་ཕྱི་ནང་སློག་གི་ཟེར།།
ཉ་ཉིན་གཅིག་འཛིན་པར།།
དྲྭ་བ་ཉིན་གསུམ་སྐམ།།
ཉ་སྤུ་མེད་ལ་རལ་པའི་ཁྲལ།།
ཉ་ཆུ་ནང་དུ་སྐྱིད།།
མི་འཇིག་རྟེན་ལ་སྐྱིད།།
ཉ་བསད་དེ་ཁྱི་ལ་སྟེར།།
ཉ་དང་ཉུང་མ་མཉམ་བསྲེས།།
ཉྭ་རིལ་ཕྲ་ཡང་ཁུར་པོ་འདྲ་འདྲ་ཡིན།།
ཉྭ་རིལ་ཕྲ་བར་མི་བལྟ།།
སྐེད་པ་མཁྲེགས་པོར་ལྟོས།།
ཉན་མཁན་བྱུང་ན།།
ཤོད་མཁན་མང་།།
ཉམ་ཐག་མཐོང་ཡང་སྙིང་རྗེའི་སེམས་མི་སྐྱེ།།
སྦྱིན་ཡུལ་འབྱུང་དུས་སེར་སྣའི་མདུད་པས་བཅིངས།།
ཉམ་ཆུང་གི་ཁབ་ཀྱང་ལྕགས་ཡིན།།
ཉལ་ས་བྱུང་ན་རྐྱོང་ས།།
མགོ་ཐར་ན་དཔུང་པ།།
ཉི་མ་དཀར་ལ་སྨག་འགྲོས་མི་དགོས།།
ཉི་མ་ལ་རྒྱབ་གཏད།།
རང་རྒྱལ་ས་ངོ་ལོག།
ཉི་མ་བརྒལ་ཁའི་རྫ་ར།།
ཨ་མ་ལགས་རང་མཆོད་རོགས།།
ཉི་ཟླ་ལས་གསལ་བའི་སྒྲོན་མེ།།
ལྷ་ལས་མཚར་བའི་ལུས།།
ཉི་ཤུ་དགུའི་ཁྱི་ལས་བྲེལ་བ་ཆེ།།
ཉི་མ་སྤྲིན་པའི་འོག་ནས།།
དྭངས་པའི་དུས་ཤིག་ཤར་ཡོང་།།
ཉི་མ་གང་དྲོ་དང་།།
ས་ཆ་གང་སྐྱིད།།
ཉི་མ་གང་འཁྱོལ་འཁྱོལ་དང་།།
ལས་ཀ་གང་གཡོལ་ཐུབ་ཐུབ།།
ཉིན་གཅིག་སྐྱིད་ཀྱང་སྐྱིད་པ་ཡིན།།
ཉིན་གསུམ་བླ་མའི་ལྗགས་མདུད།།
དེ་ནས་ཤིག་གི་ཤིག་ཚང་།།
ཉིན་མོ་རྐུན་མ་མ་རྐུ།།
རྩིག་ཟུར་ཐམས་ཅད་མིག་ཡིན།།
ཉི་མ་རིང་དུ་རིང་དུ།།
རྩམ་པ་ཞིམ་དུ་ཞིམ་དུ།།
ཉི་མ་རྒས་ཁར་དྲོ།།
མི་ཚེ་རྒས་ཁར་སྐྱིད།།
ཉིན་མོ་ལ་གཉིད་ཉལ།།
ཟླ་དཀར་ལ་ཤིག་སྒྲུག།
ཉིན་མོ་ལྷ་ལས་སྤམ།།
མཚན་མོ་འདྲེ་ལས་འཚུབ།།
ཉིན་བརྒྱ་འཁོར་བའི་མེ་ཏོག་མེད།།
ཕྱི་ཐག་རིང་བའི་གྲོགས་པོ་དཀོན།།
ཉིན་དཀར་འཚོ་སྐྱོང་བྱེད་པའི་ཕྱུགས་རིགས་མེད།།
ནུབ་མོ་སེམས་བག་ཕེབས་པའི་ནོར་རྫས་མེད།།
ཉིན་གྱི་ཁ་བ་བཞུ་ཡང་།།
སྲིབ་ཀྱི་བ་མོ་མི་ཞུ།།
ཉིན་གང་བདེ་མི་འདོད་ན།།
ཞོགས་པ་ཇ་ཧྲེང་ཐུངས།།
ཉིན་མོའི་ལུས་དེ་མཚན་མོས་ཁྲིད།།
ཉིན་མོའི་མི་དང་།།
མཚན་མོའི་ཁྱི།།
ཉིན་མོ་རི་མགོ་ཐམས་ཅད་མིག།
མཚན་མོ་རྩིག་ཁུག་ཐམས་ཅད་རྣ།།
ཉེ་རིང་མེད་པའི་གཏམ་ཞིག་དང་།།
ཆེ་ཆུང་མེད་པའི་སྐལ་ཞིག་བགོས།།
ཉེ་ས་ནས་ཚོང་མ་རྒྱག།
རྒྱང་ས་ནས་གཏམ་མ་གཏོང་།།
ཉེ་ཡ་མ་དམའ།།
ཚོང་ཡ་མ་མཐོ།།
ཉེས་ཅན་རྒྱ་ཡན་དུ་མ་སོང་བ་དང་།།
ཉེས་མེད་ཉེས་ཁུངས་སུ་མ་ཚུད་པ།།
ཉེས་པ་ཅན་ལ་ཆད་པ་དང་།།
བུག་པ་ཅན་ལ་ལྷན་པ།།
ཉོན་མོངས་དུག་གསུམ་ཁ་ནས་བཤད།།
མ་རུང་སྡིག་པ་ལག་པས་བསགས།།
ཉོས་པའི་རྟ་ཕོ།།
བསུས་པའི་མནའ་མ།།
གཉན་འབུར་ལྟག་འཕྲོད་སྐྱེས་ན་མི་དེ་ཤི་བར་ཉེ།།
གཉིད་སྐྱིད་པ་དང་གཉིད་ལམ་འཇམ་པའི་ཐོག་ནས་ནམ་ལངས་ཐབས།།
གཉིད་མ་ལོག་པའི་རྨི་ལམ།།
རྟ་མ་བརྒྱུགས་པའི་མགྱོགས་དར།།
གཉིད་མི་དགོས་གཉིད་ལམ་དུའང་གཏོང་མི་སྲིད།།
གཉིད་མ་ཉལ་གོང་ལ་རྨི་ལམ་བཤད།།
གཉིད་སྐྱིད་པོ་ལས།།
རྨི་ལམ་འཇམ་པ་དགའ།།
གཉེན་དང་ཉེ་བར་ཤག་པོ་གསུམ།།
ཨེ་ཕན་བསམས་ནས་བཙལ་བ་ཡིན།།
གཉེན་དང་གྲོགས་པོ་མེད་ན།།
གཅེར་བུར་ལུས་པའི་ཤིང་སྡོང་འདྲ།།
གཉེན་ཚན་བཟང་ཡང་ལྟོ་དུས་གཅིག།
ཞིང་ཆུང་ངན་ཡང་རྒྱབ་འཁུར་གཅིག།
གཉེན་ཚན་ངན་ཀྱང་དགྲ་མགོ་ཐུབ།།
མི་ངན་བཟང་ཡང་མཐའ་མཇུག་གནོད།།
གཉེན་ཉི་མ་གཉིས་ལ་མཉམ་ལྡེ།།
དགྲ་གདོན་འདྲེ་གཉིས་ལ་མཉམ་སྡང་།།
གཉེན་མགོ་རྒྱལ་པོ་དང་།།
གཉེན་མཇུག་སྤྲང་པོ།།
གཉེན་ཉེ་བའི་ཕྱོགས་ལ་དར་ལས་འཇམ།།
དགྲ་སྡང་བའི་ཕྱོགས་ལ་ཚེར་ཤིང་འདྲ།།
གཉེན་ཉེ་བའི་ཟས་དེ་མང་མི་དགོས།།
ཐག་ཆོད་པའི་གཏམ་དེ་མང་མི་དགོས།།
གཉེན་པོ་སྦྱར་བདེ།།
སྲབ་མོ་འདྲེག་བདེ།།
གཉེན་དང་ཉི་མ་རྒྱང་ནས་སྲོས།།
མེ་དང་ཨ་མ་འགྲམ་ལ་བསྟེན།།
གཉེན་ཟུར་དུ་ཕུད།།
དགྲ་པང་དུ་བླངས།།
གཉེར་དུས་བསྐོས་ན་བདག་པོའི་ཚུལ།།
བསྙབས་ན་ལག་པ་སུ་རིང་།།
གཡུགས་ན་གྲི་གུ་སུ་རྣོ།།
རྙང་མ་ཉྭ་ལ་འཁྲིལ་ནས་སྡོད་པ།།
བརྙས་འདོད་མེད་པའི་བརྐོ་འདོད།།
བྲག་ལ་ཤུགས་པ་སྐྱེ་འདོད།།
བརྙས་མུ་གེར་བཏགས།།
སྣམ་བུ་ཕམ་ཚོང་བརྒྱབས།།
སྙིང་རྗེ་རྒས་ནས་ཞེ་སྡང་།།
སྙིང་རུས་ཅན་གྱིས་རྡོ་ལ་ཨི་ཁུང་འབིགས།།
སྙིང་སྡུག་སྙིང་གི་ཚི་ལུ།།
ཐ་མ་སྙིང་གི་ཆུ་རེད།།
སྙིང་ཐོག་ལ་སྙིང་འཁེལ་ན།།
སྒོ་ངས་རྟ་འཁྱོག།
སྙིང་བྱིའུ་ཡི་སྙིང་ཙམ་ལས་མེད་པར།།
དཔའ་བརྟུལ་ཡིན་མདོག་མདོག།
སྙིང་གཏམ་བུ་ལ་བཤད།།
དགྲ་བོའི་རྣ་བར་སླེབས།།
སྙིང་རུས་ཡོད་ན་དོན་རྣམས་གྲུབ།།
སྙིང་མེད་གྲི་རིང་ཕྲེད་གཟེར་དེ།།
འགྲམ་ལྕག་རིན་གྱིས་ཉོས་ལེ་རེད།།
སྙིང་རྗེ་པོ་སྲན་མའི་མེ་ཏོག།
བཟས་ཚར་ན་གྲོད་ཁོག་སྦོས་མཁན།།
སྙིང་རྗེ་ཡུན་རིང་ན།།
ཁོང་ཁྲོ་རྒྱུན་མི་ཆད།།
སྙིང་གཏམ་མ་བཤད་ན།།
གྲོས་འགོ་མི་ཐོན།།
སྙིང་རྗེ་པོ་ཙི་ཙིའི་ཕྲུ་གུ།
རྒན་ལོངས་ནས་རས་ཕད་འབིགས་མཁན།།
སྙིང་གཏམ་ཟབ་མོ་གྲོགས་ལ་ཡང་མ་ཤོད།།
ནོར་མཚང་ཅན་སུ་ལ་ཡང་མ་སྟོན།།
སྙོམས་ཆུང་ལ་དབང་ཡོད་མང་།།
སྙོམས་ཆུང་མགོ་ལ་སེམས་ཆུང་སྦར་མོ་འགེབས།།
སྙིམས་ཆུང་གིས་ཁ་དྲག་ལ་མི་དོ་བའི་ངེས་པ་མེད།།
སྙོམས་ཆུང་མགོ་ལ་ཆག་སྒོ་མང་།།
ཏ།
ཏག་ཏག་བཟོ་མཁན་ཏག་སེ་རེད།།
སིག་སིག་བཟོ་མཁན་སིག་རལ་རེད།།
ཏན་ཏན་གྱི་བོང་བུ་ལ།།
ཏིག་ཏིག་གི་ཁལ།།
ཏན་ཏན་ཏིག་ཏིག་བྱས་ནས།།
སྐེད་པར་སྐ་རགས་གཉིས་བཅིངས་ཡོད།།
ཏུང་སྐུད་མདུད་པ་མ་ཐོགས་པ་དང་།།
ལྗགས་བཤད་ཚིག་ལ་མ་ཐོགས་པ།།
གཏམ་དཔེ་མེད་ཤོད་དཀའ།།
ཇ་ཚྭ་མེད་འཐུང་དཀའ།།
གཏམ་ཕ་ལ་བཤད་སུ་ལ་ཤོད།།
ཟས་མ་ལ་མ་སྦྱིན་སུ་ལ་སྦྱིན།།
གཏམ་དེ་སྙན་པོ་མེད་ཀྱང་།།
ཚིག་གིས་རང་སེམས་འགུལ་བ།།
གཏམ་ཁ་ཡ་མེད་པ་དགོན་པའི་འཁར་རྔ།།
ཞྭ་ཁ་མེད་པ་གཅོད་པའི་དོམ་ར།།
གཏམ་དཔེ་ལེན་དཔེ་འཇོག་སེང་གེའི་ཡ་ཐོད།།
དོན་འཇོག་ས་མེད་ལ་དྲེདམོའི་ཕྱི་རྟིང་།།
གཏམ་བརྒྱ་བཤད་ཀྱི་སྙིང་པོ་དོན་རེད།།
ཞོ་བརྒྱ་དཀྲོགས་ཀྱི་སྙིང་པོ་མར་རེད།།
གཏམ་བཏང་ནས་རྡོ་ཁ་འགྲིལ་ལེ་དགོས།།
གྲི་བཏོན་ནས་རྒྱག་ཐག་ཆོད་ལེ་དགོས།།
གཏམ་བཤད་ན་གྲལ་ལ་ལྟོས།།
ལྟོ་བཟས་ན་མགོ་བོ་འདེགས།།
གཏམ་གྱི་ཕུ་ཐག་མ་ཆོད་པར།།
ཚིག་གསུམ་གྱིས་དོན་རྩ་རྟོགས་ལེ་མིན།།
གཏམ་སྔ་ཚིག་རྡོ་ལ་རི་མོ་ཡིན།།
རྡོ་ཆག་ཀྱང་རི་མོ་ཟུབ་ལེ་མིན།།
གཏམ་སྔ་ཚིག་གསེར་གྱི་ཕ་ཝང་།།
ཕྱི་ཚིག་བྱེ་མ་རླུང་འཁྱེར།།
གཏམ་སྔ་ཚིག་གིས་ཕྱི་ཚིག་ནོན་པ་དགོས།།
གཏམ་ངོས་ལ་ཤོད།།
སྐྲ་ལོ་རྒྱབ་ལ་གཡུགས།།
གཏམ་རྣ་བར་འགྲོ་ཚོད།།
ཟས་ཕོ་བར་ཤོང་ཚོད།།
གཏམ་ལ་མཚོན་ཆ་མེད་ཀྱང་།།
མི་སྙིང་དུམ་བུར་གཅོད།།
གཏམ་སྔ་ཚིག་དར་གྱི་མདུད་པ་ཡིན།།
དར་ཆད་ཀྱང་མདུད་པ་གྲོལ་ལེ་མིན།།
གཏམ་རྒོད་དང་གཏམ་འཆལ་ནོར་ས་ཡོད།།
ཕོ་ཚོད་ཅན་དང་སྙིང་མེད་ནོར་ས་ཡོད།།
གཏམ་དྲང་པོ་བྱེད་པའི་དཔོན་པོ་དཀོན།།
བློ་དྲང་པོ་བྱེད་པའི་དཔོན་པོ་བཀོན།།
གཏམ་འགོ་འཛུམ་གྱིས་བསུས།།
གཏམ་གཞུག་འཛུམ་ལ་བཞག།
གཏམ་གསེར་འདྲ་མཉན་ན་འཆུགས་པ་མེད།།
གཏམ་ཤོད་རོགས་ཡོད་ན་སེམས་པ་དགའ།།
ཟས་ཟ་རོགས་ཡོད་ན་སྣང་བ་སྐྱིད།།
གཏམ་འདྲ་ཡོད་བཤད་ན་རྒྱ་གཏམ་བོད་ལ་མི་འགྲོ།།
གཏམ་འདྲ་མེད་བཤད་ན་ཕ་གཏམ་བུ་ལ་མི་འགྲོ།།
གཏམ་སྙིང་ལ་མཛའ་བ་དེ་སྙིང་རྩར་ཟུངས།།
དགྲ་རང་དང་འགྲན་པ་དེ་ནང་དུ་མ་ཆུགས།།
གཏམ་ངན་ཁུར་ནས་མི་ཡུལ་སྡོད་པ་ལས།།
གཏམ་བཟང་ཁུར་ནས་དམྱལ་བར་འགྲོ་བ་དགའ།།
གཏམ་དཔེ་མེད་དེ་གོ་དཀའ།།
སྣོད་ལུང་མེད་དེ་འཇུ་དཀའ།།
གཏམ་ཉོག་ཚིག་གི་ལོ་མ་རེད།།
ཉི་མ་སྐྱེལ་བར་དགོས་པ་མེད།།
གཏམ་ལབ་ན་ཆུ་མོ་རྒྱུག་རྒྱུག་ཡིན།།
གྲོས་སྟོན་ན་མེ་ལོང་གསལ་གསལ་ཡིན།།
གཏམ་ལ་ལན་མེད་ལྐུགས་པ་ཡིན།།
དགྲ་ལ་ལན་མེད་ཝ་མོ་ཡིན།།
གཏམ་ཆོ་མེད་བཏང་ན།།
དོན་སྙིང་པོ་འགྲུབ་མི་ཐུབ།།
གཏམ་ཁོག་ནང་ཡོད་པ་ཁ་ནས་ཤོར།།
གྲོག་ཁ་ནང་ཡོད་པ་ལྕེ་ཡིས་འབུད།།
གཏམ་ཡིག་རྩིས་དཔོན་གྱི་བསོད་ནམས་ཡིན།།
བཟོ་ལག་ཤེས་གཡོག་གི་བསོད་ནམས་ཡིན།།
གཏམ་སྔ་ཚིག་གིས་ཕྱི་ཚིག་ནོར་བ།།
གཏམ་ཡ་མེད་དཔོན་གྱི་བཙན་གཏམ།།
ཞྭ་ཡ་མེད་གཅོད་པའི་དོམ་ར།།
རྔ་ཡ་མེད་འགོན་པའི་འཁར་རྔ།།
གཏམ་ཚིག་གཅིག་གིས།།
དོན་གྱི་རྡོག་ཁ་བསྟན་པར་དཀའ།།
གཏམ་དོན་མེད་རྒྱལ་ཁ་མི་ལ་བསྐུར།།
གཏམ་དོན་གཉིས་མེད་དུ་གྱུར་པ།།
གཏམ་ལ་རིག་པའི་འབྱུང་གནས་དེ།།
བསླབ་ལ་གཅིག་གིས་ཚར་ལེ་མ།།
བུ་རིག་པ་ཡོད་ན་རང་བཞིན་སློབ།།
གཏམ་དང་གདོང་ལ་བལྟས་ནས།།
གཞན་སེམས་དཔོག །
གཏམ་དང་རལ་གྲི་གཉིས་པོ་དེ།།
རྩེ་ནས་མི་འཆང་ཡུ་ནས་འཆང་།།
གཏམ་དོན་ཅན་རྣ་བར་གོ་ན་མཚར།།
གོས་མདོག་བཟང་རྒྱང་ནས་བལྟས་ན་མཛེས།།
གཏམ་དང་མདའ་མོ་དྲང་ན་དགའ།།
ལམ་དང་གཞུ་མོ་གུག་ན་དགའ།།
གཏམ་ཕ་བཤད་བུ་བཤད་གཉིས་ཀ་བདེན།།
གཏམ་ཐམས་ཅད་འདོད་པའི་ཕྱོགས་ནས་བྱུང་།།
མི་ཐམས་ཅད་ཕྱུག་པོའི་བུ་ལ་དགའ།།
གཏམ་བཤད་ན་མང་པོའི་དཀྱིལ་དུ་ཤོད།།
རྟ་རྒྱུགས་ན་བདེ་མོའི་ཐང་ལ་རྒྱུགས།།
གཏམ་ཐག་ཐུང་ན་ཉན་བདེ།།
ཡོང་ཐག་ཐུང་ན་བཞོན་བདེ།།
གཏམ་ཀ་ནས་ཤོད།།
རྫ་ལག་ནས་ཤོར།།
གཏམ་དང་མཆིལ་མ་གཉིས་ལ་ལེན་རྒྱུ་མེད།།
གཏམ་དྲིས་ནས་མི་ཤོད།།
བསྒུགས་ནས་ཤོད།།
གཏམ་འདོད་བོང་བུར་བཞོན་ནས།།
རྐང་ཆུང་ས་ལ་རེག།
གཏི་མུག་གཉིད་ལ་དགའ་བའི་མིར།།
ཉི་མ་ནུབ་ནས་འཆར་བ་མཐོང་།།
གཏིང་ནད་འཁོན་འཛིང་ཡོད་ཀྱང་མཛུམ་མདངས་སྟོན།།
ནམ་ཞིག་བསམ་འདུན་འགྲུབ་པ་ཡིན།།
གཏེ་པོའི་ནང་གི་གཟུགས་བཟང་དང་།།
གཟུགས་བཟང་ཐུག་ན་གཏེ་པོ་རེད།།
གཏེ་པོ་ནང་དུ་བཞག་ན་རྩམ་པ་འགམས།།
གཏེ་པོ་ཐོག་ཁར་བཞག་ན་ལྷགས་པས་ཁྱེར།།
གཏོར་མ་ཉམས་པ་མཐེབ་ཀྱུས་གསོས།།
ཆོ་ག་ཉམས་པ་ཡིག་བརྒྱས་གསོས།།
གཏོར་མ་ཆུ་འདྲ་བ་ལ།།
དཀར་རྒྱན་མེ་འདྲ་བ།།
གཏོར་མ་ཆུ་ལ་བསྐྱུར་ན།།
བྱ་ཁྱི་ཁོ་ཐག་ཆོད་ཡོང་།།
བཏང་ན་རྒྱ་སྒོར་མི་ཐར།།
བཙིར་ན་སྤང་མོ་གང་།།
བཏང་དུས་མ་ཕྱིན་ན།།
བཀག་དུས་འགྲོ་བསམ་ཡང་ལམ་མེད།།
བཏང་ན་མདའ་དང་།།
བཀུག་ན་གཞུ།།
བཏང་ན་བོང་བུས་མི་འགྲོ།།
བཞག་ན་བོང་བུས་མི་སྡོད།།
རྟ་འདོ་བ་ཤ་ཡི་ལྷ་ཁང་རེད།།
ཤ་མེད་ན་ལྷ་ཁང་སྟོང་བ་རེད།།
རྟ་མགྱོགས་པ་ཡར་འབྲོག་གཞུང་ནས་ཐོན།།
མགྱོགས་ཐག་ཆོད་གར་ཐོན་འདིར་ཐོན་མེད།།
རྟ་ཕོར་རྒྱུག་ཤེད་ཡོན་ན།།
བྱང་ཐང་སྟོང་པ་རེད།།
རྟ་རྒྱུགས་ན་རྒྱུག་མཉམ་དང་།།
གུར་བརྒྱབས་ན་ཁ་འཕྲོད།།
རྟ་བརྒྱུགས་ན་རང་རྟ་རང་བཞོན་དང་།།
གུར་བརྒྱབས་ན་སྟག་མོ་ཁ་འཕྲོད་རེད།།
རྟ་རྩལ་ཅན་དེ་རྟ་ཐོག་དང་།།
ཆུ་རྩལ་ཅན་དེ་ཆུ་ཐོག་ཤི།།
རྟ་བརྒྱུགས་ན་རྒྱུག་ས་ཨེ་ན་ཡིན།།
དེ་ཡན་ཆད་ས་རོང་འཕྲང་འགག་རེད།།
རྟ་ཕོ་རྒྱུག་བགྲོད་ཆེ་ན།།
མཐའ་མ་འདམ་ལ་ཟུག།
རྟ་ཕོ་བྲེས་ལ་བཏགས་ན།།
གོང་ཐང་མི་ཡིས་གཅོད།།
རྟ་རྒན་མི་རྒན་མཛོ་རྒན་གསུམ།།
ཉི་མ་དགོང་དྲོར་སླེབས་དུས་ཞེ་རུ་འགྲོ།།
རྟ་དང་བོང་བུ་ཚོང་བརྒྱབ་པ།།
རྟ་ཕོའི་བྲེས་ལ་བོང་བུའི་ཨོག་མ་རྐྱོང་བ།།
རྟ་ལས་བབས་ནས།།
བོང་བུར་བཞོན་པ།།
རྟ་ཕོ་ཉོ་རྒྱུ་སླ་རུང་།།
རྟ་ཕོ་གསོ་རྒྱུ་དཀའ།།
རྟ་རྩེ་དྲ་སྐྱིད་རོགས་སྡུག་རོགས་ཡིན།།
རྟ་ངར་ཡང་གསེར་སྒའི་འོག།
མི་འཚྭབ་ཀྱང་ཁྲིམས་རྒྱུག་འོག།
རྟ་ཤོར་ན་བཟུང་ཐབས་ཡོད།།
ཚིག་ཤོར་ན་བཟུང་ཐབས་མེད།།
རྟ་ཕོ་འགྲོ་རྒྱུག་ཡག་ཀྱང་།།
ལྕག་གིས་སྐུལ་མ་གཏོང་།།
རྟ་རྔ་ལས་ཉག་ཕྲ་བ།།
མེ་ལས་ངབ་ཚ་བ།།
རྟ་ཞར་བས་སྲབ་མདའ་མི་ལེན།།
དམན་དྲེད་མས་ཁ་ཏ་མི་ཉན།།
རྟ་ཤི་ན་ཁྱིའི་གྲོག།
རྟ་ཨ་མའི་སྔོན་ལ་རྟེའུ་རྒྱུག།
རྟ་རྒན་སྒལ་བཅོས་བྱས་པ་ངན་ལ་མངོན།།
ཕག་པ་སྡོམ་གསོས་བརྒྱབ་པ་བཟང་ལ་མངོན།།
རྟ་མང་ཁྲོད་དུ་གཙག་བུ་བཏོན་ན།།
སྒལ་ཤོར་བའི་གནོང་ཐོག་ལ་འཁེལ།།
རྟ་ཕོར་རྒྱུག་ཤེད་ཡོད་མེད།།
བྱེ་མའི་དཀྱིལ་ནས་ཤེས་ཡོང་།།
རྟ་གཅིག་ལ་སྒ་གཉིས།།
མི་གཅིག་ལ་སེམས་པ་གཉིས།།
རྟ་ཁྲག་ལས་དམར་བ་དང་།།
འབྲི་མར་ལས་སེར་བ།།
རྟ་བརྒྱ་མཛོ་སྟོང་གི་འབུལ་སྐྱེས་བཏེགས་པ་ལས་སྤྲོ།།
རྟ་མགྱོགས་པའི་རྩ་བ་སྲབ་ཡིན།།
སྲབ་མེད་ན་མགྱོགས་པ་རྐྱང་དང་འདྲ།།
རྟ་ལྷིང་ན་ཀུན་གྱིས་བཞོན།།
མི་ལྷོད་ན་ཀུན་གྱིས་བརྙས།།
རྟ་ཁ་ལོ་མེད་ན་མ་ཞོན།།
གཏམ་རྩ་བ་མེད་མ་ཤོད།།
རྟ་ནོར་ལུག་གསུམ་སྤང་གི་རྒྱན།།
གྲོ་ནས་སྲན་གསུམ་ཞིང་གི་རྒྱན།།
རྟ་གཅིག་རྒྱུགས་དུས་མགྱོགས་མདོག་ཁ།།
མི་གཅིག་ཤོད་དུས་བདེན་མདོག་ཁ།།
རྟ་རྒན་ལ་འགྲོས་དང་།།
མི་རྒན་ལ་ཀ་ཁ།།
རྟ་ལ་མེ་རིང་བ་རྒས་པོར་བརྩིས།།
མི་ངང་རྒྱུད་རིང་བ་ལྐུགས་པར་བརྩིས།།
རྟ་སྟོང་འཁྲིད་ནས་མ་འགྲོ་བཞོན་ན་དགའ།།
བོང་སྟོང་བཞོན་ནས་མ་འགྲོ་དེད་ན་དགའ།།
རྟ་ལམ་བོང་བུས་བཀག།
ཆུ་ལམ་རྡོ་ཡིས་བཀག།
རྟ་པ་རྐང་ཐང་ལ་རེ་བའི་དུས།།
རྐང་ཐང་རྟ་པར་རེ་བའི་དུས།།
རྟ་ཡིས་ལྕང་མ་ཟ་བ་དེ།།
ར་ཡིས་རྟ་ལ་བསླབས་པ་ཡིན།།
རྟ་པོ་ཆག་གིས་གསོས།།
དྲིན་ལན་རྡོག་པས་འཇལ།།
རྟ་ཤ་ལ་སྒལ་རྨ་མ་ཤོར་ན།།
སྒ་ཤིང་ལ་སྒལ་རྨ་ཤོར་དོན་མེད།།
རྟ་རྒན་ལ་ཐོག་བརྒྱབས་ན།།
ཁྱི་རྒན་ལ་ཉི་མ་ཤར།།
རྟ་ཆུང་ལ་བཞོན་བདེ།།
མི་ཆུང་ལ་བཀོལ་བདེ།།
རྟ་བརྒྱ་རྒྱུག་པའི་སྔོན་ལ་མ་སླེབས་ཀྱང་།།
བོང་བརྒྱ་རྒྱུག་པའི་རྗེས་སུ་མ་ལུས་ཙམ།།
རྟ་ཕོའི་སྒ་ཐོག་དང་།།
མི་ཕོའི་ལས་ཐོག།
རྟ་ཁ་སྲབ་ཀྱིས་སྒྱུར།།
མི་ཁ་གཏམ་གྱིས་སྒྱུར།།
རྟ་ལ་མ་བཞོན་གོང་ནས།།
སྒ་ལ་བཅག་བཅག་བྱེད།།
རྟ་དུས་ལ་ཆག་དང་།།
བོང་དུས་ལ་ཕུང་མ།།
རྟ་བཙོངས་ཀྱང་ཐུར་མགོ་མི་འཚོང་།།
མཛོ་བཙོངས་ཀྱང་སྣ་གཅུ་མི་འཚོང་།།
རྟ་རྒོད་ཁྲིད་ན་ཐུར་ཐག་རིང་དགོས།།
སྡོང་རྒན་བཅད་ན་སྟ་ཡུ་རིང་དགོས།།
རྟ་སྒ་འོག་ཏུ་མི་ཚུད་པ་དང་།།
མཛོ་གཉའ་འོག་ཏུ་མི་ཚུད་པ།།
རྟ་མཆོག་གིས་གླེན་པ་རྒྱབ་ཏུ་འཁུར།།
སྨན་མཛེས་མས་མདོག་ངན་ཁྱོ་བོ་བསྟེན།།
རྟ་འགྲོས་མ་ཁྲི་ཕྲག་མང་པོ་དེ།།
བདེན་ངེས་པའི་གྲོགས་དང་བརྗེ་མི་ཐུབ།།
རྟ་ཕོ་ཡོད་བསམས་བྲེས་ལ་བཏགས།།
བྲེས་རྐུབ་བརྡོལ་ཡིན་པ་ངས་མ་ཤེས།།
རྟ་པ་འཁྱག་པ་རྐང་ཐང་བས་མི་ཤེས།།
རྐང་ཐང་ལྟོགས་པ་རྟ་པས་མི་ཤེས།།
རྟ་ཕོའི་བྲེས་ལ་བོང་བུའི་ལག་པ་རྐྱོང་དོན་མི་འདུག།
རྟ་དཀར་རྒྱུག་རྒྱུག་ས་ལ།།
རྟ་ནག་མཆིན་པ་ན་དོན་མེད།།
རྟ་བོང་ལ་མགྱོགས་ལོས་ཤོར་ཡང་།།
ཞག་སར་སླེབས་མཉམ།།
རྟ་ལ་དགའ་ན་སྒ་ལ་ཡང་གཅེས།།
རྟ་མགོ་ལུག་མཇུག་དང་།།
འབྲུག་མགོ་སྦྲུལ་མཇུག།
རྟ་འགྲོ་གིས་བསམས་ནས་ཡོབ་མི་རྡུང་།།
མི་སྙོམས་ཆུང་རེད་བསམས་བརྙས་མི་བྱེད།།
རྟ་སྲོག་སེམས་ཅན་ལ་ཡང་།།
ཚེ་ལུག་ཡོང་རྒྱུ་མེད།།
རྟ་ལ་འཇམ་པ་དང་།།
སྒ་ལ་བཟོ་བ།།
རྟ་ཐར་སར་སྒ་ཐར།།
དཔོན་ཐར་སར་གཡོག་ཐར།།
རྟའི་མགོ་ལ་མཛོའི་རྭ་ཅོ།།
རྟ་མ་ཤི་གོང་ནས་མིག་ཕོ་རོག་གིས་བཏོན།།
མི་མ་ཤི་གོང་ནས་ནང་ཆས་ཁྲོམ་ལ་བཏོན།།
རྟ་བདག་རྐང་ཐང་དང་།།
གྲི་བདག་སོས་འབྲེག།
རྟ་བརྒྱུགས་དགོས་བརྒྱུགས་ཚར།།
རྡུལ་ཡལ་དགོས་ཡལ་ཚར།།
རྟ་ཆད་རྟ་སྦངས་གཏོང་ས་དང་།།
མི་ཆད་འོ་ལ་གསོ་ས།།
རྟེན་འབྲེལ་འགོ་ནས་འགྲིག་ན།།
བྱ་བ་རྗེས་སུ་འགྲུབ་ཡོང་།།
རྟགས་བསྒྲིལ་མ་རེད་དངུལ་བསྒྲིལ་རེད།།
ཇོ་བོ་མ་རེད་བྱམས་པ་རེད།།
རྟོགས་ལྡན་མི་གཅིག་ལག་གཅིག་ལ།།
ཇག་པ་མི་མང་ལག་མང་།།
རྟོགས་ལྡན་གར་ཤི་དང་།།
བེར་ཀ་གར་ཆག།
རྟོགས་པ་ལྷ་དང་མཉམ་ཡང་།།
ཀུན་སྤྱོད་མི་དང་མཐུན་དགོས།།
རྟོགས་ལྡན་ལ་མི་རོ་བྱུང་ན་མཆོག་གྱུར།།
ལྟ་བ་མིག་གིས་མི་བཟོད།།
བསམ་པ་ཡིད་ཀྱིས་མི་ལངས།།
ལྟ་ཕྱོགས་ག་ཉིས་ལ་མཐོང་ཕྱོགས་གཉིས།།
མཁས་པས་བལྟས་ན་འདྲ་ཉེན་ཡོད།།
ལྟ་བ་མཐོ་བའི་ཐ་མག་མེད་ཀྱང་།།
སྣང་བ་སྐྱིད་པའི་སྣ་ཐག།
ལྟག་ཁུང་ལ་ཉི་མ་ཤར་ཡང་།།
དཔྲལ་བ་ལ་ནམ་མི་ལངས།།
ལྟག་པ་ཀེར་ནས་འགྲོ་བ་དེ།།
ཨམ་ཕྲག་རྡོ་ཡིས་ཁེངས་པའི་རྟགས།།
ལྟག་ཆུ་ཆད་པའི་རྫིང་བུ།།
དཔུང་རོགས་མེད་པའི་དཔའ་བོ།།
ལྟད་མོ་བལྟས་ན་རང་གི་ལུས་ལ་ལྟོས།།
བྱིན་རླབས་ཞུས་ན་རང་གི་སེམས་ལ་ཞུས།།
ལྟས་ངན་རང་གསང་མེད་པར།།
བྱུར་ལ་ངོ་གསོ།།
ལྟས་ངན་པའི་མི་ངན།།
ཟ་རན་དུས་མིད་པ་འཆུས།།
ལྟས་ངན་ལ་ལྟ་སྐྱོར་དང་།།
དྲི་ངན་ལ་སྣོམ་སྐྱོར།།
ལྟས་ངན་བརྒྱད་ཅུ་གྱ་གཅིག་དེ།།
ཧོར་རྒན་བཤན་པའི་སྟེང་ལ་མ་འགེལ།།
ལྟས་ངན་གཡང་ཁུག།
རྐྱེན་ངན་གྲོག་ཤར།།
ལྟོ་ཞིམ་པོ་ཕར་ལ་མ་སྟེར་ན།།
ལྟོ་བཤད་ངན་པ་ཚུར་ལ་རྒྱག་དོན་མེད།།
ལྟོ་ཆས་དྭངས་ཁ་བདེ་དུས་ཟོ།།
ཁ་ཆེམས་དྲན་པ་གསལ་དུས་ཞོག།
ལྟོ་འགྲངས་ཚོད་ལ་ཞོག།
གཏམ་གོ་ཚོད་ལ་ཞོག།
ལྟོ་ཁ་ལ་ཟ་བ་ལ།།
ལམ་ལྟག་ཁུང་ནས་བསྐོར།།
ལྟོ་ལ་མར་བཟས་ཀྱང་།།
རྐན་ལ་རུས་པ་ཟུག།
ལྟོ་མིའི་ཡིན་ཀྱང་།།
ཕོ་བ་རང་གི་ཡིན།།
ལྟོ་དེ་ནང་ལ་བཟས།།
ངོ་ཚ་ཕྱི་ལ་བླངས།།
ལྟོ་དེ་ནང་ལ་བཟས།།
སྒོ་ང་ཕྱི་ལ་བཏང་།།
ལྟོ་ལ་མར་ཁུ་བཏུང་ཡང་།།
གདོང་ནས་རོ་མདོག་སྟོན།།
ལྟོ་ཕོ་བས་འཇུ་ཚོད་དང་།།
ལས་ཤེད་མོས་འཁུར་ཚོད།།
ལྟོ་གཟན་དངུལ་ལ་དགའ།།
སྦྲང་ནག་བཙོག་པར་དགའ།།
ལྟོ་དེ་ཁྱིའི་ལྟོ་ལ།།
ལས་དེ་བོང་བུའི་ལས།།
ལྟོགས་ཀྱང་ཕུབ་བ་མི་ཟ།།
ཁ་དཀར་རྐྱང་གི་ཡ་ཚུལ།།
ལྟོ་ཆས་སྐྱུར་མོ་ཟས་ན།།
ཁ་ལ་འགྲམ་ཆུ་འཁོར་ཡོང་།།
ལྟོགས་གཟན་ཉུང་མ་ལས་མེད་ཀྱང་།།
ལ་མོ་འདྲ་འདྲ་བརྒྱབས་ཡོད།།
ལྟོགས་སླ་བྱེད་པ་ཟ་འདོད་ཡིན།།
ལྟོགས་ན་ལ་ཕུག་རྩ་བ་ཟ།།
བརྒྱགས་ན་ཤ་ཡི་པགས་པ་བཤུ།།
ལྟོགས་དུས་སྤགས་ཀྱིས་མ་ཕན་ན།།
རྩམ་རྐྱལ་སྔས་ལ་བརྒྱབས་ཀྱང་ཕན་པ་མེད།།
ལྟོགས་དུས་སྤགས་ཀྱིས་མ་ཕན་ན།།
ཞིང་ཆུང་རམ་པས་ཁེངས་ཀྱང་ཁེངས།།
སྟ་གྲི་རྡོ་ལ་གཞུས་ན།།
སྐུ་གྱོང་ལྕགས་ལ་ཕོག་ཡོང་།།
སྒ་གྲི་ཁ་ལོག་ན་ལན་རྩ་ཤིང་།།
སྟག་གི་ཚང་དུ་མ་འཛུལ་ན།།
སྟག་ཕྲུག་ལག་ཏུ་ཅི་ལ་སོན།།
སྟག་ཕར་གསོད་མ་ཐུབ་ཀྱང་།།
ཝ་ཞྭ་འོག་ནས་གློད་ཀྱི་མིན།།
སྟག་ལྤགས་དུ་བས་འཚོས་ཀྱང་།།
དགུ་ཚན་དགུ་ཡི་གྲལ་འགོ་ཡིན།།
སྟག་གིས་ཁ་སྤུ་ཤད་ཤད།།
ལི་ལིས་སྣ་སྤུ་ཤད་ཤད།།
སྟག་མོ་ཤ་གཟན་ལྟོགས་ཀྱང་།།
རང་ཤ་རང་གིས་མི་ཟ།།
སྟག་གི་རི་མོ་ཕྱི།།
མི་ཡི་རི་མོ་ནང་།།
སྟག་གསོས་ནས་སྒོ་ཁྱི་མི་ཉན།།
འབྲོང་འཚག་ནས་རྨོན་མཛོ་མི་ཉན།།
སྟག་སྟན་གཟིགས་སྟན་འདིས་སར་ར་ལྤགས་འཚང་ཁ།།
ཞལ་དཀར་ཡུ་རིང་འཛུགས་སར་ཕོར་གོག་ཚང་ཁ།།
སྟག་ཐུར་དུ་རྒྱུགས་ན་ཐོང་ཐུར་འཛིན།།
འབྲོང་གྱེན་དུ་རྒྱུགས་ན་རྭ་ནས་འཛིན།།
སྟག་དམར་ཡག་མེད་པའི་ནགས་གསེབ་ལ།།
སྤྲེའུས་རྒྱལ་པོའི་ཚུལ་དུ་བྱེད།།
སྟག་གཞན་གྱིས་བསད།།
གཏམ་རང་གིས་ཁྱེར།།
སྟག་གཟིག་ལྕགས་ཁྲའི་ནང་དུ་བླུགས་ན་སྡོད་ཚུགས་མེད།།
སྟག་རི་མོ་ཅན་གྱིས་ཡར་བལྟ།།
ཁྱི་སྦར་མོ་ཅན་གྱིས་ཐུར་བལྟ།།
སྟག་ཤི་ཡང་སྡེར་མི་སྐམ།།
ཝ་ཤི་ཡང་གྲ་མི་ཉམས།།
སྟག་ལ་མཆོང་ཆེན་བཅོ་བརྒྱད་ཡོད་ན།།
ཝ་ལ་འཛུལ་ཁུང་བཅུ་དགུ་ཡོད།།
སྟག་ཁ་ཆེ་ཡང་།།
མིད་པ་ཝ་མོ་ཡིན།།
སྟག་མཆོང་སར་ར་མཆོངས་ན།།
ར་ཡི་མཇིང་ཚིགས་ལོག་ཡོང་།།
སྟར་ཁ་ཕྱེད་བཤགས།།
མདའ་མོ་ལྟོང་བཤགས།།
སྟེང་རྡོ་ནོན་ཆུང་ན་འོག་རྡོ་འཕར།།
སྟེར་བའི་སྟེར་ལན་མ་བསློགས་ན།།
སྟེར་མཁན་ཉུང་དུ་ཉུང་དུ་འགྲོ།།
སྟེར་བྱིན་རྗེས་འབྲང་དང་།།
ཉེ་སྐྱོང་ཕྱོགས་ལྷུང་།།
སྟེར་བའི་ངོ་སོ་མེད།།
བཙོངས་པའི་རིན་པ་མེད།།
སྟེར་བའི་སར་གཏན་དུ་མ་འགྲོ།།
བྱམས་པའི་མི་བསུན་དུ་མ་ཆུགས།།
སྟོང་པ་རྡུང་པའི་དིང་དིང་ལ།།
དུད་འགྲོ་མ་གཏོགས་སུ་ཞིག་སྐྲག།
སྟོང་པ་ཐམས་ཅད་ཡང་བ་ཡིན།།
གྲོད་པ་སྟོང་པ་ལྗི་བ་ཡིན།།
སྟོད་གངས་རི་མེ་ཡིས་བཞུ་མི་སྲིད།།
བྱ་རྨ་བྱ་དུག་གིས་ཤི་མི་སྲིད།།
སྟོད་རྒྱ་གར་རྒྱལ་པོ་ལ་ཆོས་མི་ཞུ།།
སྨད་རྒྱ་ནག་རྒྱལ་པོ་ལ་ཁྲིམས་མི་ཞུ།།
བར་གླང་ཆེན་སྨྱོན་པ་ལ་ལམ་མི་གཟུར།།
སྟོན་རྩྭ་་འབྲུ་དགོས་ན།།
དཔྱིད་སོ་ནམ་གྱིས།།
སྟོན་ནོར་བུ་ཟླ་བར།།
སུག་ལག་དལ་དུ་མ་བཅུག།
སྟོན་ཤྭ་གདན་མ་བཏིང་ན།།
དཔྱིད་ཁུ་བྱུག་སྐྱོད་མ་ཡོང་དོན་མེད།།
སྟོན་འབྲུ་ཕུང་ལ་བལྟ་དགོས་ན།།
དཔྱིད་ལུང་ཕུང་ལ་བལྟ་དགོས།།
སྟོན་པའི་ཞལ་ནས་ཆོས་གསུང་།།
སྟོན་པའི་ཕྱག་གིས་གྲི་བརྡར།།
སྟོན་ཏོག་འདམ་ལས་ཡག་ཀྱང་།།
ཐང་ཁུག་སྦུབ་ཆལ་ལྟར་སྟོང་།།
སྟོན་ཟ་ཁ་ཕྱེ་དུས།།
སྦལ་ཁ་བསྒྲིགས།།
སྟོན་པའི་དབུ་ལ་བྱིས་པའི་ལག་རྩེད།།
བརྟག་པ་བརྟན་པོ་མེད་པའི་མི་ཚེ་འདི།།
ལ་མགོའི་ཁ་ཡི་ཁྲི་གདུགས་ཉི་མ་འདྲ།།
བརྟན་ཅིང་བརྟག་པ་མ་བྱས་ན།།
དུ་བ་རླངས་པ་འཛོལ་བཟོ་ཡོད།།
བསྟན་པ་ལ་དགྲ་བྱུང་ན།།
སངས་རྒྱས་ལ་ར་མདའ།།
བསྟན་པ་དང་སྒོ་ཕྱོགས་མ་ནོར་བ།།
བསྟན་བཤིག་ཡུལ་གྱི་ཕུང་འདྲེ།།
བསྟན་པ་མགོ་ནས་བཤིག་ན་མཇུག་ནས་ཞིག།
བསྟོད་མ་མཁས་ཀྱི་བསྟོད་ར་སྨད་པ་ཡིན།།
སྨད་མ་མཁས་ཀྱི་སྨད་ར་བསྟོད་པ་ཡིན།།
བསྟོད་མི་ཤེས་པའི་བསྟོད་ར་ལས།།
སྨད་མཁས་པའི་སྨད་ར་སྙན།།
བསྟོད་པ་ཁེངས་དྲེགས་ཀྱི་གཞི་དང་།།
སྨད་པ་བཅོས་ན་ལེགས་པའི་གཞི།།
ཐ།
ཐ་མ་སངས་རྒྱས་བསམས་ན།།
ད་ནས་དགེ་བའི་ལས་ལ་ཞུགས།།
ཐ་མ་ལོངས་སྤྱོད་ཐོབ་འདོད་ན།།
ད་ལྟ་རྔུལ་ཆུ་མང་ཙམ་འདོན།།
ཐ་ཤལ་བ་ལ་ཁ་ཏ་བྱེད་པ་དེ།།
གླང་གི་མགོ་ལ་རྡུང་ཁ་རྒྱག་པ་འདྲ།།
ཐག་རིང་གཏམ་དེ་རྒྱང་ཡང་གོ།
ཐག་ཉེའི་གཏམ་དེ་ཐོས་པ་དཀོན།།
ཐག་བྱ་བལ་ལས་སོ་ནམ་ལ་མཁས་ན།།
ཨ་མའི་བུ་མོར་འཇོན་ཐང་ཡོད་པའི་རྟགས།།
ཐག་རིང་གཏམ་དེ་ཕྱེད་བདེན་ཕྱེད་མི་བདེན།།
ཐག་ཁྲ་ལ་སྦྲུལ་མཐོང་།།
ཐག་རིང་གི་གཉེན་ལས།།
གྲོང་པའི་དགྲ་དགའ།།
ཐག་ཞོར་འབྲེང་འདྲུད།།
ར་ནད་ལུག་དཀྲི།
ཐག་རིང་ས་ལ་འགྲོ་དགོས་ན།།
ཉེ་བའི་ས་ནས་འགོ་འཛུགས་དགོས།།
ཐག་མ་བཅད་ན་མི་ཆོད།།
འབྲུ་མ་བཏབ་ན་མི་སྐྱེ།།
ཐག་པ་ཡིན་ན་རིང་བ་དགའ།།
སྐད་ཆ་ཡིན་ན་ཐུང་བ་དགའ།།
ཐང་ཤིང་སྐྱེ་ལུགས་བཟང་ན།།
འཁྲི་ཤིང་རྩེ་མོར་བསྙེགས།།
ཐང་རྡོ་བླངས་ནས་རུམ་རྡོ་ལྷུང་།།
ཐང་མལ་སར་ཆད།།
ཁ་ཞོགས་པ་སྐོམ།།
ཐང་དཀར་རྒོད་པོ་ལྟོགས་ཀྱང་།།
སྔོན་པོའི་རྩྭ་མི་ཟ།།
ཐང་བདེ་མོར་སླེབས་དུས་གླུ་ཨ་ལ་ཐ་ལ།།
འགག་དོག་པོར་སླེབས་དུས་བླ་མ་ཨོ་རྒྱན་པདྨ།།
ཐབ་ཆུ་ལ་མེ་ཚ་བ།།
ཐབ་མ་གཏོགས་ས་མི་ཤེས།།
མ་མ་གཏོགས་མི་མི་ཤེས།།
ཐབ་ཁག་ཁག་དང་མེ་སོ་སོ།།
ཐབས་ཀྱི་སྒོ་ནས་དོན་རྩ་ལོན་ཟེར་ན།།
མདའ་གྲི་མདུང་གསུམ་འཕྱར་བ་སྨྱོན་པའི་ལས།།
ཐབས་མཁས་པ་རྒྱ་མཚོའི་མཐའ་ནས་བསྐོར།།
ཚིག་སྙན་པོ་མགྲིན་པའི་ལམ་ནས་བཤད།།
དོན་ནོར་བུ་རྒྱ་མཚོའི་གཏིང་ནས་ལོན།།
ཐམས་ཅད་ལག་ཏུ་ལོན་པ་ལ།།
བསོད་ནམས་དཔག་ཏུ་མེད་པ་དགོས།།
ཐལ་བ་གནམ་ལ་སྟོར་ན།།
ཕྱེད་ཀ་རང་གི་མགོ།།
ཐིག་ཀྱོག་པས་མ་གཏོགས།།
ཇེམ་ཙེས་ཐལ་མེད།།
ཐི་གུ་ཁྲ་ཁྲ་རང་གིས་ཡོག།
མཐའ་མཇུག་རང་གི་སྐེ་ལ་འཁོན།།
ཐིགས་པ་བསགས་པའི་རྒྱ་མཚོ་དང་།།
བྱེ་མ་བསགས་པའི་ཕ་བོང་།།
ཐུག་པ་བཏུངས་ནས་མ་རྒྱགས་ན།།
ལྕེ་ལྡག་བརྒྱབ་ནས་མི་རྒྱགས།།
ཐུག་ཁོག་གཅིག་ནང་གཟར་རུ་གཉིས།།
ཐུག་པ་མི་རྒན་གྱི་རྫ་རྩི་ཡིན།།
ཐུག་པས་ར་བཟི་བ་དང་།།
སྦང་མས་མིག་འགག་པ།།
ཐུག་ཁ་མཐོ་ན་བཟང་།།
ཇ་ཁ་མཐོ་ན་ངན།།
ཐུག་པ་མ་ལུས་གོང་ནས་དཀྲུག་དཀྲུག།
ཐུགས་ཆུང་ཆུང་ཐུགས་གཡེང་མ་གནང་།།
རྡོ་ཆུང་ཆུང་རླུང་བུས་འཁྱེར་དོགས་མེད།།
ཐུགས་རྗེ་རི་ཙམ་ཡོད་ཀྱང་།།
མངོན་ཤེས་རྟ་རྔ་ཙམ་མེད།།
ཐུགས་འདོད་ལ་རྒྱ་ཡོད་ཀྱང་།།
འགྲམ་པར་སྤུ་མི་སྐྱེས།།
ཐུད་འཚོ་བ་མར་གྱི་བཀའ་དྲིན།།
མར་མེད་ན་ཕྱུར་བའི་སྤགས་སྒོང་།།
ཐུད་ཞིམ་པོ་བྱུང་བ་མར་གྱི་དྲིན།།
ངོ་དམར་མདངས་ཆགས་པ་ཟས་ཀྱི་དྲིན།།
ཐུད་ཀྱི་སྔོ་ས་དང་།།
ལོ་མའི་སེར་ས།།
ཐུར་མགོ་གཡོག་མཁན་མེད་པར།།
འདྲོག་འགོ་ལངས་དོན་མི་འདུག།
ཐེ་ཚོམ་ཟ་བའི་ལམ་ཕྲང་དུ།།
ལོང་མཆོངས་མ་བྱེད་བརྟགས་ནས་སྐྱོད།།
ཐེ་ཚོམ་གར་འཛུགས་མེད་པ།།
ལོང་བའི་འཁར་རྒྱུག་འདྲ།།
ཐེམ་པའི་སྒང་གི་རིལ་མ།།
གཡས་ལ་རིལ་དང་གཡོན་ལ་རིལ།།
ཐེའུ་རང་ལ་དབང་བྱུང་ན།།
གོ་ཁ་ཐལ་འཚུབ་ཀྱིས་རྒྱོང་།།
ཐོ་པོ་མ་བརྩིགས་ན་བྱ་མི་འབབ།།
བྱ་མ་བབས་ན་རྟ་མི་འདྲོག།
ཐོ་རེངས་ལྷགས་པ་བསིལ་བསིལ་ལ་རྩམ་པ་ཟླ་ཟོ་གང་།།
ཉི་ཤར་མགོ་སྤུ་ཟིང་ཟིང་ལའང་རྩམ་པ་ཟླ་ཟོ་གང་།།
ཐོག་ཁ་རྒྱ་ཆེ་ཡང་འགག་ཝ་ཆུའི་ནང་།།
ཤིག་ལ་བརྒྱབ་ཀྱང་གོང་བའི་ཕྱི།།
ཐོག་ཁ་ཆེ་ན་ཁ་བ་ཆེ།།
མ་མོ་མང་ན་ལུ་གུ་མང་།།
ཐོག་བརྫིས་དྲག་པོ་འབངས་ལའང་མ་བྱེད།།
ཞེ་ལ་འཇོག་པ་ཡིན།།
ཐོག་མཉའ་ནང་དུ་བརྒྱབས།།
བེར་ལབ་ཕྱི་རུ་ལངས།།
ཐོག་བརྒྱབ་ཀྱང་མི་འགུལ།།
རླུངགཡུགས་ཀྱང་མི་གཡོ།།
ཐོབ་དུས་མ་བླངས་ན།།
འགྱོད་པ་རྟས་མི་ཟིན།།
ཐོས་པ་བརྒྱ་ལས།།
མཐོང་བ་གཅིག་ལྷག།
ཐོས་པ་མ་རིག་མུན་སེལ་ཡིན།།
ཐོས་པ་ཙམ་ལ་མ་དཔྱད་ན།།
མ་ཐོས་པ་དང་ཁྱད་པར་མེད།།
ཐོས་ཆུང་ང་རྒྱལ་ཆེ།།
མང་ཐོས་ང་རྒྱལ་ཆུང་།།
མཐེ་བོང་བསླངས་ནས་གཞན་ལ་རེ་བ་ལས།།
ཨམ་གཙིགས་བསྡམས་ནས་རང་གིས་བྱས་པ་དགའ།།
མཐུ་མི་ལ་བརྒྱབས།།
ལྟས་རང་ལ་འཁོར།།
མཐུ་སྟོབས་འདོམ་གང་ཡོད་གྱུར་ཀྱང་།།
གདོན་ཤུགས་འདོམ་བཅུར་འཕར་བ་ངེས།།
མཐུན་པོ་མཉམ་དུ་བསྡད་ན་བདེ།།
མི་མཐུན་སོ་སོར་བསྡན་ན་ལེགས།།
མཐུན་ན་མཐུན་པ་དགའ་དྲག།
མ་མཐུན་རང་རང་སོ་སོ།།
མཐོ་རུང་ཉི་མ་གཟའ་ཡིས་འཛིན།།
དམའ་རུང་རོང་ཆུ་གྱེན་ལ་འདྲེན།།
མཐོ་ནམ་མཁའ་ཡངས་ཏེ་རྒྱ་ལམ་དོག།
དམའ་ས་ཞིང་ཡངས་ཏེ་ཁྲིམས་ར་དོག།
མཐོ་ཞིང་རིང་བ་ཆག་པ་སླ།།
དཀར་ཞིང་གཙང་བ་ནག་ནོག་སླ།།
མཐོ་ན་མི་དགའ་དམའ་ན་དགའ།།
དམའ་ན་ཀུན་གྱིས་བྱམས་པ་ཡིན།།
མཐོ་སར་སླེབས་ཀྱང་མུ་མཐུད་སྐྱོད།།
གྲུབ་འབྲས་ཐོབ་ཀྱང་མུ་མཐུད་འབད།།
མཐོ་སླེབས་དམའ་འབེབས་དང་།།
སྐྱིད་ལན་སྡུག་འཇལ་ཡོང་བ།།
སྲིད་པ་ཕྱི་ཡི་བསྐོས་ཐང་རེད།།
མཐོ་ན་དགའ་སྟེ།།
དམའ་ན་བརྟན།།
མཐོ་བའི་བྲག་རི་གྲོག་པོར་གྱུར།།
ཟབ་པའི་ལུང་ཤུར་དེའུ་འབུར་ཆགས།།
མཐོ་བ་མི་ཐོབ།།
དམའ་བ་མི་འདོད།།
མཐོ་ན་དམའ་ན་ཨ་སྔོན་གནམ།།
དམའ་ན་དོག་ན་གོ་ལའི་ས།།
མཐོ་ན་ཆུ་མཐོ་གྲུ་མཐོ།།
དམའ་ན་ཆུ་དམའ་གྲུ་དམའ།།
མཐོ་པོའི་བྲག་ལ་འཛེགས་ན།།
དམའ་པོའི་གཡང་ལ་ལྷུང་།།
མཐོ་གནོན་ཆགས་སྡང་དབང་གིས།།
གཅིག་འོག་གཅིག་ལ་མི་ཚུད།།
མཐོ་གང་གིས་རྙོབ་སར།།
འདོམ་གང་གིས་མ་བརྙབས།།
མཐོང་ན་རྩེད་མོ།།
མ་མཐོང་ན་རྐུ་མ།།
མཐོན་པོའི་ཡས་ན་མཐོ་པོ་ཡོད།།
མཁས་པའི་ཡས་ན་མཁས་པ་ཡོད།།
འཐག་མཁན་རྐང་འཁྲབ་ལག་འཁྲབ།།
འཐབ་ཤག་ཤག་དགྲ་བོ་ངོ་ནག།
བཤད་ཤག་ཤག་མི་ཤ་མོ་གྱོད།།
མཐའ་ཟད་ན་མཐིལ་རྡོལ་ཡོང་།།
འཐུ་མཁན་མང་ན་མེ་ཤིང་མང་།།
མེ་ཤིང་མང་ན་མེ་ལྕེ་མཐོ།།
མཐོང་དོགས་ཀྱིས་ཡོལ་བ་དང་།།
མ་མཐོང་དོགས་ཀྱིས་ཨོང་གོ།།
ད།
ད་ལྟ་མི་བྱེད་དགུ་བྱེད་བྱས་ན།།
རྗེས་སུ་འགྱོད་པའི་གླིང་དུ་སྐྱེལ་བ་ཡིན།།
ད་འགྲོ་རན་ཟེར་དུས་དོ་ལེ་མིན།།
ཀི་ཧི་ཀི་ཧི་ཟེར་དུས་དོར་མ་བུད།།
དག་པ་སངས་རྒྱས།།
མ་དག་དམྱལ་བ།།
དང་པོ་ཕྲུ་གུ་ངུ་རུ་བཅུག།
དེ་ནས་ཕྲུ་གུ་ངུ་རུ་བཅུག།
དང་པོ་བརྩམས་པ་མཐའ་མ་འཁྱོལ།།
ཕྱི་མའི་བྱ་བ་འགྲུབ་མི་སྲིད།།
དང་དོད་ཁྲུས་ལ་ཞུགས་ཞུགས།།
དཀའ་བའི་ལས་ལ་ཞུགས་དང་།།
དམ་ཚིག་གཙང་མའི་ཚོགས་གྲལ་ལ།།
འདྲེ་ཨ་ཡོང་རྡ་རིལ་མེད་ན་དགའ།།
དད་པ་འདྲོང་ན་ཁྱི་མགོར་འོད་ཟེར་འཁྲུངས།།
དར་དཀར་པོའི་ཡོལ་བ་ལ།།
རེ་བ་ནག་པོའི་སྲུབ་ཟན།།
དམ་བེ་ཉི་མས་དྲོས་ན།།
ཁ་ལས་ཞབས་ར་མཐོ།།
དར་དུས་དགྲ་ཡང་གཉེན།།
གུད་དུས་གཉེན་ཡང་དགྲ།།
དར་གུད་དམར་ཡག་སྟག་ལ་འོང་།།
ཞུ་ཁོངས་སྲིད་པའི་གངས་ལ་སྲིད།།
དར་ལྕོག་རླུང་འཁྱེར་དང་།།
གྱང་སྟེང་གི་རྩྭ་ལྟར་མི་བྱེད།།
དར་ར་བླུད་པར་ངོ་མེད་པར།།
སྐྱུར་དུག་ཕོག་པའི་ཡ་ལ།།
དལ་དུས་མཆོད་པ་མི་འབུལ།།
འུ་ཐུག་ལྷ་འབོད་ཀླུ་འབོད།།
དུག་སྨན་གཉིས་ཀྱི་བླང་གོ་མ་ལོག་པ།།
དུག་ཤིང་ལས་གྲུབ་པའི་སོ་ལ་དེ།།
ཤིང་གཞན་ལས་གྲུབ་པའི་སོ་ལ་ལས་གནག།
དུག་སྦྲུལ་བཞག་ན་མགོ་ནག་མི་ལ་གནོད།།
སྤྱང་ཀི་བཞག་ན་གཡང་དཀར་ལུག་ལ་ངན།།
དུག་སྦྲུལ་ཡིན་པའི་རྗེས་ལ།།
ཕྲ་སྦོམ་གང་ལ་ཁྱད་པར་མེད།།
དུག་སྦྲུལ་ལྷ་ཆོས་ཞུ་བ་ལས།།
བཤན་པ་གྲི་ཆུང་བརྡར་བ་དགའ།།
དུག་སྐྱེ་སའི་ས་གཞི།།
མེ་ཏོག་སྐྱེ་སའི་ལྡུམ་ར།།
དུང་དཀར་པོ་བདར་ན་ཇེ་དཀར་རེད།།
སོལ་ནག་པོ་བདར་ན་ཇེ་ནག་རེད།།
དུང་ལ་དཀར་རྩིའི་རི་མོ།།
དུང་དཀར་གཡས་འཁྱིལ་གཅོག་པ་སུས་ཀྱང་ཡོང་།།
ཆག་པ་སྒྲིག་དགོས་བྱུང་ན་ཁག་པོ་ཡིན།།
དུང་ཕྲུག་འོ་མས་གསོས་པ་དེ།།
དགྲ་ཆུ་སྲིན་བྱུང་དུས་ཨེ་ཕན་བསམ།།
དུས་ངན་བསྐལ་པའི་ཁུག་ས་ལ།།
མི་བཟང་མི་བྲིན་ངན་པ་བྲིན།།
དུས་ཚོད་གསེར་གྱི་ཆུ་བོ་དེ།།
རང་འགར་འབབ་ཏུ་མི་འཇུག།
དེ་ཕོ་རུམ་དུ་བསྡུས་ན།།
རྔ་སྒྲོ་མཆན་ནས་འབུད་པ།།
དེ་ག་ཙམ་ལ་གྲུམ་པ་མ་ཟེར་ན།།
གྲུམ་པ་གྲུམ་རྐྱང་ག་ནས་ཡོང་།།
དེ་སྔ་ས་ཞིང་མོག་མོག་བཞིན་དུ་རུབ།།
ད་ཆ་ས་ཞིང་མོག་མོག་ཁ་བཞིན་རྒྱས།།
དེ་ཕོས་དེ་རེད་མ་ལབ་གོང་ལ།།
ངང་པས་ང་ཡིན་ལབ་ན་དགའ།།
དེ་རིང་བྱུང་བ་དེ་རིང་བཟས།།
སང་ཉིན་བྱུང་བ་སང་ཉིན་བཟས།།
དུབ་ཚལ་ལྷན་པའི་སྐྱོ་རོགས།།
དེ་རིང་ཤི་ན་ཚེ་ཐུང་དང་།།
སང་ཉིན་ཤི་ན་ཚེ་རིང་།།
དེ་སྔའི་བླ་མ་གནམ་ལ་འཕར་ཟེར་ན།།
དེང་དུས་བླ་མ་རྟས་ཀྱང་མི་ཐེག་ཟེར།།
དེ་ཕོ་འཕུར་རྩལ་ཆེ་ཡང་།།
ནམ་འཕང་མི་ཆོད།།
དོན་ཆེན་གྲུབ་པར་ངང་བསྲིང་དགོས།།
དོན་ལ་དཔྱད་ནས་མ་བཤད་ན།།
མཁས་པ་ཡིན་ཀྱང་བླུན་པོའི་རྟགས།།
དྲང་གཏམ་རྒྱལ་ཁམས་ཀུན་གྱིས་ཉན།།
རྫུན་གཏམ་ཉན་པར་སུ་ཞིག་འདོད།།
དྲང་པོ་མེད་ན་ལབ་རྒྱུ་ཡོང་།།
རྒྱུ་འབྲས་མེད་ན་གླེང་རྒྱུ་ཡོང་།།
དྲང་པོ་སུས་བྱས་དཔོན་པོ་དང་།།
བྱམས་པོ་སུས་བྱས་ཕ་མ།།
དྲང་པོ་ཨ་མ་ལའང་མ་ཤོད།།
ཨ་མའང་མིའི་བུ་མོ་རེད།།
དྲང་པོས་གཞུང་བསྲངས་ན།།
སྒོ་ངས་རྟ་འཁྱོག།
དྲང་པོས་གཞུང་སྲོངས།།
གསལ་པོས་མཐའ་སྟོན།།
དྲང་པོ་དགྲ་ལ་མི་འགྲོ།།
གཡོ་སྒྱུ་བཟའ་མིར་མི་འགྲོ།།
དྲང་པོ་བཤད་ན་མི་མི་དགའ།།
རྒྱུག་པ་ཁྱེར་ན་ཁྱི་མི་དགའ།།
དྲང་པོའི་མི་ལ་ལྷ་ཡང་འཇིགས་པ་སྐྱེ།།
དྲན་རྒྱུ་རྒོད་པའི་སྤྱང་གྲུང་ཅན།།
མཐར་ཐུག་རང་སྲོག་རང་གིས་གཅོད།།
དྲན་ཚད་མི་ལ་མ་ཤོད།།
ནམ་ཞིག་རྩིས་ངན་བརྒྱབ་ཡོང་།།
དྲན་རྒྱུ་མང་ན་ཡོང་རྒྱུ་མང་།།
དྲན་ཚད་ལག་ཏུ་མ་ལེན།།
བླངས་ཚད་མགོ་ཐོན་པ་གྱིས།།
དྲི་ཞིམ་མེ་ཏོག་རྒྱང་རིང་ཡང་།།
མ་འབོད་བུང་བ་ལས་ཀྱིས་འཁོར།།
དྲིན་ཅན་ཕ་མ་མེད་པ་སྡུག་ལེ་རེད།།
མེ་དང་ཉི་མ་མེད་ན་ཤི་ལེ་རེད།།
དྲིན་དགྲ་ལ་ཡང་མ་འཇོག།
གུས་པ་ཆེན་པོ་གཉེན་ལ་ཡང་མ་བྱེད།།
དྲིན་ཅན་མར་གྱི་མི་ལ།།
ཉི་མའི་ལག་ཡོག་མ་ཐོངས།།
དྲིན་ཅན་དཔུང་པ་རྡོ་ཡིས་བརྡུངས།།
ཆང་གི་ལན་དེ་ཆུ་ཡིས་འཇལ།།
དྲིན་ལ་དྲིན་ལན་མ་འཇལ་ན།།
བསམ་ཤེས་མེད་པའི་ཁྱི་དང་འདྲ།།
དྲིལ་བུ་གཅིག་ལ་སྐད་གཉིས།།
ཁ་གཅིག་ལ་ལྕེ་གཉིས།།
དྲུག་ཅུ་རེ་གཅིག་རེ་གཉིས་ཐེ་ཚོམ་མེད།།
དེ་ནས་བསྡད་ན་བརྒྱད་ཅུ་བར་དུ་རེ་བ་ཡོད།།
དྲེད་མོང་གིས་འཕྱི་བ་འཛིན་པའི་ལས་མ་བྱེད།།
གདན་སར་ཁག་བཏགས།།
བཙུན་མས་ར་བསད།།
གདུག་རྩུབ་ངན་དགུའི་རྩ་བ་ནི།།
སྐྱིད་འདོད་ལས་གཡོལ་དེ་ལ་ཐུག།
གདོང་གཏུགས་དྲག་པོས་དགྲ་མི་འདུལ།།
བཅོས་མ་འཛུམ་གྱིས་ཆམ་ལ་ཕོབས།།
གདོང་པར་ཐལ་བ་བྱུག།
ཁོག་ནང་མར་ཁུ་བླུག།
གདོང་པ་ཁྲག་མེད་ཀྱི་གཉེན་ལས།།
ངོ་ཚ་ཁྲེལ་ཡོད་ཀྱི་དགྲ་དགའ།།
གདོང་ལ་ངོ་ཚ་མེད་པར།།
ལུས་ལ་སྤྱོད་བཟང་ག་ནས་ཡོང་།།
གདོན་འདྲེས་མ་དྲན་ནད་པས་དྲན།།
རྐུན་པོས་མ་དྲན་བདག་པོས་དྲན།།
བདག་པོར་ར་གཅིག།
རྐུན་མར་ར་བརྒྱ།།
བདག་ལ་ཡོན་ཏན་ཡོད་གྱུར་ཀྱང་།།
རང་འདོད་སྤོངས་དང་ནམ་ཕུགས་རིང་།།
བདག་པོས་བྱེད་བྱེད་གཡར་པོས་མི་བྱེད།།
བདེ་བའི་ནང་དུ་སྡུག་བསྔལ་དང་།།
སྡུག་བསྔལ་ནང་དུ་བདེ་བ་ཡོད།།
བདེན་ཡོད་སྦལ་པའི་ངུ་འབོད་དེ།།
ལྷ་བརྒྱ་སྦྱིན་སྙན་དུ་མི་འཁྱོལ།།
བདེན་ལུང་པ་གཉིས་ལ་ཕུ་ཐག་ཡོད།།
རྫུན་ཁྲམ་པ་གཉིས་ལ་ཕུ་ཐག་མེད།།
བདེན་ལུང་པ་གཉིས་དེ་ཕུ་ཐག་རིང་།།
རྫུན་ཨ་བྲ་གཉིས་དེ་རྔ་མ་ཐུང་།།
བདེན་ཡོད་འགྲོ་སའི་ལམ་དང་།།
བདེན་མེད་གཅུར་སའི་འཕྲང་འགག།
བདེན་ཡོད་མི་ནི་གང་ལའང་ཐར།།
བདེན་མེད་མི་ནི་འགྲོ་ས་མེད།།
བདེན་འདྲ་གཉིས་ཁ་མཆུ་རྩོད་དུས།།
བར་དཔང་ཡུལ་གྱི་གཙོ་བོས་བྱེད།།
བདེན་པའི་ཆེད་དུ་གནམ་ས་འཛེགས་པར་ཕོད།།
བདེན་པའི་ཟས་ཟ།།
བདེན་པའི་ལས་བྱེད།།
བདེན་པ་ཡོད་ཀྱང་ཤོད་ས་མེད།།
རྒྱུ་མཚན་ཡོད་ཀྱང་བགྲང་ས་མེད།།
བདེན་རྫུན་བདར་ས་ཁྲིམས་ར་དང་།།
གསེར་རག་བདར་ས་ཀ་ཤུ་ཀ།
བདེན་རྫུན་དཔོན་ལ་བྱས་ན།།
ཤི་རེས་གཡོག་ལ་བབ།།
བདེན་རྫུན་གྱི་བརྟག་དཔྱད་མ་བྱས་ན།།
ཕོ་གསར་གྱི་ངར་དེ་ཁྱི་ངར་ཡིན།།
བདེན་པའི་ལྟོ་ཟོ།།
བདེན་པའི་གོས་གྱོན།།
བདེན་པ་རང་ཆེ།།
བྱས་རྗེས་མི་ཆེ།།
བདེན་དྲང་ཟོལ་མེད་བྱེད་རྒྱུ་དེ།།
དྲིན་ཆེན་ལས་ཀྱང་གསལ་ཆེའོ།།
བདེན་དེད་ནས་རི་གསུམ་གྱི་མགོ་ལ་བུད།།
རྫུན་དེད་ནས་ལུང་གསུམ་གྱི་མདོ་ལ་བསྐྱལ།།
བདེན་པ་མར་ཡིན་ཀྱང་མི་ཞུར།།
རྫུན་མ་ལྕགས་ཡིན་ཀྱང་མཐིལ་བརྡོལ།།
བདེན་ལ་བྱ་དགའ་དང་།།
རྫུན་ལ་ཆད་པ།།
བདེན་པར་སྨྲས་ན་མི་སྙན།།
ཕན་པའི་སྨན་ལ་ཁ་ཏིག།
མདའ་སྨུག་པ་དྭངས་ན་ཕུ་ལ་ངོ་གསལ།།
མདའ་བརྒྱབ་ན་བྱང་ཐང་འབྲོང་ལ་རྒྱོབས།།
ཤ་པགས་པ་གཉིས་ལ་བལྟ་རྒྱུ་ཡོད།།
མདའ་མོ་ཤེས་ནས་གཞུ་མོ་བཀུག་པ་ཡིན།།
མདའ་སྔ་རྒྱག་གླིང་པའི་སྲོལ་ལ་མེད།།
ཕྱི་རྒྱག་ཡན་པོར་གཏོང་བ་མིན།།
མདའ་ལ་མ་ཉེ་བ་དང་།།
འབེན་ལ་མ་རྒྱང་བ།།
མདའ་ཤྭ་བར་རྒྱག་རྒྱུ་དགོ་བར་ཟད།།
མདའ་ཤེས་ནས་གཞུ་ཉོས།།
ཨེམ་ཆི་ཤེས་ནས་སྨན་ཁུག་ཉོས།།
མདའ་རྩེ་གསུམ་གཞུ་ལ་སྤྲད་པ་དཀའ།།
སྤྲད་ཟེར་ན་སྙིང་ཁར་ཕོག་པ་བྱེད།།
མདའ་ལ་རྒྱག་ཤེད་ཡོད་ཀྱང་།།
གཞུ་ལ་དཀར་ཤེད་མི་འདུག།
མདའ་གངགིས་སླེབས་ས་ལ།།
མདུན་གང་གིས་མ་སླེབས་པ་བྱས་ཡོང་།།
མདའ་ལ་ཡིད་མ་ཆེས་པར།།
མདུང་ལ་སྲང་གང་སྤྲད།།
མདའ་འདི་བརྒྱབས་ལ་མདེའུ་འདི་ཐོན།།
མདའ་གར་བརྒྱབས་དང་མདེའུ་གར་ཕོག།
མདའ་བརྒྱབས་པས་མི་ཆོག་གཞུ་མཆོག་ངོམ།།
མདའ་འདྲོངས་ན་བྱང་ཐང་གི་འབྲོང་ཡང་གསོད།།
གཏམ་དྲང་ན་དགྲ་བོའི་མཚང་ཡང་ལེན།།
མདའ་རུ་དགེ་འདུན་གྱི་ཀུན་དགའ་ར་བ་བཞེངས་པ་ལས།།
ཕུ་རུ་བསམ་གཏན་གྱི་ཁང་བུ་བྲེ་ཙམ་བརྩིགས་པ་དགའ།།
མདའ་གཅིག་གིས་ཤྭ་བ་གཉིས་བསད།།
མདའ་གཅིག་གིས་ཤིང་སྡོང་དགུ་འཕིགས།།
མདའ་ཞོར་སྒྲོ་འདྲོངས།།
དཔོན་ཞོར་གཡོག་འདྲོངས།།
མདུང་བརྒྱབས་པས་མི་ཆོག་བ་དན་ངོམ།།
མདུན་དུ་ལྷ་གསོལ་གསོལ།།
རྒྱབ་ཏུ་འདྲེ་རྡུང་རྡུང་།།
མདུན་གྲོས་བློན་པོའི་གྲོས་ཐག་ལན་གཅིག་ཡིན།།
དེ་ལས་མང་ན་གྲོས་ཐག་ཆོད་མི་འགྱུར།།
མདུན་ནས་རྟེན་པའི་འཁར་དང་།།
རྒྱབ་ནས་དྲོས་པའི་སློག་པ།།
མདུན་སོ་དཀར་གྱི་འཛུམ་དང་།།
རྒྱབ་ཁྲོ་གཉེར་གྱི་སུལ་མ།།
མདུན་ལ་མི་སྐད་དང་རྒྱབ་ལ་འདྲེ་སྐད།།
མདོག་སྡུག་ཀྱང་གསེར་གྱི་ཐིགས་པ།།
ཉག་ཕྲ་ཡང་ཏུང་སྐུད་གསུམ་བསྒྲིལ།།
འདག་པ་ལས་གྲུབ་པའི་ལྷ་མིན་ཙང་།།
སྐྱོན་དང་ནོར་འཁྲུལ་ཡོང་སྲིད།།
འདན་མ་མི་དགོས་གེ་སར་ངོས་ཡིན་ཀྱང་།།
འགྲིག་ཐབས་བྱུང་ན་འགྲིགས་པ་གཙོ་དོན་ཆེ།།
འདབ་ཆགས་གཤོག་ཡངས་གཅིག་གིས།།
དགུང་སྔོན་ནམ་འཕང་མི་ཆོད།།
འདོད་པའི་བྱ་མ་མི་འགྲུབ་པས།།
དོན་མེད་སེམས་གསོ་ཁོ་ནར་བརྩོན།།
འདོད་པ་ཅན་དེ་མ་བྱུང་སྡུག་བསྔལ་འོག་ནས་འཆི།།
གཏོང་ཕོད་ཅན་དེ་བདེ་བའི་ངང་ནས་འཆི།།
འདོད་རྔམ་ཅན་ལ་གང་ཡང་དགོས།།
འཆི་བའི་རྗེས་ཀྱང་ནོར་ལ་ཆགས།།
འདོད་པ་ཡིད་ལ་ཡོད་ཀྱང་།།
མི་འདོད་པ་ཐོག་ཏུ་འབབ།།
འདོད་པས་ངོ་ཚ་སྒྲིབ།།
འདོད་པ་ཅན་ལ་ནོར་མ་སྟོན།།
གྱ་གྱུ་ཅན་ལ་སྙིང་གཏམ་མ་ཤོད།།
འདོད་པ་ཅན་ལ་བུ་མ་སྐྱེས།།
མཁོ་ཆོད་མི་ལ་བདེ་བ་མེད།།
འདམ་ཆུ་ནང་དུ་སྐྱེས་ཀྱང་ཞོད་དང་།།
ཚེར་མ་སྐམ་ཐང་དུ་སྐྱེས་ཀྱང་ཐན་པ་དགོས།།
འདམ་བརྒྱ་ཤོག་བརྒྱད་ཀྱི་དཔོན་པོ་ང་ཡིན་ཡང་།།
ངའི་དཔོན་པོ་ནང་དུ་ཡོད།།
འདི་ལས་ཕྲ་ན་ཆད་རྒྱུ་དང་།།
འདི་ལས་སྲབ་ན་བུག་རྒྱུ་རེད།།
འདུན་མ་ཆུང་མ་མཁས་ཀྱང་།།
གྲོས་དབང་རང་གིས་ཟུངས།།
འདེགས་ཀ་མདའ་བཏང་བ་དང་།།
གཤོར་ཁ་སྟར་ཁ་འཕྲེད་གཅོད།།
མདོ་སྟོད་རི་བོང་གླག་གིས་ཁུར་ན།།
མདོ་སྨད་བོང་བུས་རྩྭ་མི་ཟ།།
འདོད་ན་ཕན་ཚུན་མཉམ་འདོད།།
མ་འདོད་ལས་ལ་གང་བསྐོས།།
འདོད་པ་ཅན་ལ་ནོར་མ་སྟོན།།
ངན་སེམས་ཅན་ལ་བློ་མ་གཏོད།།
འདོད་པས་ནམ་ལངས།།
ཤེས་བྱས་ས་རུབ།།
འདྲ་པོ་འདྲ་པོ་ལྷ་སའི་ཁྲོམ་ལ་ཡོད།།
འདྲ་པོ་ཡོད་ཀྱང་འགྲིག་པོ་མི་འདུག།
འདྲི་རྟོགས་བྱེད་པར་དགའ་བའི་མི།།
ལམ་ཁ་ནོར་བའི་དོགས་པ་མེད།།
འདྲིས་ཆུང་བའི་མི་ལ་བློ་མ་འགེལ།།
འདྲིས་པའི་བུ་མོ་སྟག་ལ་མི་ཞེད།།
འདྲིས་པའི་མི་ལ་གཞུང་བསྲངས།།
བཞོན་པའི་རྟ་ལ་བྱམས་སྐྱོང་དགོས།།
འདྲེ་ནང་ལ་བཞག།
གླུད་ཕྱི་ལ་བརྫངས།།
འདྲེ་ཉལ་བ་སྤགས་ཀྱིས་བསླངས།།
འབུ་ཉལ་བར་ཐུ་རུ་བཙུགས།།
འདྲེ་ཤར་ལ་བཞག་གླུད་ནུབ་ལ་གཏོང་།།
བ་ཤར་ལ་བཞག་ཕུབ་མ་ནུབ་ལ་འདེབས།།
འདྲེན་པའི་ལྕགས་ཀྱུ་ཡོད་ཀྱང་།།
དད་པའི་དབང་པོ་མེད་ན་འདྲེན་མི་ཐུབ།།
རྡོ་དཀར་རྦབ་རྡོ་རིལ་བ་ལ།།
རྡོ་ནག་གཡམ་པ་ཆག་དོན་མེད།།
རྡོ་རྗེའི་ཐོག་ལ་བྱིས་པའི་ཁུ་མཚར།།
རྡོ་ལེབ་སྐམ་པོ་གཅིག་གི་འོག་ལ།།
སྦྲུལ་མགོ་བརྒྱ་ཙམ་ལངས་ནས་ཟིང་།།
རྡོ་ལ་ཕྱིས་བདར་བྱས་ན་ནོར་བུ་ཡོང་།།
ལྕགས་ལ་ཕྱིས་བདར་བྱས་ན་མེ་ལོང་ཡོང་།།
རྡོ་ཆུང་ཡང་རྫ་བཅག།
མེ་ཆུང་ཡང་སྤུ་འཚིགས།།
རྡོ་དང་ཐུག་ན་རྣོ་ལོག།
ཤ་དང་ཐུག་ན་རྔམས་ཆེ།།
རྡོ་ལ་གཞུས་ན་ས་མི་གོག།
རྡོ་མར་ལ་བརྒྱབས་ན་མར་ཕམ།།
མར་རྡོ་ལ་བརྒྱབས་ཀྱང་མར་ཕམ།།
རྡོ་ཆུང་ཡང་རླུང་གིས་མི་འཁྱེར།།
རི་ཆུང་ཡང་པང་དུ་མི་ཐེག།
རྡོ་བརྡུང་བར་ལ་ལག་མགོ་བཙབ།།
སོ་འཐབ་བར་ལ་ལྕེ་ཆུང་བཙབ།།
རྡོ་བརྒྱབས་པས་མི་ཆོག་ལག་ངར་སྒྲེང་།།
མིག་བལྟས་པས་མི་ཆོག་འོག་མི་ལྟ།།
རྡོ་རྗེ་འཇིགས་བྱེད་མཐོང་རྩ་ན།།
ཁྲོ་བོ་ཐམས་ཅད་ལག་ཆ་ཤོར།།
རྡོ་སྐམ་པོ་ཡིན་ཡང་མེ་མི་འབར།།
ཤིང་རློན་པ་ཡིན་ཡང་མེ་འབར།།
རྡོ་སྒོར་མོར་ལོ་ཏོག་སྐྱེ་མི་སྲིད།།
རྡོ་རིལ་རྩིག་པའི་དཀྲུག་ཤིང་ཡིན།།
རྡོག་མཁྲེས་སྤྱན་སྤུས་ཞུས་ན།།
ཨ་མ་ལགས་དགོངས་པ་དྭངས་ཡོང་།།
བརྡབ་གསིག་ཕུང་སྦྱོར་གསུམ་ཙམ་ལས།།
ཞུ་ཚིག་བདེན་འཁྱོལ་སྣེ་གཅིག་མེད།།
ལྡུམ་ར་མང་སར་ལོ་ཏོག་ཉུང་།།
ཁ་ལབ་མང་སར་བློ་གྲོས་ཉུང་།།
ལྡེ་མིག་ནང་ལ་བཞག།
སྒོ་ལྕགས་ཕྱི་ལ་བརྒྱབ།།
སྡར་མའི་ཁ་ཕོ་སྔོན་དང་།།
རྒོད་པོའི་ལག་རྗེས་རྗེས།།
སྡང་གདུག་དྲགས་ཀྱང་དགྲ་མི་ལྡོག།
འདུན་མ་རླབས་ཀྱིས་ཆོད།།
སྡང་དགྲ་ཉེ་བར་མ་འཇོག།
རང་གི་གོང་དུ་ཤོར་བ་ཡིན།།
སྡང་དྲག་པ་དགྲ་ལ་ཡང་མ་བྱེད།།
ཐུབ་ཀྱང་ལག་ཡོག་འོང་བ་ཡིན།།
བསྡད་ནས་བཟོས་ན་རི་ཡང་འཛད།།
ལས་ལ་བརྩོན་ན་ཟས་གོས་འཛོམས།།
སྡིག་མ་བྱེད་བླ་མས་གསུངས།།
ཤ་ཚིལ་ཅན་བླ་མར་དགོས།།
སྡིག་པ་བླ་མས་བསགས་ན།།
ཡར་འདྲེན་སུ་ལ་བཅོལ་ཡོད།།
སྡིག་པ་ཁྲོ་ཆུང་རྒྱབ་ལ་ཁྱེར།།
ཞལ་ནས་ཨོམ་བཟང་མ་ཎི་འདྲེན།།
སྡིག་ཆེན་དམྱལ་བར་ཚུད་ཚར་ན།།
མགོན་དང་ཞུ་བ་འགྲོ་ས་མེད།།
སྡིག་ཆེན་དམྱལ་ཁར་འགྲོ་ཞོར།།
ཧར་པ་བུ་ལོན་ལེན་ཞོར།།
སྡིག་ཆེན་དམྱལ་བར་འགྲོ་ཁར།།
བསོད་ནམས་མེ་ལྟར་འབར།།
སྡིག་པ་མཐོང་ནས་སྦལ་པ་ལྷ་ལ་མངོན།།
སྡིག་བླ་མས་བསགས་ནས་སུས་འདྲེན།།
གྱོད་དཔོན་གྱིས་གཡོས་ན་སུས་འདུམ།།
སྡིག་པ་སྣུམ་ཐིགས་དང་།།
སྦལ་པ་ཚ་ཐིགས།།
སྡུག་བསྔལ་རྒྱ་མཚོ་མཐའ་བྲལ་ཡང་།།
ཁ་སྐོར་བྱས་ན་འགྲམ་པར་སླེབས།།
སྡུག་བོང་བུས་མྱངས།།
ཆག་རྟ་ཕོས་བཟས།།
སྡུག་ཕ་མས་བཏང་དང་དགྲ་བོས་བཏང་།།
བྱམས་སྙིང་རྗེ་མེད་ན་འདྲ་འདྲ་རེད།།
སྡུག་པར་དུག་ཞིམ་འཁོར།།
བཟང་བར་སྲུང་ཁྱི་འཁོར།།
སྡུག་ལས་ལས་སྟངས་མེད་པར།།
འདྲེ་ངན་གནོད་པ་སྡང་བ།།
སྡུག་པའི་རིགས་དེ་སྙིང་དང་གྲོད་པ་ཆེ།།
བཟང་བའི་རིགས་དེ་ཡ་རབས་སྤྱོད་པ་བཟང་།།
སྡུག་ཐང་ལ་ཡོད་པ་ཐོད་ལ་བླངས།།
རོ་ས་ལ་ཡོད་པ་ཕྲག་ལ་བླངས།།
སྡུག་རེས་བྱུང་ན།།
ལབ་རེས་མང་།།
སྡུག་མ་མྱངས་ན་སྐྱིད་མི་ཚོར།།
སྡུག་ཀྱང་ཉལ་ཞྭ་མི་གྱོན།།
སྐྱིད་ཀྱང་ཉལ་གླུ་མི་གཏོང་།།
སྡུག་སྲོག་རྟ་རྔ་ཙམ་དེ།།
བཞུ་མར་ལ་ཕུ་བརྒྱབ་པ་ལྟར་བཟོ།།
སྣུམ་བུ་གཞན་ལ་འགྲོ་འགྲོ་དེ།།
སྔོ་རལ་པ་ཅན་ལ་མི་འགྲོ།།
སྡེ་དཀྲུགས་པའི་ཁྲམ་པ།།
ས་དཀྲུགས་པའི་ཨ་བྲ།།
སྡེ་པ་གཞུང་གི་བྱུས་ཏོག་མ་བྱེད།།
རང་གི་རྩམ་ཁུག་ཡག་པོ་སློངས།།
སྡེ་འགོ་འཛིན་ན་ཁོག་པ་ཡངས་དགོས།།
རྟ་རྒོད་འཁྲིད་ན་མཐུར་མདའ་རིང་དགོས།།
སྡེ་པ་ཆང་ལ་མགོ་འཁོར་ནས།།
སང་གི་བྱ་བ་གནངས་ལ་བསྐྱལ།།
སྡོད་ས་དཔྲལ་བར་བྱས།།
མིག་ལ་ཐལ་བ་བཏབ།།
སྡོད་ས་པུས་མོས་འཁྱོག་ཚོད།།
སྡོམ་པ་ཡོད་དུས་འདུལ་བ་མེད།།
འདུལ་བ་ཤེས་དུས་སྡོམ་པ་མེད།།
སྡོམ་གྱི་ཐག་པ་མ་འཐེན་ན།།
སྲིན་འབུ་ཟིན་པ་ཡོང་མི་སྲིད།།
བསྡུས་པ་སྤ་ལོ་དང་།།
མ་བསྡུས་སིལ་མ།།
ན།
ན་ཆུང་མིག་ལ་སྐྱོན་ཆ་མེད་ན།།
ལྟད་མོ་ག་པར་བལྟས་བལྟས་འདུག།
ན་སོ་གཞོན་ནུས་བྲོ་ཞིག་མ་འཁྲབ་ན།།
ན་སོ་རྒས་ནས་བྲོ་ཡི་དགོས་པ་མེད།།
ན་ཆུང་བུ་མོའི་རྣ་བ་རུ།།
ཆོས་སིལ་མ་མི་སྙན་གླུ་དབྱངས་སྙན།།
ན་སའི་ཐད་ལ་ཐུག་གྲངས་མང་།།
དགའ་སའི་ཐད་ལ་སླེབས་གྲངས་མང་།།
ན་ཡུན་རིང་བ་ལས།།
འཆི་ཐག་ཐུང་བར་དགའ།།
ན་ཚ་བཅོས་ན་ཁྱི་སྐྱག་ཡིན་ཡང་ཟོས།།
ན་སོ་གཞོན་པས་འཆི་བ་མི་ཐུབ།།
ན་དུས་གྲོགས་ཀྱིས་མ་ཕན་ན།།
ཚེ་གང་གཏན་གྲོགས་ག་ལ་ཟེར།།
ན་མོ་བཀྲ་མས་བཀྲ་བྱས་ན།།
སྣང་སྲིད་ལྷ་འདྲེ་ཧ་དགོད་ཤོར།།
ན་གཞོན་ཡིས་སྙམ་ཨ་མའི་འཁར་བར་མ་འགམས།།
ནམ་ཞིག་མཁོ་བའི་རྟ་ཕོར་འགྱུར་ངེས་ཡིན།།
ནག་མོའི་ལོང་གཏམ་གྱིས།།
རྟ་པའི་ཉིན་ལམ་འགག།
ནག་ཆུང་སྲན་མར་རིལ་སྐྱོར་དང་།།
ལྟས་ངན་མཐོང་བར་ལྟ་སྐྱོར།།
ནགས་གཤོང་བྱེ་མས་རྐང་པ་འཚིག།
དེ་ནས་འམ་བུ་སྤྱང་ལ་ཚུད།།
ནགས་རི་སྔོན་པོ་གནས་པས་ན།།
བུད་ཤིང་རྫོགས་པའི་སེམས་ཁྲལ་མེད།།
ནགས་འགྲམ་ན་མེ་ཤིང་དཀོན།།
མཚོ་འགྲམ་ན་ཇ་ཆུ་དཀོན།།
ནང་གི་ཤ་ཡིན་པ་ལས།།
ཕྱིའི་ཚིལ་ལུ་མིན།།
ནང་ལ་སྟག་ལས་འཚུབ།།
ཕྱི་ལ་ཞི་མི་ལས་སྙིང་ཆུང་།།
ནང་དཔའ་བོའི་དཔའ་གྲལ་མ་ཞིག་ན།།
ཕྱི་གེ་སར་དམག་ལ་སྐྲག་དགོས་མེད།།
ནང་ལ་འགྲོ་འགྲོ་ཕྱི་ལ་མི་འགྲོ།།
ནང་རྟགས་ཕྱི་ལ་མ་བསྟན་ན།།
ཕྱི་མས་ནང་རྒྱུས་ཅི་ལ་ལོན།།
ནང་བཀྲ་མ་ཤིས་ན།།
ཕྱི་དོན་མི་འགྲུབ།།
ནང་ལ་དཔོན་པོ་དགོས་ན་བུ་གྲྭ་པ་བཟོས།།
ནང་ལ་གཡོག་མི་དགོས་ན་བུ་མོ་ཨ་ནེ་བཟོས།།
ནང་ལ་རྩམ་པ་མེད་པར།།
སྒེའུ་ཁུང་རྩམ་རལ་ཡོག་ཡོག།
ནང་ཚགས་ཚོང་མི་རྒྱག།
དཔོན་གཡོག་ཤོ་མི་རྒྱག།
ནང་ལ་རྩམ་པ་མེད་ཀྱང་།།
ཆུ་འཁོར་ལ་ཡོས།།
ནད་ཚབས་ཆེན་ཕོག་ཉིན་ཨེམ་ཆི་མེད།།
མི་འགངས་ཆེན་ཤི་ཉིན་བླ་མ་མེད།།
ནད་གཞི་ལྕི་ན་སྨན་པ་གང་བྱུང་བསྟེན།།
གྲོད་པ་ལྟོགས་ན་ཟས་ལ་དབྱེ་བ་མེད།།
ནད་བད་ཀན་མིག་ལ་ཕོག་ཁ་དེར།།
གཅིག་མི་ཚད་གཉིས་ཚམ་མཐོང་སྣང་ཤར།།
ནད་པ་ནད་ཐེག་སར།།
ཨེམ་ཆི་ནད་མི་ཐེག་པ་མེད།།
ནད་པ་རྒས་པོ་ཨེམ་ཆི་ཡིན།།
ནད་བརྒྱ་སྨན་གཅིག།
ཁ་བརྒྱ་དོན་གཅིག།
ནད་མེད་ལུས་ལ་ཀོ་ཡོལ་སྦྱར།།
ནད་པ་རྒྱུན་རིང་འཆི་བ་ཡིན།།
ནད་པ་དྲག་ན་སྨན་པ་བརྗེད།།
ནད་ལ་བད་ཀན་ཕོག་ན་འཆི་ཇུས།།
དགྲ་ལ་དཔོན་པོ་ལངས་ན་བྲོས་ཇུས།།
ནད་པའི་ཕྱོགས་ལ་རྐང་བརྡུང་།།
བཟང་པོའི་ཕྱོགས་ལ་ཇ་ཆུང་།།
ནམ་མི་ལངས་ཀ་མེད་ཉི་མས་འདེད།།
མཚན་མི་རུབ་ཀ་མེད་མུན་པས་རེད།།
ནམ་ལངས་སྤར་མོས་མི་ཁེབས།།
ནམ་ལངས་པ་ཡག་སྟེ།།
མུན་རུབ་པ་སྡུག།
ནམ་མཁའི་གཡའ་དག།
ས་གཞིའི་རྡུལ་དག།
ནམ་ཉི་མ་གཉིས་ལ་རིང་ཐུབ་དང་།།
ཆུ་གད་པ་གཉིས་ལ་མཐོ་དམའ་ཡོད།།
ནམ་རིང་སྒྲུང་གིས་མི་འཁྱོལ།།
ནམ་མཁར་སྤྲིན་བྱེའུ་རོ་ཙམ་མེད་པར།།
ཐོག་ལུག་རོ་ཙམ།།
ནམ་མཁའི་བྱ་དཀྲོགས།།
ས་གཞིའི་འབུ་དཀྲོགས།།
ནམ་འདྲ་འདྲ་ལངས་ནས།།
སྦུད་པ་གཡར་མཁན་སུ་ཡོང་།།
ནར་ནར་ལྕེ་ལ་བདག་པོ་མ་བརྒྱབ་ན།།
རིལ་རིལ་དབུ་ལ་འོ་རྒྱལ་བཟོས་ཡོང་།།
ནས་ཕྱེ་འཐག་བཞིན་ཞིབ་ཏུ་འགྲོ།།
སྐད་ཆ་ཤོད་བཞིན་གསལ་དུ་འགྲོ།
ནུ་ཆེན་ཕྱུགས་ལ་བཞོན་འཇོ་ལེགས།།
དྲང་བདེན་གཏམ་ལ་གཞན་ཡིད་དགའ།།
ནེ་ཙོ་སྨྲ་བས་གཟེབ་ཏུ་ཚུད།།
འབད་ཆགས་ལྐུགས་པ་བདེ་བར་རྒྱུ།།
ནོར་ཡག་ཉེས་བལྟས་པས་ཤེས།།
མི་ཡག་ཉེས་གཤིབས་ནས་ཤེས།།
ནམ་ལངས་ཁར་གཅིན་པ་ཤོར།།
ནམ་ནག་སྦར་ཡུལ།།
གདེང་མེད་ལས་རྩོམ།།
ནམ་མི་ལངས་ཀ་མེད་ཉི་མས་དེད།།
ས་མི་རུབ་ཀ་མེད་གྲིབ་མས་དེད།།
ནམ་མཁར་འཕུར་བར་གཤོག་པ་མེད་པ་ལ།།
རྒྱ་མཚོར་འཛུལ་བར་ཆུ་རྐྱལ་ག་ལ་ཤེས།།
ནམ་མ་ལངས་ན་འགྲོ་མི་བདེ།།
ལས་མ་སྐུལ་ན་བྱེད་མི་བདེ།།
ནམ་རིང་ན་རྨི་ལམ་མང་།།
སྐད་ཆ་མང་ན་སྐྱོན་མང་།།
ནོར་ཡོད་ཚད་འདོད་པ་ཅན་ལ་སྐུང་།།
ནོར་ལ་ཞེན་ཆགས་ཆེ་བའི་མིར།།
རྒྱུ་ནོར་རྐུ་ལ་ཤོར་བ་མང་།།
ནོར་བུ་ལག་ཏུ་ཡོད་དུས་ནོར་ཉམས་མི་ཆོད།།
ནོར་བུ་མི་ལ་ཤོར་དུས་ནོར་ཉམས་ཆོད།།
ནོར་ལ་སྤྱོད་ཤེས་ཕྱུག་པོའི་མཚན་ཉིད་ཡིན།།
ནོར་པ་འཁྲུལ་པ་སུ་ལའང་ཡོད་འཕྱ་བ་མ་སྔ།།
གནམ་གྱི་གཤིས་ལ་འགྱུར་ལྡོག་མང་།།
མི་ཡི་སྐྱེ་འཆིར་ངེས་གཏན་མེད།།
གནམ་བྱ་ཡི་ཕོ་མོ་ཤེས་དཀའ་ཡང་།།
མགོ་ནག་མི་ཡི་རྣམ་འགྱུར་ཤེས་པ་སླ།།
གནམ་ཚད་ལ་བཙུགས་ནས།།
བདེན་པའི་ལུང་དྲངས་ཐུབ་པ་དགོས།།
གནམ་མཚོ་རབ་མེད་ལ་རབ་དང་།།
ཐང་ལྷ་ལ་མེད་ལ་ལ།།
གནམ་ལ་སྐར་མ་མང་ཡང་།།
རང་འོད་མི་འདྲ་སྣ་ཚོགས།།
གནམ་གྱི་མཐའ་ནས་གསེར་གྱི་རྨ་བྱ་འཕུར།།
གནམ་ལ་སྐས་བཙུགས།།
ས་ལ་དོང་དྲུས།།
གནམ་གྱིས་ས་རྡུང་།།
དཔོན་གྱིས་གཡོག་གནོན།།
གནམ་ལ་ཉི་ཟླ་ཟུང་གཅིག།
ས་ལ་བཙན་པོ་དབོན་ཞང་།།
གནམ་ལ་འགྲོ་བར་ལམ་མེད།།
ས་ལ་འཛུལ་བར་སྒོ་མེད།།
གནམ་ལ་འཕུར་ན་གཤོག་པ་དགོས།།
ས་ལ་འཛུལ་ན་སྦར་མོ་དགོས།།
གནམ་ནས་ཆར་པ་མ་བབས་ན།།
ས་ནས་ལྗང་པ་མི་སྐྱེས།།
གནམ་རྡོ་ས་ལ་ལྷུང་ན།།
ཐབ་རྡོ་མི་བྱེད་རང་བྱེད།།
གནམ་ཁྲོས་ན་སེར་བ་དང་།།
རྐུབ་ཁྲོས་ན་རྙང་མ་རེད།།
གནམ་ཚུགས་མི་འགྱུར་སྐར་མ་ཨ་བརྟན།།
ས་ཚུགས་མི་འགྱུར་གངས་དཀར་ཏི་སེ།།
གནམ་སྔོན་པོ་སྡོད་མི་ཡིན།།
སྤྲིན་དཀར་པོ་འགྲོ་མི་རེད།།
གནམ་གང་རྒྱས་དྲགས་ན།།
ཚེས་པ་གཅིག་ལ་ཆད་ཡོང་།།
གནམ་ལ་རྡོ་རྒྱག་གཞུས་ན།།
པུས་མོ་ན་རོགས་རེད།།
རྣག་ཡོད་སར་གཙག་བུ་དང་།།
སྐྱོན་ཡོད་སར་མཛུབ་མོ།།
རྣམ་རྟོག་ཅན་གྱི་མིག་ལམ་དུ།།
རྟག་ཏུ་འདྲེ་གཟུགས་འཆར་བ་ཡིན།།
རྣམ་རྟོག་ཅན་ལ་འདྲེ་དགུ་འཁོར།།
རྣམ་རྟོག་དགྲ་ལ་ལངས།།
ཁང་སྟོང་རྐུན་མ་སྡང་།།
རྣམ་རྟོག་དགྲ་ལ་མ་ལངས་ན།།
བྲག་སྲིན་དགྲ་ལ་ལངས་དོན་མེད།།
སྣ་ཁུང་ནང་གི་སྤུ་འཐེན་ན།།
སུ་དང་སུ་ཡང་ཚ་སྣང་བྱེད།།
རྣམ་སྲས་རྟ་བདག་བརྒྱད་ལ།།
ཞབས་འདྲེན་རྐང་ཐང་གཅིག།
སྣང་བ་མེད་ན་རྣམ་རྟོག་མེད།།
སྣམ་བུ་དཀར་པོའི་ཚོས་མདོག།
ག་ནས་ག་པར་སྒྱུར་སྒྱུར།།
སྣམ་བུ་འདོམ་པ་གང་གིས་ཞྭ་གོས་ལྷམ་གསུམ།།
གནམ་སྐེ་ལ་གོན།།
སྤྲིན་པས་ཨོག་སྒྲོག་བརྒྱབས།།
གནག་ཕྱུགས་ལ་སྤུ་རྙོག།
ལྐུགས་པ་ལ་ལས་རྙོག།
གནག་པོའི་སེམས་གཅིག་མེད་ན།།
ངན་པའི་ལས་གཅིག་བྱེད་ལེ་མ།།
གནས་ལ་གནས་ལན་མེད་ཀྱང་།།
ཚིག་ལ་ཚིག་ལན་ཡོད་འགྲོ།།
གནས་ཚང་གཡར་བས་མི་ཚད།།
གནས་མོར་ཚད་ཚད།།
གནས་མོའི་རྫ་ཆག།
འགྲུལ་པའི་ཚེ་ཤོར།།
གནོད་འགྱོད་མེད་ན།།
ཁ་ཀེར་ཙམ་བྱས་ནས་རྒྱུགས།།
གནོང་ངོས་ལེན་ན།།
ཁ་མཆུ་མེད།།
གནོང་མེད་ན་འགྱོད་པ་འཁྱེར་དོན་མེད།།
རྣ་བ་སྐྱེ་སྔ་ཡང་།།
རྭ་ཅོ་ཤུགས་ཆེ།།
རྣ་རྒྱབ་ཀྱི་ལྷགས་པར་བཏང་བ།།
རྣ་མཆོག་བཀོག་ནས།།
རྐུབ་ཀྱི་ལྷན་པ།།
རྣ་བ་སྔོན་རྗེས་ལས།།
རྭ་ཅོ་རྗེས་སྐྱེས་མཐོ།།
རྣོ་མེད་རལ་གྲིས་ལྟགས་པ་ངོམ་ཡང་།།
དམར་དམར་ཤ་ཡིས་ཉག་ཙམ་མི་བྱེད།
སྣོད་ལུང་མེད་འཇུ་དཀའ།།
གཏམ་དཔེ་མེད་བཤད་དཀའ།།
སྣོད་ཞབས་བརྡོལ་ལ་ཆུ་བླུགས།།
པ།
པ་ཕ་ཆང་གིས་བཟི་བའི་བློ་ཤེད་དེ།།
ནམ་ཞག་རྒྱུན་དུ་ཡོད་ན་དགའ་བ་ལ།།
པ་ཕས་གར་ཕྱིན་དང་།།
དཔའ་དམ་གར་གཡུག།
སྤང་སྤྲུག་ཡོད་ནས་གོན་པ་ཡིན།།
རྩམ་པ་མེད་ནས་སློང་བ་ཡིན།།
པད་འཛོམས་རྟག་པར་ངུ་བར།།
རྣམ་རྟོག་ག་རེ་ཟ་བ།།
པད་འཛོམས་འུ་ལག་ཤག་ཤག་རེད།།
སླེ་པོ་ཁ་རལ་ཤག་ཤག་རེད།།
པད་མ་མེ་ཏོག་མཛེས་ཀྱང་།།
ལོ་མ་སྔོན་པོས་རྒྱན་དགོས།།
པི་ཝང་མི་ཤེས་ངུ་མཁན་འདྲ།།
རྒྱ་གླིང་མི་ཤེས་བགད་མཁན་འདྲ།།
པུ་ཤུད་སང་འགྲོ་གནངས་འགྲོ།།
གྱང་གོག་སང་འགྱེལ་གནངས་འགྱེལ།།
པུས་མོ་མར་བསྟན།།
ཅོག་ཙེ་ཡར་བསྟན།།
པུས་མོས་སྒོ་བརྡུངས།།
བྱིས་པས་ཁྱི་བཀག།
དཔག་ཚད་བརྒྱ་སྟོང་གི་ལམ་ནས་ས་ཞིག་འདོམ་འཇལ་དང་།།
གནམ་སྔོན་པོ་ཚད་བཙུགས་ལྷགས།།
དཔག་བསམ་ཤིང་ལ་འཛེག་རྒྱུ་བྱུང་ན།།
གོས་ཆེན་པགས་ཚག་རལ་ཀྱང་རལ།།
དཔའ་རྩལ་གྱིས་དགྲ་མགོ་མནོན།།
བློ་རྩལ་གྱིས་རང་ཇུས་ཟུངས།།
དཔའ་དུས་དཔོན་ལ་ཡ་བོ་བཟུང་།།
སྡར་དུས་ཁྱི་ལ་ཕྱག་འབུལ་ཞུས།།
དཔའ་མའི་གདོང་མཐོང་ན།།
སྡར་མའི་ཇུས་ལུག།
དཔེ་དོན་གའུ་ཁ་སྦྱོར་དགོས།།
ཞྭ་དཔེ་ལྷམ་འགེབ་འགྲིག་ཐབས་མེད།།
དཔེ་རེ་བཤད་ན་དོན་རེ་ཡོད།།
དཔེ་དོན་གལ་ཏེ་མགོ་འབྲེལ་ཡིན།།
དཔེ་དོན་གལ་ཏེ་མགོ་སྦྲེལ།།
ཁ་དང་ལག་ལེན་ཟུང་སྦྲེལ།།
དཔེ་རྒྱ་གར་དུ་འགྲོ་མ་དགོས་པར།།
དོན་སྒོ་རྒྱབ་ཏུ་གསལ་བ།།
དཔོན་པོ་ཁྲིམས་ཐོག་ནས་སངས་རྒྱས།།
ཁྲལ་པ་ཁྲལ་འོག་ནས་སངས་རྒྱས།།
དཔེ་མེད་ཀྱི་མཆོད་རྟེན་ལ།།
ལུང་མེད་ཀྱི་རབ་གནས།།
དཔེ་མ་སྲིད་ན་དོན་མི་སྒྲུབ།།
དཔེ་སྲིད་པའི་དབྱངས་ཅན་སྒྲོལ་དཀར་ལགས།།
སྤུ་མེད་པར་གྲ་མག་སྦྱར་དོགས་མེད།།
དཔོན་པོ་ཁྱི་རུ་གྱུར་ཀྱང་ཁྱི་མཇུག་མགོ།།
དཔོན་པོའི་ཞལ་དེ་གླ་ལྤགས་འདྲ།།
གང་ནས་འཐེན་ཡང་འཐེན་འཐེན་ཡིན།།
དཔོན་པོའི་འགྲམ་དུ་མ་སླེབས་གོང་།།
གཡོག་པོས་བཤད་བཤད་གཏོང་ཚད་ཚད།།
དཔོན་པོ་གཞུང་དྲང་ཡང་།།
ཁྱིམ་དོན་བྱེད་པ་དཀའ།།
དཔོན་པོའི་ཁ་ཡི་བཙན་གཏམ།།
གཞུ་མཆོག་དཀར་སྟོང་གི་མདའ་མོ།།
དཔོན་ངར་ངར་ཁོག་ལ་མི་གཤོང་།།
མཚོན་རྣོན་པོ་ཤུབས་ནས་མི་ཐོན།།
དཔོན་པོས་དྲང་པོ་མི་ཤོད།།
རྐུན་པོས་ལམ་དུ་མི་འགྲོ།།
དཔོན་བཀའ་བཙན་ན་འབངས་བློ་མི་ཁུག།
མདའ་བརྒྱབ་དྲགས་ན་བྱ་རི་དྭགས་འདྲོག།
དཔོན་པོའི་སྤྱན་དུ་མ་ཕྱིན་ན།།
གང་བྱས་སྐྱོན་དུ་འགྱུར།།
དཔོན་རབ་ཅིག་བྱེད་ན།།
གཡོག་རབ་ཅིག་བྱེད་དགོས།།
དཔོན་ཕྱག་མདའ་གནང་ཆོག་སར།།
གཡོག་ཕུ་ཐུང་འབུད་མི་ཆོག་པ་མེད།།
དཔོན་མངའ་ཐང་ཆེ་ན།།
གཡོག་སྡུག་ཐང་ཆེ།།
དཔོན་མ་འདོད་གཡོག་གླ་བསྐུར་ནས་གཏོང་།།
གཡོག་མ་འདོད་གཡོག་གླ་བསྒྱུར་ནས་འགྲོ།།
དཔོན་པོ་ཡོད་ཚད་ལ་ཕྱག་འབུལ་ཞུ་དགོས་ན།།
རྒྱ་ནག་རྒྱལ་པོ་ཕེབས་དུས་མགོ་ལྤགས་བཤུ་དགོས་ཨེ་རེད།།
དཔོན་ལ་དགོས་པ་དུས་གཅིག།
གཡོག་ལ་དགོས་པ་ཚེ་གང་།།
དཔོན་ཕྱི་བལྟས་བསློགས་པ་དང་།།
གཡོག་སྐེད་གཟེར་བྱེད་པ་དུས་མཚུངས།།
དཔོན་རྣ་བ་མ་སྲབ་ཞིབ་ཏུ་བརྟག།
གཡོག་ཞུ་ཞུ་མ་མང་རང་ཚུགས་ཟུངས།།
དཔོན་དང་འདྲ་བའི་གཏམ་ཡོད་ཀྱང་།།
དཔོན་དང་འདྲ་བའི་དབང་མེད།།
དཔོན་ལ་མི་སྐྲག་དབང་ལ་སྐྲག།
དཔྱིད་ཀ་ཐལ་རླུང་འཚུབ་འཚུབ་མ་བྱས་ན།།
སྟོན་ཀ་སྣུམ་ཞག་ཚིལ་ཚིལ་ཡོང་དོན་མེད།།
དཔོན་ཚོད་དཔོན་དང་ཕྱག་ཚན་ཕྲེང་བ།།
དཔོན་མོས་ཅི་བྱེད་མི་ཤེས་དུས།།
གཡོག་མོས་ལག་མགོ་འདྲུད།།
དཔོན་ཆེན་བཀའ་ལ་ཡར་ལྡོག་དང་།།
རི་གཟར་རྦབ་ལ་གྱེན་ལྡོག་མེད།།
དཔོན་ཆེན་པོའི་བཀའ་ཁྲིམས་དེ།།
མེས་པོ་ཚངས་པའི་ཐིག་ཤིང་ལྟར་དགོས།།
དཔོན་པོ་དགྲ་ལ་ལངས་ན་བྲོས་རྩིས་དང་།།
བྱ་སྲིན་ཐོག་ཁར་བབས་ན་སྡུག་རྟགས།།
དཔོན་ལྷ་རྒྱལ་རི།།
མི་སེར་སྡུག་རྒྱལ་རི།།
དཔོན་ལ་ཞུ་དགོས་དང་།།
གཡོག་ལ་རེ་དགོས་མ་གཏོང་།།
དཔོན་སྐུ་དབང་བཙན་ཀྱང་།།
ཆབ་གཅིག་གཏོང་དབང་ཡོད།།
དཔོན་ཆེན་པོའི་དབུ་འཕང་སྡེ་ཡིས་བསྟོད།།
སྡེ་མེད་ན་དཔོན་ཕྲན་འདྲ་འདྲ་རེད།།
དཔོན་བཅོལ་དུས་སུ་རང་ཐག་གཅོད་དགོས་པ་ཡིན།།
སྤྱི་ཚིག་བགྱིས།།
དཔོན་ཐར་ས་ལ་གཡོག་དང་།།
རྟ་ཐར་ས་ལ་སྒ་ཐར་དགོས།།
དཔྱིད་འབྲུ་རྡོག་སྒྲུག་མཁན་ལྟོགས་རམ་པ།།
སྟོན་སྙེ་རྡོག་ལ་གོམས་མཁན་ཧང་རམ་པ།།
དཔྱིད་ཀའི་ཆབ་རོང་དང་།།
སྟོན་ཀའི་ན་བུན།།
དཔྱིད་ཉ་རྒྱལ་པོར་མ་རག།
སྟོན་ཉ་ཁྱི་ཡིས་མི་ཟ།།
དཔྱིད་མེ་ཏོག་ཤར་བ་དགོས།།
སྟོན་འབྲས་བུ་འདོགས་པ་དགོས།།
དཔྱིད་གསུམ་ས་བོན་མ་བཏབ་ན།།
སྟོན་གསུམ་འབྲུ་དྲུག་ག་ནས་ཡོང་།།
དཔྱིད་འདེབས་ཉིན་གཅིག་ཕྱིས་ན།།
སྟོན་བསྡུ་ཉིན་བཅུ་འགྱངས།།
དཔྱིད་དུས་མེ་ཏོག་མ་བཞད་ན།།
སྟོན་དུས་འབྲས་བུ་ག་ལ་ཡོད།།
དཔྱིད་ཉི་རིང་པོ་དྲོ་གསུམ་གྲང་གསུམ།།
མི་ཚེ་རིང་པོ་སྐྱིད་གསུམ་སྡུག་གསུམ།།
དཔྲལ་བར་མཛུབ་ལྕག་ཐེབས་པ་དཀའ།།
ལྟག་ཁུང་སྟ་གྲིས་ཆོད་པ་དཀའ།།
དཔྲལ་བའི་མིག་དང་ཁོག་པའི་སྙིང་།།
སྤགས་ཤ་འདྲ་བ་བཟས་ན།།
མི་ཉ་འདྲ་བ་ཞིག་ཆགས།།
སྤང་སྐྱ་ཐག་ཆོད་ཀྱང་།།
རི་བོང་སྔོ་དྲི་མ་སངས།།
སྤང་གཤོངས་ནོར་གྱིས་ཁེངས་པའི་སྐད་གྲགས་མེད་ཀྱང་།།
བ་ལ་མགོ་ཐག་བརྒྱབས་ནས་ཞོགས་ཇ་སྣུམ་ཞག་ཚིལ་ཚིལ།།
སྤང་དང་མེ་ཏོག་ཆབས་ཅིག།།
ཁྱིམ་དང་བུ་ལོན་ཆབས་ཅིག།
སྤྱན་རྒྱ་ཆེ་ན།།
སྡུག་རྒྱ་ཆེ།།
སྤེན་གཡང་ཁྲོས་ན་མཐོ་གང་།།
ཟླ་གཡང་ཁྲོས་ན་འདོམ་གང་།།
སྤོ་བོས་བཤད་ན་སྤོ་བོ་བདེན།།
རྨོ་བོས་བཤད་ན་རྨོ་བོ་བདེན།།
སྤོ་བོ་ལ་བི་སའི་རྣམ་ཐར།།
ནས་ལ་སྦང་མའི་ཁ་ཏ།།
སྤོས་རྡུང་ལ་བཅར།།
གཡག་རྡུང་ལ་གཡོལ།།
སྤོས་དང་ཆབ་དོག་དམའ་སར་ཞོག།
སྤྱང་ཀི་ཤ་ཟན་རི་ལ་བྲོས།།
ཝ་མོ་ཆུ་འཐུང་རྙི་ལ་ཐེབས།།
སྤྱང་ཀི་མང་དྲགས།།
ཤ་ཉུང་དྲགས།།
སྤྱང་ཀི་ཤ་ཁྱེར་ལུང་པའི་ཕུ།།
སྤྲང་པོ་གཏམ་ཁྱེར་ལུང་པའི་མདའ།།
སྤྱང་ཕྲུག་གསོས་ནས་སྒོ་ཁྱི་མི་ཉན།།
སྤྲང་ཕྲུག་གསོས་ནས་བདག་པོ་མི་ཡོང་།།
སྤྱང་ཀིའི་ཁ་ནས་ཁྲག་ཐིགས་མི་རྒྱག།
ཁྲམ་པའི་ཁ་ནས་བདེན་ཚིག་མི་ཐོན།།
སྤྱང་ཕོ་ཐང་སྒང་ཟེར་འགྲིམ་དུས་སུ།།
སྔ་བལྟས་ཤིག་དང་ཕྱི་བལྟས་ཤིག།
རྒོད་ཐང་དཀར་ནམ་འཕང་སྤྱོད་དུས་སུ།།
སྟེང་བལྟས་ཤིག་དང་འོག་བལྟས་ཤིག།
སྤྱང་ཀི་ཚེ་ཐར་མ་གཏོང་།།
རྐུན་མ་ཐར་པར་མ་གཏོང་།།
སྤྱང་ཀིས་འགྲངས་ངུ་ལྟོགས་ངུ་།།
སྤྱང་ཀིས་ཤ་ཟ།།
རྐུན་མས་མནའ་ཟ།།
སྤྱང་ཀི་ཤ་གཟན་ལུག་ཁྱུར་མི་འདྲེས།།
སྤྱང་རྡོ་ཕོག་གིས་མ་ཤི་སེམས་སྡུག་གིས་ཤི།།
སྤྱང་བཤད་གཏོང་དུས་སྤྱང་ཀི་སླེབས།།
སྤྱན་མིག་གནམ་མཁར་གཟིགས་དྲགས་ན།།
དབུ་ཞྭ་ས་ལ་གཟག་ཡོང་།།
སྤྱང་ལུག་བརྒྱ་བཟས་ན་འཆི་ལྟས།།
མདའ་ཟེར་མ་ལངས་ན་ཆག་ལྟས།།
སྤྱང་ཕྲུག་ཆུང་དུས་བསད་ན།།
བརྒྱ་ལུག་ལྷས་ནས་སྟོང་ཉེན་ཡོད།།
སྤྱང་ཀི་ལ་ཀི་དང་།།
ལུག་རྫི་ལ་བརྡ་སྤྲོད།།
སྤྱང་ཀི་ལག་དཀར་ནག་དང་།།
རྔ་མ་ལ་སྦོམ་ཕྲ་མེད།།
སྤྱང་མོ་ཁོག་གནོང་མེད་ན་རི་ཟུར་འགྲིམ་དོན་མེད།།
ཤྭ་ཕོ་ཚེར་སྣང་མེད་ན་རྫ་རྩེ་འགྲིམ་དོན་མེད།།
སྤྱང་ཀིའི་ཁ་ནས་ལུག་རོ་མི་ཐོབ།།
སྤྱང་ཀི་རྟ་གཟན་ལུག་རོས་མི་འགྲང་།།
སྤྱང་པོའི་འཁུར་བླངས།།
ལྐུགས་པའི་རྟགས་བསྟན།།
སྤྱི་ཟས་ལ་སྒེར་ཚྭ་དང་།།
སྤྱི་ནོར་ལ་སྒེར་སྤྱོད།།
སྤྱི་གྱོད་སྒེར་ལ་ལྷུང་བ།།
སྤྱི་ཟོག་གསེར་གྱི་མཆོད་རྟེན།།
སྤྱོད་པ་བཟང་ངན་བྱ་བས་མཐོང་།།
གྲང་ངར་ཆེ་ཆུང་ཆུ་ནས་ཤེས།།
སྤྱོད་ཤེས་ན་དུག་ཀྱང་སྨན་དུ་གྱུར།།
སྤྲང་པོ་བརྒྱགས་ནི་མི་ཤི།།
སྤྱང་ཕྲུག་ལྟོགས་ནི་མི་ཤི།།
སྤྲང་པོ་ཟ་ལ་མི་འཆམ་པ།།
སྤྲང་པོ་ཟ་ལ་མི་འཆམ་པ།།
སྤྲང་པོ་ནང་ལ་བཞག།
དགེ་བ་ཕྱི་ལ་བཏང་།།
སྤྲང་པོའི་ལག་པར་ཡང་མར་ཟན་འཁོར་ཡོང་།།
སྤྲང་པོའི་རྒྱུག་པ་ལའང་མགོ་མཇུག་ཡོད།།
སྤྲང་པོའི་སྒོ་ཁར་ར་བཏགས་ན།།
ས་བདག་གཉིད་མ་ཁུག།
སྤྲིན་ནག་ཕག་གི་སེར་བ་དེས།།
འབྲསསྙེ་བུར་ལ་གཏོང་བ་ཡིན།།
སྤྲེའུ་ལ་ངོམ་རྒྱུ་རྐུབ།།
སྤྲེའུ་བྱེད་བྱེད་མང་ན་སྤྲང་པོའི་ལག་ཏུ་ཐེབས།།
སྤྲེའུ་ཁ་ནས་ཁམ་བུ་གཟག་གི་མ་རེད།།
སྤྲེའུས་འཁྲབ་པ་ལས།།
སེང་གེས་འགྱིངས་པ་དགའ།།
སྤྲེའུས་གངས་རི་མ་མཐོང་བར།།
མར་དཀྲོག་གིས་མིག་འཕྱིད།།
སྤྲེའུས་བརྒྱབ་པའི་མདུད་པ།།
སྤྲེའུ་བཀྲོལ་དུ་ཆུག།
སྤྲོ་ཐུང་བ་ལ་ཀུ་རེ་མ་བྱེད།།
མི་ཐུབ་པ་ལ་དོ་མ་སྡོ།།
སྤྲེལ་ལད་ལྕེ་བདེའི་འགྲོ་རྒྱུག་མ་ཤེས་ན།།
དྲང་པོས་ས་ལམ་བགྲོད་པ་ཉིན་སྐར་ཙམ།།
ཕ།
ཕ་མ་སྤུན་མཆེད་ཟེར་བ་དེ།།
དཀྱིལ་འཁོར་གཅིག་གི་ལྷ་ཚོགས་ཡིན།།
ཕ་མ་བཟང་པོའི་བུ་ཚ།།
དགེ་རྒན་དང་དགེ་ཕྲུག
ཕ་གཏམ་བུ་ལ་འཇགས།།
ཕ་ཤུལ་བུས་འཛིན།།
ཕ་རྩེ་བུ་རབས།།
མདའ་རྩེ་སྒྲོ་རབས།།
ཕ་མ་དང་ཕྲུ་གུ།།
དགེ་རྒན་དང་དགེ་ཕྲུག།
ཕ་རྒྱུད་བུ་ལ་མ་ཁྲིད་ན།།
རི་བོང་ཤོ་ཏོ་ག་ནས་ཡོང་།།
ཕ་ཡུལ་ནོར་བུ་མཐོང་དུས།།
ཁྱེད་ལས་ང་རང་དྲན་པ།།
ཕ་མ་བུ་རྒྱུད་གཅིག་ལ།།
བསོད་ནམས་མི་འདྲ་ཁག་ཁག།
ཕ་མ་ཤི་ན་བུ་མི་འཚར།།
ཕ་རྒས་ན་ལུག་རྫི་དང་།།
མ་རྒས་ན་བུ་རྫི།།
ཕ་ཉེས་ཕ་དང་བུ་ཉེས་བུ།།
ཕ་བསད་བུ་ཡི་ལབ་རྒྱུ།།
ཕ་ཡིན་པ་དངོས་གསལ།།
བུ་ཡིན་པ་ར་འཕྲོད།།
ཕ་བཟང་པོའི་དངུལ་ཁུག་དེ།།
བུ་ངན་པས་ཇ་ཁུག་བྱེད།།
ཕ་ལས་བུ་རྫིག།
ཚ་བོ་ལས་ཡང་ཚ་རྫིག།
ཕ་ལ་གོ་གནས་མེད་པར།།
བུ་ལ་ཧྲའོ་ཡས།།
ཕ་ཁུ་བོའི་གནའ་གཏམ་དེ།།
བུ་ཚ་བོའི་རྣ་ལ་འཇགས།།
ཕ་རི་ལ་ཕྱིན་ནས་སྟག་དང་དོམ་བསད།།
ལྕི་རློན་མེ་ལ་བུད་ནས་དུ་བ་རླངས་པ་འཚུབ་འཚུབ།།
ཕ་རིའི་ལྕི་བ་མེད་པ།།
ཚུར་རིའི་སླེ་པོ་མེད་པ།།
ཕ་མ་ཡོད་དུས་བུ་མེད།།
བུ་ཡོད་དུས་ཕ་མེད།།
གཉིས་ཀ་ཡོད་དུས།།
སྙིང་པོ་མེད།།
ཕ་ཤུལ་བུས་འཛིན།།
མདའ་ཤུལ་སྒྲོས་འཛིན།།
ཕ་སྡུག་པའི་བུ་ལ་སྡུག་རྒྱུ་མེད།།
མཛོ་ཁྱུང་དཀར་པ་ཕ་གླང་གོག་རེད།།
ཕ་དུག་ཤིང་སྟག་མ་ལ།།
བུ་ཙནྡན་ལྗོན་བཟང་།།
ཕ་མ་མེད་པའི་བུ་ཕྲུག།
མགོ་འདྲེན་མེད་པའི་འབངས་མི།།
ཕ་ཙནྡན་སྡོང་པོ་ལ།།
བུ་ཆུ་ཤིང་འོམ་བུ།།
ཕ་མའི་བྱམས་བརྩེ་དེ།།
འཇམ་པོ་མར་གྱི་རིལ་བུ་ཡིན།།
ཕ་བཟང་ལ་བུ་བཟང་།།
མ་བཟང་ལ་རྒྱུད་བཟང་།།
ཕ་བཟང་ཤི་བའི་མྱ་ངན་སངས་དུས་ཡོད།།
བུ་ངན་སྐྱེས་པའི་མྱ་ངན་སངས་དུས་མེད།།
ཕ་སྤུན་དགྲ་ལ་སོང་ཡང་རུས་པ་གསེར།།
ཕ་ཕྱེད་ཨ་ཁུ་དང་།།
མ་ཕྱེད་སྲུ་མོ།།
ཕ་ཡུལ་སྡོད་དུས་རྟ་བརྒྱ་ཡོད།།
ང་རང་ཡོང་དུས་རྐང་ཐང་ཡིན།།
ཕ་ཡུལ་བྲལ་ཡང་།།
ཕ་སྐད་མི་ཤོར།།
ཕ་ཁྱུ་སྤྱི་གྲོས།།
མ་སྲུ་སྒེར་གྲོས།།
ཕའུ་མའུ་གྲོས་བྱས་ནས།།
བུ་མོ་སྐྱིད་པའི་ལོ་རྒྱུས།།
ཕག་རྒོད་ཚེ་ཟད་རྒྱལ་པོའི་ལྡུམ་ར།།
ཕག་རྫི་བྱས་ནས་ཟ་སྟངས་ཤོར།།
རྟ་རྫི་བྱས་ནས་འགྲོ་སྟངས་ཤོར།།
ལུག་རྫི་བྱས་ནས་སྡོད་སྟངས་ཤོར།།
ཕག་པས་བལྟས་ན་ཕག་ཚང་གཞལ་ཡང་ཁང་།།
ཕག་པས་གནམ་མཐོང་བ་དུས་གཅིག།
ཕན་མ་ཐོགས་ན།།
ཁ་ནང་སོ་ཡང་འབུད།།
ཕན་ཚུན་བསྟོད་ན།།
གཉིས་ཀ་གངས་རི་ལས་དཀར།།
ཕན་ཚུན་སྨད་ན།།
གཉིས་ཀ་སོལ་བ་ལས་ནག།།
ཕར་ལ་འཇོར་མ་གཞུས་ན།།
ཚུར་ལ་ས་མི་གོག
།ཕར་བལྟས་འུག་པ་དང་།།
ཚུར་བལྟས་སེ་ལེ།།
ཕར་ལ་བླ་མ་དཀོན་མཆོག་བྱས་ན།།
ཚུར་ལ་དོན་དང་བྱ་བ་འགྲུབ་ཐུབ།།
ཕར་སོང་གི་མི་ལ།།
ཚུར་ཡོང་གི་གཏམ།།
ཕར་ཆད་ཁ་ལོ་དང་།།
ཚུར་ཆད་སྡོང་པོ།།
ཕར་བསམ་རྒྱ་དར་དཀར།།
ཚུར་རེ་བ་ནག་པོ།།
ཕར་ལ་བརྐྱང་ན་མདའ་ཉན་པ་དང་།།
ཚུར་ལ་བཀུག་ན་གཞུ་ཉན་པ།།
ཕར་གཡས་ལག་མ་བཏང་ན།།
ཚུར་གཡོན་ལག་མི་གཏོང་།།
ཕར་སྤྱང་གིས་རྒྱ་ལམ་ཕྲེད་བཀག་དང་།།
མི་ངན་གྱིས་འབངས་སྣེ་ཁྲིད་པ།།
ཕར་སོང་གི་གཏམ་ལ།།
ཚུར་ཡོང་གི་ལན།།
ཕར་ལ་བུ་ལོན་སྤྲོད་དགོས་མེད།།
ཚུར་ལ་གྲོ་ཁ་ལེན་དགོས་མེད།།
ཕུ་ཕར་བརྒྱབ་ཨ་ར་ཚུར་ཟིང་།།
ཕུ་གང་ནས་བསྐོ་ཀྱང་།།
མདའ་གླིང་བུ་རྫོང་།།
ཕུ་ཐུང་ནང་གི་མཛོག་མགོ།།
སྒོ་རྒྱབ་ཀྱི་རྒྱབ་བཤད།།
ཕུ་རྒྱལ་པོའི་རྒྱལ་ས་མ་བདེ་ན།།
མདའ་སྤྲང་པོའི་ཉལ་ས་མི་བདེ།།
ཕུ་ཐག་མེད་པ་རྣམ་གཉིས་ཡོད།།
བུ་མོའི་ཤེད་ལ་ཕུ་ཐག་མེད།།
རྒོ་མོའི་འགྲོས་ས་ཕུ་ཐག་མེད།།
ཕུ་གཡས་པ་ཁྲོག་ཁྲོག་དེ་རྫ་ལས་བྱུང་།།
རྫ་མེད་ན་གཡམ་པ་ཁྲོག་དོན་མེད།།
མདའ་སྨུག་པ་ལང་ལོང་དེ་མཚོ་ལས་བྱུང་།།
མཚོ་མེད་ན་སྨུག་པ་ལང་དོན་མེད།།
ཕུ་ལུང་པའི་ཕུ་ཐག་རིང་ཐུང་དེ།།
མདའ་གཙང་ཆབ་སྔོན་མོ་མཐོང་བས་ཤེས།།
ཕུ་བླ་མ་མི་འགྱུར་ཨོ་རྒྱན་པདྨ།།
མདའ་ཡོན་བདག་མི་འགྱུར་ཁྲི་སྲོང་ལྡེ་བཙན།།
ཕུ་ལ་དགོན་པ་བཏབ་པ་ལས།།
མདའ་ལ་ཁ་མཆུ་མེད་ན་བདེ།།
ཕུ་ལ་བསམ་གཏན་སྒོམ་ལེ་ལས།།
མདའ་ལ་མི་གཉིས་འདུམ་ལེ་དགའ།།
ཕུབ་མ་ལ་སྔས་མགོ་དང་།།
ཡོལ་བ་ལ་རྒྱབ་བསྙེས་མ་སོང་བ།།
ཕུབ་མའི་འོག་གི་ཆུ་དོང་།།
ཕོ་རབ་གཅིག་གི་བློ་རྩེ་ལས།།
ཕོ་འབྲིང་གསུམ་གྱི་གྲོས་བསྡུར་དགའ།།
ཕོ་ཡ་རབས་མ་རབས་སྤྱོད་པས་ཤེས།།
ཡུལ་ས་ཕྱོགས་གང་ཡིན་སྐད་ཀྱིས་ཤེས།།
ཕོ་གྲགས་པ་ཅན་ལ་སྡེ་དྲུག་འཁོར།།
མོ་ཤོང་ཡངས་ཅན་ལ་བཟའ་མགྲོན་འཁོར།།
ཕོ་ཨེ་བརྟན་ཁ་ལ་ཚིག་བཞག།
མཛོ་ཨེ་བཟང་རྒྱབ་ལ་ཁལ་བཀལ།།
ཕོ་ཁྱོ་གའི་ཁོག་ལ་མདའ་ཤོང་མདུང་ཤོང་།།
ཕོ་དཔའ་བོ་ཚར་ན་ཆེ་ཆུང་མེད།།
ཕོ་ལོ་བཅུ་མན་དེ་བྱིས་པ་ཡིན།།
ཕོ་གསར་གཏམ་འདོད་བྱེད་མི་ཉན།།
རྟ་གསར་རྒྱུག་འདོད་བྱེད་མི་ཉན།།
ཕོ་དཔའ་བོའི་དཔའ་ས་འཛིན་འདོད་ན།།
སྡང་དགྲ་བོའི་དཔུང་སྒར་གཤོག་ཐུབ་དགོས།།
ཕོ་རྒོད་ཀྱང་རྒྱབ་ལ་དཔུང་གཅིག་དགོས།།
སྨན་མཚར་ཡང་ཕང་ལ་བུ་གཅིག་དགོས།།
ཕོ་རྒོད་པོ་རང་གིས་མ་འཇོན་ན།།
མཚོན་རྣོ་པོ་དགྲ་བོའི་ལག་ཆ་རེད།།
ཕོ་སུ་ལུ་མགོ་དེ་བཙལ་ཀྱང་མ་རྙེད།།
དམན་སུ་ལུ་མགོ་དེ་བཙོངས་ཀྱང་མ་བྲིན།།
ཕོ་ལོ་བརྒྱད་ཅུར་སླེབས་ཀྱང་གཅུན་མཁན་དགོས།།
ཕོ་ཁྲམ་པས་མི་མགོ་གཡོགས་ཁ་ལ།།
ཟས་བརྔོས་མ་དེ་ཚོ་སྦྱིན་ལེ་རེད།།
ཕོ་ཤྭ་གསོད་སྔ་ཉིན་ཕྱི་ཉིན།།
མོ་གྱོད་ཁུར་སྔ་ལོ་ཕྱི་ལོ།།
ཕོ་ངར་དགྲ་ལ་དགའ་ན།།
ཡོང་རྒྱུ་དམའ་འབེབས་དང་ཤི་རྨས།།
མོ་གསར་གནས་ལ་དགའ་ན།།
ཡོང་རྒྱུ་ཕ་མའི་ལ་ཡོགས།།
ཕོ་རོག་ལ་སྐྲ་དཀར་ནམ་སྐྱེ།།
ཕོ་རང་གིས་འཇོན་ན་འཇོན་རན་རེད།།
ཕོ་རབ་བློ་གཅིག་བཀྱེ་དུས་དེར།།
ནམ་ལངས་ཉི་མ་ཤར་བ་འདྲ།།
མི་ཡང་གསལ་ལ་རང་ཡང་གསལ།།
ཕོ་འབྲིང་བློ་གཅིག་བཀྱེ་དུས་དེར།།
སོ་གཉིས་ལམ་དུ་སླེབས་པ་འདྲ།།
འགྲོ་ཐག་འདུག་ཐག་གཉིས་ཀ་ཆོད།།
ཕོ་ཐ་བློ་གཅིག་བཀྱེ་དུས་དེར།།
ལོང་བས་ལོང་བ་ཁྲིད་པ་འདྲ།།
ལོང་བ་མཐའ་ལ་འཕངས་པ་འདྲ།།
ཕོ་ལོ་ལྔ་གསུམ་བཅོ་ལྔ་ནས།།
རྟ་འོལ་བའི་ཁ་ལོ་བསྒྱུར།།
མོ་ལོ་དྲུག་གསུམ་བཅོ་བརྒྱད་ནས།།
བཞོན་འོ་མའི་ཚ་གྲང་འབྱེད།།
ཕོ་རོག་ཤ་འདོད་ཤ་ཡིས་བརྔན།།
སྐྱ་ཀ་ཚིལ་འདོད་ཤ་ཡིས་བརྔན།།
མཆིལ་པ་ནས་འདོད་ནས་ཀྱིས་བརྔན།།
ཕོ་གསར་གྱི་ངར་དེ་ཁྱིམ་ངར་རེད།།
རྡོ་དབྱུག་པ་གཉིས་ཀྱི་སྤྱན་འདྲེན་ཡིན།།
ཕོ་ལ་ངར་རྒྱུ་མེད་ན།།
གཟན་གྱི་རྐྱལ་པ་རེད།།
ཕོ་ལ་ངར་ཤ་ཡོན་ན།།
བྲག་ལ་ཨི་ཁུང་ཕུགས།།
ཕོ་ནུས་ཚོད་ཟིན་ན་དཔའ་བོ་དང་།།
སྨན་མཚར་ཚོད་ཟིན་ན་མཛངས་མ་ཡིན།།
ཕོ་སྙིང་མེད་ལུས་ལ་མཚོན་ཆས་བསྐོར།།
དགྲ་བྱུང་ན་རང་སྲོག་སྔོན་ལ་བསྐྱལ།།
ཕོ་ལ་རྒོད་ཞན་ཡོད་ཀྱང་།།
སྲོག་ལ་སྦོམ་ཕྲ་མེད།།
ཕོ་རྒོད་འགྲོ་རྒྱ་རྒོད་ན།།
སྲིན་པོའི་སྒོ་རྩར་སླེབས།།
ཕོ་རབ་གཏམ་གྱིས་བསླུ།
ཕོ་འབྲིང་རྒྱུ་ཡིས་བསླུ།།
ཕོ་ཐ་ཟས་ཀྱིས་བསླུ།།
ཕོ་རབ་ཀྱི་གཏམ་དེ་མཁོ་དུས་བཤད།།
ཕོ་འབྲིང་གི་གཏམ་དེ་དྲི་དུས་བཤད།།
ཕོ་ཐ་མའི་གཏམ་དེ་རྒྱབ་ཏུ་བཤད།།
ཕོ་རྒྱན་ཤོར་ངུ་པས་མི་དག།
ཕོ་རབ་རྩོད་རྒྱུ་སྡེ་ཇུས།།
ཕོ་འབྲིང་རྩོད་རྒྱུ་རང་ཇུས།།
ཕོ་ཐ་རྩོད་རྒྱུ་ཁ་ཕོར།།
ཕོ་རང་འགོ་ཐོན་ནས་གཞན་འགོ་འདྲེན།།
ཕོ་རང་གི་བྱས་ན་བྱས་ལེ་ཡིན།།
ཚྭ་གཡག་གུས་འཁྱོགས་ན་འཁྱོགས་ལེ་ཡིན།།
ཕོ་གེ་སར་རྒྱལ་པོ་རྟས་གཡུགས་པ་དང་།།
སྨན་ཤིང་ལྕང་འབྲོག་མོ་གོ་ལོག་པ་ཡོང་སྲིད།།
ཕོ་ཟས་ལ་མི་རྔམ་ལས་ལ་རྔམ།།
ཕོ་ཟད་མོ་ལ་ཐུག།
ལག་ཟད་དཔུང་ལ་ཐུག།
ཕོ་སྡར་མ་དཔའ་གཏམ་མང་།།
གྲི་ངར་མེད་ཁ་ཆུ་མང་།།
ཕོ་རོག་ཏོང་ཏོང་ཟེར་ཡང་།།
སྒལ་རྨའི་གནོང་འགྱོད་མེད་དོ།།
ཕོ་བཟས་ནས་མི་ཕུང་ཉལ་ནས་ཕུང་།།
ཕོ་འཆོལ་པོའི་ལུས་ལ་ལྟ་རྒྱུ་མེད།།
ཕ་ཁྱིམ་གཡག་རྭ་གོག་པོ་འདྲ།།
ཕོ་ཁ་ཆད་དང་།།
སྒ་རྒྱུན་སྒྲོག།
ཕོ་རོག་མི་འཇོག་ལྷ་འདྲེ་དང་།།
འཇག་མ་མི་འཇོག་རླུང་བུ།།
ཕོ་རོག་དམར་དད་ཆེ་ཡང་།།
དུམ་ཚལ་དམར་པོ་མི་ཟ།།
ཕོ་ཆུང་ཡུར་འདྲ་བ་ཞིག་དང་།།
དམན་ཆུ་རྫིང་འདྲ་བ་ཞིག་དགོས།།
ཕོ་ཁྱོ་གས་སླུ་དུས་དགོད་བཞིན་བསླུ།།
དམན་བུ་མོས་སླུ་དུས་ངུ་བཞིན་བསླུ།།
ཕོ་རྒོད་པ་ལས་གཉིད་སྐྱིད་པ་དགའ།།
ཕོ་རབ་ཀྱིས་ཟས་དེ་མཉམ་ཟ་མཉམ་འཐུང་།།
ཕོ་ཉལ་དྲགས་ན་དགྲ་མགོ་ཤོར།།
མོ་ཉལ་དྲགས་ན་ལས་མགོ་ཤོར།།
ཕོ་ཁྱོ་གའི་གཏམ་ལ་འགྱུར་བ་མེད།།
འགྱུར་བ་བཏང་ན་ཕོ་ཁྱོ་ག་མ་རེད།།
ཕོ་རབ་ཀྱི་ཁོག་ནང་དུ།།
རྟ་བརྒྱ་རྒྱུག་ཀྱང་སྣང་དག་མེད།།
ཕོ་རྒྱུས་མེད་ལ་འགྲོ་བ་ལ།།
སྒ་གཅིག་ལ་རྒྱུན་སྣ་བཅོ་བརྒྱད་དགོས།།
ཕོ་མོ་འབྲོང་གི་འཚོ་ཤ་ལ།།
འཚོས་ལོང་གྲང་ལོང་གཉིས་ཀ་ཡོད།།
ཕོ་གྱོད་བྲག་དཀར་ལ་རུལ་ས་མེད།།
མོ་གྱོད་འཁྱག་པ་ལ་འདེད་ས་མེད།།
ཕོ་རོག་ལྷགས་པས་ཁྱེར་བ་བདེན་དོགས་མེད།།
ངང་པ་ཆུས་ཁྱེར་བ་བདེན་དོགས་མེད།།
ཕྱག་འཚལ་ཁར་དབུ་བརྡབས།།
ལྟོ་ཟ་ཁར་མིད་པ་འཆུས།།
ཕྱི་ལ་དར་དང་གོས་ཆེན་བཏུམ།།
ནང་ལ་བུ་ལོན་རྐུབ་རུལ།།
ཕྱི་པདྨ་དཀར་པོའི་རྒྱ་མ་ཞིག་པར།།
ནང་ཅོ་ག་དྲོ་མོའི་ཚང་འཐོར་བ་དགོས།།
ཕྱི་དགྲ་ལས་ནང་དགྲ་སྡུག།
ཕྱི་ལ་ཞབས་བྲོ་རྒྱག་པ་ལ།།
ནང་དུ་རྐང་སྒྲ་འགྲིག་པོ་དགོས།།
ཕྱི་ལ་མཛེས་པོ་དང་།།
ནང་ལ་བརྩེ་དུང་དགོས།།
ཕྱི་གོས་ཀྱིས་མ་ཆོག་སྤྲང་པོ་འདྲ།།
ནང་ཟས་ཀྱིས་མ་ཆོད་ནད་པ་འདྲ།།
ཕྱི་རྡོ་རྩིག་ཞིག་ཀྱང་།།
ནང་ཆོས་རྩིག་མི་ཞིག།
ཕྱི་ལུས་པོ་བདེ་ན་ངོ་མ་མིན།།
ནང་སེམས་པ་བདེ་ན་ངོ་མ་ཡིན།།
ཕྱི་ལྟར་དུ་གཡང་མོ་ཁྱུ་གཅིག་ལ།།
ནང་ལྟར་དུ་མ་རེར་བུ་རེ་རེད།།
ཕྱི་རྫིག་པ་ལས།།
ནང་སྣུམ་པ་དགའ།།
ཕྱི་ཆར་པའི་ཆར་ཐག་ཆོད་ཀྱང་།།
ནང་ཐིགས་པའི་ཐིགས་ཐག་མ་ཆོད།།
ཕྱི་སྐུ་ལུས་སོ་སོར།།
ནང་ཐུགས་སེམས་གཅིག་པ།།
ཕྱི་པ་ནང་པ་སྐྱབས་འགྲོས་འབྱེད།།
ཕྱི་རྫིག་ནང་སྟོང་ཤོག་བུའི་སྟག།
ཕྱི་དེ་གོས་ཆེན་རྩམ་ཁུག།
ནང་དེ་ཡུག་བུའི་རྩམ་པ།།
ཕྱི་ལ་མཛེས་པོ་བྱས་ཀྱང་།།
ནང་དུ་རྩམ་པ་དཀོན་པ།།
ཕྱི་ལ་གཞོམ་དང་།།
ནང་ལ་གས་པ་མེད།།
ཕྱི་ཐག་ཐུང་བའི་མི་དང་།།
ཅུང་ཟད་དགའ་ཡང་མ་འགྲོགས།།
ཕྱི་ལ་སོང་ན་ཕ་དང་།།
ནང་ལ་བསྡད་ན་མ།།
ཕྱི་ནང་གཉིས་འཇོན།།
ཕྱི་ལྕགས་རིས་བསྐོར་ཀྱང་།།
ནང་བློ་ཡིས་མི་བསྐོར།།
ཕྱི་ལྕགས་རིས་སྐོར་སྐོར།།
ནང་བློ་མཐུན་པ་དགོས།།
ཕྱི་མ་གང་བྱེདད་ལྟ་དང་།།
ད་ལྟ་གང་ཡོང་སྔོན་མའི་འབྲས་བུ།།
ཕྱི་འཇམ་ལ་ནང་རྩུབ་པ་གྲོད་པའི་ངང་ཚུལ།།
ཕྱི་སྐད་དང་ཆ་ལུགས་ཉེས་ན་ཡང་།།
ནང་སེམས་པ་དེ་བཞིན་ཉེས་དོགས་མེད།།
ཕྱིའི་ལྕགས་རི་དང་།།
ནང་གི་ནོར་བུ།།
ཕྱིའི་ཆར་པ་ལས།།
ནང་གི་ཐིགས་པ་སྡུག།
ཕྱིའི་ཤ་མ་རེད།།
ནང་གི་ཚིལ་ལུ་རེད།།
ཕྱིན་པ་འགྲུལ་ལ་ཕན་པ་དགོས།།
ཕྱིན་པ་བྱུང་ན་ཆུ་སངས་རྒྱས།།
བསྡད་པ་བྱུང་ན་རི་བོ་སངས་རྒྱས།།
ཕྱིན་ཕྱིན་གྱིས་ལམ་བྱང་།།
བཟས་བཟས་ཀྱིས་ཁ་གཉོག།
ཕྱུ་པ་དཀར་པོ་ཨ་མས་གཡོགས།།
མིང་ལ་སྐྱ་རིལ་ཨ་མས་བཏགས།།
ཕྱུག་པོ་ནོར་གྱིས་མ་བཞག།
དབུལ་པོ་གྲོད་པས་མ་བཞག།
ཕྱུག་པོ་གསོག་འདོད་ནས་ལྟོ་མི་ཟ།།
མི་ལྟོགས་འུ་ཐུག་ནས་ལས་མི་བྱེད།།
ཕྱུག་པོས་ཕྱུག་ཚོད་མི་ཟིན་ན།།
རྒྱུ་ནོར་གཞན་ལ་ཤོར་ཉེན་ཡོད།།
ཕྱུག་པོའི་རྒྱུ་ལ་བལྟས་པས།།
དབུལ་པོ་ཡིད་ཐང་ཆད་བྱུང་།།
ཕྱུག་པོའི་རྒྱུ་ལ་མ་ལྟ།།
བཙན་པོའི་གཏམ་ལ་མ་ཉན།།
ཕྱུག་པོའི་ཟས་ལས།།
མི་ལྟོགས་ཀྱི་སྐྱིད་དགའ།།
ཕྱུག་པོའི་ཟོག་ལ།།
ཡི་དྭགས་ཀྱི་དཀོན་གཉེར།།
ཕྱུག་པོའི་སྟ་གྲི་ལྕགས་ཡིན་ན།།
ཉམ་ཆུང་གི་ཁབ་ཀྱང་ལྕགས་ཡིན།།
ཕྱུགས་མང་ན་འབྱོར་པའི་རྒྱུ།།
མི་མང་ན་སྟོབས་ཀྱི་རྒྱུ།།
ཕྱེ་ལ་ཟ་ཚོད་དང་།།
སྐོམ་པ་འཐུང་ཚོད།།
ཕྱེ་རྐྱལ་བོང་ལ་བལྟས་ནས་ཟ་ལུགས་དང་།།
ལམ་འཕྲང་ཆུ་ལ་བལྟས་ནས་འགྲོ་ལུགས་བྱེད།།
ཕྲ་ས་ནས་བཅད་ཆོག་ཆོག།
སྲབ་ས་ནས་རྟོལ་ཆོག་ཆོག།
ཕྲེང་བ་ཁ་ཡི་རྟ་ལྕག་ཡིན།།
ཕྱེད་རང་ལ་དགའ་བ་དང་།།
ཕྱེད་མི་ལ་དགའ།།
ཕྱོགས་གཅིག་ལ་བྲག་དང་།།
ཕྱོགས་གཅིག་ལ་གཡང་ཕྲ་མོ་རིང་པོ།།
ཕྱོགས་གཉིས་ཉན་ན་རིག་པ་གསལ།།
ཕྱོགས་གཅིག་ཡིད་ཆེས་མགོ་བོ་རྨོངས།།
ཕྲུ་གུ་ངུ་འདོད་ན་དགོད་ཚེར་ཚེར།།
རྒན་འཁོགས་ཤི་རན་ན་མིག་ཆུ་ཕྲུམ་ཕྲུམ།།
ཕྲུ་གུའི་ལྟོགས་སླ་མིག་ལ་ཡོད།།
རྒན་པའི་ལྟོགས་སླ་སེམས་ལ་ཡོད།།
ཕྲུ་གུ་ཉུང་མའི་དཀྱིལ་དུ་སླེབས་པ་ལྟར།།
ཕྲུ་གུ་རང་ཡག།
ཞིང་མི་ཡག།
ཕྲུ་གུ་ངུ་ས་ཕ་མ།།
བདེ་སྡུག་ཞུ་ས་དཔོན་པོ།།
ཕྲུ་གུའི་ལས་ཀ་ངུ་རྒྱུ།།
ཕྲུ་གུར་འཇམ་རྩུབ་གཉིས་ཀ་བྱས་ན།།
ལང་ལ་མི་ཤོར་ཕ་མར་བརྩེ་བ་ཡིན།།
ཕྲུ་གུ་ཕ་མས་མ་གཅུན་སུས་གཅུན།།
ཕྲུ་གུའི་ཨ་མ་ཡིན་ཀྱང་ཆུང་སྐད།།
གདོང་པ་གཉེར་མས་བཏུམས་ཀྱང་ཆུང་བཟོ།།
ཕྲུ་གུའི་ཨ་མ་ཡིན་ན།།
ཁྱིམ་ཚང་བསམས་ནས་ལོག་ཤོག།
ཕྲུ་གུའི་ཁ་ལ་ཉན་ན།།
ཁྱིམ་མཚེས་འཁྲུག་པ་མང་།།
ཕྲུ་གུ་བྱ་མོའི་སྒོ་ང་ཡིན།།
ཉར་སྟངས་མི་ཤེས་རུལ་ཉེན་ཡོད།།
ཕྲུ་གུའི་འདོད་པ་རེད།།
དཀར་ཡོལ་གཅོག་ཏུ་ཆུག།
ཕྲུ་གུ་འཚབ་འཚབ་མ་བྱེད།།
བག་ཚ་ཁོག་མའི་གཏིང་ལ་ཡོད།།
ཕྲུ་གུའི་ལྟོ་ཚོད་ཕ་མས་བྱེད།།
རྒན་པའི་ལྟོ་ཚོད་སེམས་ཀྱིས་ཟིན།།
འཕུར་ས་དགུང་སྔོན་གནམ་ཡིན་ན།།
བབ་ས་དོག་མོའི་ས་རེད།།
འཕྱ་ག་ནང་ནས་བཏགས་ན།།
མི་ཁར་སངས་དུས་མེད།།
འཕྱན་ལུང་སྟོང་ལ་བཏང་།།
སྔོ་ལོ་བཞུགས་གྲལ་ལ་འཕྱར།།
འཕྱི་བ་སུལ་ལག་ཐུང་ཡང་བྲང་འོག་གི་རྩྭ་མི་ཤོར།།
འཕྱི་བ་བརྒྱ་ལ་སྒོམ་ཆེན་གཅིག།
རི་བོང་བརྒྱ་ལ་བློ་ལྡན་གཅིག།
འཕྲད་མ་ཐག་ཏུ་ངོ་ནག་མ་བསྡུ།།
འདྲིས་མ་ཐག་ཏུ་སྙིང་གཏམ་མ་ཤོད།།
འཕྲིན་ནན་པོ་མངགས་དུས་ཡང་ཡང་བརྗོད།།
འཕྲོག་མིའི་མི་ལ་མི་ཤོར་དགོས།།
སློང་མིའི་མི་ལ་མི་ཆུང་དགོས།།
བ།
བ་མོ་མེད་པའི་མར་དཀྲོག་དང་།།
བྱ་དེ་མེད་པའི་སྒོ་ང་།།
བ་བསད་པ་ལས་བཞོས་པ་དགའ།།
བ་ལང་གིགཨམ་ཅོག་ལ།།
པི་ཝང་བཏང་བ།།
བ་མ་ཤི་ལྕི་རྙང་རྒྱུན་མི་ཆད།།
བ་ལ་མཛོ་སྐྱེས།།
བོང་ལ་དྲེལ་སྐྱེས།།
བ་གླང་རྒན་གཞོན་དཔྱད་པ་ལ།།
བླུན་པོ་མཁས་ཀྱང་ཡོན་ཏན་མིན།།
བ་མོ་དབྱར་ཞོ་དགུན་ནས་གསོ།།
བ་ཆེ་འདྲིས་དང་བེའུ་ཆུང་འདྲིས་རེད།།
བ་མོ་དེའི་ཉལ་སྟངས་ལ་བལྟས་ན།།
བེའུ་ལྡན་ཀྱོག་ཅིག་ལས་ཡོང་བ་མི་འདུག།
བ་ཤི་ལེ་ཤེས་ན་གླང་བརྗེ།།
གླང་ཤི་ལེ་ཤེས་ན་ཤ།།
བ་ཚྭ་ཚྭ་ཁོངས་སུ་གཏོགས་ཀྱང་།།
ཟས་ཀྱི་བྲོ་བར་མི་ཕན།།
བ་ཚ་བློ་ལ་ཕྱིན།།
ཁུ་བ་ཡིད་ལ་མི་འགྲོ།།
བ་རྒྱགས་ན་གླང་ལ་བཞོན།།
མི་རྒྱགས་ན་ཁྲིམས་འགལ་བྱེད།།
བ་ཁྲ་ཁྲ་རི་ལ་ཕྱིན་ཀྱང་།།
བེའུ་ཁྲ་ཁྲ་ལྷས་ལ་ལུས།།
བག་མ་རྟ་ཐོག་ནས་ལྷུང་།།
གཡུ་ཆུང་མགོ་ཐོག་ནས་ལྷུང་།།
བན་སྐུ་ཚེ་རིང་ན་ལོ་གསུམ་དང་།།
རྐྱེན་གློ་བུར་བྱུང་ན་ཞག་གསུམ།།
བན་ཆོས་ཡོད་ཀྱིས་ཁྲོམ་ཐོག་པའི་དུས།།
དཔོན་ཆོས་རྒྱལ་ཡིན་ཡང་བྱ་ཐབས་དབེན།།
བར་པས་རང་མགོ་མ་ཐོན།།
ཐ་མ་བཀྲོལ་བཤིག་མ་ཤེས།།
བལ་གྱི་ཉག་ཕྲ་ཡང་།།
ཐག་པ་བསྒྲིམས་ན་སེང་གེ་འཆིང་།།
བལ་པོས་སྔོ་ཆུང་ཟ་དུས།།
བུ་ཕ་དང་མཉམ་ན་གྲོགས་པོའི་ཚུལ།།
བུ་མོ་རང་ཡུལ་དུ་ལོག་པར།།
གཟའ་དང་སྐར་མ།།
བུ་སྨྱོན་པ་མིན་ན་འཚུབ་ན་དགའ།།
བུ་མོ་གླེན་པ་མིན་ན་ལྷིང་ན་དགའ།།
བུ་ཕྲུག་རང་གི་བུ་ཕྲུག་མཛེས།།
མེ་ཏོག་གཞན་གྱི་མེ་ཏོག་མཛེས།།
བུ་མོ་འཕྱོར་མོའི་མིག་ཡུལ་དུ།།
མི་རྣལ་འབྱོར་མ་བྲིན་འཕྱོར་པོ་བྲིན།།
བུ་སྐྱེས་པ་ལ་མིང་།།
ཆང་འདྲེན་པ་ལ་གཏམ།།
བུ་དཔའ་བོ་སློག་རུལ་ནང་དུ་ཡོད།།
མཚོན་རྣོ་པོ་ཀོ་ཤུབས་ནང་ལ་ཡོད།།
བུ་མོས་མ་ལོ་ཐོབ་ན་སྤྲང་ལ་འཁྱམས།།
བུ་ཡིས་ཕ་ལོ་ཐོབ་ན་རྒྱལ་ས་འཛིན།།
བུ་སྐྱེས་ནས་མིང་དང་།།
ལས་བསྒྲུབས་ནས་གཏམ།།
བུ་མེད་ཀྱང་མོས་སྡོད་རྩིས་བྱེད།།
དཔོན་མེད་ཀྱང་ཁྲིམས་གཏུག་བུ་མོས་བྱེད།།
བུ་རང་ཡག་དང་ཞིང་མི་ལེགས།།
བུ་བཟང་ན་དཔའ་བོ་གཅིག་གིས་ཆོག།
ཆང་བཟང་ན་དཀར་ཡོལ་གང་གིས་ཆོག།
བུ་ངན་པས་ཕ་མའི་འདས་ཚེས་མི་ཤེས།།
ཕ་མ་ངན་པས་བུའི་སྐྱེས་ལོ་མི་ཤེས།།
བུ་ཡོན་ཏན་ཅན་ལ་ཞིང་ཁམས་བདེ།།
རྟ་གོམ་པ་ཅན་ལ་ས་གཞི་བདེ།།
བུ་ང་རྒྱལ་ཅན་གྱི་སྒལ་པ་ལ།།
རྩིས་ཡོན་ཏན་གཉིས་ཀྱི་ཆུ་མ་ཆགས།།
བུ་མོས་མིག་ལོང་དང་།།
མནའ་མས་གཅུས་རིལ།།
བུ་མོ་སྐྱོ་སར་ཨ་མས་མི་ཕན།།
བུ་མོ་སྐྱིད་ས་ཨ་མའི་ལོ་རྒྱུས།།
བུ་མ་སྐྱེས་གོང་ལ།།
མནའ་མའི་གྲ་སྒྲིག།
བུ་ཕ་བདག་དང་།།
བུ་མོ་མ་བདག།
བུ་རམ་ཆག་ཀྱང་།།
སྡེར་ཁ་འགྲིགས་པ།།
བུ་སྐྱེས་པ་དང་དུས་ངན་པ་འགབ་མཚུངས།།
བུ་ལོན་མེད་ན་ཕྱུག་པོ་ཡིན།།
བུ་ཤི་ཕ་མ་མཉམ་སྡུག།
བུ་མ་སྐྱེས་གོང་ལ་མིང་འདོགས་རྒྱུ་ཞོག།
བུ་སྐྱེས་ནས་མིང་བཏགས་ཆོག།
བུ་མོ་མཆོར་མོའི་མིག་ཡུལ་དུ།།
མི་དྲང་པོ་མ་བྲིན་མཆོར་པོ་བྲིན།།
བུ་དཔའ་བོའི་རྒྱབ་ལ་དཔུང་ཞིག་དགོས།།
དེ་མེད་ན་གཅིག་ཤི་ཀུན་རྫོགས་རེད།།
བུ་མོ་ཤ་རུལ་གཉིས་དེས།།
ཕུགས་ཟོག་མི་ཡོང་།།
བུ་ངར་ཐོག་ལ་རྟ་བཅག།
བུ་མོ་ངར་ཐོག་ལ་གཡུ་བཅག།
བུ་མོའི་སྐྱིད་སྡུག་ཨ་མ།།
བུ་གསུམ་སྐྱེས་པའི་ཨ་མར་ཡང་།།
སྙིང་གཏམ་ཤོད་པ་མ་གནང་།།
བུ་མོ་གར་འགྲོ་ཨ་མས་མི་གཏོང་།།
བུད་མེད་ཀྱི་བརྩེ་དུང་ཞག་གསུམ།།
རྟ་གསར་གྱི་མགྱོགས་མགྱོགས་ཞག་གསུམ།།
བུད་མེད་ཀྱི་ཁ་ལ་ཉན་ན།།
ཁང་ཐོག་ལ་རྩྭ་ངན་གྱིས་ཁེངས།།
བུད་མེད་ཀྱི་རྣ་བར་སྨྲ་མི་མང་།།
དེ་ལས་མང་ན་བྱ་བ་ཉེས།།
བོང་བུ་འདྲ་བའི་གླེན་པ།།
སྤྱང་པོ་ཡིན་རློམ་སྤྱང་ཐལ་ཤོར།།
བོང་བུའི་མགོ་ལ་གསེར་ཏོག་བརྒྱབ་ན།།
ལུང་པའི་སྟོད་སྨད་སྐད་ངན་བརྒྱངས།།
བུང་བས་མེ་ཏོག་འཚོལ་བ་ལས།།
མེ་ཏོག་གིས་ནི་བུང་བ་ཡིན།།
བེ་རེས་འཇང་དང་ཀོང་པོས་བེ་རེ་བཏུལ།།
བེད་སྤྱོད་མེད་པའི་ཡོན་ཏན་དེ།།
འབུས་ཟོས་སེང་གེའི་རོ་དང་འདྲ།།
བོང་བུ་ལ་ཉལ་ལུགས་བཅོ་བརྒྱད་ཡོད་ན།།
ཚོང་པ་ལ་སློང་ལུགས་བཅུ་དགུ་ཡོད།།
བེའུ་མི་སྐྱེ་བའི་བ་དེ།།
གསོས་པ་ལས་བཟས་ན་དགའ།།
བེའུ་ལ་གླང་ཆེན་གྱི་ཁལ།།
བེའུ་གདང་ལ་བཏགས་ན།།
སྐེ་ཤེད་སུ་ཆེ་མཐོང་ཡོང་།།
བོང་བུ་བསླངས་པའི་དགའ་ཚོར་མེད་པར།།
གཞུ་གུ་བཀོག་པའི་ཡ་ལ།།
བོང་བུ་རང་ལ་འཁེལ་ན།།
འགྲོས་རྟ་ལས་མགྱོགས།།
བོང་བུ་གང་འགྲོ་དབྱུགས་པས་མི་གཏོང་།།
རྟ་པོ་གང་འགྲོ་སྲབ་ཀྱིས་མི་གཏོང་།།
བོང་བུས་གཡུགས་པས་ཡག་བྱུང་།།
རྟ་ཕོའི་སྒང་ལ་འཁྱོལ་སོང་།།
བོང་བུའི་བཀོད་པ་གཡག་ལ་མི་འགྲོ།།
ཤིང་གི་གསོར་བ་ཤིང་ལ་མི་འགྲོ།།
བོང་བུ་སྔོན་དང་།།
ས་ཐལ་རྗེས།།
བོང་བུ་བོང་བུ་མ་ཟེར་སྨུག་ཆུང་དྲེལ་གྱི་ཨ་ཕ།།
གླང་གོག་གླང་གོག་མ་ཟེར་ཁྱུང་དཀར་མཛོ་ཡི་ཨ་ཕ།།
བྱ་བའི་རྒྱལ་པོ་ཐབས།།
སྐུད་པའི་རྒྱལ་པོ་འགུགས།།
བྱ་བ་ཐབས་ཟད་དང་།།
སྐུད་པ་འགུགས་ཟད་དུ་མི་འགྱུར་བ།།
བྱ་བརྒྱ་ཁྱུང་ལ་བལྟ།།
མི་བརྒྱ་དཔོན་ལ་བལྟ།།
བྱ་དཀར་དཀར་ཡང་མཇུག་མ་ནག།
དོམ་དྲེད་ནག་ཀྱང་བྲང་ཁོག་དཀར།།
བོང་བུ་ལ་དཔེ་བལྟས་ནས་རྟ་འབྲི་བ།།
བོང་བུ་རང་གིས་བཞོན་ནས་བོང་བུ་འཚོལ་བ།།
བོང་བུས་མ་ཕྱིན་འཕྲང་ལམ་མང་།།
བོང་བུའི་ཨམ་ཅོག་ལ་གསེར་བླུག་པ།།
བོང་བུ་ལགས་དང་དྲག་པ།།
སྐྱེ་བ་ཡར་འགྲོ་ཡིན་པ།།
བོང་བུ་འཁྱགས་ཐོག་ཏུ་བཏང་ན།།
ལངས་དགོས་སྙམ་ཡང་འདྲེད་ནས་འགྱེལ།།
བོང་བུས་གཟིག་ལྤགས་གྱོན་ཀྱང་།།
ཨམ་ཅོག་མངོན་གསལ་གཞན་ལས་དོད།།
བོང་བུ་སྡུག་པ་རང་སྡུག་རེད།།
བོང་བུས་གཡག་མི་ཁུག།
བོང་བུར་ལབ་དོང་རྙེད་པ་ལྟར།།
བོར་ས་ལ་ཤོད་དབང་།།
ཡུགས་ཟ་མ་ལ་ངུ་དབང་།།
བྱ་ཆུ་སྲིན་གྱི་སྡེར་མོ་དེ།།
བརྒྱབ་ཚར་ན་གློད་ཀྱི་མིན།།
བྱ་སྔ་མ་གང་འགྲོ་ཕྱི་མའི་ལམ།།
བྱ་ཚང་མགོ་རྟིང་བསློགས་ན།།
བྱ་སྒོང་མི་ཆག་ག་ལ་སྲིད།།
བྱ་བ་གང་ཡང་བབ་དང་བསྟུན།།
བབ་དང་བསྟུན་ན་འགྱོད་སེམས་མེད།།
བྱ་བ་བཟང་པོ་མ་འགྲུབ་གོང་།།
བར་ཆད་མང་པོ་བསྟུད་མར་ཡོང་།།
བྱ་དང་མུ་གེ་སྙོམ།།
ནམ་དང་ཉི་མ་སྙོམ།།
བྱ་དེ་བསད་ནས་སྒོ་ང་འདོན་པ།།
བྱ་མོ་མཛེས་པོས་སྒོ་ང་མི་གཏོང་།།
མུ་མོ་མཛེས་པོས་ལས་ཀ་མི་བྱེད།།
བྱ་ཕོ་ངར་སྐད་འཚེར་དུས།།
ཉི་མའི་འོད་ཟེར་བསྐྱངས་རྟགས།།
བྱ་བ་སྒྲུབ་དུས་འགོ་འཇུག་ཤེས་དགོས།།
གྱོན་ཆས་བཟོ་དུས་རིང་ཐུང་ཚད་དགོས།།
བྱ་མང་བྱུར་གྱི་སྣ་འདྲེན།།
ཁ་མང་དགྲ་བོའི་གཡབ་ཤིང་།།
བྱ་བྱེད་མང་ན་བྱེད་རྐང་ཆག།
འགྲོ་འགྲོ་མང་ན་སྡོད་ས་ཤོར།།
བྱ་གཞོན་པའི་སྒྲོ་ལ་ལྟོས།།
མི་རྒན་པའི་ཁ་ལ་ལྟོས།།
བྱ་ལུགས་བྱེད་ལུགས་ལྡན་པའི་ཕ་རྒན་ཚོ།།
འདོད་པ་ཅན་གྱི་ཆོས་པ་བརྒྱ་ལས་ལྷག།
བྱ་རྒས་ན་ཚང་དྲན།།
མི་རྒས་ན་ཡུལ་དྲན།།
རྒོད་པོས་ལུང་ཤུར་གཤོག་སྒྲ་བརྒྱངས།།
ལན་མང་ན་གཤོག་སྒྲོ་མི་ལ་ཤོར།།
བྱ་མ་འདྲོགས་སྒོ་ང་ལེན་ཐབས་དང་།།
མམ་འདྲོགས་དོན་འབྲས་འགྲུབ་ཐབས་དགོས།།
བྱ་ཁྭ་ཏས་ཏག་ཏག་ཟེར་ལེ་འདི།།
ཡུལ་འདི་ན་མི་སྡོད་ཟེར་ལེ་རེད།།
བྱ་སྲིན་བྱ་ཐོག་ཁར་བབས་པ་དང་།།
དཔོན་སྒྲ་ཆེན་སྒོ་རྩར་འབྱོར་བ་འདྲ།།
བྱ་འུག་པ་བཞིན་དུ་མཚན་འགྲོས་བྱས།།
བཙོན་ཉེས་ཅན་བཞིན་དུ་བྲོས་གབ་བྱོས།།
བྱ་མང་དཀྲིལ་དུ་སྒྲོ་བཏོག།
མི་མང་དཀྱིལ་དུ་དམའ་ཕབ།།
བྱ་སྔ་མ་ཤི་བའི་རོ་ལ་ལྟོས།།
ཕྱི་མའི་འདབ་ཆགས་དེ་དང་མཚུངས།།
བྱ་ངང་པ་བྱང་ལ་འགྲོ་ལེ་དེ།།
མཚོ་མེ་ལོང་ཙམ་ལ་གཏད་པ་རེད།།
བྱ་རྒྱལ་ཁ་ཤར་ལ་ལྟ་དུས།།
ཕ་ཝང་ཁ་ནུབ་ལ་བསྟན།།
བྱ་བརྒྱ་འུར་རྡོ་གཅིག་གིས་འདྲོག།
ལུག་བརྒྱ་ལུག་རྩི་གཅིག་གིས་འདེད།།
བྱ་རོག་འུག་པ་མཉམ་དུ་མི་མཐུན།།
བྱ་དེ་མེད་པར་སྒོ་ང་དང་།།
བུ་མོ་མེད་པར་མག་པ།།
བྱ་དེ་ཕོ་མེད་པའི་ནམ་ཚོད་མཁན་དང་།།
སྟག་ངར་མ་མེད་པའི་སྤྲེལ་རྒན་ཡིན།།
བྱ་རྒན་སྒྲོ་ཟད་དང་།།
མི་རྒན་སྐྲ་ཟད།།
སྤྱང་ཀི་རྒས་ཀྱང་ལུ་གུ་མི་གཏོང་།།
བྱ་ཁྲལ་བྱུང་དུས་བྱི་སོ་བསྟན།།
བྱི་ཁྲལ་བྱུང་དུས་བྱ་གཤོག་ངོམ།།
བྱ་རྡོ་ཐོག་ལ་བབ་རབས་ཡོད་རུང་།།
རྡོ་བྱ་ཐོག་ལ་བབ་རབས་མེད།།
བྱ་དེ་ཕོ་མེད་ཀྱང་ནམ་མཁའ་ལངས།།
བྱེའུ་འཇོལ་མོ་མེད་ཀྱང་གསུང་སྙན་གོ།
བྱ་འཕུར་བའི་རྗེས་མ་ཟིན་ཀྱང་།།
ཚང་གསོག་དུས་རྗེས་ཟིན་པ་དགོས།།
བྱ་མེད་སར་བོང་བུས་ནམ་ཚོད་ཟིན།།
ཁྱི་མེད་སར་ཞུམ་བུས་རུས་པ་མུར།།
བྱ་མོ་བརྐུས་པའི་རྗེས་སུ་རྟ་ཕོ་རྐུ།།
རྟ་ཕོ་བརྐུས་པའི་རྗེས་སུ་མི་ཕོ་གསོད།།
བྱ་ཕོ་གདང་ལ་འཛེག་པའི་ཡར་ལྟ་མེད་པར།།
ཞུམ་བུ་སྐས་ལས་བབ་པའི་མར་ལྟ།།
བྱ་ཁྭ་ཏ་ཕོ་རོག་སྐྱུང་གསུམ།།
ལུས་ནག་ཀྱང་སེམས་པ་དུང་ལས་དཀར།།
བྱ་ཚོགས་ནང་གི་ཁྲུང་ཁྲུང་།།
མི་ཚོགས་ནང་གི་ཕོ་རྒོད།།
བྱ་ཟིན་ཉ་ཟིན་བྱེད་པར།།
མགོན་པོ་ཕྱག་དྲུག་མ་རེད།།
བྱ་མ་འོག་ནས་བུ་དྲོས་པ།།
བྱ་བརྒྱ་ཁ་ཤར་ལ་ལྟ་དུས།།
པུ་ཤུད་ཁ་ནུབ་ལ་ལྟ།།
བྱ་ལ་འཕུར་རྩལ་ཡོད་ན།།
གནམ་ལ་མུ་མཐའ་མེད།།
བྱ་ཁུ་བྱུག་ཟེར་དུས་དགའ་མོ་ཆ།།
འབུ་ནག་འཐུས་ཟེར་དུས་སྡུག་མོ་ཆ།།
བྱ་ཚང་སྒོ་མ་འགྲིམས་པའི་གཏམ་དང་།།
མེ་དུ་བ་མ་ཡལ་བའི་ཚིག་དྲོན་མོ།།
བྱ་བ་ཐབས་ཟད་དང་།།
སྦུད་པ་དབུགས་མེད་དུ་མ་འགྱུར་བ།།
བྱ་སྐྱ་ཀ་ལ་མཛེས་པ་དང་།།
ཤིང་ཐང་ཤིང་ལ་སྤམ་པ་དང་།།
བྱ་དེ་དེ་ཕོར་སྒོང་ཁྲལ་འདུག།
ཁྲ་ཆུང་གླང་གོག་ཤི་ན་དགའ།།
བྱ་རོག་ལུས་དཀར་གྱུར་པའི་ངལ་བ།།
བྱ་ལག་མེད་རྒུམ་བུ་མཆུ་ཡིས་འཐུ།།
དཔོན་གཡོག་མེད་རྟ་སྒ་རང་གིས་བསྟད།།
བྱང་སྐྱ་སེར་གྱི་རླུང་དེ་མ་བརྒྱབ་ན།།
ལྷོ་སྔོ་ལྗང་གི་ནགས་ཚལ་འགུལ་དོགས་མེད།།
བྱང་ཚྭ་ཁ་ནོར་བུའི་བང་མཛོད།།
བསྙབས་པ་ལག་པ་སུ་རིང་།།
བྱང་ཚྭ་ལོན་ན་གཡག་གུ་ཤི་ཡང་ཤི།།
བྱང་སྐྱི་སེར་རླུང་པོ་མ་བརྒྱབས་ན།།
ལྷོ་ཙནྡན་ཤིང་ནགས་འགུལ་མི་ཡོང་།།
བྱང་འབྲོང་ལ་མདའ་མོ་འཕེན་བསམ་ན།།
བུ་རང་གི་མཐེ་བོང་རྩལ་ལ་ཐུག།
བྱང་ཚྭ་ཁར་སླེབས་དུས།།
ཏི་རིས་མིད་པ་འཆུས།།
བྱམས་པོ་བྱས་ན་དགྲ་ཡང་གཉེན་དུ་འགྲོ།།
རྩུབ་ཚོད་མ་ཟིན་བ་ཡང་ཞེན་པ་ལོག།
བྱས་ན་བྱུང་ན་ཡོང་ན་གསུམ།།
དེ་གསུམ་གཏམ་གྱི་ཐ་མ་ཡིན།།
བྱས་པ་ཆེ་ན་གྲགས་པ་ཆེ།།
བྱས་བྱུང་རྣམ་དབྱེ་ཆོད་པ།།
བྱས་པའི་རྗེས་དང་དྲུད་པའི་ཤུལ།།
བྱས་བྱུང་ཨ་ཕའི་ཇ་ཆང་མེད་པར།།
མ་བྱུང་ཨ་མའི་རྒྱུག་རྡུང་།།
བྱས་པ་རྗེས་མེད་དང་བྱུགས་པ་ཤུལ་མེད།།
བྱི་བ་སྨུག་ཆུང་ལྟོ་ལ་ཟ་འདོད་ཀྱིས།།
ས་མདའ་སྐེ་ལ་ཟུག་པ་ཟ་མའི་དོན།།
བྱི་བ་རྒྱགས་ཀྱང་སྤར་མོ་གང་།།
གླང་ཆེན་གུད་ཀྱང་རྒྱབ་ཁལ་གཅིག།
བྱིས་པ་འོ་མས་ཁ་འཚིགས་ནས།།
ཞོ་ལ་ཕུ་ཡང་འདེབས་བཞིན་འཐུང་།།
བྱེ་མ་བཙིར་ན་སྣུམ་མ་དོན།།
བྱེ་མ་བཙོས་ནས་ཟས་མི་ཡོང་།།
སྲན་མ་བཙོས་ནས་ཆང་མི་ཉན།།
བྱེད་པ་དོན་ལ་རྨོངས།།
ལྟ་མཁན་སེམས་ལ་གསལ།།
བྱིའུ་ཅོག་མོ་ཆོས་སེམས་ཆེ་ལེ་མིན།།
ཡུལ་ལྷ་ས་བར་ཐག་ཉེ་ལེ་རེད།།
བྱེའུ་ཆུང་གསུང་སྐད་སྙན་ཡང་།།
སྐུ་ཤ་རྒྱ་སྲང་དོ་རེད།།
བྱིའུ་ཆུང་ཕར་འཕུར་ཚུར་འཕུད།།
ནས་ཕུང་གཏོར་བརླག་བཏང་ཡོང་།།
བྱི་ཕྲུག་ཨ་མའི་སྡུག་གྱོང་ཡིན།།
སྡོད་མ་ཚུགས་ན་ཡོང་རྒྱུ་དེ་རང་ཡིན།།
བྱིའུ་འཇོལ་མོ་ཉལ་ས་ཚེར་དཀྱིལ་ཡིན།།
སྡོད་ཤེས་ན་ཚེར་དཀྱིལ་བལ་ལས་འཇམ།།
བྱིའུ་ཕྲུག་ཐང་ལ་ལུས།།
དྭ་ཕྲུག་སྲང་འགག་ལུས།།
བྱིའུ་ཞན་ཡང་འབུ་ཐུབ།།
བྱ་ཞན་ཡང་འཕུར་ཐུབ།།
བྲེ་གང་བཟས་པ་ལས།།
ཕུལ་གང་བྱུག་པ་དགའ།།
བྲེས་སེར་འབྲོང་གི་རྭ་དང་།།
དམར་ཡག་སྟག་གི་མཆེ་ནས་ག་ལ་ཐར།།
བྲེ་སྲང་ལོགས་ལ་བཞག་ནས།།
མར་ལ་སྤོམ་ཚོད་དགོས་དོན་མེད།།
བྲོས་ན་འཆི་བདག་ཁ་ནས་ཐར།།
འཐབ་ན་གཤིན་རྗེ་ཆོས་རྒྱལ་ཕམ།།
བྱུ་རུ་དམར་པོའི་ཁོག་པ།།
སྲིང་སྐུད་ནག་པོས་བརྒྱངས་པ།།
སྦྱངས་ན་ཡོན་ཏན་ཀུན་ལ་མཁས།།
ལུག་རྫི་འུར་རྡོ་རྒྱག་ལ་མཁས།།
བྲག་གསེ་ཐང་ཤིང་སྐྱེ་བ་དཀའ།།
སྐྱེ་ནས་ལོ་འདབ་སེར་བ་དཀའ།།
བྲག་དམར་པོ་འགྱེལ་ན་ལ་མི་དགོས།།
ཆུ་གཙང་པོ་བརྒལ་ན་རབ་མི་དགོས།།
བྲག་ཐོག་གླ་བས་རྡོ་ཞིག་བསྒྲིལ།།
ཆུ་ནང་ཉ་མོའི་མགོ་བོ་བཅག།
སྟོང་དེ་ཝ་སྤྲེ་གཉིས་ལ་ཁྲིད།།
བྲག་དམར་རྒོད་ཚང་མཐོ་གང་།།
བྲག་མ་བཤིག་རྒོད་ཕྲུག་ལེན་འགྲོ་དགོས།།
བྲག་ལ་སྐད་ཆ་སྙན་པོ་མ་བཤད་ན།།
ལན་ལ་བྲག་ཅ་སྙན་པོ་ག་ནས་ཡོང་།།
བྲང་ཆུང་ལ་མ་སྦངས་པར།།
རྐྱལ་ཉ་འདྲ་རྒྱག་སྙིང་འདོད།།
བླ་མའི་ཐུགས་ལའང་མིན་འདུག།
དཔེ་ཆའི་ནང་ལའང་མིན་འདུག།
བླ་མ་ཡོད་ཐོག་ལ་ཆོས་དང་།།
དཔོན་པོ་ཡོད་ཐོག་ལ་གནང་སྦྱིན།།
བླ་མ་རང་མགོ་མ་ཐོན་པར།།
གཤིན་པོའི་ཡར་འདྲེན་ཕར་བཞག་རེད།།
བླ་མ་གདུགས་དང་རྒྱལ་པོ་གདན།།
མཛེས་མ་རྒྱན་དང་མ་བྲལ་ཟེར།།
བླ་མས་དྲིལ་བུ་གང་བཞག་ལས།།
དྲིལ་བུས་བླ་མ་གང་བཞག་མིན།།
བླ་མས་གནང་ན་མཛད་པ་དང་།།
ཉེ་གནས་ཀྱིས་བྱས་ན་ངན་སྤྱོད།།
བླ་མས་བྱ་མོ་གསོད་ཆོག་ན།།
ཉེ་གནས་ཀྱིས་སྒོ་ང་རྐུ་མི་ཆོག་མེད།།
བླ་མ་རྟ་འདོད་པ་ལ་རྟ་དང་།།
ཉེ་གནས་བ་འདོད་པ་ལ་བ།།
བླ་མས་ཁྲིད་ན་བླ་མས་ཁྲིད།།
རྐུན་མས་ཁྲིད་ན་རྐུན་མས་ཁྲིད།།
བླ་མ་ཕལ་ཆེར་ཕྱུག་པོའི་བུ་ལ་འཁྲུངས།།
མེ་ཏོག་ཕལ་ཆེར་ཆུ་བོའི་འགྲམ་ནས་སྐྱེས།།
བླ་མ་མཇལ་དུས་ཉམས་རྟོགས་དང་།།
དཔོན་པོ་མཇལ་དུས་རྒྱུ་རྐྱེན་སོམས།།
བླ་མ་ཕེབས་ཙམ་ཕེབས་ཙམ།།
དྲིལ་བུ་དཀྲོལ་ཙམ་དཀྲོལ་ཙམ།།
བླ་མས་ཞབས་འདྲེན་ཞུ་བར།།
ཉེ་གནས་ཨོམ་པོ་ཙོག་ཙོག།
བླ་མས་ཅི་གསུངས་ཆོས་དང་།།
མཛུབ་མོས་གར་བསྟན་ཤར།།
བླ་མས་གསོལ་དཀྲུམ་མི་བཞེས་ཟེར།།
ཤ་ཚོམ་པོ་གཟིགས་ན་དམར་ཏོ་བསྐྱོན།།
བླ་མའི་ན་བཟའ་འཐོག་འཐོག་ལ་ཟད།།
བླ་མས་ལུག་གསོད་ཆོག་ན།།
ཉེ་གནས་ཀྱིས་ཤ་ཁུ་འཐུང་མི་ཆོག་པ་མེད།།
བླ་མ་ཨེམ་ཆི་ཡིན་ཀྱང་།།
རང་ལ་ཐུག་ན་རོགས་པ་དགོས།།
བླ་མ་བརྒྱགས་པའི་བརྒྱགས་ལྷག།
ཉེ་གནས་ལྟོགས་ཀྱང་མི་ཞུ།།
བླ་མས་ར་བསད་ཆོག་སར།།
ཉེ་གནས་ཀྱིས་རྒྱུ་མ་བརྒྱངས་མི་ཆོག་པ།།
བླ་སྲོག་མེད་པའི་བེམ་པོ།།
ལ་རྒྱ་མེད་པའི་དུད་འགྲོ།།
བླ་མས་རྒྱ་གྲམ་གང་བཞག་ལས།།
རྒྱ་གྲམ་གྱིས་བླ་མ་གང་བཞག་མ་རེད།།
བླ་མ་མཉེས་ཀྱང་མ་མཉེས་ཀྱང་།།
སྐུ་གདུང་ཚེས་པ་བཅོ་ལྔར་ཡིན།།
བླ་མ་ཁྲི་ཐོག་ནས་སངས་རྒྱས།།
གྲྭ་པ་ཁྲི་འོག་ནས་སངས་རྒྱས།།
བླ་མའི་གཟིམ་ཆས་སྒང་ལ་ཡོད།།
ཁལ་ལོག་ཐེབས་ན་འོག་ལ་ཡོད།།
བླ་མའི་མར་བླ་མའི་ཁྱིམ་བཟས།།
བླ་མ་ཕྱིན་ནས་ཆོས་ཞུ་དྲན།།
བླུན་པོས་བསྟོད་པལས།།
མཁས་པས་སྨད་པ་དགའ།།
བླུན་པོ་ཆུ་སྣེ་གར་འཁྲིད།།
བླུན་པོས་མི་ཤེས་ཤོད་པ་དེ།།
རང་སྐྱོན་རང་གིས་སྒྲོག་དང་མཚུངས།།
བླུན་པོས་ནོར་ནག་གཅིག་ནོར།།
མཁས་པས་ནོར་ན་བརྒྱ་ནོར།།
བློ་གྲོས་ཁོག་པའི་ནང་དུ་རྒས།།
ཤིང་བཟང་པགས་པའི་འོག་ཏུ་རུལ།།
བློ་རྩེ་གཉིས་ཀྱིས་དོན་མི་གྲུབ།།
ཁབ་རྩེ་གཉིས་ཀྱིས་ཚེམ་བུ་མི་ཡོང་།།
བློ་གྲོས་ཡངས་དོག་གཏན་ནས་ཤེས།།
ལུང་ཐག་རིང་ཐུང་ཕུ་ཆུས་ཤེས།།
བློ་གྲོས་ཕ་དང་མ་ལ་དྲིས།།
འདུན་མ་ཉེས་ཀྱང་འགྱོད་རྒྱུ་མེད།།
བློ་ཆེ་ཆུང་དོ་ལ་བཀལ་ན་ཤེས།།
དཔའ་ཆེ་ཆུང་འགག་ལ་ཐུག་ན་ཤེས།།
བློ་རྒྱ་ས་གཞི་ལས་ཆེ་ཡང་།།
བྱ་བ་རྡུལ་ལྟར་ཞིབ་དགོས།།
བློ་རྒྱ་མེད་པའི་དམག་དཔོན་དེ།།
ཝ་མོས་གོ་ཁྲབ་གྱོན་པ་འདྲ།།
བློ་རིག་མཐོ་གང་ལ།།
སྐད་ཆ་འདོམ་གང་།།
བློ་ཕར་བསྟུན།།
གྲོས་ཚུར་སྒུགས།།
བློ་རིག་རྟ་རྒོད་འཕྱོ་འཕྱོ།།
ཁོང་སྙིང་ལུ་གུ་ལྡིང་ལྡིང་།།
བློ་རེ་བའི་གཏོད་ས་དང་།།
ཕྱག་མཆོད་པའི་འབུལ་ས།།
བློ་གཏད་གངས་རིར་བཅོལ་ནས།།
ཞིང་ཆུང་ཐན་པས་འཚིགས་སོང་།།
བློ་གཏད་སྤང་ལ་བཅོལ་ནས།།
ལུ་གུ་རྫ་ལ་ཤོར་བ།།
བློ་མི་ལ་དྲིས།།
རང་མགོ་བོ་འཁོར།།
བློ་ཕྱི་གཏད།།
གྲོད་པ་ནང་གཏད།།
བློས་གྲོད་པར་བཀལ།།
གྲོད་པས་ཆུ་གློད།།
དབང་ཆེན་རི་ལ་མ་ཤོར་བ་དང་།།
ཉམས་ཆུང་སྒོ་རྒྱབ་མ་ལུས་པ།།
དབང་ཆ་ཡོད་ན་ཐམས་ཡོད།།
ཡིན་ཀྱང་ན་དབང་ཤི་དབང་མེད།།
དབང་ཨ་ཕ་ཆེ་ཡང་།།
གཉིས་ཨ་མར་བདག།
དབང་མི་ལག་དང་།།
ཅོ་ཏོ་ཤིང་ཁར་ཤོད།།
དབུ་མཛུད་མང་ན་འདོན་པ་འཁྲུག།
ཇུས་དཔོན་མང་ན་ཇུས་གཞི་འཁྲུག།
དབུལ་པོ་གྲོད་པས་མ་བཞག།
འགྲང་པོ་ཧམ་པས་མ་བཞག།
དབུལ་པོ་ལ་རྒྱུ་ཡོད་ན།།
ཕྱུག་པོ་གཉིད་མི་ཁུག།
དབུལ་པོའི་བསམ་པ་དུང་ལས་དཀར།།
ཕྱུག་པོའི་བསམ་པ་སོལ་བ་ལས་ནག།
དབུལ་པོས་དབུལ་པོ་སྐྱོར་བ་འཁོར་བའི་ཆོས་ཉིད།།
དབྱར་ཉི་མས་ཕྱི་བལྟས་སློག།
ཨ་ཕོ་རྫི་བོའི་ཞྭ་མི་བསྐམ།།
དབྱར་གྲོག་ཁར་མ་འགྲོ།།
དགུན་ཤིང་རྩེར་མ་འཛེགས།།
དབྱར་མི་སྔོ་དགུན་མི་སྐྱ།།
ལྷ་ཤིང་ཤུག་པའི་དཔེ་ལྟར།།
དབྱར་སྔོ་བའི་ཐོག་ལ་ཁུ་བྱུག།
དགུན་སྐྱ་བའི་ཐོག་ལ་ཁ་རླུང་།།
དབྱར་ཁའི་ཉི་མར་བདག་པོ་མེད།།
དགུན་ཁའི་ཉི་མར་བདག་པོ་ཡོད།།
དབྱར་ཆུ་སྔོན་མོ་མ་བབས་ན།།
དགུན་རྩྭ་ཁམ་གང་ཅི་ལ་རག།
དབྱར་གཙང་པོའི་ཟུར་ལ་མ་འགྲོ།།
དབྱར་ཁ་སྤང་ལ་མི་སྐྱེ་དགུ་སྐྱེ།།
འཇིག་རྟེན་མི་ལ་མི་ཡོང་དགུ་ཡོང་།།
དགུན་རི་བོའི་རྩེར་མ་འགྲོ།
དབྱར་ཁ་ལྕགས་ལ་བདག་པོ་རྒྱོབས།།
དགུན་ཁ་རྫ་ལ་བདག་པོ་རྒྱོབས།།
ནམ་ཞག་རྒྱུན་དུ་ཁ་ལ་བདག་པོ་རྒྱོབས།།
དབྱར་ལམ་དུ་མ་མཇལ་ཡང་།།
དགུན་ལམ་དུ་མཇལ་ཡོང་།།
དབྱར་གཞུག་གངས་ལ་འཁྱོལ།།
གངས་དཀར་མཐའ་ལ་འཁྱོལ།།
དབྱར་ཞིང་ལས་བྱེད་དུས་ཨ་ཁུའི་གཡོག།
དགུན་བལ་ལས་བྱེད་དུས་ཨ་ནེའི་གཡོག།
དབྱི་དཀར་པོའི་རྒྱུ་མ་དང་།།
ཤེལ་དཀར་པོའི་མཆོད་རྟེན།།
འབག་བརྒྱ་ལས་སེང་གེ་གཅིག་དགའ།།
འབག་ཕར་གཡོགས།།
རྫིག་རལ་ཚུར་བསྟན།།
འབངས་ཀྱི་སྐྱིད་སྡུག་དཔོན།།
བུ་ཚའི་རེ་གནས་ཕ་མ།།
འབངས་མེད་རྒྱལ་པོ་མིན།།
འབྱོར་མེད་སྤྲང་པོ་ཡིན།།
འབད་པ་རི་ཙམ་བྱས་པ་ལས།།
བསོད་ནམས་ཏིལ་ཙམ་བསགས་པ་དགའ།།
འབུ་ཆུང་གྲོག་མའི་སྐེད་པ་ལ།།
མི་ཆག་གསེར་གྱི་རྡོ་རྗེ།།
འབུ་ས་འོག་ས་སྡོད་པར།།
བརྙས་གྲོ་མ་བརྐོ་བརྐོ།།
འབུ་ཆེ་བས་ཆུ་ཟོས།།
མི་དབང་ཆེན་གྱིས་དབང་ཆུང་སྙད།།
འབོད་མཁན་མེད་པའི་ལྷང་ལྷང་།།
རྒྱག་མཁན་མེད་པའི་བྲོས་རྩིས།།
འབྱུང་ནམ་མཁའ་དང་།།
འཐིམས་ས་གཞི།།
འབྱོར་ན་དྲེགས་པ་དང་།།
རྒུད་ན་ཞུམ་པ་སྤོང་དགོས།།
འབྲུ་སྲན་མ་མིན་པ་ཆང་ལ་ཕབ།།
སྒོ་ཁྱི་ནག་མིན་པ་བཤས་ལ་ཕབ།།
འབྲུ་སྣ་སྤང་ལ་གཏོར་ན་འབྲས་མེད།།
ས་བོན་ཞིང་ལ་བཏབ་ན་དོན་ཡོད།།
འབྲུ་མེད་སྙེ་མ་གོ་འཕང་མཐོ།།
ཡོན་ཏན་མེད་མཁན་ང་རྒྱལ་ཆེ།།
འབྲུ་རིགས་གནམ་ལ་འཕྱར་ན།།
ཡང་སོག་རླུང་གིས་ཆོད་ཡོང་།།
འབྲུའི་བུ་ལོན་ཡོད་ན་རྒྱ་སྲན་བཏབ།།
དངུལ་གྱི་བུ་ལོན་ཡོད་ན་ཕག་པ་གསོས།།
འབྲུ་ས་འོག་བཏབ་རྗེས།།
གཡོག་བྱེད་རྒྱུ་འགག་རྩ།།
འབྲུ་མ་བཏབ་ན་མི་སྐྱེ།།
ཐག་མ་བཅད་ན་མི་ཆོད།།
འབྲུག་གཟུགས་གཅིག་ལྟར།།
འཐུས་ཚང་ཡོང་བ་བྱེད།།
འབྲུག་སྐད་དང་ཆར་པ་དུས་མཉམ་དུ་བྱུང་ན།།
གཏམ་དང་དོན་གཉིས་མཚུངས་པ་ཡིན།།
འབྲུག་མ་གྲགས་གོང་ལ།།
ཐོག་ལུག་རོ་ཙམ་བརྒྱབ།།
འབྲུག་སྐད་རྒྱག་པ་ལས།།
ཆར་པ་མི་འབབ་པ།།
འབྲོང་བྲེ་སེ་སྡོད་ས་རྫ་དཀྱིལ།།
སྡོད་ཤེས་ན་རྫ་དཀྱིལ་དར་ལས་འཇམ།།
འབྲོང་ཚུར་རྒྱུགས་རྭ་སྣེ་རྡོག་པ་གནོན།།
སྟག་པར་རྒྱུགས་མཆེ་བ་ལག་པས་འཛིན།།
འབྲོང་རྒོད་དེ་ཤི་ཡང་གཡག་རྒྱབ་དགུ།།
ཙི་ཙི་རྒྱགས་ནས་ཤི་ཡང་སྦར་མོ་གང་།།
འབྲོང་བྲེ་སེར་ཁལ་འཁྱེར་ཡོང་ལེ་མིན།།
སྟག་དམར་གཡག་སྒོ་ཁྱི་ཡོང་ལེ་མིན།།
འབྲོང་བསད་པས་མི་ཆོག་རྔ་མའི་དར་ལྕོག།
སྦ་གསང་མེད་པའི་སྐྱོན་བརྗོད་དེ།།
སྙིང་གཏམ་ཡིན་པས་མང་ཙམ་ཉོན།།
སྦལ་པ་མཐོང་དུས་ཅོང་མོ་སངས་རྒྱས་རེད།།
སྦལ་པ་རྨ་ཅན་གཅིག་གིས་སྦལ་ཚང་ཕུང་།།
སྦལ་པར་ཁལ་བཀལ།།
ལྕོང་མོར་འོ་མ་བཞོས།།
སྦལ་པར་སྙིང་སྟོབས་མེད་ན།།
རྒྱ་མཚོར་མཆོངས་མི་ནུས།།
སྦལ་པས་ང་སྦོམ།།
སྦྲུལ་གྱིས་ང་རིང་།།
སྦུད་པ་ལྡིར་སྒྲ་ཆེ་ཡང་ལག་པའི་འོག།
སྦོ་ཆུ་ལ་སྦངས་མ་དགོས་པར།།
རྐྱལ་ཉ་འདྲ་བ་རྒྱག་སྙིང་འདོད།།
འབྲུག་གི་སྤར་རྡོ།།
དྲེད་མོའི་སྙིང་རྡོ།།
འབྲུག་སྒྲ་ཆེ་ལ་ཆར་ཐིགས་ཆུང་།།
འབྲུག་མེད་པའི་འུར་སྒྲ།།
མཛོ་མེད་པའི་ཨོག་སྐད།།
འབྲེལ་མེད་ཀྱི་སྐད་ཆ་མ་ཤོད།།
མཁོ་མེད་ཀྱི་དངོས་པོ་མ་ཉོ།།
འབྲོག་པ་ཇི་ལྟར་ཐབས་སྡུག་ཀྱང་།།
དཀྱིལ་འཁོར་སྟེང་ལ་སྡོད་ལེ་མིན།།
འབྲོག་པ་ཁྱིམ་འདེད་པའི་གྲལ་འགོ།།
ཉི་མ་མེ་ཁྱེར་དུ་འཛིན་པའི་ལོག་རྟོག།
འབྲོག་པ་ཁྱིས་དེད་ཀྱང་།།
རྒྱབ་ལག་མི་ཞིག།
འབྲོག་པ་དབུས་ལ་འཁྱགས།།
དབུས་པ་འབྲོག་ལ་འཁྱགས།།
འབྲོག་མ་འཆམ་རྩྭ་ཁ་ཆུ་རགས།།
ཞིང་མ་འཆམ་ས་ཁང་མི་གསུམ།།
སྦྱིན་བདག་འདོད་པ་མ་བསྟུན་ན།།
བཟོ་པ་མཁས་ཀྱང་དོན་གོ་ཆུང་།།
སྦྱིན་བདག་དད་པ་ཆེ་སར།།
རྣལ་འབྱོར་རྒྱུན་མ་རིང་།།
སྦྲ་སྒོ་ཤར་ལ་བསྟན།།
ཡིན་ལུགས་ཚུལ་དང་མཐུན།།
སྦྲང་མ་མེ་ལྕེས་ལྕེབས།།
སྲེད་ལྡན་འདོད་པས་ཕུང་།།
སྦྲང་མའི་གཤོག་པས་རི་རྒྱལ་ལྷུན་པོ།།
སྦྲང་མས་བལྟས་ན་མེ་ལྕེ་གཞལ་ཡང་ཁང་།།
སྦྲང་མ་མེ་འོད་དུ་མ་ཆས།།
སྦྲང་རྩིས་བྱུགས་པའི་སྤུ་གྲི།།
སྦྲུལ་བཙིར་ན་ཡན་ལག་ཐོན།།
སྦྲུལ་དང་རྩེད་ན་སྲོག་དང་ཉེ།།
སྦྲུལ་མདུད་སྦྲུལ་གྱིས་ཤིག།
སྦྲུལ་དང་ཐག་ཁྲ་ནོར་ཉེན་ཡོད།།
མ།
མ་བསླབས་མཁས་པ་ཡོང་མི་སྲིད།།
བསླབས་ནས་མ་ཤེས་ཡོང་མི་སྲིད།།
མ་ཤེས་ཁ་རོག་བསྡད་པ་ན།།
ལོ་བརྒྱ་སོང་ཡང་བཟང་སྐྱེད་མེད།།
མ་བསྙབས་གནམ་ལ་བསྙབས་ན།།
རྐང་པའི་རྟིང་རྩ་ཆད་ཉེན་ཡོད།།
མ་མཐོང་མཐོང་བའི་ཤོད་ཤོད་མང་ན།།
རྟོགས་ལྡན་རྒན་པོའི་རྫུན་རྐུབ་བརྡོལ།།
མ་བསམས་པའི་ཞལ་ལྕེ་མ་གཏོང་།།
གང་ཐོག་ཅི་བབས་མི་ཤེས།།
མ་བསླབ་མཁས་པ་ཡོང་མི་སྲིད།།
བསླབས་ན་ནེ་ཙོས་མ་ཎི་འདོན།།
མ་མ་བཙུན་མ་ཆང་མ་གསུམ།།
བུད་མེད་གསུམ་ལ་རྣམ་པ་གསུམ།།
མ་མཐོང་ན་མཐོང་ས་ནས་ལྟོས།།
མ་ཤེས་ན་རྒན་རབས་ལ་དྲིས།།
མ་གཅིག་བུ་གཅིག་ཁོག་པའི་སྙིང་།།
མ་བཤད་གཏམ་དེ་ག་དུས་བཤད་བཤད་ཡིན།།
བཤད་ནས་འགྱོད་པ་བྱེད་པ་ཐ་མའི་ལས།།
མ་བཤད་གཏམ་ལ་རང་དབང་ཡོད།།
བཤད་པའི་གཏམ་ལ་རང་དབང་མེད།།
མ་འཆང་ཝ་རྔ་སྦོམ་པོ་དེ།།
འཆང་ན་གང་ཡིན་ཤེས་པ་ཡིན།།
མ་ཤེས་གོང་ཕུད་དང་ཤེས་པ་དང་ལེན།།
མ་གྱུར་ན་བློ་མིན།།
མ་ཁུག་ན་སེམས་མིན།།
མ་བཤད་ན་ཕས་ཀྱང་མི་གོ་བས་ལྷུག་པར་ཤོད།།
མ་བསྐུལ་ན་བུས་ཀྱང་མི་ཉན་པས་སྐུལ།།
མ་རྐུ་བསམ་པས་རྐུ་མ་བརྐུས།།
སྤྱན་རས་གཟིགས་ཀྱིས་རྩམ་པ་འགམས།།
མ་ངར་མ་ངར་ཕ་ཡི་བུ།།
ངར་བའི་བུ་ལ་ཡོན་ཏན་མེད།།
མ་བསླབས་ན་སུས་ཀྱང་མི་ཤེས་པས་མཁས་པར་སློབ།།
མ་བྱིན་ན་བུ་ཡང་འཁོར་དུ་མི་འདོད་པས་བག་ཙམ་རེ་བྱིན།།
མ་ཡུར་ནང་དུ་ཆུ་ཡོད་ན།།
ཆུ་ལག་ཆུ་ཡིས་ཁེངས་པར་གྱུར།།
མ་ཤེས་ཤེས་མདོག་བྱས་ན་སྐྱོན།།
ཤེས་ནས་མ་བཤད་ནའང་སྐྱོན།།
མ་བཤད་ན་མི་གོ།
མ་གཞུས་ན་མི་ན།།
མ་ཞིམ་པ་སྤགས་ལ་སྤྱོད་པའི་ཤ་འབུ་མགོ་ནག།
མ་ཞིམ་ན་ཡང་སོ་ཁྲག་ཁོང་དུ་མིད།།
མ་དགའ་ནའང་ལྷ་གསོལ་གསོལ་བྱེད།།
མ་འདོད་ཐམས་ཅད་ལས་ཡིན།།
མ་འདོད་ཚ་བ་འཁྲི་ཡང་།།
ཉི་མ་ལས་ཀྱིས་འཕྲོས།།
མ་འདྲིས་བྱང་ཐང་སྐྱ་བོ།།
འདྲིས་ན་རང་གི་ཕ་ཡུལ།།
མ་ལ་མིང་པོ་མེད་པར།།
བུ་ལ་ཞང་པོ།།
མ་ཡི་བུ་ནི་ཀུན་ཀྱང་ཡིན།།
ཕ་ཡི་བུ་ནི་རེ་རེ་ཙམ།།
མ་ཡག་བུ་མོའི་གླེང་གཞི།།
ཡག་ན་གླེང་གཞི་ཨེ་ཡོང་།།
མ་བྲིན་པའི་ཟོག་རོ་སྒོ་རྩར་ལྷག།
མ་མྱོང་པ་ལ་ཡུགས་ས་ཕོག།
ངུ་བར་ཕྱིན་ཀྱང་གད་མོ་ཤོར།།
མ་བྱམས་པ་དྲིན་ཆེ།།
མ་ཞིམ་པ་ཕོག་དུག་ཆུང་།།
མ་འདོད་བུ་མོའི་མིག་ལོག།
མ་བདག་བདག་ཏུ་བཟུང་།།
བདག་པོ་སྒོ་རྒྱབ་ཕུད།།
མ་གོ་བའི་རྣ་ཅོག་འབྲེག་ཐབས་མེད།།
མ་མཐོང་བའི་མིག་འབྲས་འདོན་ཐབས་མེད།།
མ་རིག་མུན་པ་མཐའ་ནས་གསལ།།
མ་ནུས་ཞུ་ས་དཔོན་དང་།།
ཆད་ན་འཇུ་ས་རྟ།།
མང་ན་རྒྱལ་པོའི་སྙན་ལ་གཟན།།
ཉུང་ན་བློན་པོས་བརྡ་མི་སྤྲོད།།
མང་པོའི་དཀྱིལ་དུ་ཁ་ལ་བརྟག།
གཅིག་པུར་སྡོད་དུས་སེམས་ལ་བརྟག།
མང་ཇ་མ་རེད་ཉུང་ཇ་རེད།།
རྒྱ་ནག་རྒྱལ་པོའི་གསོལ་ཇ་རེད།།
མང་པོའི་དཀྱིལ་དུ་རེ་གཉིས།།
གསེར་གྱི་དཀྱིལ་དུ་བྱེ་མ།།
སྦལ་པའི་དཀྱིལ་དུ་རྨ་ཅན།།
མང་ལ་བརྟེན་ན་མཁས་པ་ཡིན།།
ལྟོ་ཚོད་ཟིན་ན་སྨན་པ་ཡིན།།
མང་པོ་གཅིག་ཏུ་བློ་མཐུན་ན།།
ཉམ་ཆུང་གིས་ཀྱང་དོན་ཆེན་གྲུབ།།
མང་པོས་བཀྱག་ན་ལྕམ་ལས་གདུང་མ་ཡང་།།
མང་ཉུང་བྲེ་ལ་འཇོལ།།
ཡང་ལྕི་སྲང་ལ་འདེགས།།
མང་པོ་མ་སྨྲ།།
སྨྲ་ཚད་སེམས་ལ་སྨྲོས།།
མར་མེ་སྣུམ་ཟད་དང་།།
བྱ་རྒན་སྒྲོ་ཟད།།
མར་རྡོག་ལ་དགའ་དྲགས་ན།།
དཀར་གོང་གིས་སོ་བཅག།
མར་སྐོགས་མར་གྱིས་མི་འཐུལ།།
ཆོས་འདྲེ་ཆོས་ཀྱིས་མི་འཐུལ།།
མཆུ་ཏོ་ཆུ་ཡིས་མི་བངས།།
མར་གྱི་དཀྱིལ་ནས་སྤུ་དང་།།
བཟང་པོའི་དཀྱིལ་ནས་ངན་པ་བཏོན།།
མར་ལྟང་སྙས་ལ་རྒྱག་པ་མགོ་སྣུམ་པའི་ཁྱད་ཡིན།།
མར་ཁུར་སྡོར་དང་།།
ཚེར་མར་རྣོ་འདོན་མི་དགོས།།
མར་ཆེན་མར་ཁུའི་རྒྱ་མཚོ།།
ཤི་ནས་དམྱལ་བའི་རྒྱ་མཚོ།།
མི་དམངས་ཁ་དེ་དུག་ཡིན།།
མི་དམངས་ལག་དེ་གསེར་ཡིན།།
མི་བརྒྱ་ལ་སེམས་པ་བརྒྱ།།
མཛོ་བརྒྱ་ལ་རྭ་ཅོ་ཉིས་བརྒྱ།།
མི་བརྒྱ་སེམས་གཅིག།
རྟ་བརྒྱ་འགྲོས་གཅིག།
མི་སེམས་གཅིག་ཏུ་བསྒྲིལ་ན།།
རི་རྒྱལ་ལྷུན་པོ་སྤོ་ཐུབ།།
མི་གཅིག་ལ་གཅིག་བརྟེན།།
རྫ་ཁ་ལ་ལུང་བརྟེན།།
མི་རྒན་པའི་ཁ་ལ་ཉོན།།
ཇ་ཞིམ་པོའི་བྲོ་ལ་ལྟོས།།
མི་གོ་མེད་ཅིག་ལ་བཤད་པ་ལས།།
ལ་ཁག་པོ་ཞིག་ལ་འཇུས་ན་དགའ།།
མི་ཚེ་བཟང་ཕྱེད་ངན་ཕྱེད།།
མི་དྲང་དགོས།།
ལྷ་མཚར་དགོས།།
འབག་བརྗིད་དགོས།།
མི་ལ་གནོད་པའི་གཏམ་མ་ཤོད།།
རང་ལ་གནོད་པའི་དུག་མ་འཐུང་།།
མི་ཡི་སེམས་ཤུགས་མ་རྒས་ན།།
ལུས་རྒས་པར་དོགས་མི་དགོས།།
མི་རྒྱུད་ལྷ་དང་།།
ཆུ་རྒྱུད་གངས།།
མི་དཀར་མགོ་ལ་ཞྭ་ནག་དང་།།
རྟ་དཀར་མགོ་ལ་མཐུར་ནག།
མི་ཁ་ཆད།།
སྒ་རྒྱུན་སྒྲོག།
མི་རྟ་ཁེར་རྒྱུགས་དང་།།
མདའ་མོ་ཁེར་འཕེན་མི་རུང་།།
མི་མདོག་ངན་ཁ་བདེ།།
སྙེ་མ་ལོང་བ་གཟེངས་མཐོ།།
མི་ངན་ལ་བཤད་ཀྱང་མི་ཉན།།
ཁྱི་ངན་བཀག་ཀྱང་མི་ཐུབ།།
མི་ངན་བསམ་སྦྱོར་མང་བ་དེ།།
ལས་བཟང་དཔལ་དུ་ཤར་བ་སྲིད།།
མི་ཤི་ཡང་རིགས་མི་ཆད།།
རྟ་ཤི་ཡང་སྒ་སྟོང་མི་ལུས།།
མི་ལ་རེ་དགོས་མ་མཐོང་།།
དཔོན་ལ་ཞུ་དགོས་མ་མཐོང་།།
མི་ལ་བསོད་ནམས་མེད་ན་གསེར་ཡང་བྱེ་མར་འགྱུར།།
སེམས་ལ་དྲན་རྒྱུ་མང་ན་མི་ཡང་སྤྲེའུར་འགྱུར།།
མི་ལ་བློ་ཐབས་མེད་ན།།
ཤིག་གིས་མི་ཟ།།
མི་རེག་སྟག་གི་ཁ།།
མི་སྦྱར་འབྲོང་གི་རྭ།།
མི་ངན་གར་འགྲོར་གཏམ་ངན།།
བྱ་ངན་གར་འགྲོར་སྐད་ངན།།
མི་མང་པོའི་ནང་ན་མཁས་པ་ཡོད།།
ས་བྱེ་མའི་ནང་དུ་གསེར་ཡོད།།
མི་སྐྱོན་གྲམ་པའི་རྡོ་དང་།།
རང་སྐྱོན་རི་བོང་རྭ།།
མི་ཡུལ་སྐྱིད་པའི་གོང་ང་ལས།།
རང་ཡུལ་སྡུག་པའི་ཕྱ་ཁ་དགའ།།
མི་ལ་རེ་འདོད་ན།།
ཁྱི་ལ་ཕྱག་འཚོལ།།
མི་འདུས་པ་ལ་ར་རྫི།།
མི་ཁོག་པ་ལས་སད་སྲུང་།།
མི་འདྲ་སོ་སོས་བྱས།།
ཁག་ཞན་ལ་དཀྲིས།།
མི་འཇོན་ཕོ་གསར་ཚོང་ལ་ཕྱིན།།
ཚོང་ཟོག་ཇག་པའི་ལག་ཏུ་ཕུལ།།
མི་གཅིག་རྐུ་འདོད་ན།།
མི་བརྒྱས་སྲུང་མི་ཐུབ།།
མི་ངན་པར་ཉམ་ཁུར་ན་ཇེ་ངན།།
ཁྱི་ངན་པར་བར་བཀག་ན་ཇེ་བཙན།།
མི་ལ་ཡོན་ཏན་ཡོད་ན།།
གཞན་དང་བསྟུན་པར་མཁས།།
མི་ཆུ་ལ་སྐུར་བར།།
རང་ཆུའི་ཕྱེད་ཀ།།
མི་བརྒྱ་ལ་བློ་རིག་བརྒྱ།།
བྱ་བརྒྱ་ལ་སྒྲོ་རིས་བརྒྱ།།
མི་ཉེས་མེད་ཆད་པས་བཅད།།
ཆུ་ཉེས་མེད་ཟམ་པས་ཆད།།
ཤིང་ཉེས་མེད་སྟ་རེས་བཅད།།
མི་ལ་སྨོན་དགོས་མི་འདུག།
རང་གིས་བྱས་པས་མི་ཆོག་ག།
མི་ཡི་ཕ་མའི་ཕྱེ་མར་ཟ་བ་ལས།།
རང་གི་ཕ་མའི་འགྲམ་ལྕག་གཟེད་པ་དགའ།།
མི་ཞིག་ཡོང་ན་ཆུང་ནས་ཡོང་།།
རྟ་ཞིག་ཡངོ་ན་རྟེའུ་ནས་ཡོང་།།
མི་རྒོད་བཏུལ་ས་ཁྲིམས་ར།།
རྟ་རྒོད་བཏུས་ས་བྲག་ར།།
མི་ཚེ་རིང་ན།།
ལྷ་ཤི་བའི་རོ་མཐོང་།།
མི་ཚེ་རིང་པོར་སྐྱིད་གསུམ་སྡུག་གསུམ།།
དཔྱིད་ཉི་རིང་པོར་གྲང་གསུམ་དྲོ་གསུམ།།
མི་གཡོ་ཅན་གྲོགས་སུ་འགུགས་པ་དེ།།
རྡོ་རིལ་རིལ་རྩིག་པར་འཇུག་དང་མཚུངས།།
མི་ཐུག་ཐོད་པ་རྡོ་ལ་ཐུག།
རྡོ་སྒོར་སྒོར་མ་ཐུག་ཟུག་གསུམ་ཐུག།
མི་རྒྱུ་ཧམ་ཟ་བྱས་ན།།
མིད་པའི་ནང་དུ་སྤུ་སྐྱེས།།
མི་ངན་གཅིག་གིས་ཡུལ་ཚོ་དཀྲུག།
རྡོ་རིལ་གཅིག་གིས་རྩིག་པ་དཀྲུག།
མི་ལྕོག་པའི་ལས་ལ་མ་འཇུག།
མི་འཇོན་པའི་ལས་དེ་མ་རྩོམ།།
མི་ཉན་པ་ལ་གྲོས་མ་འདེབས།།
མི་འོང་པ་ལ་ལས་མ་བཅོལ།།
མི་ཆེན་པོའི་ཤུགས་ཀྱིས་ག་འཁྱེར་དང་།།
ཆུ་ཆེན་པོའི་རླབས་ཀྱིས་གང་སྐྱེལ་རེད།།
མི་ངན་ལ་སྐྲ་ངན་སྐྱེ།།
མི་ཆེན་འོག་ནས་མི་ཆུང་དྲོས།།
མི་ལ་འཇོན་ཐང་ཡོད་ན།།
སྐུ་གཟུགས་ར་ལས་ཆེ་མི་དགོས།།
མི་ཡིས་ཞིང་ལ་གྱོང་སྟེར་ན།།
ཞིང་གིས་མི་ལ་དེ་བཞིན་ནོ།།
མི་ལ་ཤེས་རིག་འཇོན་ཐང་མེད་ན།།
མི་སྐད་ཤེས་པའི་བོང་བུ་འདྲ།།
མི་བཟང་ལ་ལྷ་བསངས་དང་།།
མི་ངན་ལ་དུ་ངན།།
མི་གྲལ་དུ་མི་ཚུད་པའི་མཛེ་བོ།།
རྟ་གྲལ་དུ་མི་ཚུད་པའི་བོང་བུ།།
ལུག་གྲལ་དུ་མི་ཚུད་པའི་ར་མ།།
བྱ་གྲལ་དུ་མི་ཚུད་པའི་འུག་པ།།
མི་ལ་གྲོགས་མཁོ་བས།།
བཟང་ངན་འབྲིང་གསུམ་བསྟེན།།
མི་ཞིམ་པའི་ཟས་ལ་སྣ་མ་གཉེར།།
ཞིམ་པའི་ཟས་ལ་ཧུབ་མ་ཆེ།།
མི་གཞི་ཡག་ལ་རང་འདོད་ཉུང་ངུ་འགྱིས།།
ཀུན་དང་མཐུན་པར་འོང་ངོ་།།
མི་སུམ་ཅུ་ལ་བསམ་པ་སུམ་ཅུ།།
མཛོ་སུམ་ཅུ་ལ་རྭ་ཅོ་དྲུག་ཅུ།།
མི་ཆེན་པོའི་འོག་ལ་ཁྲིམས་བཟོ་དང་།།
ཆུ་ཆེན་ཟམ་པའི་འོག་ལ་རབ་བཟོ་དོན་མེད།།
མི་ལ་འཇམ་མཁར་བྱས་ན།།
དོན་འབྲས་ཤུགས་ཀྱིས་འགྲིགས།།
མི་ཚེ་མགོ་མཇུག་མ་ལོག་པ།།
མི་རེར་སྐྱོན་རེ་མེད་པ་དབུས་གཙང་ན་དཀོན།།
ཤིང་ལ་འཛེར་པ་མེད་པ་དྭངས་ཀོང་ལ་དཀོན།།
མི་ལ་མི་དགོས་པ་གྱོད་གཞི།།
ཤིང་ལ་མི་དགོས་པ་འཛེར་པ།།
མི་ལ་ཁ་མཆུ་རྒྱག་པ་ལ།།
རང་ལ་ན་ནུས་ཤི་ནུས་དགོས།།
མི་འདྲིས་པའི་རྩ་བ་ཚིག་ཡིན།།
ཚིག་མེད་ན་གླེན་པ་ལུག་དང་འདྲ།།
མི་མཐུན་རྟ་གཡག་མགོ་སྦྲེལ་དེ།།
མ་འབྱར་རྡོ་ལ་སྦྱིན་སྦྱར་གཏོང་བ་འདྲ།།
མི་ལ་དྲི་ངན་བྲོ་མདོག་བྱས།།
བཙོག་པ་རང་གི་ཨམ་ཕྲག་ཏུ་ཉར།།
མི་འདྲ་ཤྭ་རྭས་བྱས།།
དགོ་རུ་གཉེར་མ་མང་བའི་མགོ་ལ་བསྐྱལ།།
མི་ངན་ལ་དབང་བསྐུར་ན།།
ཆུ་ཡང་བྲེ་ལ་འཇལ་གྱི་ཟེར།།
མི་ཁྲིམས་འོག་ལ་མ་འདུས་པ་དང་།།
རྟ་སྒ་འོག་ལ་མ་འདུས་པ་མེད།།
མི་ཕོ་ལས་ཐོག།
རྟ་ཕོ་སྒ་ཐོག།
མི་གྲིབ་ལ་མི་དང་།།
ཕ་གྲིབ་ལ་བུ།།
མི་བདག་བདག་ཏུ་རེ།།
བདག་པོ་སྒོ་ཕྱིར་འདོན།།
མི་ཡུས་ཆེན་གྱི་ངོ་ལ་མ་ལྟ།།
རྡུགས་ཆེན་ལ་ཁ་ལན་མ་རྒྱག།
མི་གོ་བ་ཅན་ལ་ཚིག་ལན་གཅིག།
རྟ་འགྲོས་ལྡན་དེ་ལ་ལྕག་ཚན་གཅིག།
མི་བདེན་པ་ལ་ཤག་མ་འདེབས།།
མི་འགྲུབ་པ་ལ་ཁས་མ་ལེན།།
མི་གཉིས་བར་ནས་རྫ་བཅག།
བློ་གཉིས་བར་ནས་དོན་འཕྱུག།
མི་རྙིང་པ་དགའ།།
གོས་གསར་པ་དགའ།།
མི་རྒྱའུ་ལ་སྤུ་དང་།།
རྔ་མོང་ལ་ཤ་ཙོག་འདུག་མ་ཟེར།།
མི་དང་མི་འདྲ་ན།།
མི་གཡོག་སུས་རྒྱུག།
མི་ལ་རྒྱུ་དགོས།།
རྒྱུ་ལ་བདག་པོ་དགོས།།
མི་ལ་ཡོན་ཏན་དགོས།།
ཕྱུགས་ལ་འོ་མ་དགོས།།
མི་དང་ཞིང་ལ་སྐྱེ་ས་དགོས།།
མི་ཐ་གསུམ་གྲོས་ན་མི་རབ་ཡིན།།
མི་མང་ན་རོ་མང་།།
རོ་མང་ཡང་དོང་ཁ་མི་ཁེངས།།
མི་བསོད་ནམས་ཅན་དེ་བོད་ལ་སྐྱེས།།
ཕྱུགས་བསོད་ནམས་ཅན་དེ་བྱང་ལ་སྐྱེས།།
མི་བསླུ་བསམ་པས་བསླུས་བྱུང་།།
བཟང་བཟང་ལྷ་མོས་བསླུས་བྱུང་།།
མི་ཚོས་གང་བྱེད་བྱས་པ་ཡིན།།
ཉར་ཁར་གཅིན་པ་བཏང་བ་ཡིན།།
མི་ལ་པདྨ་བཀའ་ཐང་ཞོག་རོགས་གནང་།།
རང་གིས་མ་ཎི་ཚིགས་གསུམ་ཨེ་ཤེས་ལྟོས།།
མི་ཁ་ཆུང་གིས་ཟས་ཟ་བར་སྐྱོན་མེད།།
གནམ་ཁ་ཆེན་གྱིས་བཟས་ན་ཡོངས་སུ་ཚར།།
མི་ཡི་ཆེ་བ་ཨ་ཕོ།།
ར་ཡི་ཆེ་བ་ཚེ་ཕོ།།
མི་ལ་མིང་དང་།།
རྫ་ཁོག་ལ་ལུང་ཡོད།།
མི་སྐྱེས་ཞིང་ལ་ས་བོན་འདེབས་པ་ལས།།
ཉང་སྟོད་གཞུང་ལ་སྒོ་རྩམ་སློང་ན་དགའ།།
མི་ངན་པ་ཤི་རྗེས་ཞག་གསུམ་དང་།།
ཁྱི་ངན་པ་ཤི་རྗེས་ལོ་གསུམ་རེད།།
མི་ལ་སྐྱིད་རེས་སྡུག་རེས།།
ས་ལ་སྐྱ་རེས་སྔོ་རེས།།
མི་རྒོད་པོ་ནང་གི་ནོར་བུ་ཡིན།།
རྒོད་དྲགས་ན་སྒོ་རྩར་རྟ་མིས་ཁེངས།།
མི་ཕྱེད་སྲིན་པོར་ཡོང་ཡང་།།
གཞོགས་ཕྱེད་ཁྲིམས་ལ་བརྩི་དགོས།།
མི་ཚེ་རྒས་ཁར་སྐྱིད་པ་་དང་།།
ཉི་མ་བཞུད་ཁར་དྲོ་བའི་ཐབས་བློ་བསྐྱེད།།
མི་ལ་མི་བདག་མེད་ཀྱང་།།
རོ་ལ་རོ་བདག་ཡོད།།
མི་ལ་ནུས་པ་མེད་ན།།
དཔའ་དམ་རིང་ཡང་འཁར་རྒྱུག།
མི་ཚེ་ད་སྲིན་པོའི་སྒོ་ཁ་དང་།།
ཤིག་ཚེ་ཟད་སེན་མོའི་འོག།
མི་ཚེ་ཆུ་བོའི་གཉེར་མ་བཞིན།།
སྐབས་རེ་མཐོ་དང་སྐབས་རེ་དམའ།།
མི་ངན་གྱི་ཁ་ནས།།
གཏམ་ངན་ལས་མི་ཐོན།།
མི་ལ་ཤི་གོང་ནས།།
མིག་རིལ་འདོན་པ།།
མི་འཚོ་བར་འབྲུ་དང་།།
ཕྱུགས་འཚོ་བར་རྩྭ་།།
མི་རྙིང་པ་ལ་སེམས་གསར་པ།།
མི་ཤ་བཟས་ནས་མི་རྒྱགས་པ་དང་།།
མི་ཁྲག་བཏུངས་ནས་མི་ངོམས་པ།།
མི་ལྟོགས་པར་ཁྱི་སྐྱུག་པའི་རེ་བ།།
མི་བློ་རྒྱུ་རིང་ན་ལྐུགས་པའི་ཚུལ།།
རྟ་ལ་ལེ་རིང་ན་རྒས་པའི་ཚུལ།།
མི་ངན་ལུང་པར་མི་ཤོང་།།
ཇ་ཧྲེང་ཁོག་པར་མི་འཇུག།
མི་ཕན་མེད་སྟོན་ཁ་ན།།
ཕྱུགས་ཕན་མེད་དཔྱིད་ཀ་ཤི།།
མི་ངོར་ཤིག་འགྲོ་བ་རིག།
རང་ངོར་གཡག་འགྲོ་བ་མི་རིག།
མི་ངན་གྱིས་དྲིན་ཅན་བརྡུང་།།
ཁྱི་ངན་གྱིས་བདག་པོར་རྨུགས།།
མི་ཕལ་པས་རང་བསྟོད་བྱེད།།
བྱ་ཁྭ་ཏས་སྒྲོ་བསྟོད་བྱེད།།
མི་གསུམ་གྲོས་འགྲིགས་ན།།
ལྕགས་ཀྱི་ཀ་བ་སློང་།།
མི་གཉིད་ཁུག་ཀྱང་།།
འདྲེ་གཉིད་མི་ཁུག།
མི་ཤེས་ཞབས་བྲོ་རྒྱག་པ་དེ།།
སྔོ་ལོ་ལངས་ནས་འཕྱར་བ་འདྲ།།
མི་གཅིག་མི་ཐུབ་སྟོང་ལ་འགྲན།།
དོན་གཅིག་མི་ཤེས་སྨྲ་བ་བརྒྱ།།
མི་རུལ་ཉར་བ་ལས།།
ཡིག་རུལ་ཉར་ན་དགའ།།
མི་ཆུང་གིས་ས་མཐའ་བསྐོར་མི་ཐུབ།།
བྱ་ཆུང་གིས་ནམ་འཕང་གཅོད་མི་ཐུབ།།
མི་རྣམས་ཐམས་ཅད་ཕྱུག་པོའི་བུ་ལ་དགའ།།
གཏམ་རྣམས་ཐམས་ཅད་འདོད་པའི་ཕྱོགས་སུ་འགྲོ།།
མི་འདྲ་ཡང་སེམས་མི་འདྲ།།
རྟ་འདྲ་ཡང་གོམ་མི་འདྲ།།
མི་མི་ཚོད་མ་ཟིན་གདོན་འདྲེར་འགྱུར།།
གཏམ་དྲང་གཏམ་ལན་ལ་རྫུན་གཏམ་སྨྲ།།
མི་བཟང་ས་སྟེང་གྲགས།།
ཟས་བཟང་དྲི་མ་ཞིམ།།
མི་ཐོག་ལ་ནམ་ལངས།།
རང་ཐོག་ལ་ས་རུབ།།
མི་རྒན་གྱིས་བུ་མོར་བུ་ལས་གཅེས།།
བུ་མོས་མི་རྒན་རོ་ལས་ལོད།།
མི་ཕོ་རྒས་ན་ཁྲིམས་ར།།
མཛོ་ཕོ་རྒས་ན་བཤས་ར།།
མི་ཕར་བསད་སྟོང་ཚུར་ལེན།།
མི་དང་མི་བསྡུར་ན་ཁོང་ཁྲོའི་རྒྱུ།།
ཟོག་དང་ཟོག་བསྡུར་ན་དོར་བའི་རྒྱུ།།
མི་མ་ཤི་ན་བློ་མི་ཟད།།
བྱ་མ་ཤི་ན་ཚང་མི་འཐོར།།
མི་བཟང་པོའི་སེམས་པ་གསེར་དང་འདྲ།།
གསེར་བཟང་པོའི་ཁ་དོག་འགྱུར་བ་མེད།།
མི་བློ་བཟང་པོ་མི་ལ་བཀལ།།
ཇ་ལོ་བཟང་པོ་ཇ་ལ་བཀལ།།
མི་མིང་ཅན་དང་རྟ་གདོང་ཅན།།
མི་སྡོད་མགྲོན་པོ་ཐོན་ན་དགའ།།
མི་དྲག་ནད་པ་ཤི་ན་དགའ།།
མི་ལ་ཁྱད་པར་འབུམ་མེད་ན།།
མི་ཡི་དཔོན་པོ་སུ་ཡིས་བྱེད།།
མི་དྲང་ན་དཔོན་དང་།།
ཤིང་དྲང་ན་རྒྱ་མ།།
མི་ལ་དབང་དགོས།།
དབང་ལ་ཚོད་དགོས།།
མི་ལ་དབང་མེད་ན།།
གཏམ་ལ་དྲོད་མེད།།
མི་ཆེན་པོས་ཆུང་གླུ་མ་ལེན།།
རྟ་རྒོད་མས་རྟེའུ་འགྲོས་མ་རྒྱག།
མི་ཆུང་ཡང་དོན་གོ།
རྟ་ཆུང་ཡང་བང་ཤེས།།
མི་ཆེན་མགོ་ལ་སྤུ་དང་།།
རི་ཆེན་གྱི་མགོ་ལ་རྩྭ།།
མི་སྤྱང་པོ་དང་མགོ་སྟོང་ནོར་ས་ཡོད།།
དྲང་པོ་དང་གླེན་པ་ནོར་ས་ཡོད།།
མི་རྒན་ཁྱི་རྒན་རྟ་རྒན་གསུམ།།
བྱས་པ་ཆེ་ཡང་ཀུན་གྱིས་ལྡང་།།
མི་སྙོམས་ཆུང་སྡོད་ས་སྒོ་རྒྱབ་དང་།།
གཡག་ཨ་ཡུ་སྡོད་ས་གདང་གཞུག་རེད།།
མི་གཉིས་བར་གྱི་དཔང་པོ།།
རྒྱ་བོད་གཉིས་ཀྱི་ལོ་ཙྰ།།
མི་རྒྱུས་ཡོད་ཀྱིས་གཏམ་རྒྱུས་མེད་བཤད།།
མི་ངན་གྱི་ཁོག་པ་གཡོ་སྒྱུས་ཁེངས།།
དུང་དཀར་གྱི་ཁོག་པ་འབུ་ཡིས་ཁེངས།།
མི་ངན་གྲལ་འགོར་བཞག་ན།།
རྫུན་གྱི་འཁོར་ལོ་བསྐོར།།
མི་ངན་ལ་དབང་སྤྲད་ན།།
བསྟན་པ་འགོ་ནས་བཤིག།
མི་ངན་ཁྲམ་པའི་གཡོ་སྒྱུས།།
ཡུམ་མི་བཟང་པོ་ཁྲིམས་ལ་སྤྱར།།
མི་ནག་མེད་ལ་ནག་དང་།།
རྡོ་ཟུར་མེད་ལ་ཟུར།།
མི་ཐུབ་ཁྲ་ལ་འཛིངས་ན།།
ནམ་མཁར་བྱ་སྤུས་འགེངས།།
མི་ཐུབ་དགྲ་ལ་འཛིངས་ན།།
རང་སྲོག་རླུང་ལ་བསྐྱུར།།
མི་བྱེད་དགུ་བྱེད་བྱས་ན།།
མི་ཡོང་དགུ་ཡོང་ཡོང་།།
མི་བློ་ཉེས་ཁ་འཚུབ་ཡར་ཡར།།
རྟ་བློ་ཉེས་ཁ་འཚུབ་ཡར་ཡར།།
མི་འདོད་ཐོག་ལ་བབས།།
འདོད་པ་བཙལ་ཀྱང་མ་རྙེད།།
མི་རིགས་པའི་རྩྭ་བཟས།།
གད་པའི་བར་གྱི་ཆུ་བཏུངས།།
མི་ཉན་པ་ལ་ཁ་ཏ་བྱས་པ་ལས།།
ཀོ་བ་སྐམ་པོ་ལག་པས་མཉེས་པ་དགའ།།
མི་འགྲོ་སྣ་ལ་སྣ་འཇུ་དང་།།
ཉན་པའི་རྣ་རྒྱན་ཆ་འདོགས་དགོས།།
འགྲོ་ན་ཨ་མས་མི་གཏོང་།།
མི་འགྲོ་ཨ་ཕས་མི་ཉན།།
མི་ནས་ཀྱིས་གསོ།།
ཕྱུགས་སྲན་གྱིས་གསོ།།
མི་སྐྱིད་སར་མི་སྡོད།།
ར་བདེ་སར་མི་སྡོད།།
མི་ཡུལ་ལ་གོས་དང་།།
རང་ཡུལ་ལ་ལྟོ།།
མི་ལ་དགའ་སྡུག་ཅི་བྱུང་མདོག་ནས་ཤེས།།
མི་འུ་ཐུག་གིས་ལྷར་དྲིས།།
ལྷ་འུ་ཐུག་གིས་རྫུན་བཤད།།
མི་ལྟོགས་ཁོག་པར་མེ་འབར་ན།།
རྒྱལ་པོའི་ཁྲིམས་ལ་ཡ་ང་མེད།།
མི་ལ་མར་མེད་པར།།
ལྷ་ལ་མཆོད་མེ་ག་ནས་ཡོང་།།
མི་ཟ་མི་འཐུང་ཁ་ལ་མེད།།
ཨ་རུ་ཨ་རུ་རྒྱུན་མི་ཆད།།
མི་ནད་ཐམས་ཅད་བཟས་ནད་ཡིན།།
རྟ་ནད་ཐམས་ཅད་རྒྱུགས་ནད་ཡིན།།
མི་རྒྱུ་ཟ་བར་ལྕགས་ཀྱི་འགྲམ་པ་དགོས།།
མི་ལ་རེ་བའི་ཇ་ཆང་ལས།།
རང་གི་རྩྭ་རྐྱང་ཆུ་རྐྱང་ཞིམ།།
མི་རོ་སྐམ་པོ་ཆུ་ལ་སྦངས་ཏེ།།
ལོ་རྒན་དྲུག་ཅུའི་རྩིས་རྒྱག།
མི་དེ་ལ་མི་རེ་མེད།།
ལམ་དེ་ལ་མི་འགྲོ་མེད།།
མི་ནག་བརྟེན་ས་སྤུ་ནག།
སྤུ་ནག་བརྟེན་ས་སྤང་འགོ།
མི་ལ་ཉོག་སློང་།།
ཕྱུགས་ལ་མུན་སློང་།།
མི་རྒྱུ་ལ་མི་དགའ་བ་དང་།།
ཁྱི་ཁྲག་ལ་མི་དགའ་བ་མེད།།
མི་རྒྱུ་དང་བྲལ་ན་སྤྲང་པོ་དང་།།
མདའ་སྒྲོ་དང་བྲལ་ན་དབྱུག་པ་རེད།།
མི་ལ་ངོ་ཚ་མེད་ན་ཁྱི་དང་འདྲ།།
ཁྱི་ལ་མཇུག་མ་མེད་ན་འདྲེ་དང་འདྲ།།
མི་ཤེས་ཤེས་ཁུལ་བྱེད་པ་དེ།།
ཀུན་གྱིས་སྨོད་པའི་མི་རུ་འགྱུར།།
མི་ཤེས་བརྒྱ་ཡི་གྲོས་འགོ་ལས།།
ཤེས་པའི་སྐད་ཆ་ཚིག་གཅིག་དགའ།།
མི་རྙོབ་བཏེགས་བཏེགས་བྱས་ནས།།
ལྷམ་ཆུང་ཟ་ཁང་བྲལ་ཡོང་།།
མི་འཇོན་ཞུམ་བུས་སྣུམ་བལྡགས།།
མགོ་ལ་རལ་པ་དགུ་ཆགས།།
མི་འགྲུབ་ཁས་ལེན་བྱས་ན།།
བདེ་བའི་གནས་སུ་མི་འཇོག།
མི་ལ་འོག་ཏུ་སོང་ཡང་།།
གཏམ་ས་སྟེང་དུ་ལུས།།
མི་ཡིས་བལྟས་ན་འཁྲིད་ཡོད་བསམ།།
རྟ་ཡིས་བལྟས་ན་འཁུར་ཡོད་བསམ།།
མི་ཡི་དཀྱིལ་དུ་ཟོག་འདྲ་བ།།
ཟོག་གི་དཀྱིལ་དུ་མི་འདྲ་བ།།
མི་ཡི་རྫི་ནི་ཁ་ལ་ཡོད།།
ཁྱི་ཡི་རྫི་ནི་སྣ་ལ་ཡོད།།
མི་ལ་གནོད་པའི་གཏམ་དང་།།
རང་ལ་གནོད་པའི་ཟས།།
མི་ལ་འཕྱ་གསུམ་འཕྱ་བ་ལ།།
རང་ལ་འཛོམ་གསུམ་འཛོམས་པ་དགོས།།
མི་ལ་མི་དགོས་བརྒྱབ་འདྲེ་དང་།།
ཤིང་ལ་མི་དགོས་འཛེར་པ་དང་།།
མི་དམངས་དཀྱིལ་དུ་གཏམ་ཞིག་བཏང་།།
གནོང་ཡོད་གཅིག་གིས་ཧག་སེ་བསྒྲུགས།།
མི་གཉིས་བར་ལ་རྫ་དང་།།
རྟ་གཉིས་བར་ལ་སྒ།།
མི་འདྲིས་ན་སྐྱོན་མཐོང་།།
ཟོག་འདྲིས་ན་དྲི་ཞིམ།།
མི་གཡོ་ཅན་གྱིས་རང་སྐྱོན་སྔོན་ལ་ལེན།།
མི་གཡོ་ཅན་གྱིས་ཉི་མ་རྒྱབ་ནས་བསྲོ།།
མི་ལུས་ལེན་ཁར་ཁྱི་ལུས་ལེན།།
ཤི་དམྱལ་བར་འགྲོ་ཁར་དཔོན་ལུས་ལེན།།
མི་ཚེ་ཁོ་ནི་བརྒྱུད་བཞི་ཟིན་པ་འགོར།།
ང་ལ་སྨན་པའི་རྒྱལ་པོ་ག་དུས་ཡོང་།།
མི་གོ་བ་ཅན་ལ་ཤོད་ཤེད་དང་།།
ཤིང་ཡལ་ག་ཅན་ལ་འཛེག་ཤེད།།
མི་ཚེ་རི་ལ་བསྐྱལ།།
རི་དྭགས་ངོ་མི་ཤེས།།
མི་ང་རང་ངན་དེ་བླ་མ་བཟང་།།
ཤིང་གྲོ་བ་ངན་དེ་གྲོ་ལོ་བཟང་།།
མི་ལོ་ལོན་ཀྱང་བསམ་པ་ལོ་ལོན་མེད།།
སྔོ་ལོ་ལོན་ཀྱང་རྩ་བ་ལོ་ལོན་མེད།།
མིའི་ལས་ཟློས་ཁྱིས་བྱས།།
ཁྱིའི་གཞུ་གུ་མེ་བསྲག་ཐེབས།།
མི་ཧྲེང་རྟ་ཕོའི་མགྱོགས་བུལ་དེ།།
ལམ་འཕྲང་དོག་ན་རྐང་ཐང་མགྱོགས།།
མིའི་སྒལ་པ་ལེབ་ལེབ།།
མི་སྐྱོན་ཤོད་དགོས།།
ཤིང་སྐྱོན་གཞོག་དགོས།།
མིའི་འཚེམ་བུས་རང་གི་ཁབ་བཅག།
མིའི་འཚེམ་བུས་རང་གི་ཁབ་བཅག།
མིའི་ལུང་པར་ཁྱིའི་རྒྱུ་མ།།
མིའི་སྒོ་རར་རང་གི་ཁྱི།།
མིས་རྐྱེན་མི་འདོད་ཀྱང་།།
རྐྱེན་གྱིས་མི་མི་འཇོག།
མིས་གང་བཤད་ལ་མི་ཉོན།།
མིས་གང་བྱེད་ལ་བལྟ་དགོས།།
མིས་བཤད་ཚད་གཏམ་མིན།།
བྱིའུས་སྒྲུག་ཚད་འབུ་མིན།།
མིས་མི་ཐེག་གཏམ་དང་།།
ཆུས་མི་མི་ཐེག་རྡོ།།
མིས་མི་ཟ་གནའ་དང་།།
ཁྱིས་མི་ཟ་ལྕགས།།
མིག་མེད་པའི་ལོང་བ་ཐང་གང་རེད།།
གཏམ་མི་ཤེས་ལྐུགས་པ་ཁྱུ་གཅིག་རེད།།
མིག་རྒྱང་ཐོ་གང་དང་།།
བསམ་རྒྱུ་སེན་མོ་ཙམ།།
མིག་གཡས་གཡོན་ཆེ་ཆུང་དང་།།
འགྲམ་པ་གཡས་གཡོན་ལ་ཞིམ་མངར།།
མིག་གི་མ་ཆོད་ན།།
གདོང་གི་སེར་ཁ་ཡིན།།
མིག་མང་རྡོ་དེ་ཉིས་གཤིབས་ལ།།
གླང་ཆེན་དར་མའི་སྲོག་མཁར་གནས།།
མིག་ཆེ་ཡང་ལམ་མི་མཐོང་།།
ཁ་ཆེ་ཡང་གཟན་མི་རག།
མིག་དང་གྲོད་པ་གཉིས་ལ་ཁེངས་རྒྱུ་མེད།།
མིག་ལྟོས་ངན་པས་རྒྱལ་ཁམས་བརླགས།།
མིག་ལྡན་ཡང་དམ་པ་ངོ་མི་ཤེས།།
མིག་ནང་གི་གྲ་མ་དང་།།
ཤ་ནང་གི་ཚེར་མ།།
མིག་ན་དགོས་ལག་པས་བཟོས།།
མིག་རྩར་བལྟས་ནས་རྭ་རྩར་ཁྲག།
མིང་ཕ་མས་བཏགས་ཀྱང་།།
མིང་གྲགས་རང་གིས་རྩོམ་རྒྱུ།།
མིན་ལེ་མི་ཡིས་བྱས་ན།།
ཡིན་ལེ་རང་གིས་བྱེད་དགོས།།
མིག་ལས་གསལ་བའི་བཞུ་མར།།
དགོས་དོན་མ་མཆིས།།
མིག་མ་དགོས་ལྟ་ཁུང་མི་བལྟ།།
མིག་ཡོད་ནས་གཡང་དུ་མ་མཆོངས།།
ཤེས་བཞིན་དུ་དུག་མ་བཟོས།།
མིག་མེད་ན་པདྨའི་ལུང་སྟོང་།།
མིག་ལོག་སྐར་མདའ་འཁྱུག་འཁྱུག་རེད།།
སོ་སྒྲ་ནས་ཁྲ་འགམ་འགམ་རེད།།
མིག་མེད་ན་ལིང་ཏོག་རེད།།
སོ་མེད་ན་སྲིན་འབུ་མེད།།
མིག་གིས་མཐོང་བ་དང་།།
ལག་གིས་བཟུང་ཐུབ་པ།།
མིག་མང་གཡོ་སྒྱུ་ག་ཚོད་ཆེ་ཡང་།།
མིག་ལྡན་སྐྱེས་བུའི་སྣང་བ་འཕྲུལ་མི་ཐུབ།།
མུ་གེའི་སྟེང་ལ་ཟླ་ལྷག་དང་།།
ཟ་རོའི་སྒང་ལ་ཁ་ཀྱོག།
མུག་མགོ་སྐམ་པོ་ནས།།
མུག་ལྕེ་རློན་པ་བརྐྱངས།།
མུན་པ་ནག་པོའི་ཇ་ཆང་ལས།།
སྲང་ལམ་བདེ་པོའི་གླུ་དབྱངས་སྐྱིད།།
མུན་ནག་ལ་མདའ་འཕེན།།
རྒྱ་མཚོ་ལ་རྡོ་གཡུག།
མུས་འགྲོ་མ་དགོས་པར།།
མདོག་ལྷ་རིའི་རྩེ་ནས་མཐོང་།།
མེ་དང་ཉི་མ་དྲོ།།
ཕ་མ་འཛོམས་ན་སྐྱིད།།
མེ་ཏོག་འདམ་ལ་སྐྱེས་ཀྱང་མཆོད་པའི་རྫས།།
མེ་ཏོག་དྲི་བསུང་འཐུལ་ན།།
བུང་བ་ལས་ཀྱིས་འཁོར།།
མེ་ཏོག་ལྷ་ལ་ཕུལ།།
ཡུ་བ་རང་གིས་བཟུང་།།
མེ་ཏོག་སད་ཀྱིས་ཁྱེར་ན།།
འབྲས་བུའི་རེ་བ་མེད།།
མེ་ཏོག་སེར་ཆེན་སྤང་གི་རྒྱན།།
མཛའ་མཐུན་འགོ་དཔོན་དམངས་ཀྱི་རྒྱན།།
མེ་ཏོག་ནང་གི་གེ་སར།།
ཤེལ་སྒྲོམ་ནང་གི་ཞལ་ཏོག།
མེ་དུ་བ་མེད་པར་གཏོང་མི་ཤེས།།
ཆུ་རླངས་པ་མེད་པར་སྐོལ་མི་ཤེས།།
མེ་མེད་ན་འཚིག་དོན་མེད།།
ཆུ་མེད་ན་འཁྱེར་དོན་མེད།།
མེ་སྟག་ཆུང་དུས་མ་བསད་ན།།
ནགས་རི་མེ་ལ་ཤོད་ཉེན་ཡོད།།
མེ་རྡོག་སྟེང་ལ་ཚྭ་རྡོག།
མེ་ཏོག་ཡོད་ན་ཡུལ་ལྗོངས་མཛེས།།
ཤེས་ཡོན་ཡོད་ན་མི་བློར་མཛེས།།
མེ་ལོང་ནང་གི་གཟུགས་བརྙན།།
ཤེལ་ཀོའི་ནང་གི་མོག་མོག།
མེ་ཏོག་འདོད་པས་ཆུ་ལ་འབབ་ཀྱང་།།
ཆུ་བོས་དེ་དང་ལྡོག་ནས་གཞུང་དུ་ཁྱེར།།
མེ་འཁོར་སྐྱོད་པར་མགོ།།
མངའ་འབངས་ཁྲིད་པར་དཔོན།།
མེ་ཤིང་མང་ཙམ་བརྒྱབ་ན་མེ་ཤུགས་ཆེ།།
ལུད་མང་ཙམ་བརྒྱབ་ན་ལོ་ཏོག་བཟང་།།
མེ་ཏོག་མཛེས་པ་ལས།།
དྲི་མ་ཞིམ་པ་དགའ།།
མེ་འབར་བའི་སྟེང་དུ་ཤིང་གཤགས་པ།།
མེ་ལ་རྩེད་མོ་རྩེ་བ་དེ།།
རང་ཉིད་འཚིག་པའི་སྔ་ལྟས་ཡིན།།
མེ་ཁག་ཁག།
དུ་བ་སོ་སོ།།
མེ་དུ་བ་ཅན་དེ་དྲོ།།
ཆུ་རླངས་ཅན་དེ་གྲང་།།
ཟས་རླངས་པ་ཅན་དེ་ཞིམ།།
མེ་དམར་པོ་བུད་ནས་ལོ་གསུམ་སོང་།།
དུ་བ་སྔོ་མོ་ནམ་ཐོན་ངས་མི་ཤེས།།
མེ་གཏོང་སར་ས་འཚིག་པ་དགོས།།
མེ་རང་ཤི་དང་དུ་བ་རང་ཡལ།།
མེ་དང་ཆུ་དང་རྒྱལ་པོའི་སྲས།།
ཆུང་ཡང་བརྙས་བཅོས་འགྲོ་ས་མེད།།
མེ་མདའ་སྦོ་རག་ལ།།
མི་སྦོ་རག་དགོས།།
མེད་པར་ཁྱེར་ཤོག་དང་།།
གཤིན་པོར་ལོངས་ཤོག་བྱས་པས་མ་འཐུས།།
མེད་པ་མི་ཡུལ་ནས་བཙལ།།
གླ་བ་བྲག་གསེབ་ནས་འཚོལ།།
མོ་ངན་ཁ་དང་ཕོ་ངན་ལག།
མྱུ་གུའི་སོལ་བས་ལྕགས་མི་བཞུ།།
དམག་ཁས་ལེན།།
མདུང་སྐེད་པར་གཟེར།།
དམག་དང་སེར་བ་རྒྱང་གྲགས་ཚ།།
དམག་དཔོན་མང་ན་དམག་ཇུས་ཉེས།།
དམག་རྟ་རྒས་པོ་མེ་མདར་མི་འདྲོག།
དམངས་སྡུག་ལ་སྦྱར།།
རྒྱུ་གར་སོང་མེད།།
དམའ་ས་ནས་མཐོ་ཚོད་ཐིག།
ཕྲ་ས་ནས་སྦོམ་ཚོད་ཐིག།
དམའ་ས་བཟུང་བའི་མི་ལ་དགའ་མཁན་མང་།།
དེ་འདྲའི་མི་ལ་ཕུགས་ནས་ཕན་མཁན་མང་།།
དམའ་ལ་སྡང་སེམས་མ་བྱེད།།
མཐོ་ལ་འགྲན་ཟླ་མ་བྱེད།།
དམའ་ཉེ་བས་བཅག།
ལྷ་དཀོན་གཉེར་གྱིས་བརྡུངས།།
དམའ་འབེབས་ཁར་སྣང་བ་མཐོ།།
ནུས་ཤོར་ཁར་བྱ་བྱེད་མང་།།
དམར་པོ་མེ་ཡིས་མ་དྲོས་ན།།
གོ་གསུམ་ཐལ་བས་ག་ལ་དྲོས།།
དམྱལ་བ་མ་མཐོང་ན།།
སངས་རྒྱས་ཡིད་མི་ཆེས།།
དམྱལ་བའི་ཕྲང་དུ་སོང་ཚར་ན།།
གསེར་དངུལ་ལམ་ཁའི་བཀག་རྡོ་ཡིན།།
རྨ་ཆེ་ན་བཅོས་བདེ།།
རལ་ཆེ་ན་སྒྲོག་བདེ།།
རྨ་ཁ་ལ་ཕན་ན།།
ཁྱི་ཚིལ་ཡིན་ཡང་བྱུགས།།
རྨ་བྱ་དང་ཁྭ་ཏ་མཉམ་དུ་འགྲོགས་མི་སྲིད།།
གླང་ཆེན་དང་བ་གླང་མཉམ་དུ་སྡེབ་མི་སྲིད།།
རྨ་བྱ་རང་མགོ་མ་ཐོན་པར།།
རྒྱལ་མོའི་བསིལ་གཡབ་ཕར་བཞག་རེད།།
རྨ་བྱར་ངོམ་རྒྱུ་སྒྲོ་མདོངས།།
ནེ་ཙོར་ངོམ་རྒྱུ་ཡིག་དྲུག།
སྤྲེའུར་ངོམ་རྒྱུ་རྐུབ།།
རྨ་འོག་ཏུ་གཏམ་ཤི།།
རོ་འོག་ཏུ་རྨ་ཤི།།
རྨ་ཆུ་བརྒལ་མཁན་མ་འཇིགས་པར།།
ཆུ་ཁར་འདུག་མི་འཇིགས་དོན་མེད།།
རྨང་རྡོ་བརླན་ན།།
ཆར་པ་འབབ་པའི་རྟག།
རྨར་ཡག་སྟག་གི་མཇུག་མ་ལ།།
ཐོག་མ་ཉིད་ནས་འཆང་རྒྱུ་མེད།།
བཅངས་ནས་གློད་ན་རང་སྲོག་འཕུང།།
སྨ་རས་ཐག་པ་དང་།།
སྤེན་མས་མདའ་མི་ཉན།།
སྨན་རོ་ཁ་རུང་ནད་ལ་ཕན།།
སྙིང་གཏམ་རྩུབ་རུང་མི་ལ་ཕན།།
རྨ་བྱས་དབྱར་རྔ་ཐོས་པའི་སྤྲོ་སྣང་།།
རྨ་ཆུའི་སྦུག་ལ་རྨ་རྒྱལ།།
རྭ་ཅོའི་སྦུག་ལ་རུ་ཅོ།།
རྨ་བྱ་གཞུ་གུ་བཀོག་ནས་སྟབས་བདེ་རུ་སོང་།།
སྨན་བཟང་རོ་ཁ་ནད་ལ་ཕན།།
གཏམ་བཟང་སྣ་བསུན་སྤྱོད་པར་ཕན།།
སྨན་པ་དོར་བའི་ནད་པ་དེར།།
སྨན་བཟང་རྙེད་པ་ག་ལ་སྲིད།།
སྨན་ཆེན་ཁས་བླངས།།
དུག་ཆེན་སོས་ཐེག།
སྨན་ཁུག་ནང་ལ་དུག་དང་།།
ར་ཚང་ནང་དུ་གཟིག།
སྨན་སྦྱོར་ཉེས་ན་དུག་ཏུ་འགྱུར།།
དུག་ནུས་ཤེས་ན་སྨན་དུ་འགྱུར།།
སྨུག་པ་ལངས་ས་མཚོ་ནས་ལངས།།
མཚོ་མེད་ན་སྨུག་པ་ལངས་དོན་མེད།།
སྨུག་ཆུང་དྲེལ་གྱི་ཁལ་དེ།།
ཁ་དཀར་རྐྱང་ལ་འགན་དཀྲིས།།
སྨྱོན་པ་སྨྱོ་བ་མ་རེད།།
གྲོད་ཁོག་སྨྱོ་བ་རེད།།
སྨྱོན་པ་སྨྱོ་བ་མ་རེད།།
སྨྱོན་པར་ཁ་ཡ་བྱེད་མཁན་སྨྱོ་བ་རེད།།
སྨྲ་མཁན་ནེ་ཙོར་དཔེ་མ་བྱེད།།
རང་གི་སྙན་གྲགས་ཉམས་པ་ཡིན།།
ཙ།
ཙ་རིའི་ལམ་མ་ཤོད།།
ཙ་རིའི་གནས་ཤོད།།
ཙ་རིའི་གནས་བཤད་བཏང་ན།།
འགྲུལ་པ་ལམ་འགོར་བཟོས་ཡོང་།།
ཙ་རི་བསྐོར་བའི་སྙན་གྲགས་མེད་པར།།
དགོན་གཡག་བརྐུས་པའི་མི་ཁ།།
ཙནྡན་གྱི་གུ་ཡོག།
གོས་ཆེན་གྱི་ཐབ་ཕྱིས།།
ཙི་ཙི་མ་མས་གྲོས་བྱས་ཏེ།།
ཞུམ་བུའི་སྐེ་ལ་གཡེར་ན་གཡོགས།།
ཙི་ཙིས་ཞིམ་མིར་མཆོངས་ནས།།
རང་སྲོག་རང་གིས་གཅོད་པ།།
ཙི་ཙིས་རམ་པ་ཟ་བར་ཟ་ལུགས་དང་།།
ཨབ་ར་ཐང་ལ་རྒྱུག་པར་རྒྱུག་ལུགས།།
ཙི་ཙི་སྐུ་རྩེད་རྐྱལ་པའི་མཐིལ་ལ་གཟན།།
ཙི་ཙི་ཞུམ་བུ་མེད་པའི་གུ་ཡངས།།
གཙང་ཆུ་རྒྱས་དང་མ་རྒྱས་སྒོ་འགྲམ་ཡུར་བུས་ཤེས།།
གཙང་ཆུ་ཐོན་རྗེས།།
ཀོ་དཔོན་གྱི་ཅི་བྱེད།།
གཙང་ཆུར་ཐར་ནས་མེད་པར།།
ཡུར་ཆུར་མི་ཐར་བ་མེད།།
གཙང་མའི་ཆུ་འགོ་སྲིད་པའི་གངས་ལ་ཐུག།
གཙབ་གདན་རྡོ་ལ་བྱས་ན།།
སྐུ་གྱོང་ལྕགས་ལ་ཕོག།
བཙག་དང་བསྡེབས་ན་དམར།།
རམ་དང་བསྡེབས་ན་སྔོ།།
བཙན་པོས་ངོ་ལ་བལྟ།།
ཕྲུག་པོས་རྒྱུ་ལ་བལྟ།།
བཙན་པོ་ལ་རྒྱ་མ་ཤོར་བ་དང་།།
སྙོམས་ཆུང་སྒོ་རྒྱབ་ཏུ་མ་ལུས་པ།།
བཙན་པོའི་གཉར་གནོན་དང་།།
ཉམ་ཆུང་གི་ཕ་མ།།
བཙན་ཤེད་ཚོད་མེད་དང་།།
རྡོ་ཐོག་ཕུར་འཛུགས།།
བཙོག་པ་རྐུབ་ཁར་སླེབས་དུས།།
མི་གཏམ་རྣ་བར་མི་ཡོང་།།
བཙོག་པ་གཏང་སར་མེ་མདའ་ལུས།།
བཙོངས་པ་བརླགས་པ་ཡིན།།
ཉོས་པ་རྙེད་པ་ཡིན།།
བཙོ་བ་ཐམས་ཅད་ཤ་མིན།།
བཤད་པ་ཐམས་ཅད་བདེན་པ་མིན།།
རྩ་བ་སྨན་ཡིན་ན།།
ཡལ་ག་དུག་ཡིན་མི་སྲིད།།
རྩ་ཚིག་རིན་པོ་ཆེ་བར་སྒོ་ཀཎིར་བཞུགས།།
ཨོ་ལོས་གཙང་སྟོད་ཕྱོགས་ལ་གྲོ་ཡོས་བརྔོ།།
རྩྭ་ཁ་མཐོ་ལ་ཆུ་ཁ་དམའ།།
མཛོ་རྒན་སྡོད་པའི་གནས་མ་ཡིན།།
རྩྭ་སྔོན་སྤང་གི་རྒྱན།།
ཡོན་ཏན་མི་ཡི་རྒྱན།།
རྩྭ་བཟང་ལ་རི་དྭགས་དང་།།
ཆུ་བཟང་ལ་ཁྲུང་ཁྲུང་།།
རྩྭ་ངན་ལ་རྫོགས་དུས་མེད།།
མི་ངན་ལ་ཤི་དུས་མེད།།
རྩྭ་རལ་པ་ཅན་ལ་འགྲོ་འགྲོ།།
ཟ་རལ་པ་ཅན་ལ་འགྲོ་ས་མེད།།
རྩྭ་ཉི་ནས་བཟས།།
ལྕི་བ་སྲིབ་ཏུ་བཏང་།།
རྩྭ་སྤང་རི་ནས་བཟས།།
ལྕི་བ་རྫ་རི་ལ་བཏང་།།
རྩམ་པ་འགམ་རྒྱུ་དང་།།
གླིང་བུ་གཏོང་རྒྱུ།།
རྩམ་འདྲེས་མར་ཁུ་དང་།།
མར་འདྲེས་དྲི་ངན།།
རྩམ་པ་རང་གིས་བཟས།།
ལག་པ་གཞན་ལ་ཕྱིས།།
རྩམ་པ་ཐང་ཁུག་གང་ལ།།
གེགས་བར་ཐང་ཁུག་གང་།།
རྩམ་པའི་ཁག་ཐེག་རྡུལ་གྱིས་བྱས།།
ལྷགས་པས་ཁྱེར་ན་འཁྱེར་མཉམ་མེད།།
རྩམ་པ་མེད་ན་ཚོགས་གཏོང་།།
དངུལ་མེད་ན་འགྱེད་རྒྱོབ།།
རྩལ་མེད་རྟ་ལ་དགའ་ན་རྐང་ལག་ཆག།
རྒྱུ་མེད་འགྲོན་ལ་དགའ་ན་སྤྲང་པོ་བཟོ།།
རྩིག་ཟུར་ནས་འཛུལ་ཡང་།།
རྐང་མཐིལ་ནས་ངོ་ཤེས།།
རྩིད་སྐུད་ཀྱིས་གཡག་རོ་འདྲུད་པ།།
རྩིད་རྐང་གཅིག་གིས་ཐག་པ་མི་ཡོང་།།
མི་གཅིག་གིས་དམག་མི་འཇོན།།
རྩིས་འགོ་དམ།།
རྩིས་མཇུག་ལྷོད།།
རྩིས་པའི་བ་བརླགས།།
ཨེམ་རྗེའི་མ་གྲོངས།།
རྩུབ་པོ་ཤིང་ལ་མི་འགྲོ།།
འཇམ་པོ་བལ་ལ་མི་འགྲོ།
རྩེ་མོ་སྐམ་པ་མ་གཏོགས་རྩ་བ་རུལ་བ་མིན།།
རྩེད་མོ་རྩེས་ནས་རྩེད་ཁག་མ་འཁྱོག་ན།།
རྒྱུ་མ་པང་ཁ་ལུག་ཀྱང་བཟོས་ཐབས་མེད།།
རྩོལ་བ་བྱས་ན་ནོར་ཟོག་ལྡན།།
ལེ་ལོའི་རྗེས་ལ་ཡོང་རྒྱུ་མེད།།
བརྩེ་གདུང་ཟབ་ལ་རྫུན་མེད་ན།།
ཕ་བོང་རྡོ་ལྟར་སེམས་མི་འགྱུར།།
བརྩེ་དུང་སྟོང་སྐུད་ཀྱི་མདུད་པ།།
སེམས་མཐུན་དར་དཀར་གྱི་ཡུག།
བརྩོན་འགྲུས་ཆེ་དང་ལྡན་གྱུར་ན།།
མཇུག་ཏུ་བྱ་བ་འགྱུབ་པར་འགྱུར།།
བརྩོན་འགྲུས་ཅན་གྱིས་རྡོ་ལ་ཨི་ཁུང་འབིགས།།
བརྩོན་འགྲུས་ཅན་གྱིས་ལས་ཀ་བསམ།།
ལེ་ལོ་ཅན་གྱིས་བཟའ་བཏུང་བསམ།།
བརྩོན་འགྲུས་དག་དང་བྲལ་གྱུར་ན།།
དོན་ཆུང་ཡིན་ཀྱང་འགྲུབ་པར་དཀའ།།
བརྩོན་འགྲུས་ཅན་ལ་ཤེས་བྱས་ཕྱུག།
ལེ་ལོ་ཅན་ལ་གཉིད་ཀྱིས་ཕྱུག།
ཚ།
ཚ་པོ་འཁྱེར་ཤོག་ཟེར་དུས་རླངས་པ་འཕྱུར་འཕྱུར།།
གྲང་མོ་འཁྱེར་ཤོག་ཟེར་དུས་འཁྱག་པ་སིལ་སིལ།།
ཚ་དགོས་པའི་རྨ་ཁ་མ་དབྲལ་ན།།
ཟུག་གནག་པའི་ན་ཚ་དྲག་མི་ཐུབ།།
ཚ་བོ་འཚར་ན་ཞང་པོའི་བདུད།།
སྐྱ་ཁྲུག་འཚར་ན་མ་མིག་བརྐོ།།
ཚ་བ་རི་ཐང་མཚམས་སུ་སླེབས་དུས།།
ཨེམ་ཆི་ཁྲ་འདྲ་དགོས།།
ཚ་ན་རོ་ཚོད་མ་ཟིན་ན།།
ཉ་ན་རོ་ཉོས་ཡོང་ངོ་།།
ཚག་ཟེར་མ་ཐག།
ཚིག་ཟེར་དགོས་མེད།།
ཚང་མའི་བློ་སེམས་མཐུན་ན།།
ས་ནག་ཡིན་ཀྱང་གསེར་ལ་གྱུར།།
ཚྭ་ཡ་བལ་གྱིས་མ་དོ་ན།།
བལ་དོ་ཆུ་ལ་སྦོངས།།
ཚིག་གསུམ་ཤེས་པའི་དགེ་རྒན་དང་།།
ལོ་གསུམ་སོང་པའི་བསླབ་རྒན་མེད།།
ཚིག་རྩུབ་སྨྲ་བའི་གྲོགས་པོ་དེ།།
ཤ་ཚ་སྙིང་ནས་བྱེད་པའི་རྟགས།།
ཚིག་ཡར་བཤད་དཔོན་པོའི་མདུན།།
མདའ་ཡར་འཕེན་བྲག་དམར་ལྡེབས།།
ཚིག་ངན་བཤད་དེ་སྨད་ར་མ་གཏོང་།།
རྒྱུག་པ་ཁྱེར་ཏེ་ཁྱི་མ་རྡུངས།།
ཚིག་ཨ་དེ་ཡག་སྟེ་ཨོམ་དེ་ངན།།
བྱ་དཀར་དར་ཡག་སྟེ་མཇུག་མ་ནག།
ཚིག་རྩ་བ་ཅན་ལ་ཉན་རྒྱུ་ཡོད།།
བ་གུ་མ་ཅན་ལ་བཞོ་རྒྱུ་ཡོད།།
ཚིག་ཁ་ཤོར་རྟ་ཡིས་མ་ཆོད།།
མདའ་སྟོང་ཤོར་ལག་པས་མི་ཟིན།།
ཚིག་སྙན་པོ་མགྲིན་པའི་ལམ་ནས་བཤད།།
དོན་ནོར་བུ་རྒྱ་མཚོའི་གཏིང་ནས་ལོན།།
ཚིག་རྣ་ལ་སྙན་ན་ཉར་མི་མང་།།
ཟས་ཁ་ལ་ཞིམ་ན་ཟ་མི་གང་།།
ཚིག་པ་ཕ་ལ་ཟས།།
འགྲམ་ལྕག་བུ་ལ་གཞུས།།
ཚིག་ངན་ཉུང་ཡང་མི་སེམས་དཀྲུག།
རྒྱ་ཁབ་ཆུང་ཡང་རྩེ་མོ་རྣོ།།
ཚིག་ངན་སེམས་ལ་བཞག་ནས།།
ཟླ་དུས་ཚེས་གྲངས་མ་རྩིས།།
ཚིག་གསུམ་གྱི་ལྕེ་དར།།
གོམ་གསུམ་གྱི་ཚེགས་གླ།།
ཚིག་གསུམ་མ་ཞུས་པར་ལྕེ་བཅད།།
གོམ་གསུམ་མ་སྤོས་པར་ཉྭ་བཞུར།།
ཚིག་གིས་ཚིག་འདེད།།
ཉི་མས་ཤིག་འདེད།།
ཚིགས་ཐོག་ལ་ཚིགས་མ་འཁེལ་ན།།
ལུག་མཇུག་སྟ་གྲིས་མི་ཆོད།།
ཚུར་བཤད་གཏམ་གྱི་དོན་གོ་བ་དང་།།
ཕར་བཤད་གཏམ་གྱི་སྒྲ་དག་པ་དགོས།།
ཚུར་གནམ་གང་ལ་བརྩིས་པར།།
ཕར་ཚེས་པ་གཅིག་ལ་བརྩི་དགོས་མེད།།
ཚུར་རྟ་ཕོས་བསུས།།
ཕར་མཛུབ་མོས་བསྐྱལ།།
ཚེ་གང་སྐྱིད་མི་འདོད་ན།།
གྲོགས་ལ་ཉིས་འཛིན་བྱེད།།
ཚེ་གང་སྡུག་བསྔལ་འདོད་ན།།
དཔོན་ལ་དགྲ་ཡང་ཟུངས།།
ཚེ་གང་སྒྲུབ་པ་བརྒྱབ་པ།།
ཞོགས་གང་གཅིག་ལ་བསྐྱལ།།
ཚེ་འདི་ལས་ཕྱི་མ་ཕུག་ཐག་རིང་།།
དཔོན་འདི་ལས་ཆོས་རྒྱལ་འཇིགས་སྐྲག་ཆེ།།
ཚེ་འདིར་བསྐོས་པའི་ལས་ལ།།
དབང་དང་བཀའ་རྒྱ་འགྲོ་ས་མེད།།
ཚེ་སྟོད་ཕ་མའི་གཅེས་ཕྲུག།
ཚེ་སྨད་སྤྲང་པོ་དབྱུག་ཐོགས།།
ཚེར་ཕུང་ཆུང་ཡང་བདག་པོ་ཀླུ།།
ཨ་ཙ་ར་མདོག་ངན་ཡང་རྒྱ་གར་གྱི་མི།།
ཚེར་མ་རྣོ་ཡང་།།
བྲག་རི་འབིགས་མི་ཐུབ།།
ཚེར་ཕུང་ལ་བསྐོར་ནས།།
རི་བོང་ལ་འཇབ་རྡོ།།
ཚེས་བཅུའི་དུས་མཆོད་གཏོང་རེས།།
ལོ་གསར་མགྲོན་པོ་འབོད་རེས།།
ཚེས་བཅུ་རེ་ལ་ར་རེ་བསད།།
ཟངས་མདོག་དཔལ་རི་ར་རོས་བརྒྱངས།།
ཚོགས་གཏམ་ཚོགས་ཀྱི་དཀྱིལ་དུ་བཏང་།།
གོ་བ་རང་རང་སོ་སོས་ལོངས།།
ཚོགས་ཆང་མེད་ན་ཚོགས་འཁོར་ཇི་ལྟར་སྐོར།།
ཚོགས་གདན་འོག་ནས་སྒྲིལ་དང་མཇུག་ནས་སྒྲིལ།།
ཚོང་ལ་ཚོད་མེད་མཐའ་མ་ཕམ་པའི་རྟགས།།
ཁ་ལ་ཚོད་མེད་རྐུབ་ལ་ཉོ་བའི་རྟགས།།
ཚོང་བྲིན་སར་རྒྱོབ།།
གྲོས་འགྲིགས་སར་གཅོད།།
ཚོང་པའི་སྐད་ཆ་ཚོང་པས་བདམས།།
ཚོང་ཁ་ཆད་བྱེད་དུས་ངོ་ཚ་མེད།།
ཚོང་པས་བསམ་རྒྱུ་ཁེ་བཟང་།།
ཞུམ་བུས་བསམ་རྒྱུ་ཙི་ཙི།།
ཚོང་པས་ཁེ་བཟང་ཟ་དུས།།
ཨ་མ་ཤི་བའི་གདོང་བསྟན།།
ཚོང་ཉེས་པའི་རྩ་བ་གནས་པོ།།
ཞིང་ཉེས་པའི་རྩ་བ་རམ་པ།།
ཚོང་ཉེས་ལྷ་སའི་ཁྲོམ་ལ་བརྒྱབ།།
འགྱོད་པ་བྱང་ཐང་སྟོང་པར་སྐྱེས།།
ཚོང་ཉེས་ཡོང་འདོད་ན།།
མི་རྒྱག་ཁ་ལ་མེད།།
ཚོང་པས་དྲང་པོ་མི་ཤོད།།
རྐུན་པོས་ཕངས་སེམས་མི་བྱེད།།
ཚོང་པའི་སྐར་མ་གནམ་ལ་བལྟས་ན།།
ཇག་པའི་སྐར་མ་ས་ལ་བལྟ།།
ཚོང་དུས་གཅིག་ལ་སྡེ་ཐང་གཉིས།།
ཚོང་པ་སྦག་པ་གཉིས་ལ་ཡིད་ཆེས་མེད།།
ཚོང་པ་ངོ་མ་ཚ་ན་བོང་བུ་བཙོས་ནས་བཟས་ཀྱང་བཟས།།
ཚོང་པ་སྡོད་འདོད་དང་།།
བོང་བུ་ཉལ་འདོད།།
ཚོད་མེད་པོ་ལ་གྲོས་མ་འདྲི།།
ཁ་མང་པོ་ལ་སྙིང་གཏམ་མ་ཤོད།།
མཚལ་རང་ལ་བཞག།
བཙག་མི་ལ་རེ།།
འཚོ་བ་དྲག་ཞན་ཡོད་ཀྱང་།།
སྐྱིད་སྡུག་བསམ་པའི་ཁྱེར་སོ།།
མཚོ་མོ་བསྐམས་ན་ཉ་མོ་ལས་ཀྱིས་སྐེམ།།
ལུང་པ་དབུལ་ན་རྒྱལ་པོ་ལས་ཀྱིས་དབུལ།།
མཚོན་ཡུ་མེད་དབྱུགས་ནས་ཆོད་ལུགས་མེད།།
གཏམ་ཁུངས་མེད་བཤད་ནས་བདེན་ལུགས་མེད།།
མཚན་མོ་སྐད་ཆ་མ་ཤོད།།
ཨི་ཁུང་ཚང་མ་ཨམ་ཅོག་ཡིན།།
མཚན་མོའི་འགྲུལ་ལ་སྔ་ཕྱི་མེད།།
ཛ།
རྫ་ལ་མགོ་སྐོར།།
སྤང་ལ་ཕོག་ཐུག།
རྫ་ཁྱེར་ནས་རྡོ་ཉོས་པ།།
རྫ་དང་སྣོད་ཆས་གཅོག་དོགས་ཀྱིས།།
བྱི་བར་ལག་རྡོ་འཕེན་རྒྱུ་སྤོངས།།
རྫ་མ་བསམས་ནས་ཙི་གུ་ཤོར།།
རྫ་ཁོག་ཆག་ན་སྤྱི་གྱོང་།།
ཕོར་པ་ཆག་ན་སྒེར་གྱོང་།།
རྫ་ཁོག་ཆག་པས་ཡག་སོང་།།
ཁྲོ་ཟངས་ལག་ཏུ་ཐེབས་བྱུང་།།
རྫ་མ་རྦབ་ལ་རིལ་ན།།
ལྷུ་ལག་ག་ནས་ཚང་།།
རྫ་མས་རྫ་མ་བཅག།
རྫ་ཆག་ངོ་མི་ཤེས།།
རྫ་མ་གང་ལ་ཚོས་ལོང་།།
གཞོང་པ་གང་ལ་གྲང་ལོང་།།
རྫ་མའི་ནང་གི་ཙི་ཙི།།
རྙོབ་པ་ཙམ་གྱིས་འཛིན་ཐུབ།།
མཛུབ་མོ་ལྔ་ལ་ཡང་རིང་ཐུང་ཡོད།།
མཛུབ་མོ་ལྔ་པོ་སྤུན་རེད།།
ལག་པའི་ཕྱི་ནང་ཤ་རེད།།
མཛུབ་མོའི་ཚིག་པ་ནང་ལ་བ་ཀུག།
མཛེས་འདོད་གདོང་པོ་འོ་འཁྲུས་བྱས་ཀྱང་།།
མི་མཛེས་ལིང་ཏོག་ངོ་ལ་སྐྱེས།།
མཛོ་རྒན་སྟོབས་ཤུགས་མེད་ཀྱང་ལམ་རྒྱུས་ཤེས།།
མཛོ་ཕོ་ཐད་ཀར་ཕྱིན་ཀྱང་།།
གཤོལ་རིས་འཁྱོག་པོར་སྡོད།།
མཛོ་འགྲོ་བ་མ་མཐོང་།།
ཤིག་འགྲོ་བ་མཐོང་།།
མཛོ་རྒན་ལ་རྨོན་པ་དང་།།
རྟ་རྒན་ལ་འགྲོས་སློབ་མི་དགོས།།
མཛོག་མགོ་རིང་ཕུ་དུང་ཐུང་།།
འཛིངས་ན་ཡག་པོ་མི་ཡོང་།།
སློང་ན་ཞིམ་པོ་མི་ཡོང་།།
འཛུགས་དུས་མེ་ཏོག་བཙུགས།།
སྐྱེ་དུས་ཚེར་མ་སྐྱེས།།
འཛོམས་ན་སྐྱིད་འཁྱོག་པ་གྱིས།།
ཕོངས་ན་སྡུག་འཁྱོག་པ་གྱིས།།
ཝ།
ཝ་མོ་སྡར་མས་གངས་སྟེང་སེང་གེར་འགྲན།།
ནས་གཟན་བྱེའུས་ནམ་འཕང་རྒོད་པོར་འགྲན།།
ཝ་མོས་མཇུག་མ་མ་གཡུགས་ན།།
ཤ་ཁྱི་རྣ་ཅོག་ཀྲོང་དོན་མེད།།
ཝ་སྐྱེས་གསོད་པ་པགས་པའི་སླད།།
དོན་མཐུན་བཅོམ་པ་ནོར་གྱི་དོན།།
ཝ་ཕྲུག་ཐང་ནས་ཐང་ལ་ཟག་རྒྱུ་མེད།།
རྒོད་ཕྲུག་གཡང་ནས་ཟག་པ་སྙིང་རེ་རྗེ།།
ཝ་མི་བརྒྱལ་ཀ་མེད་འདྲེའི་འགྲམ་ལྕག།
རྟ་མི་འགྲོ་ཀ་མེད་ཁྲམ་པའི་ལོང་ལྕག།
ཝ་འདོགས་སྤྱང་འདྲོགས་བོང་བུ་འདྲོགས།།
འོག་ཁང་ནང་གི་ཕ་རྒན་འདྲོགས།།
ཝ་ལས་རྫི་རྣོ་བ་དང་།།
སྤྱང་ཀི་ལས་འདུར་སྐྱེན་པ།།
ཝ་ཞྭ་གོན་དང་ཁྱི་རྟ་འཁྲིད།།
ཝ་འགྲོ་འགྲོ་མང་ན་ཝ་ལྤགས་རྐང་ལ་བཤུ།།
ས་ཤི་ཡང་གྲ་མ་ཉམས་པ།།
ཕ་མེད་ཀྱང་གཉའ་མི་ཆག།
ཝ་སྐྱེས་རྒྱལ་པོ་ཝ་ལ་ལྡང་།།
ཝ་མོ་འགྲོ་རྒྱ་རྒོད་ན།།
རྔོན་པའི་རྙི་ལ་ཐེབས།།
ཝ་མོ་གཡོ་སྒྱུ་ཆེ་ཡང་།།
རྔོན་པའི་རྙི་ལས་མི་ཐར།།
ཝ་ཡི་གྲ་ལོ་འགྱུར་ཀྱང་།།
ཝ་ཡི་སྤྱོད་པ་མི་འགྱུར།།
ཝ་དར་མས་སེང་གེ་ལ་འགྲན་པ།།
ཝ་རྔ་མ་ཤེ་ལེ་བྲོས་པ་ལས།།
སྟག་འཛོམས་དྲུག་ཉིལ་ལེ་ཤི་ན་དགའ།།
ཝ་ལས་གཡོ་ཆེ་བ།།
འདྲེ་ལས་གནོད་འཁྱོལ་བ།།
ཝ་མོ་ཆུ་ར་བཟི་ནས།།
ཡུལ་གྱི་ལྷ་ཀླུ་དཀྲུག།
ཝ་མོ་ཆུ་ར་བཟི་བ་དེ།།
གྲ་ལོ་མི་ལག་སྐྱེལ་བའི་རྟགས།།
ཞ།
ཞ་བོ་རྐྱང་ཐོག་ཏུ་སླེབས་པ་ལན་གཅིག།
གླུ་འདི་དུས་མི་ལེན་ག་དུས་ལེན།།
ཞྭ་སེར་པོ་མགོ་ལ་སྤམ་པ་དང་།།
མེ་ཏོག་སེར་པོ་སྤང་ལ་མཛེས་པ།།
ཞྭ་མོ་འདི་ན་གྱོན་ནས།།
ཕྱག་འབུལ་དེ་ན་ཞུས་ཡོད།།
ཞྭ་བཟོ་བ་ལ་ཞྭ་དཀོན།།
ལྷམ་བཟོ་བ་ལ་ལྷམ་དཀོན།།
ཞྭ་ལུ་ནས་བྱུང་བ་ཚོ་འདུས་ལ་བསྐྱལ།།
ཞྭ་དང་ལྷམ་ལ་གཟབ་ཙམ་གྱིས།།
སྐ་རགས་ལྷམ་སྒྲོག་སྐུད་པས་ཡོང་།།
ཞབས་བྲོ་གཏུན་ཁུང་ནང་དུ་མ་རྒྱག།
གུ་ཡངས་སར་རྒྱོབ།།
ཞལ་ངོ་སྤྲིན་ནག་འཁྲིགས་འཁྲིགས།།
སྤྱན་མིག་གློག་དམར་འཁྱུག་འཁྱུག།
ཞིང་བཏབ་ན་གཤོལ་དགོས།།
འབྲུ་ཕྱར་ན་རླུང་དགོས།།
ཞིམ་པོའི་ཆང་དེ་མང་དུ་དུག།
ཞུ་མཁྱེན་མ་གཏོགས།།
མངོན་མཁྱེན་མེད།།
ཞུ་མཁན་གྱིས་ཞུ་མ་ཤེས་ཀྱང་།།
གསན་མཁན་གྱིས་གསན་ཤེས་པ་དགོས།།
ཞུ་ས་དཔོན་དང་འཛེག་ས་སྐས།།
ཞུམ་བུ་གཉིད་ཁུག་ཀྱང་།།
བསམ་རྒྱུ་ཙི་ཙིག་རེད།།
ཞུམ་བུ་འདྲོགས་ནས་ཐུག་ཁོག་བཅག།
ཞུམ་བུའི་བྲུན་ལ་ཐལ་བའི་ཁེབས།།
ཞུམ་བུ་རྒྱགས་གཉིད་ཁུག་ཀྱང་།།
ཙི་ཙི་ལྟོགས་གཉིད་མི་ཁུག།
ཞུམ་བུས་སྙོམ་ཆུང་བྱེད་པ་དེ།།
ཙི་ཙི་ཟ་བའི་སྔོན་བརྡ་ཡིན།།
ཞེ་མི་དགའ་བའི་ཞིང་ནང་ལ།།
དབྱར་མི་དགོས་དགུན་ཡང་འགྲོ་ས་མེད།།
ཞེ་ཡང་ཕར་ཁྲེལ་ཚུར་ཁྲེལ་རེད།།
སྙིང་ཡང་ཕར་རྗེ་ཚུར་རྗེ་རེད།།
ཞིང་མ་སྐྱེས་ཇོ་རམ་པ།།
རྩྭ་མ་སྐྱེས་ཇོ་ཨ་ལི་གུག་གུག།
ཞིང་ངན་རྨོ་རྒྱ་ཆེ་ན།།
བདག་པོ་མུ་གེས་ཤི།།
ཞིང་ལ་ས་བོན་བྱས་ནས་རྩམ་པ་སློང་དགོས་ན།།
གྲོ་དང་སྲན་མའི་ས་བོན་བཏབ་ནས་ཅི་བྱེད།།
ཞིང་འབྲོག་ལོ་ལེགས་ན།།
སྤྲང་པོ་སྣང་བཟོད་བདེ།།
ཞིང་པས་མ་བཏབ་འབྲུ་རིགས་དང་།།
འཐག་གིས་མ་བཏགས་སྣམ་བུ།།
ཞིམ་ཚད་མ་ཟོ་འཇམ་ཚད་མ་གྱོན་ཅིག།
ཁ་ལུས་གཉིས་ཀྱིས་སྡུག་ལ་སྦྱར་ཡོང་ངོ་།།
ཞིམ་མངར་ཇ་ཆང་མཉམ་འཐུང་།།
གདན་ཆུང་གྲུབ་བཞིར་མཉམ་སྡོད།།
ཞིམ་པོ་བྱུང་ན་སྦོས་ནས་ཤི་ཡང་ཤི།།
རང་དོན་འགྲིགས་ན་ཆ་ལུགས་ཉེས་ཀྱང་ཉེས།།
ཞིམ་ཏ་སྨན་འབྲས་ཞིམ་ཡང་།།
ཟ་ཡུན་རྩམ་པ་རིང་བ།།
ཞིམ་པོ་མེད་ཀྱང་ཆང་།།
སྙན་མོ་མེད་ཀྱང་གླུ།
ཞབས་བྲོ་མཉམ་རྒྱག་དང་།།
སྐེད་གཟེར་ལོག་དགར།།
ཞར་བ་ཐམས་ཅད་གཡས་ཞར་ཡིན།།
ལྟས་ངན་ཞར་བ་གཡོན་ཞར་རེད།།
ཞལ་ལ་པདྨའི་མདངས་ཡོད་ཀྱང་།།
ཐུགས་ལ་འཛེར་པའི་འཁྱོག་ཅིག་འདུག།
ཞལ་ཟས་ཁྱིས་ཟས་ཀྱང་ཞལ་འཚེར་འཚེར།།
ལྷ་ཁང་དྲི་མས་བརྒྱངས་ཀྱང་འཛུམ་འཚེར་འཚེར།།
ཞི་བ་ཞོ་ལྟར་ཆགས་པ་ལ།།
དྲག་པོ་ཁྲག་གི་རྦ་རླབས་འཁྲུགས།།
ཞི་བའི་འཆིང་དང་དྲག་པོའི་དམག།
ཞིང་ལ་ས་བོན་ཁྱད་མེད་ཀྱང་།།
ལོ་ཏོག་ཁྱད་པར་ཤིན་ཏུ་ཆེ།།
ཞག་ལ་ཕུ་བརྒྱབ་ན།།
རིལ་མ་མཐའ་ནས་འདོན།།
ཞག་གཅིག་སྡོད་པའི་གདེང་མེད་ཀྱང་།།
ལོ་བརྒྱ་སྡོད་པའི་གྲབས་གཤོམ།།
ཞབས་བྲོ་སྒྲིག་པོ་སྔོན་ལ་བརྒྱབ་ན།།
སྡིག་སྒྲ་ཆེན་པོ་མཇུག་ལ་ཡོད།།
ཞབས་རིའི་ཞབས་ལ་ཆུ་ལ་ཞིག་ཁྲིད།།
ཕ་རིའི་ཁ་ལ་ཕུག་མ་གཡོགས།།
ཞབས་བྲོ་ཨེ་ཡག་ལྷམ་ལ་ལྟོས།།
སྣང་བ་ཨེ་སྐྱིད་གོས་ལ་ལྟོས།།
ཞབས་བྲོ་གར་རྒྱག་བཞག་ནི་སྒོག་ཏིང་ནང་ལ།།
ཞབས་བྲོ་གནམ་ལ་བརྒྱབས་ཀྱང་།།
བབ་ས་ས་གཞི་ཡིན།།
ཞེ་སྡང་བུ་མོ་སྤུན་ལའང་ཡོད།།
ཞེ་སྡང་སེམས་ལ་ཡོད་ཀྱང་།།
དགྲ་ལ་དགའ་ཚུལ་སྟོན།།
ཞོ་མ་བལྡགས་གོ་བོ་ཀླད་དཀར།།
ཁྲག་མ་བཏུངས་སྐྱུང་ཀ་མཆུ་དམར།།
ཞོའི་ལུང་པར་དར་རའི་སྐྱོ་མ།།
ཞོགས་ཟས་མ་རྙེད་བྱ་ཕོ་འགྲོ་འགྲོ།།
དགོང་ཟས་མ་རྙེད་བྱ་མོ་འགྲོ་འགྲོ།།
ཞོགས་གཅིག་གི་ལྟོ་བཟས་ན།།
ཞིག་གཅིག་གི་ཞེན་བྱེད།།
གཞང་ཁང་ཨ་མའི་ལག་ནས་ཐར་བ་དཀའ།།
གཞན་སྡུག་དུས་སྙིང་ཚིམ་མ་བྱེད།།
སྡུག་རང་ལ་འོང་བའི་དུས་གཅིག་ཡོང་།།
གཞན་སྐྱོན་མ་བསམས་རང་གི་སྐྱོན་ལ་ལྟོས།།
གཞན་ཁྲིམས་ཀྱིས་གནོན་པ་ལ།།
རང་ཁྲིམས་ཀྱིས་ནོན་པ་དགོས།།
གཞན་གྱིས་བྱ་ཟ་ཡིས་བསམས་ནས།།
རང་གིས་ཁྱི་ཤ་ཟ་མི་རུང་།།
གཞན་ལ་ཀླན་འཚོལ་བར།།
རང་སྐྱོན་སྔོན་ལ་བརྟག་དགོས།།
གཞན་ལ་འགྲན་ནས།།
རང་གི་ནད་ལངས།།
གཞན་ནོར་བླངས་ནས།།
ནོར་བདག་གཏོར་མི་ནུས།།
གཞན་གྱི་བསླབ་བྱར་མ་ཉན་ན།།
དེ་ལས་འོན་པ་སུ་ཞིག་ཡོད།།
གཞན་གྱི་སྡུག་བསྔལ་སེལ་བ་དེ།།
དམ་པའི་ཆོས་ཀྱི་སྙིང་པོ་ཡིན།།
གཞས་ལ་ཡོང་རྒྱུ་ཁ་གང་མེད་པར།།
གཞས་གོས་གཡར་གླ་སྲང་གང་།།
གཞས་གཏོང་བར་སྐད་དང་།།
མདའ་རྒྱག་པར་ཤུགས་དགོས།།
གཞིས་ཉིས་འཛིན་གྱི་ཨ་མ་ཁྱི་ལས་བྲེལ།།
གཞུ་གཉེན་ཐོག་ལ་སྒ་ཕོབ།།
གཞུང་དོན་གཙོ་བོར་བཟུང་ན།།
རང་དོན་ཤུགས་ལ་འབྱུང་།།
གཞུང་དོན་སྒྲུབ་ན་ཁོག་རྒྱ་ཆེ་དགོས།།
རྟ་རྒོད་འཁྲིད་ན་འཁྲིད་ཐག་རིང་དགོས།།
གཞུས་པའི་གཞུ་ལན་མ་བསློགས་ན།།
གཞུ་མཁན་མང་དུ་མང་དུ།།
གཞོང་པ་སྟོང་པར་གཞོང་འཛིང་།།
གཞོན་པའི་རྐང་རྗེས་ལས།།
རྒས་པོའི་རྐུབ་རྗེས་མང་།།
གཞོན་དུས་སེམས་པས་མ་བྱས།།
རྒས་དུས་ལུས་པོས་མ་འཇོན།།
གཞོན་པའི་ཤེད་ལས་རྒས་པོའི་ཇུས་བཟང་།།
བཞག་པར་ཞབས་ར་དང་།།
འཆང་བར་ལུང་དགོས།།
བཞག་ན་ཁ་ལས་བག་དྲོ་བ་མེད།།
བཀར་ན་ཁ་ལས་སྙན་པ་མེད།།
བཞིན་མདངས་འཛུམ་པའི་དགྲ་ཟླ་ཡིས།།
རང་ལ་རྟག་ཏུ་གནོད་ཉེན་ཆེ།།
བཞུ་མར་འཚོལ་བར་བཞུ་མར་དགོས།།
བཞུགས་ཏེ་རང་ཁ་གསོ་ལེ་དེ།།
འུ་ཐུག་དུད་འགྲོའི་ཆོས་ལུགས་རེད།།
བཞུགས་གདན་ཐོག་གི་རྐྱལ་དང་།།
ལྕེ་ཙེའི་སྟེང་གི་རྨོན་པ།།
བཞེངས་པ་ལས་བཞུགས་པ་སྤམ།།
བཞོ་རྒྱུ་བྱུང་ན་ར་ཕོ་མོ་ལ་ཁྱད་པར་མེད།།
ཟ།
ཟ་དུས་མིད་པ་དང་འགྲོ་དུས་འདྲེད་ལ་གཟོན།།
ཟ་ཨེ་ཉན་མི་ཉན་སྣ།།
གྱོན་ཨེ་ཉན་མི་ཉན་མིག།
ཟ་རྒྱུ་སྐྱོ་ཡང་གྲོད་པ་འཕྱིས།།
གྱོན་རྒྱུ་སྡུག་ཀྱང་ལུས་པོ་དྲོད།།
ཟ་རྒྱུ་འཐུང་རྒྱུ་ཡོད་ན་དགའ།།
ལབ་རྒྱུ་གླེང་རྒྱུ་མེད་ན་དགའ།།
ཟ་ཤོག་འཐུང་ཤོག་ཟེར་དུས་སྐེ་བསྣར།།
ལས་ཤོག་བྱ་ཤོག་ཟེར་དུས་གདོང་གཉེར།།
ཟ་སྟངས་སྡོད་སྟངས་གྱོན་སྟངས་གསུམ།།
དྲིན་ཅན་ཕ་མའི་བསླབ་བྱ་ཡིན།།
ཟ་རྒྱུ་མང་ན་ནད་དང་།།
སྐད་ཆ་མང་ན་གྱོད།།
ཟ་ཁ་ཡར་ལྟོས།།
ལས་ཁ་ཕར་ལྟོས།།
ཟ་རྒྱུ་གླ་མགོ་ཙམ།།
ལབ་རྒྱུ་གླ་སྤུ་ལས་མང་།།
ཟ་ལས་གལ་ཏ་མགོ་འབྲེལ་ཡིན།།
ཟ་ཤེས་ནས་ལས་ཤེས་པ་དགོས།།
ཟ་རྒྱུ་མཐོང་ན་འཛུམ།།
ལས་རྒྱུ་མཐོང་ན་འཚེར།།
ཟ་དུས་བཅོ་བརྒྱད་དྲུག་ཅུ།།
ལས་དུས་ང་རང་གཅིག་པུ།།
ཟ་བའི་ཁ་ཡོད་ཀྱང་།།
འགྲོ་བའི་མིད་པ་མེད།།
ཟ་སའི་ཁ་བཀག།
འགྲོ་སའི་ལམ་བཀག།
ཟ་རྒྱུ་མི་ཚད་ལྟོགས་ལ་ཆེ།།
བློ་ཤེད་མི་ཚད་ཁ་པོ་ཆེ།།
ཟ་རྒྱུ་མེད་པའི་ལས་རྒྱུ།།
ཟ་མཁས་སྤྱོད་མཁས་བྱས་ན།།
ཨ་ཞིམ་ཨ་ཡག་རྒྱུན་མི་ཆད།།
ཟ་རྒྱུ་དཔོན་ལ་བསྐོས།།
ལས་རྒྱུ་གཡོག་ལ་བསྐོས།།
ཟ་བླ་དཀར་ཡང་མུན་པའི་གཡའ་ཞིག་ཡོད།།
ལྷ་ལྕམ་མཛེས་ཀྱང་བདུད་མོའི་གཡའ་ཞིག་ཡོད།།
ཟ་རྒྱུ་འདུག་བསམ་ཚང་མ་ཟ་མི་ཉན།།
གཟུགས་པོར་མི་ཕན་དུག་ལ་འགྲོ་བ་ཡིན།།
ཟ་དུས་མཛོ་ལས་གྲོད་པ་ཆེ།།
ལས་དུས་ཁྱི་ལས་ཐབས་རྡུགས།།
ཟས་ཞིམ་པོ་གྲོ་མ་མར་ཁུ་རེད།།
ལྡད་བརྒྱབ་ན་ས་འོག་རམ་པ་རེད།།
ཟས་ལ་མར་བཟས།།
རྐན་ལ་རུས་པ་ཟུག།
ཟས་ཟ་ཚོད་ཤེས་ན་རང་ལུས་བདེ།།
དཔའ་འཐབ་ཚོད་ཤེས་ན་རང་ཉེན་ཆུང་།།
ཟས་ཞིམ་པོ་ཉི་མ་གཅིག་རེད།།
གཏམ་ངན་པ་བསྐལ་པ་སྟོང་པ་རེད།།
ཟས་མི་ལག་བཞག་ན་ཇེ་ཆུང་།།
གཏམ་མི་ཁ་བརྒྱུད་ན་ཇེ་མང་།།
ཟས་ཡི་གར་བྱུང་དུས་ཟོ།།
དགྲ་ཐད་ལ་བྱུང་དུས་འཐབ།།
ཟས་སློང་ན་ཡ་རབས་བུ་ལ་སློང་།།
གྲོས་དྲིས་ན་ཚུལ་ལྡན་མི་ལ་དྲིས།།
ཟས་མིའི་ཡིན་པ་ཤེས་ཀྱང་།།
གྲོད་པ་རང་གི་ཡིན་པ་མི་ཤེས།།
ཟི་ལྡི་ར་དཔུང་བསྒྲིགས།།
ནམ་མཁའ་འུར་སྒྲས་བརྒྱངས།།
ཟས་ཞིམ་མངར་ལྕེ་ནས་མིད་པར་བར།།
ཟས་ཞིམ་མངར་ཡོད་ན་ཕ་མར་འབུལ།།
གཏམ་བདེན་པ་ཡོད་ན་མགོན་ལ་ཞུས།།
ཟས་ཀྱི་ཕུད་དེ་མགྲོན་ལ་འབུལ།།
གོས་ཀྱི་རྩེ་དེ་རང་གིས་གྱོན།།
ཟས་ཁ་རུ་ཞིམ་པ་དེ་མི་ལ་སྦྱིན།།
ནོར་ཡིད་དུ་འོང་བ་དེ་རང་གིས་ཉར།།
ཟས་ལ་ངོ་ཡོད་པས་སྦྱིན།།
ནོར་ལ་དགྲ་ཡོད་པས་སྦོས།།
ཟས་ངན་གཅིག་གིས་ཁོག་པའི་སྟོད་སྨད་དཀྲུག།
མི་ངན་གཅིག་གིས་ལུང་པའི་ཕུ་མདའ་དཀྲུག།
ཟིན་པར་དཀའ་བ་དེ་ཚོད་དང་།།
ཐེག་པར་དཀའ་བ་དེ་བདེ་སྐྱིད་ཡིན།།
ཟིམ་ཟིམ་ཆར་པས་རི་འགོ་བཤིག།
ཁ་མི་གྲགས་སྡོད་པས་ཡོད་རྒུ་འཕུང་།།
ཟུར་བལྟས་པས་ལེབ་མཐོང་།།
ཟེར་ཚད་བདེན་མིན།།
བཙོ་ཚད་ཤ་མིན།།
ཟེར་རྒྱུ་བུ་མོར་ཟེར།།
ཕོག་རྒྱུ་མནའ་མར་ཕོག།
ཟོག་གི་ཚོས་གཞི་ཕྱི་ནས་མཐོང་།།
དགྲ་བོའི་ལྐོག་ཇུས་ཁོག་ན་ཡོད།།
ཟོག་ལྷ་འདྲ་བ་ལ།།
བདག་པོ་འདྲེ་འདྲ་བ།།
ཟོག་གོང་ཆུང་ན།།
རྒྱུ་སྤུས་ཞེར་བའི་རྟགས།།
ཟོག་ཚེ་ཕུར་ལ་བདག་པོ་ཀླུ་བཙན།།
ཟླ་བ་དཀར་བ་ཟླ་སྟོད་དང་།།
ཕ་མ་འཛོམས་པ་ཚེ་སྟོད།།
ཟླ་གཟུགས་ཆུ་ལ་ཤར་བ།།
ཟླ་གམ་འོག་གི་མུར་མཛོག།
ཕུ་ཐུང་ནང་གི་ལག་བཤད།།
གཟའ་མ་བརྒྱབས་ན་ཁ་མི་ཀྱོག།
གཟར་པོའི་བྲག་ལ་མ་འཛེགས་ན།།
བདེམོའི་ཐང་ལ་སླེབས་མི་སྲིད།།
གཟིག་ཚང་སྒོ་ཁར་གླ་བའི་འཕག་འཚག།
གཟུགས་ཆུང་བར་བྱིས་པའི་མཐོང་དང་།།
རྒྱུ་མེད་པར་སྤྲང་པོའི་མཐོང་།།
གཟུགས་མེད་གྲིབ་བཟོ།།
ཉེས་མེད་ཉེས་འདོགས།།
གཟུགས་མེད་ན་གྲིབ་ནག་ཡོང་དོན་མེད།།
གཟུགས་རྗེས་གྲིབ་འབྲངས།།
བཟང་པོའི་བཟང་ལན་འཇལ་བར་ལོ་དང་ཟླ་བ།།
ངན་པའི་ངན་ལན་སློག་པ་ཞོགས་པ་གཅིག་གི་ལས།།
བཟང་དང་བསྡེབས་ན་བཟང་།།
ངན་དང་བསྡེབས་ན་ངན།།
བཟང་པོ་བྱེད་པ་ལོ་གསུམ་དང་།།
ངན་པ་བྱེད་པ་ཞག་གསུམ།།
བཟང་ལན་ངན་གྱིས་འཇལ།།
ཇ་ལན་ཆུ་ཡིས་འཇལ།།
བཟང་པོ་ལ་ངོ་བསྟོད་མ་ཆེ།།
ད་གཟོད་ཅིར་འགྱུར་མི་ཤེས།།
བཟང་པོ་ལ་བཀུར་ཆ་མ་ཆེ།།
བཟང་སྐད་ཐོན་པ་འདི་དཀའ།།
ངན་པ་ལ་ཁྱད་གསོད་མ་བྱེད།།
ཡིད་ལ་འཇོག་པ་ཡིན།།
བཟང་པོའི་ཞོར་ལ་ཇ་ཆང་།།
ངན་པའི་ཞོར་ལ་རྒྱུག་རྡུང་།།
བཟང་པོ་རྒུད་པ་བལ་ལས་འཇམ།།
ངན་པ་རྒྱགས་པ་ཤིང་ལས་རྩུབ།།
བཟང་དྲུག་སྨན་དེ་ཆོ་ལེས་བཤིག།
བཟང་ལ་བྱ་དགའ་དང་།།
ངན་ལ་ཆད་པ།།
བཟང་པོ་བྱས་པ་ངན་ལ་ངོམས།།
སྐྱག་པ་སྐམ་པོ་གསེར་ལ་ངོམས།།
བཟང་ལན་བྱི་བས་གླང་ཆེན་བསླངས།།
ངན་ལན་སྲེག་པས་དགྲ་ཤ་བླངས།།
བཟང་པོ་ལས་བྱེད་སར།།
ངན་པས་ལྟད་མོ་ལྟ།།
བཟང་འབྲེལ་ཐུགས་རྗེ་ཆེན་པོ།།
ངན་འབྲེལ་འཁོར་བ་ཐོགས་མེད།།
བཟང་པོ་དྲུག་འཛོམས་ལ།།
ངན་པ་ཀོ་ཀོ་ལ།།
བཟང་པོ་དམའ་འབེབས་འདོད་ན།།
ངན་པའི་ཁ་ཡ་གྱིས།།
བཟང་པོར་བཟང་ལན་དང་།།
ངན་པ་ངན་ལན།།
བཟང་ཚང་ནང་ཁ་གཤིབ་ན།།
ལྟོ་གོས་ཐུག་པས་ཆོད་ཡོང་།།
བཟས་ནས་བསྡད་ན་རི་བོ་ཡིན་ཀྱང་རྫོགས།།
བཏུངས་ནས་བསྡད་ན་རྒྱ་མཚོ་ཡིན་ཀྱང་སྐམ།།
བཟང་དཔོན་རྒས་པ་ལུག་རྫི།།
ཐང་སྐུ་རྒས་པ་གྲལ་གཤམ།།
ཟས་བཟས་ཀྱིས་མིད་པ་བྱང་།།
བསྡད་བསྡད་ཀྱིས་རྐུབ་བྱང་།།
བཟས་བཟས་ཀྱིས་ཁ་བརྙོགས།།
ཕྱིན་ཕྱིན་གྱིས་ལམ་བྱང་།།
བཟས་ནས་མ་ཕོངས།།
ཉལ་ནས་ཕོངས།།
བཟས་པ་ལྟོ་ལ་ཕན་པ།།
ཕྱིན་པ་འགྲུལ་ལ་ཕན་པ།།
བཟོ་ཆེན་འོག་གི་བཟོ་ཆུང་།།
ལུང་ཆུང་ནང་གི་དཔོན་ཆུང་།།
བཟོ་པ་ཐིག་ལ་མ་འཛེམས་ཤིག།
ཐིག་གིས་བཟོ་པ་བསླུས་མི་ཡོང་།།
བཟོ་པ་མེད་ན་ལན་པ་མེད།།
ཉི་མ་མེད་ན་ཚད་པ་མེད།།
བཟོ་ལག་ཤེས་དང་།།
ཚོང་ཐབས་ཤེས་ཡིན།།
བཟོ་པ་གླ་མེལ།།
སྐུད་པ་འཕར་འདོན།།
འ།
འ་ཆད་འུ་ལ་ཐུག་པའི།།
ཐང་གྱེས་བྱེའུ་ཕྲུག་མ་རེད།།
འབ་སུ་པགས་པས་མ་འདུས་པ།།
འུ་ཐག་པའི་མཆོང་རྒྱག་གྱེན་ལ་བརྒྱབ།།
འུ་ཐུག་སྐབས་འོབས་མཆོང་མ་རྒྱག།
འུར་འུར་གྱི་སྒྲོག་པ་ལས།།
འཇམ་འཇམ་གྱི་དོན་བསྒྲུབས་ན་དགའ།།
འུར་འུར་གྱི་རླུང་བུར།།
ཡོང་རྒྱུ་ཐལ་རླུང་།།
འུར་འུར་གྱི་རླུང་བུར།།
ཡོང་རྒྱུ་ཐལ་རླུང་།།
འ་ཆད་འུ་ཐུག།
བ་ཤི་ས་རུལ།།
འང་གུའི་རྐུབ་ནས་ཨ་ལོང་།།
འུ་ཐུག་ན་ཉེ་བཙལ།།
ཁྱི་རིག་ན་རྡོ་བཙལ།།
འུ་ཐུག་ན་ཞུ་ས་དཔོན།།
ཐང་ཆད་ན་གཡབ་ས་རྟ།།
འུག་པའི་ཁ་ནས།།
འུག་གཅིག་མ།།
འུག་པས་མུན་པ་རུབ་ན་བསམ།།
བྱ་ཕོས་ནམ་མཁའ་ལངས་ན་བསམ།།
འོ་མ་དཀྲུག་ན་མར་དང་།།
ཆུ་དཀྲུགས་ན་ལྦུ་བ།།
འོ་མའི་རྒྱ་མཚོ་ལ།།
ཁྲག་གི་ཐིགས་པ།།
འོབས་སུ་ཐེངས་གཅིག་ལྷུངས་ན།།
ཤེས་རབ་ཐེངས་གཅིག་འཕེལ།།
འོལ་བ་མོན་ལ་འགྲོ་ཚེ།།
སྦལ་པས་ལག་པ་བཀྲབ།།
ཡ།
ཡ་རབས་ཕྱག་དང་ཞེ་ས་མཁས།།
མ་རབས་སྙིང་དང་གྲོད་པ་ཆེ།།
ཡ་རབས་ལས་ལ་བརྩོན།།
མ་རབས་ཟས་ལ་རྔམ།།
ཡ་རབས་ངོ་ཚས་ཕུང་བ་མང་།།
མ་རབས་ཧམ་པས་ཕུང་བ་མང་།།
ཡ་ལ་མེད་པའི་ཡ་ལ།།
མ་གཞིས་བཟས་པའི་ཡ་ལ།།
ཡ་ལ་མེད་པའི་ཡ་ལ།།
ཞུམ་བུས་སྟོན་ཏོག་བཟས་པའི་ཡ་ལ།།
ཡ་ལོ་འཁོར་དུས་མ་ལོ་མི་འཁྲི།།
མ་ལོ་འཁོར་དུས་ཡ་ལོ་མི་འཁྲི།།
གཉིས་ཀ་འཁོར་དུས་རྩམ་པ་མི་འབབ།།
ཡ་རབས་ཅན་གྱིས་དྲང་བདེན་གསལ་པོ་ཤེས།།
མ་རབས་ཅན་གྱིས་ཁེ་བཟང་ཁོ་ན་ཤེས།།
ཡ་གཅིག་ཆུ་ལ་བརྒལ་ན།།
གཏིང་ལ་རིང་ཐུང་མེད།།
ཡ་རབས་གྲལ་ལ་རྩོད།།
མ་རབས་ལྟོ་ལ་རྩོད།།
ཡྰ་རྩེ་འགྲངས་ནས་མི་ཤི།།
བྱ་དེ་ལྟོགས་ནས་མི་ཤི།།
ཡག་བྱུང་པ་ཕའི་ཇ་ཆང་མེད་པར།།
སྡུག་བྱུང་ཨ་མའི་རྒྱུག་རྡུང་།།
ཡང་ན་རྭ་ཡོད་རི་གང་།།
ཡང་ན་ཨ་ཡུ་གདང་གང་།།
ཡང་ཡང་ཨ་ཅེའི་གླུ་ལ་སྙན་རྒྱུ་མེད།།
ཡང་ན་སྔོ་གྲོད་པ་གང་།།
ཡང་ན་མགོ་ཞོ་འདག།
ཡང་ན་ཧོབ་སྟེ་བལྟས་ནས་ཤེས།།
ཡང་ན་ཞག་གསུམ་གཤིབས་ནས་ཤེས།།
ཡང་རྩེའི་སྒང་ལ་ཡས་སྒྲོན།།
མཁས་པའི་ནང་གི་གཙུག་རྒྱན།།
ཡར་ཞོར་སྟག་བསད།།
མར་ཞོར་དོམ་བསད།།
ཞོར་ལ་རི་བོང་བསད།།
ཡར་བཅད་དཔག་བསམ་ལོ་མ།།
མར་བཅད་དུག་གི་སྡོང་པོ།།
ཡར་མི་འགྲོ་ལྟག་པའི་གཉའ་ཤིང་དང་།།
མར་མི་འགྲོ་སྒྱིད་པའི་ཐིག་ནག།
ཡར་འགྲོ་བརྒྱ་དང་མར་འགྲོ་སྟོང་།།
ཡར་འགྲོ་སོར་གང་ལ།།
ཕྱི་འགྲོ་འདོམ་གང་།།
ཡར་ལ་དཀོན་མཆོག་གིས་མི་གཏོང་ལ།།
མར་ལ་ངས་ཀྱང་མི་འགྲོ།།
ཡར་རུང་ཕྲག་སྟེང་མི་ལོན།།
སྙི་རུང་གྲི་ཡིས་མི་ཆོད།།
ཡར་དཔེ་ཞྭ་ལ་བལྟས་ན་ཞྭ་ཐོག་ཞྭ་བརྩེགས།།
མར་དཔེ་ལྷམ་ལ་བལྟས་ན་ཨ་ཀྲད་དགུ་བརྩེགས།།
ཡར་ལངས་ནས་ཆེ་རུ་དང་།།
མར་བསྡད་ནས་ཆུང་དུ་འགྲོ་རྒྱུ་མེད།།
ཡར་དཔེ་ཞྭ་ལ་བྱེད་ཞྭ་ལུང་དར་གྱིས་བརྒྱན།།
མར་དཔེ་ལྷམ་ལ་བྱེད་ལྷམ་ཀྲད་རྩིད་པས་འཛེར།།
མར་དཔེ་ཞྭ་ལ་མི་འདྲེན།།
མར་དཔེ་ལྷམ་ལ་མི་འདྲེན།།
ཡར་ལངས་ན་མགོ་བརྡབས།།
མར་བསྡད་ན་རྐུབ་བརྡབས།།
ཡར་རླངས་ཤོར་མེད་པ་དང་།།
མར་ཐིགས་ཤོར་མེད་པ།།
ཡར་འགྲོ་མར་འགྲོ་བརྒྱ་བྱས་ཀྱང་།།
སྒོ་ཐེམ་ཕྲ་མོ་འགག་རེད།།
ཡི་དམ་བྱོལ་སོང་ལ་བྱས་ན།།
འགྲོ་ས་དམྱལ་བ་ལས་མེད།།
ཡི་གེ་མི་ཤེས་སྨྱ་གུ་མདའ་ལས་རིང་།།
ཡི་གེར་བརྗོད་བྱ་མེད་ན།།
དོན་ལ་གོ་བ་མི་ལོན།།
ཡི་གེ་ན་གཅིག་མི་ཤེས་པར།།
དྲུང་ཡིག་ཆེ་མོའི་ཕྱག་རྒྱ།།
ཡིག་མེད་ལོང་བ་ལྐུགས་པའི་རྒྱུ།།
ཡིད་དྭགས་ཁ་ལ་རྭ་སྐྱེས།།
ཡི་དྭགས་ཁ་ལ་མེ་འབར།།
ཡིད་ཀྱི་སོག་ལེ་རྣོ་ཡང་།།
ཤིང་གི་སྡོང་པོ་མི་ཆོད།།
ཡིད་སྐྱོ་བའི་ལམ་དུ་མ་སོང་ན།།
སེམས་དགའ་བའི་གྲོགས་དང་ག་ལ་འཕྲད།།
ཡིད་སེམས་དྲང་མོ་མདའ་འདྲ།།
བསམ་པ་དཀར་པོ་དུང་འདྲ།།
ཡུན་རིང་ན་བུ་མོ་མ་དང་འཁོན།།
ཟ་ཆེ་ན་སྦྲང་དཀར་མཆིན་པར་གནོད།།
ཡུན་རིང་པོ་མི་སྡོད་འགྲོ་མཁན་ཡིན།།
ཁ་དགའ་དགའ་གྱིས་དང་སེམས་པ་དགའ།།
ཡུན་རིང་འདྲིས་ན་མཛའ་བོ་ཡིན་ཡང་འབྱེད།།
ཡུར་ཆུ་སྔོན་མོ་སོང་ཡང་།།
གྲམ་ཐང་སྐྱ་མོ་སྡོད་དགོས།།
ཡུལ་ཡར་ཀླུང་དུ་བསྡད་ན།།
ལྷ་ཡར་ལྷ་ཤམ་པོ་བསྟེན་དགོས།།
ཡུལ་གྱི་ཕབས་ཀྱིས་ཡུལ་གྱི་ཆང་རྩི་ཉན་པ་དགོས།།
ཡུལ་གྲུ་བཞི་དགྲ་ལག་ཤོར་ཟེར་ན།།
ཕོ་མི་ཚེ་རིང་ཡང་དགའ་རྒྱུ་མེད།།
ཡུལ་པས་ཡུལ་གྱི་རྒྱང་ས་ཉན།།
ཡུལ་ཕབས་ཡུལ་གྱི་ཆང་རྩི་ཉན།།
ཡུལ་ཆུ་བཏུངས་ནས་ཡུལ་ཁྲིམས་འཁུར་དགོས།།
ཡོང་རྒྱུ་ཤིག་ཙམ་ལ་ཤོར་རྒྱུ་རི་ལས་ཆེ།།
ཡོང་བ་བརྒྱ་ལས་བྱུང་བ་གཅིག་དགའ།།
ཡོད་པོའི་ནང་ལ་གང་ཡང་ཡོད།།
མེད་པོའི་ནང་ལ་ཆུ་ཡང་མེད།།
ཡོད་པ་མི་ལ་མ་ངོམ་གཞན་སེམས་དཀྲུག་རོགས།།
མེད་པ་མི་ལ་མ་འཁང་སྙིང་ཚིམ་རྒྱག་རོགས།།
ཡོད་པོའི་ཁ་ནས་མེད་སྐད་ཐོན།།
མེད་པོ་ཐམས་ཅད་ཡོད་སྦྱོར་ཆེ།།
ཡོད་པ་མེད་སྐད་ཆེ་བ་དང་།།
གྲོད་བསྐམ་ཀོབ་སྒྲ་ཆེ་བ།།
ཡོད་པོར་སྡུག་བསྔལ་བརྒྱ་དང་།།
མེད་པོར་སྡུག་བསྔལ་གཅིག།
ཡོད་པོ་མེད་པོར་བཏང་།།
དར་ར་ཕྱུར་ཁུར་བཏང་།།
ཡོད་པོར་དོམ་དོམ་ཉིས་བརྩེགས།།
མད་པོར་ལྷན་པ་གསུམ་བརྩེགས།།
ཡོད་ལ་མེད་ལའི་རྟ་ཕོ་ལས།།
བློ་ཐག་ཆོད་པའི་རྐང་ཐང་དགའ།།
ཡོད་དུས་གཏོར་མ་དང་།།
མེད་དུས་གཏོར་ཆུ་སྒུག།
ཡོད་ལ་མེད་ལའི་ཉི་མ་ལས།།
བློ་ཐག་ཆོད་པའི་གྲིབ་སོ་དགའ།།
ཡོད་མདོག་མདོག་དོར་མ་རྒྱ་ཚོས་གྱོན།།
མེད་མདོག་མདོག་ལྷན་པ་ཕྲེད་ལ་བརྒྱབས།།
ཡོད་པའི་ཁ་ལ་གསོག་འདོད།།
མེད་པའི་ཁ་ལ་སྟོར་འདོད།།
ཡོན་ཏན་རིན་ཆེན་དགོས་འདོད་ཀུན་འབྱུང་རེད།།
དགོས་འདོད་ཀུན་འབྱུང་དགོས་མི་ཐོགས་པ་མེད།།
ཡོན་ཏན་ཡོད་པས་མ་སྤྱད་ན།།
ཞིང་ལ་སོ་ནམ་མ་བྱས་འདྲ།།
ཡོན་ཏན་རྗོད་དུས་དྲེགས་པ་སྐྱུངས།།
ཡོན་ཏན་མེད་འི་གྲལ་འགོ་ལས།།
བཟང་པོའི་གྲལ་མཇུག་དགའ་བ་ཡིན།།
ཡོས་རྡོག་བློས་མ་ཐོངས།།
སྤགས་གོང་རྦབ་ལ་རིལ།།
ཡོས་ཀྱི་དཀྱིལ་ནས་ཁྲ་ཁྲ་དང་།།
ཡོས་ཀྱི་དཀྱིལ་ནས་ནག་ནག།
གཡག་རྒན་གདང་དཀྲོག།
ཕག་ཚང་རྒྱུག་དཀྲོག།
གཡག་རོག་པོའི་རྔ་མར་རེ་མི་དགོས།།
རང་སྒྲ་སྐེད་པ་ཟིན་ཙམ་ཡོད།།
གཡག་གསོད་དུས་སྡིག་པ་དང་།།
ཤ་ཟ་དུས་རྒྱགས་པར་ལྡིར།།
གཡག་ལ་བོང་བུའི་བསྟོད་པ།།
དུང་ལ་དཀར་རྩིའི་རི་མོ།།
གཡག་རྔོ་ཅན་གཅིག་གིས་གདངས་མང་འཛད།།
མི་དྲི་ཅན་གཅིག་གིས་གྲལ་མང་མཛད།།
གཡག་གིས་བརྡུངས་ན་བྲོས།།
དཔོན་གྱིས་བརྡུངས་ན་བཅར།།
གཡག་གིས་ཆུ་འཐུང་མ་འདོད་ན།།
ཉའ་ནས་མནན་པས་ཅི་ལ་ཕན།།
གཡག་མགོར་སྲང་གང་།།
ལུག་མགོ་ལའང་སྲང་གང་།།
གཡག་ཆེ་བས་ལྕི་བ་ཆེ་བ་གཏོང་བའི་ངེས་པ་མེད།།
གཡག་ཆད་གཅིག་གིས་གཡག་ཆད་བརྒྱ།།
གཡག་རྒན་གྱིས་གདང་འཚོ་མ་ཟིན་ན།།
གདང་གི་སྐེད་པ་འཁྱོག་ཉེན་ཡོད།།
གཡག་ཞར་བས་རྩྭ་་ཟ་བ།།
གཡང་དཀར་ལུག་གི་བལ་ལ་ཡག་ཉེས་མེད།།
གཡང་རྩེའི་སྒང་ལ་ཡས་སྒྲོན།།
གཡའ་མ་ཉིལ་བ་རྫ་ནས་ཉིལ།།
རྫ་མེད་ན་གཡའ་མ་ཉིལ་དོན་མེད།།
གཡར་པོ་བདག་བཟུང་།།
བདག་པོ་སྒོ་རྒྱབ།།
གཡར་པོ་ཡུན་རིང་ན་བདག་པོའི་ཚུལ།།
གཡས་ཕྱག་རྒྱ་བྱེད་དུས།།
གཡོན་བུམ་པ་ཤོར།།
གཡས་ལག་མ་བརྐྱངས་ན།།
གཡོན་ལག་མི་སྐུམ།།
གཡས་པར་སྤྱན་དང་།།
གཡོན་པར་མིག།
གཡས་ལ་མདའ་ཀྱོག་དང་།།
གཡོན་ལ་གཞུ་ཀྱོག་མེད།།
གཡས་པས་མདའ་ལ་མ་འཁྱོག།
གཡོན་པས་གཞུ་ལ་མ་འཁྱོག།
གཡུ་འབྲུག་ནམ་མཁར་ལྡིང་ཡང་།།
སྤར་རྡོ་ས་ལ་མི་ལྷུང་།།
གཡུ་རལ་མེད་པའི་སེང་གེ་དང་།།
མཇུག་སྒྲོ་མེད་པའི་རྨ་བྱ།།
གཡུ་མོ་ཨ་བསར་ཆེ་བས།།
ཤིང་རྒྱས་ཚང་མ་གྲུ་མོར་བཏབ།།
གཡུ་བསྡུར་དགོས།།
རྟ་གཅོག་དགོས།།
གཡུག་པར་ཕྱིན་ན་ཕ་རོ་དང་།།
སྒྲུག་པར་ཕྱིན་ན་མཛེ་རོ་རེད།།
གཡུལ་ངོར་ཡང་ཡང་འཐབ་པའི་མི།།
དཔའ་རྩལ་སྙིང་སྟོབས་ལྡན་པར་གྱུར།
གཡུལ་ཐག་ཆོད་དུས་སྤགས་ཐག་ཆོད།།
སྔོ་ཚོད་བཟས་ནས་འཚོ་ཐབས་བྱེད།།།
གཡེར་མས་རྒུན་འབྲུམ་ལ་ཁ་ཏ།།
གཡོ་ཅན་ལ་ཁ་རྟིང་སྤྱོད་གསུམ་ཡོད།
གཡོ་སྒྱུ་འདྲེ་ལྟར་ཆེ་ཡང་།།
ཐ་མ་རྐང་འཁྲུའི་ཆུ་སྙིགས་འཐུང་།།
གཡོ་སྒྱུ་མེད་པའི་ཝ་དང་།།
མི་ཤ་མི་ཟའི་སྟག་མེད།།
གཡོག་ཐ་སྤག་གང་ལ།།
སྦྱིན་བདག་རྒྱ་ཞིབ་གང་།།
གཡོག་བྱས་ཀྱི་མཐའ་མ་ནག།
གཡོག་ལ་གཡོག་གླ་མེད་པས།།
ད་དུང་མ་ཉེས་ཁག་གཡོགས།།
གཡོག་པོའི་འདོད་པར་བྱས་ན།།
སྦྲ་རི་མགོ་ལ་ཕུབ།།
ར།
ར་བཟི་སྨྱོན་པ་གོང་དུ་ཕུད།།
ར་མ་བཟི་བ་མ་གཏོགས།།
འཁྱོར་སྟངས་དེ་འདྲ་རེད།།
ར་ཤ་ཟ་དུས་ངོ་འཛུམ་འཛུམ།།
ར་རིན་བསྡུ་དུས་ངུ་ཤིག་ཤིག།
ར་སུག་སྐེ་ལ་བཏགས་ནས་རྐུན་མ་ང་མིན།།
ར་ཡི་འཁྲིས་ལ་རླའི།།
ལུག་གི་འཁྲིས་ལ་སྦའི།།
ར་ན་མོ་གཉིས་འདི་མཐོང་འདོད་ཆེ།།
མཐོ་བཞིན་མཐོ་བཞིན་བྲག་འགོར་སྦྱར།།
ར་རི་ལ་ཕྱིན་ཀྱང་།།
དོན་ལྷས་རར་ཚང་བ།།
ར་ཀ་བར་ཐོགས་དང་།།
ལུག་རིལ་མ་ཤོར་ཡོང་།།
ར་མགོར་ཞེན་ཆགས་ནས།།
གཡག་མགོ་རྦབ་རིལ་བཏང་།།
ར་མ་བྲག་ལ་བུད་ན།།
སེང་གེའི་རྣམ་འགྱུར་སྟོན།།
ར་ཤ་མ་བཟས་གོང་ནས།།
ར་དྲི་འགོས་པ།།
ར་མ་བཟི་གོང་ནས།།
ར་བཟི་ཤོད་པ།།
ར་འཕག་ནས་ཀ་བ་མི་ལོག།
བྱ་དེ་འཕག་ནས་སྐས་ཀ་མི་གཅོག།
ར་མགོ་ལ་སྲང་གང་དང་།།
ལུག་མགོ་ལ་ཡང་སྲང་གང་།།
ར་ཕོ་རྒྱགས་ཀྱང་ཀ་བ་སློག་མི་ཐུབ།།
ར་སྤུའི་འུར་རྡོ་ར་མགོར་ཕོག།
ར་འགེལ་ལུག་འགེལ་བྱས་ན།།
དེ་རིང་ཐར་ཡང་སང་མི་ཐར།།
ར་རྒྱ་རི་བྲག་དམར་རྩེ་ལ་འདུག།
གསལ་ཉི་ཟླ་ལྐོག་མའི་རྩེ་ཞབས་ཡོད།།
གསལ་ཉི་ཟླ་དམའ་ལེ་མ་རེད།།
ར་རྒྱ་རི་སྣང་བ་མཐོ་ལེ་རེད།།
རྭ་ཅོ་རྫིག་ཉམས་དོད་ཀྱང་།།
ལུས་པོ་འཁྱོག་པོ་ཡིན།།
ར་བ་ཕྱུགས་ཀྱིས་གང་།།
བང་བ་འབྲུ་ཡིས་གང་།།
ར་དགའ་བ་རྫ་རི་དང་།།
ལུག་དགའ་བ་སྤང་རི།།
ར་དཀར་ལུག་དང་མི་འདྲེས།།
ར་མ་རྒྱ་བོ་ལ་རེའུ་རྒྱ་བོ།།
ར་ལུག་རྡུང་ཁ་བརྒྱབས་ནས།།
མགོ་ཁྲག་ཝ་མོས་བལྡགས།།
ར་བསད་ན་ལུག་འདར།།
ཁྱི་བརྡུངས་ན་ཕག་འདྲོག།
ར་ཚེ་ཟད་འཕར་བའི་སྒོ་རྩ།།
འབུ་ཚེ་ཟད་གྲོག་མའི་སྒོ་འགྲམ།
ར་ཚང་ནང་དུ་གཟིག་དང་།།
སྨན་ཁུག་ནང་དུ་དུག།
ར་ནད་ལུགས་ལ་དཀྲི།།
བ་ཤེ་གླང་ལ་འགེལ།
ར་ཡིས་སེ་བར་མ་བསྙེས་ན།།
ར་སྤུ་སེ་བར་འགོས་དོན་མེད།།
ར་རྒན་འདྲོགས་ནས་ཀ་བ་ལོག་པ་དང་།།
བྱ་དེ་སྨྱོ་ནས་ཁང་ཐོག་བརྡིབས་པ་མེད།།
ར་ཡི་རིལ་མ་ལ།།
ལུག་གི་ངོ་སོ།།
ར་མས་རྔ་མ་མངགས།།
རྔ་མས་རིལ་མ་མངགས།།
རྭ་མགོ་ལ་སྐྱེས།།
ཤིང་ས་ལ་སྐྱེས།།
རྭ་ཡོད་བརྒྱ་ཐར་སར།།
རྭ་མེད་གཅིག་མི་ཐར་བ་ག་ལ་ཡོད།།
རྭ་རྩེར་རྡོ་བརྒྱབས་ན།།
ནུ་མ་ནས་ཁྲག་འབབ།།
རྭ་མེད་ཀྱིས་བརྡུངས་པའི་སྐྲངས་ཀ་ངན།།
རག་གན་གསེར་ལ་བརྫུས།།
རི་བོང་རྡོ་ལ་བརྫུས།།
རང་རྒྱུད་དྲང་པོ་ཡོད་པ་དེ།།
མི་ཚེ་གཅིག་གི་ནོར་བུ་ཡིན།།
རང་སྐྱོན་འབྲོང་ལྤགས་ལ་ཁབ་རྩེ་མི་ཟུག།
གཞན་སྐྱོན་རྟ་རྔ་ཙམ་ཡང་ནམ་མཁར་འཕྱར།།
རང་སྐྱོན་ཁོག་མ་གང་དེ་སྦས།།
གཞན་སྐྱོན་གཟར་བུ་གང་དེ་འཕྱུར།།
རང་ཐག་རང་གིས་ཆོད་ཀྱང་།།
དཔོན་ཐག་གཡོག་གིས་མི་ཆོད།།
རང་སྐྱོན་ཤེས་ན་སངས་རྒྱས།
རང་སེམས་དག་ན་དུང་དཀར།།
རང་སྐྱོན་རང་གིས་མ་མཐོང་ན།།
དེ་ལ་ཕོ་རབ་བརྗོད་དོན་མེད།།
རང་སྐྱོན་སྦས་ན་ཕྱི་སྡོམ་དཀའ།།
རང་སྐྱོན་ཐལ་མོས་བཀབ་ནས།།
མི་སྐྱོན་མཛུབ་མོས་འདྲུ་བ།།
རང་ལ་འཐག་མ་མི་ཐར།།
མི་ལ་བོང་རྒྱུག་ཚད་ཚད།།
རང་གདོང་མ་མཐོང་སེང་གེར་འཕྱ།།
རང་མགོའི་ཤིག་ལ་མཐོང་བར།།
མི་མགོའི་སྲོ་མ།།
རང་མི་གཙང་བའི་ནང་དུ་འགྱེལ་བ་མ་ཤེས་པར།།
མི་ལྷ་ཁང་ནང་དུ་ཡོ་བསྡད་པ་མཐོང་།།
རང་ལུས་ལ་དཔེ་བླངས་ནས།།
མི་ལུས་ལ་བཤད་པ་རྒྱོབས།།
རང་ལ་བལྟས་ན་མེ་ཏོག།
གཞན་ལ་བལྟས་ན་རྩྭ་ཡན།།
རང་ཁར་རང་གིས་བདག་པོ་སྤྲོད།།
ནམ་ཕུགས་གླེང་རྒྱུ་ཉུང་བ་ཡིན།།
རང་མགོ་རང་གིས་བསྐོར་ཀྱང་།།
ད་དུང་སྤྱང་པོའི་ཚུལ་དུ་བཟུང་།།
རང་མིག་རང་གིས་སློང་བ།།
རང་ཁར་རང་གིས་གཞུས་ནས།།
རང་སོ་བཅག་ཀྱང་འཛུམ་དམུལ་དམུལ།།
རང་འཚོ་མ་ཟིན་འགྱེལ་བ་དེ།།
ལམ་ཁའི་རྡོ་ལ་འཁང་དོན་མེད།།
རང་རྒྱུ་ལ་སེར་སྣ་དང་།།
གཞན་རྒྱུ་ལ་ཧམ་སེམས།།
རང་སྡུག་རང་གིས་ཉོས་པ།།
རང་གིས་མ་ཎི་ཡང་མི་བགྲང་།
ཕྲེང་བ་མི་ལ་ཡང་མི་སྤྲོད།།
རང་གིས་གཡོས་པའི་སྐྱོ་མ།།
རང་གིས་གཙང་མ་ལྡག་དགོས།།
རང་གིས་མོ་གནོང་ལས་མ་བྱས་ན།།
གཞན་གྱིས་རང་ལ་འཕྱ་དོན་མེད།།
རང་ལ་བལྟས་ན་ལྷ་དང་།།
གཞན་ལ་བལྟས་ན་འདྲེ།།
རང་བསྟོད་བྱེད་པའི་དུས་ཚོད་དེ།།
ཤེས་བྱར་སྤྱད་ན་བསྟོད་པ་རང་བཞིན་ཐོབ།།
རང་དཔེ་གཞན་ལ་བཀབ་ནས་རྟོག་དཔྱོད་ཐོངས།།
རང་གིས་གང་བྱས་མི་ལ་ཤོད།།
རང་སྐྱོན་རི་བོ་ཙམ་དེ་ཁོང་དུ་སྦས།།
གཞན་སྐྱོན་ཏིལ་འབྲུ་ཙམ་ཡང་སྒྲོག་ཅིང་སྨྲོས།།
རང་མེད་བྱེད་ལ་རོགས་མི་དགོས།།
རང་སྲོག་གཅོད་པར་གྲི་མི་དགོས།།
རང་གདོང་མ་མཐོང་སེང་གེར་ཤགས།།
ཤགས་པ་ཁྱེད་རའི་ཁ་ཡང་འབ་རེད།།
རང་གི་རྙལ་རལ་ཕྱིས་ནས།།
གཞན་ལ་དྲི་མ་སྣོམས།།
རང་མགོ་རང་ལྤགས་ཀྱི་འཐུམ་པ།།
རང་ལ་དགོས་པ་ཞིག་དང་།།
གཞན་ལ་མི་དགོས་པ་ཞིག།
རང་ལུས་དུམ་བུར་གཏུབས་པར་མ་འཛེམས་ན།།
གོང་མ་རྟ་ཡི་ཐོག་ནས་འབེབས་པར་ཕོད།།
རང་མིས་རང་ཉིད་བརླག་པ་མང་།།
རང་བསམ་རང་གིས་གཏོང་བ་ལས།།
མི་ཁའི་རྗེས་སུ་འབྲང་མི་ཉན།།
རང་སྐྱིད་པ་གཞན་ལ་མ་ངོམ།།
སྐྱིད་པ་གཞན་ལའང་ཡོང་།།
རང་ལ་དགའ་བ་ཕྱེད་དང་།
མི་ལ་དགའ་བ་ཕྱེད་ཡོད།།
རང་ཡུལ་ཟམ་པའི་འོག་ཏུ་ཡིན་ཀྱང་སྐྱིད།།
རང་མེད་མི་མེད་བཟོ་བར།།
གྲི་དང་མེ་མདའ་མི་དགོས།།
རང་སྐལ་བཞག་ནས།།
མི་སྐལ་ལ་མིག་ཧྲིག་ཧྲིག།
རང་སྡོད་སར་མི་བཞག།
མི་སྡོད་སར་རང་སྡོད།
རང་དོན་འགྲིགས་ན་ཆ་ལུགས་ངན་ཀྱང་ངན།།
ཞིམ་པོ་བྱུང་ན་བཟས་ནས་ཤི་ཡང་ཤི།།
རང་གི་ཞྭ་མི་ཐེག་པར།།
མིའི་རྨོག་གྱོན་རྒྱུ།།
རང་ཐག་རང་གིས་ཆོད་པ།།
རྒྱལ་རྩེ་པ་སངས་བུ་ཁྲིད།།
རང་ཉིད་ཕུང་པས་མི་ཚད་ལྟོ་ཚང་ཕུང་།།
རང་གི་ལྷས་བློས་བཏང་།།
མིའི་ལྷས་ངོས་མ་བླངས།།
རང་སྐལ་རྡོ་ལ་སོང་ཡང་མུར།།
རང་ལུས་རྙིང་པར།།
རང་སེམས་གསར་དུ་ཆུག།
རང་གི་ལུས་ལ་དཔེ་ལོངས་ལ།།
གཞན་ལ་གནོད་པ་མ་བྱེད་ཅིག།
རང་སེམས་ལ་དོགས་པ་མེད་ན།།
བར་དོ་ལ་འཇིགས་སྐྲག་མེད།།
རང་ལ་དྲི་རང་ལ་ཁ་བདེ།།
ཞན་ལ་ཁག་དཀྲི་བྱེད་མི་ཉན།།
རང་ལ་ནན་པོ་བྱས་ན་ཕན་པའི་རྒྱུ།།
གཞན་ལ་འཇམ་པོ་བྱས་ན་མཐུན་པའི་གཞི།།
རང་བསྟོད་རྒན་མོ་བྱ་ལས་ཞན།།
རང་གིས་རང་ལ་བསྟོད་ན།།
ལྷ་དབང་ཡིན་ཀྱང་མཛེས།།
རང་འདོད་ཧམ་པ་གཡོ་སྒྱུ་གསུམ།།
འཕྲལ་དུ་སྒྲུབ་ཀྱང་ཕུགས་མི་བརྟན།།
རང་སེམས་དཀར་པོར་ལྷད་མེད་ན།།
ཁག་གཡོགས་གཏམ་ལ་སྐྲག་དོན་མེད།།
རང་མཐོང་ཅན་གྱི་སྐྱེ་བོ་དེས།།
མཁས་པའི་ཡོན་ཏན་སྐྱོན་དུ་སེམས།།
རང་ཐོག་ལ་དཔེ་བཞག་ནས།།
གཞན་ཐོག་ལ་སྐད་ཆ་ཤོད།།
རང་མགོའི་ཁ་བ་བཞག་ནས།།
མི་མགོའི་བ་མོ།།
རང་གི་སྐྱོན་ལ་ལྟོས།།
གཞན་གྱི་ཡོན་ཏན་སློབས།།
རང་གིས་མྱངས་མྱོང་ན།།
མི་ལ་ཤོད་པ་མཁས།།
རང་ཁ་སྤར་མོས་ཁེབས་ཀྱང་།།
མི་ཁ་འཕྱ་རས་མི་ཁེབས།།
རང་རྒྱ་ལ་མ་ཕྱིན་ཀྱང་།།
རྣ་ཅོག་རྒྱ་ལ་བཏང་ཡོད།།
རང་གིས་བཙོས་པའི་ཆང་དེ།།
ཞིམ་པོ་མེད་ཀྱང་འཐུང་དགོས།།
རང་གིས་བཙུགས་པའི་ཟམ་པ་ལ།།
རང་ཉིད་ཐར་བ་བྱེད་དགོས།།
རང་ལ་ཡོན་ཏན་ཡོད་ན།།
ཤུལ་ལམ་རང་གི་རྐང་འོག།
རང་ལས་ཁྱི་རྒྱུག་རྒྱུག།
མི་ལས་འབུ་འགྲོ་འགྲོ།
རང་ལ་བྱུང་ན་ནོར་དང་།།
མི་ལ་བྱུང་ན་ལྟས་ངན།།
རང་འཐག་རྩུབ་ན་རྩམ་པ་ཞིམ།།
ཕ་མ་བཙན་ན་བུ་ཕྲུག་ལེགས།།
རང་དོན་སྤགས་ཀྱི་འཆང་བུ་མི་ཤེས་པར།།
གཞན་དོན་མར་གྱི་དཀར་རྒྱན་ཞོག་རོགས།།ར
ང་མགོ་སྤར་བས་མ་འཐུམ་པར།།
མི་མགོ་དར་གྱིས་གཏུམ་རྒྱུ་ཕར་ཚད་རེད།།
རང་ཁྲལ་མི་ཐེག་པའི་མི་ཁྲལ།།
མར་ཁྲལ་མི་ཐེག་པའི་སྟེང་ཚྭ།།
རང་དོན་ངན་པ་ཁོག་ཏུ་བཅུག།
གཞན་དོན་སྨིན་མ་གཟེངས་གཟེངས།།
རང་དོན་རྩྭ་ཡི་གྲིབ་མ་འདྲ།།
སྤྱི་དོན་མཐོན་པོ་གནམ་དང་འདྲ།།
རང་ལ་མཛེས་རྒྱན་སྤྲས་པ་ལས།།
ཤེས་ཡོན་མང་ཙམ་བསླབས་ན་ལེགས།།
རང་གིས་རང་ལ་བྱིན་གྱིས་རློབས།།
རྐང་པས་མགོ་ལ་བྱིན་གྱིས་རློབས།།
རང་ཚོད་རང་གིས་བཟུང་།།
སྐྱེ་ཚོད་ཤིང་གིས་བཟུང་།།
རང་ཚོད་རང་གིས་མ་བཟུང་ན།།
ཁ་ལ་ཀོ་ལྕག་ཉོས་ཡོང་ངོ་།།
རང་བྱུང་ཁམས་ལ་དབང་སྒྱུར་མཁན།།
་དང་མི་ཡི་ལག་པ་ཡིན།།
རང་དབང་ཐམས་ཅད་བདེ་བ་སྟེ།།
གཞན་དབང་ཐམས་ཅད་སྡུག་བསྔལ་ཡིན།།
རང་ཚུགས་མི་ཐུབ་གཞན་གྱི་ཁ་ལ་ཉན།།
ཉེན་ཁའི་གཡང་ལ་གོམ་པ་ཐལ་བར་ངེས།།
ང་ལ་ཡི་ཕན་གཞན་ལ་གནོད།།
ལྷ་མོ་མ་མཉེས་མགོན་པོ་ཁྲོས།།
རང་ཤུགས་རང་ལ་བརྟེན་པ་ན།།
ལྷ་ཡི་ལག་པ་ལས་ཀྱང་བཟང་།།
རང་གིས་རང་ལ་ཡིད་མ་ཆེས།།
ཀ་བ་གདན་པ་ཀྱོག་ཀྱོག་རེད།།
རང་ཟས་ལ་སྨན་དང་།།
མི་ཟས་ལ་དུག།
རང་རྒྱུ་ལ་སེར་སྣ།།
མི་རྒྱུ་ལ་ཧམ་པ།།
རང་མ་གཏོགས་མི་མིན།།
ཨོང་དོ་མ་གཏོགས་ཤ་མིན།།
རང་སྐྱིད་པོ་བྱུང་ན།།
གཞན་གྱི་སྡུག་བསྔལ་མི་མཐོང་།།
རང་ལ་སྤུ་ཡོད་ཀྱང་།།
ལུང་པ་སྤུ་མེད་རེད།།
རང་ཡུལ་རྒྱབ་ཏུ་བསྐྱུར།།
ཡི་ཡུལ་པང་དུ་བླངས།།
རང་གི་མི་དེ་རང་གིས་བསྟོད།།
རང་གི་ལྷ་དེ་རང་གིས་གསོལ།།
རང་ཡུལ་ཕག་ཚང་ཡིན་ཡང་གཞལ་ཡས་ཁང་།།
རང་ཕྲུག་ལ་མི་གཅེས་པ་ཁྲ་དང་སྤྱང་ཀིས་ཀྱང་མི་བྱེད།།
རང་སེམས་དཀར་པོར་ལྷད་སྐྱོན་མེད་ན།།
ཡི་དམ་ལྷ་ཡི་བཀའ་ཆད་ཡོང་དོན་མེད།།
རབ་བརྒལ་གཅིག་ལ།།
བརྫེ་བཅངས་གཉིས།།
རབས་ཆད་ཀྱི་སྒོ་རྩར།།
གཅེས་ཕྲུག་གི་རྩེ་བྲོ།།
རལ་གྲི་ལག་ཏུ་མེད་གྱུར་ན།།
དེ་ལ་གཞན་གྱིས་ཐུབ་ཚོད་བྱེད།།
རི་བོ་ཆེན་པོ་རླུང་གིས་འཁུར་མི་ཐུབ།།
རྒྱ་མཚོ་ཆེན་པོ་མེ་ཡིས་བསྐམ་མི་ཐུབ།།
རི་དེ་ལ་འཁོར་བའི་རི་དྭགས་དང་།།
ཆུ་དེ་ལ་འཁོར་བའི་ཉ་མོ།།
རི་མཐོ་ན་དབྱར་ཀྱང་ཁ་བ་བབས།།
ཀླུང་དམའ་ན་དགུན་ཡང་ལྗང་ཁ་སྐྱེ།།
རི་མཐོ་ན་ཁ་ཆར་རྒྱུན་མི་འཆད།།
ས་མཐོ་ན་བ་མོ་རྒྱུན་མི་འཆད།།
རི་བོ་གཅིག་ལས་གཅིག་མཐོ།།
མཁས་པ་གཅིག་ལས་གཅིག་མཁས།།
རི་ཆེ་ལ་དཔག་པའི་ཁ་བ་དང་།།
རྡོ་ཆུང་ལ་དཔག་པའི་བ་མོ།།
རི་ཇི་ལྟར་མཐོ་ཡང་ལ་རྫས་འོག།
ཆུ་ཇི་ལྟར་ཆེ་ཡང་ཟམ་པའི་འོག།
རམཐོ་སར་ཕྱིན་ན་ཕྱོགས་བཞི་མཐོང་།།
རི་མགོ་མཐོ་ལ་མ་ལྟོས།།
རི་རྒྱ་ཆེ་ལ་ལྟོས།།
རི་སྡིང་སྡིང་གླ་བའི་ཉལ་ས་རེད།།
ཉལ་ཆེ་ན་སྲོག་ལ་ཉེན་ཁ་ཡོང་།།
རི་ཟུང་སྤྱང་ཀིའི་འགྲོ་ལམ་ལ།།
གཡང་དཀར་འབྲོས་པའི་ཐར་ས་མེད།།
རི་མགོ་མཐོ་ན་རླུང་པོ་སྡང་།།
ཅོད་ཕན་སྡོད་སའི་གནས་མ་ཡིན།།
རི་ཆེ་ན་གཡང་ཆེ།།
ཁེ་ཆེ་ན་ཉེན་ཆེ།།
ཆོས་ཟབ་ན་བདུད་ཟབ།།
རི་དཀར་པོར་གཏོང་མི་ཁ་བ་དང་།།
ཀླུང་ནག་པོར་གཏོང་མི་བ་མོ་རེད།།
རི་མ་ཟད་གླ་བ་མཐར་སྐྱེལ་དང་།།
ཆུ་མ་བརྒལ་གཏིང་ཚད་ག་ནས་ཤེས།།
རི་ལུག་པ་ཐག་པས་མི་འདུམ།།
ཆུ་ཤོར་བ་རགས་ཀྱིས་མི་འདོད།།
རི་ཟས་སྙིང་ལ་འདོད་ཀྱང་།།
རི་ནང་གནས་མི་འདོད།།
རི་བོང་གིས་ཁལ་ཐེག་ན།།
བོང་བུ་གསོས་ནས་གང་ཡོང་།།
རི་བོང་མགོ་མཐོ་ཡང་ཕྱེད་རྣ་བ།།
ཝ་མོ་གཟུགས་རིང་ཡང་ཕྱེད་རྔ་མ།།
རི་ཆེན་ཁོག་པ་རླུང་གིས་ཁེངས།།
མི་ཆེན་ཁོག་པ་རྫུན་གྱིས་ཁེངས།།
རི་བོ་ཀླུང་རྒྱ་ཆེ་ཡང་།།
ཤྭབ་ཤ་ཁྱིས་མི་གཏོང་།།
རི་ངན་རྩྭ་མ་ཞིམ།།
ས་ངན་ཆུ་མ་ཞིམ།།
རི་རྒྱལ་ལྷུན་པོར་སྦྲང་མའི་གཤོག་ལྕག།
རི་རབ་སྒུལ་བའི་སྒུལ་ཤིང་།།
རྒྱ་མཚོ་དཀྲུག་པའི་ཐུར་མ།།
རི་ཆེན་འདི་ལ་བསྐོར་ས།།
མི་ཆེན་འདི་ལ་ཞུ་ས།།
རི་མགོ་ནོན་ནས་ཁྱི་ར།།
རི་བོ་མེར་བསྲེགས།།
རྒྱ་མཚོར་དུག་བཏབ།།
རི་བོ་ཟོས་ནས་མ་བརྒྱགས།།
རྒྱ་མཚོ་བཏུངས་ནས་མ་ངོམས།།
རི་བོ་གནམ་རྡིབ་ཀྱི་སྡུག་བསྔལ།།
རི་བོང་གླག་གིས་ཁྱེར་ན།།
འབོད་ས་ཨ་སྔོན་གནམ།།
རི་བོང་པགས་པར་འཐེན་ཤེད་དང་།།
ཤི་ཤའི་རྒྱུ་མར་བརྒྱང་ཤེད་མེད།།
རི་བོང་སྤུ་ལ་མཐོང་བ་རྣམ་གསུམ།།
རི་བོང་གི་རྭ་དང་སྒོ་ངའི་སྤུ།།
རི་བོ་ནས་འབྲེག་འབྲེག།།
རྒྱ་མཚོ་ནས་གཅུ་གཅུ།།
རི་བྱིའུ་ཐང་ལ་བབས་པ།།
བརྒྱ་མ་ལན་གཅིག།
རི་འོས་ལ་རྫོང་དང་།།
ཐང་འོས་ལ་ཞིང་།།
རི་མོའི་བ་ལས་འོ་མ་དང་།།
རི་མོའི་གཟུགས་ལས་ཨ་ལན།།
རི་མཐོ་ན་ཁ་བ་དབྱར་འབབ་དང་།།
ཀླུང་དམའ་ན་ཆར་པ་དགུན་འབབ།།
རི་རྡོ་ཀླུང་སྐྱེས།།
མདའ་གཏམ་ཕུ་སྒྲོག།
རི་ལ་སྤྱི་བོས་རྡུང་ཡང་།།
སྐུ་གྱོང་རི་ལ་མི་ཕོག།
རི་མ་ཟད་གོང་མོ་མཐར་འདེད།།
ཆུ་མ་ཟད་ཉ་མོ་མཐར་འདེད།།
རི་བོང་སུག་ལག་ཐུང་རང་།།
ལ་མོ་འདྲ་འདྲ་བརྒྱབ་ཡོད།།
རི་མོར་ཚོན་གྱིས་བརྒྱན།།
མི་ལ་ཡོན་ཏན་གྱིས་བརྒྱན།།
རིག་པ་ཁོག་པའི་ནང་དུ་ཡོད།།
དགོས་པའི་དུས་སུ་གཉིད་ལ་ཤོར།།
རིག་པ་སློབ་པར་འགོར་དུས་མེད།།
ཁྭ་ཏའི་མདོག་ནི་དཀར་དུས་མེད།།
རིག་འཛིན་ཆང་གིས་བཟི་ནས།།
སྐྱུག་པ་འདོམ་ལ་འཇལ་སོང་།།
རིག་པ་གཞོན་གྱི་དུས་ན་སློབས།།
བ་ནི་དགུན་གྱི་དུས་སུ་གསོ།།
རིགས་མཐུན་དུད་འགྲོ་ཁྱུ་གཅིག་འདུ།།
སྤྱོད་མཐུན་མི་རྣམས་ལྷན་ཅིག་འདུ།།
རིང་བ་འདོམ་ལ་འཇལ།།
ཐུང་བ་མཐོ་ལ་ཚད།།
རིང་ལུགས་བདེན་པ་ཡིན་ན།།
མགོ་བོ་ཤོར་ཡང་འགྱོད་པ་ཅི།།
རིན་ཆེན་གསེར་གྱི་འདོད་པ་ཡོད་ཟེར་ན།།
དོན་མེད་མུན་པའི་གླིང་དུ་མ་སོང་ཞིག།
རིལ་རིལ་རྦབ་ལ་གྲིལ་ན།།
འཇོང་འཇོང་ལྟད་མོ་ཁྱད་པར་མེད།།
རུབ་རུབ་ཀྱི་གྲོས་བྱས།།
འཇགས་འཇགས་ཀྱི་ཟས་ཟ།།
རུས་པ་མེད་ན་ཤིག་རེད།།
རྣ་བ་མེད་ན་བྱ་རེད།།
རེ་བཅོལ་ཆེན་པོ་གཉེན་ལ་མ་བྱེད།།
ནམ་ཕུགས་འཁོན་དུ་འགྲོ་བ་ཡིན།།
རེ་བ་གནམ་ལ་བཅོལ།།
གཡོལ་དགོས་པ་གཅིག།
རེ་བ་རི་ཙམ་བཅོལ་ཀྱང་།།
འབྲས་བུ་སྤུ་ཙམ་མི་ཐོབ།།
རོ་བཅུད་ལྡན་པའི་ཟས་ཡོད་ཀྱང་།།
ལུས་ལ་འཇུ་བའི་ཕོ་བ་དགོས།།
རོ་ས་འོག་ལ་སོང་ཡང་གཏམ་ས་སྟེང་དུ་ལུས།།
རོ་སྔོན་ལ་ཕུད།།
སྐར་མ་རྗེས་ལ་ལྟ།།
རོ་བདག་མེད་ཁྱི་ཡི་ལོངས་སྤྱོད་རེད།།
རོ་དུར་ཁྲོད་ནས་ལོག་མི་སྲིད།།
རོགས་གསར་པ་ཡོད་དུས་རྙིང་པ་བོར།།
གཡུ་བྱུ་རུ་ཡོད་དུས་སྤོས་ཤེལ་བོར།།
རོང་བའི་མི་ལ་ཚད་པའི་གཡའ།།
བརླག་འདོད་ན་རྩིས་པའི་བ་བརླགས།།
འཆི་འདོད་ན་ཨེམ་ཆིའི་ཨ་མ་ཤི།།
རླག་མཁན་ལ་སྡིག་པ་བརྒྱ།།
རྐུ་མཁན་ལ་སྡིག་པ་གཅིག།
རླུང་བུས་ནང་ལ་འདེད།།
ལྟོགས་པས་སྒོ་ཕྱིར་བུད།།
རླུང་གིས་རི་བོ་ཁྱེར་ཐབས་བྲལ།།
བླུན་པོས་མཁས་པ་བསླུ་ཐབས་བྲལ།།
རླུང་མ་ལྡང་ཤིང་སྡོང་སྒུལ་དོན་མེད།།
གྲུ་མ་བསྒུལ་ཆུ་མོ་ཉོག་དོན་མེད།།
རླུང་ལ་གཤོག་སྒྲོ་མེད་ཀྱང་།།
མ་མཁའ་འུར་སྒྲས་ཁེངས།།
རླུང་ལ་ཞགས་པ་དང་།།
གྲིབ་ལ་སྤར་འཛིན།།
རླུང་རྟ་ཡར་འགྲོའི་དུས་ལ་ལྷ་ལས་བླ་མ་བཟང་།།
རླུང་རྟ་མར་འགྲོའི་དུས་ལ་ཁྱི་ལས་ཞུམ་བུ་སྡང་།།
ལ།
ལ་རེ་བརྒྱབས་ན་ཀླུང་རེ་ཡོད།།
ལ་ཀླུང་གལ་ཏེ་མགོ་འབྲེལ་ཡིན།།
ལ་རེར་ཐུར་རེ་མ་བརྒྱབ་ན།།
བདེམོའི་ཐང་ལ་བབ་མི་ཐུབ།།
ལ་ཁའི་ཉི་མ་དང་།།
ཆུ་ཁའི་གྲིབ་སོ།།
ལ་སུམ་མདོའི་ཐོ་སྤོགས་དང་།།
ཆུ་སུམ་མདོའི་ཟམ་པ།།
ལ་ལ་འགྲོ་བའི་འཁར་བ་དང་།།
ཀླུང་ལ་འགྲོ་བའི་ལྷམ།།
ལ་ཁའི་ཁ་བ་ཆེ་ཆུང་དེ།།
ལྷ་བྱ་གོང་མོའི་སྐད་ལ་ཉོན།།
ལ་ཁའི་སོ་པ་མ་གཏོགས།།
ཁྲིམས་གཅོད་ཀྱི་སྟ་རེ་མ་རེད།།
ལ་རྒྱག་པར་ལམ་དགོས།།
ཆུ་ཐོན་པར་གྲུ་དགོས།།
ལ་ལགས་སོ་མ་ཞུས་གོང་གི་ཚ་གྲང་རེད།།
ལ་མགོར་འབྱོར་རྗེས་བཞོན་རྟ་བརྗེད།།
ལ་ལ་ཁ་བ་དང་།།
ཀླུང་ལ་བ་མོ་མེད།།
ལ་མང་བརྒལ་བའི་བོང་རྒན།།
ཁལ་ཤེད་མེད་ཀྱང་མྱངས་ཤེད་ཡོད།།
ལ་ཁའི་ཆར་པ་དེ།།
ལུང་ཁུག་ལ་མི་འབབ།།
ལ་གཉིས་བར་གྱི་ལ་རྫས་དང་།།
ཆུ་གཉིས་བར་གྱི་ཟམ་པ།།
ལ་འདི་ནས་བརྒྱབས་ན་ལ་ཐག་ཉེ།།
ཆུ་འདི་ནས་འབོགས་ན་རབ་ཁ་བདེ།།
ལ་འདྲ་ཡང་ཀླུང་མི་འདྲ།།
ཆུ་འདྲ་ཡང་འོབས་མི་འདྲ།།
ལ་མཐོན་པོ་འཛེག་དུས་སྐེད་པ་འདྲོང་།།
ཐང་བདེ་པོ་འགྲིམ་དུས་མཇིང་པ་དུད།།
འཕྲང་དོག་མོ་བཤར་དུས་རི་ལ་ཕྱོགས།།
དེ་གསུམ་རྒས་པོའི་མན་ངག་ཡིན།།
ལ་མགོར་ཇག་པས་གང་བཤད་དང་།།
གྲུ་ཁར་མཉན་པས་གང་བཤད་རེད།།
ལ་མཚམས་ཁ་བས་ཆོད།།
ཁྱི་མཚམས་རྒྱུག་པས་ཆོད།།
ལ་ཁར་ཇག་པ་དང་།།
ཆུ་ཁར་མཉན་པ།།
ལ་ལམ་མེད་ལ་ལམ་བུ་བཟོས།།
ཆུ་ཟམ་མེད་ལ་ཟམ་པ་བཙུགས།།
ལ་རྒན་བཤར་བའི་མཛོ་རྒན་ལ།།
ཁལ་རྒྱུས་མེད་ཀྱང་ལམ་རྒྱུས་ཡོད།།
ལ་ཁར་ཤི་ན་བྱ་རོ་དང་།།
ཆུ་ཁར་ཤི་ན་ཉ་རོ།།
ལ་ཆའི་བང་ཆེན་རྡོ་ལ་སྦྱར།།
ལ་བཤད་ཀླུང་བཤད་བརྒྱ་བྱས་ཀྱང་།།
འབྲུ་ལུ་གཅིག་པོ་དོན་མེད།།
ལ་ཐེལ་སྒང་ལ་སྤགས་ཐེལ།།
ལག་དམ་པོར་མ་སྡོད་ཡོག་ལས་བྱེད།།
མིག་དམ་པོར་མ་སྡོད་ཡི་གེ་ཀློགས།།
ལག་ངལ་དུས་ལག་རོགས་མེད་པར།།
ཁ་དལ་དུས་ཟ་རོགས་མི་དགོས།།
ལག་པ་ཚ་དུས་སྐམ་པ།།
ཚེར་མ་ཟུག་དུས་རྡོག་པ།།
ལག་པ་ལ་ཤ་ཡོད་ན།།
ནམ་མཁའ་ལ་བྱ་ལྡིང་།།
ལག་མི་གཙང་བ་མི་ཁྱུར་མི་ཚུད།།
ལག་པ་ཡ་གཅིག་གི་ཐལ་མོ་དང་།།
རྐང་པ་ཡ་གཅིག་གི་ཞབས་བྲོ།།
ལག་པ་གཅིག་པས་བཀྲུས་པའི་གཙང་མདོག།
ལག་མགོ་བསྒྲེངས་པར་དཔུང་པ་དགོས།།
ལག་དགུ་ཆད་ཀྱང་ལན་དགུ་མཐུད།།
ལན་གཅིག་རྫུན་དུ་སྨྲས་གྱུར་ན།།
བདེན་པར་སྨྲས་ཀྱང་དོགས་པ་སྐྱེས།།
ལན་རྩ་ཅན་ལ་ཆད་པ་དང་།།
བུ་ག་ཅན་ལ་ལྷན་པ།།
ལན་པ་ཅན་ལ་སྟོང་གི་བཞི་ཟུར།།
ལབ་པ་ཁས་མ་ཐོགས་པ་དང་།།
འགྲོ་བ་རྐང་པས་མ་ཐོགས་པ་དགོས།།
ལབ་པ་ཁས་ལབ་ཀྱང་།།
བསྡེམ་པ་ལྕེ་བསྡེམས་ཡོང་།།
ལབ་རྒྱུ་ཆང་རེད་དེ།།
དགོས་རྒྱུ་ཆང་དགོས།།
ལབ་རྒྱུ་ཕ་བསད་བུ་ལ་ཡོད།།
ལམ་འཕྲང་ཆུ་ལ་བལྟས་ནས་འགྲོ་ལུགས་དང་།།
ཕྱེ་རྐྱང་སྤམ་ལ་བལྟས་ནས་ཟ་ལུགས་བྱེད།།
ལས་རྗེས་མ་ཟིན་ཀྱང་།།
ལྟོ་རྗེས་ཟིན་པ་དགོས།།
ལས་འཕྲོ་ཡོད་ན་ས་ཐག་རིང་ཡང་ཐུག།
ལས་འཕྲོ་མེད་ན་ཐུག་ཀྱང་ངོ་མི་ཤེས།།
ལས་ལ་བསཤན་པ་བསྐོས་ཙང་།།
སྡིག་པ་འཛེམ་པ་མི་འདུག།
ལས་བྱས་ན་མི་ཚར་བཞག་ན་ཚར།།
ལས་ལ་བསྐོས་ན་དགྲ་ནོར་རང་གི་ཡིན།།
མ་བསྐོར་རང་རྒྱུ་དགྲ་ཡི་ལག་ཏུ་ཤོར།།
ལས་ཁ་ནས་ཤོད་དུས་ནམ་ལངས་ལངས།།
དོན་ལག་ཏུ་ལོན་དུས་ས་རུབ་རུབ།།
ལས་ཀ་བྱེད་དུས་སྔོན་རྩིས་དགོས།།
ལས་ངན་པའི་སྡིག་པ་མ་བསགས་ན།།
སྐྲག་དགོས་པའི་གཤིན་རྗེ་ཆོས་རྒྱལ་མིན།།
ལས་འཕྲོ་མི་རྒན་ཁ་སྤུ་འདྲ།།
གཅོད་བཞིན་གཅོད་བཞིན་མང་དུ་འགྲོ།།
ལམ་ཐག་རིང་ན་རྟ་ཤུགས་ཤེས།།
གཤིབ་ཡུན་རིང་ན་མི་རྒྱུས་ལོན།།
ལམ་འཕྲང་དོག་པོའི་རྟ་བབ་དེ།།
དེ་མ་ཐག་གི་རིམ་འགྲོ་ཡིན།།
ལམ་རིང་པོ་ཞིག་ལ་ཀྱོག་ཀྱོག་བརྒྱ།།
ཚེ་རིང་པོ་གཅིག་ལ་སྐྱིད་སྡུག་བརྒྱ།།
མ་འདི་ལ་མི་འགྲོ་མེད།།
མི་དེ་ལ་མི་རེ་མེད།།
ལར་གསར་འགྲོགས་ཆེ་བའི་གཉེན་ལས།།
ཕྱི་ཐག་རིང་བའི་དགྲ་དགའ།།
ལས་མི་བྱེད་ལྟོ་གོས་སྤྲོས་བྲལ་ཡིན།།
ལས་མེད་ལ་སྒང་གི་སྤྱང་ཀི་མཐོང་།།
ལས་བྱས་པར་མ་ལྟོས་རྗེས་ལ་ལྟོས།།
ལས་ལ་བསོད་བདེ་མེད་ན།།
ཚེ་གང་འབད་ཀྱང་ཕྱུག་པོ་དཀའ།།
ལས་ལ་ཆོས་བྱས་ཀྱང་།།
སངས་རྒྱས་དགྲ་ལ་ལངས།།
ལས་ལ་གང་བསྐོས་མ་གཏོགས།།
སྣང་བ་གང་ཤར་མི་འདུག།
ལས་སྒོ་ལ་འགྲོ་བ་བསམས་ནས།།
ར་མཇུག་ལ་ཚོས་བརྒྱབ་པ་ཨེ་རེད།།
ལས་ཀ་ཐམས་ཅད་ལད་མོ་ཡིན།།
ལད་མོའི་ནང་ནས་སུ་མཁས་ཡིན།།
ལས་སྔ་དྲོ་མ་བྱས་ཕྱི་དྲོ་འགྱོད།།
རིག་པ་གཞོན་དུས་མ་བསླབས་རྒན་དུས་འགྱོད།།
ལས་ལ་བྱས་ཡུས་ཆེ་ན་ངོ་སོ་ཆུང་།།
ལས་ཚན་ཤིག་ལ་ཟ་སྒོ་སྲོ་མ།།
ལས་ཀ་མེད་ན་སྐས་འཛེགས་ཤིགས།།
ལུ་གུ་རྒྱགས་ཀྱང་རྐང་དམར་ཁྲག།
ལུ་གུ་མ་ཁྱེར་གོང་ལ་སྤྱང་ཀི་ཟུངས།།
ཡུལ་སྡེ་མ་འཁྲུགས་གོང་ལ་མི་ངན་ཟུངས།།
ལུག་རྫི་ཇ་ཆང་གཉིས་ལ་མགོ་འཁོར་ན།།
ལུ་གུ་སྤྱང་ཀིས་འཁྱེར་བ་དངོས་བདེན་རེད།།
ལུག་ལ་སྤྱང་ཀི་ཤོར་བ།།
ལུག་སྤུ་ཆེན་ལ་བལ་དང་།།
ཉ་སྤུ་མེད་ལ་ཁྲམ།།
ལུག་མ་གསོད་བླ་མས་གསུངས།།
ཤ་འཁྱེར་ཤོག་བླ་མས་གསུངས།།
ལུག་མགོ་བཤམས་ནས་ཁྱི་ཤ་བཙོངས།།
ལུང་པ་རེ་ལ་སྐད་ལུགས་རེ།།
བླ་མ་རེ་ལ་ཆོས་ལུགས་རེ།།
ལུང་པ་ཆུས་ཁྱེར་ན།།
རྡོ་ལེབ་སྐམ་པོར་མི་སྡོད།།
ལུང་པ་ཕུ་དུང་ཙམ་ཞིག་ནས།།
ཨ་བྲ་གཡག་ཤས་ཙམ་ཞིག་ཐོན།།
ལུང་པ་མ་ཟད་རྩམ་པ་རེད།།
ཁྲོམ་དུས་ཀཎི་སྒོ་བཞི་རེད།།
ལུང་ཆུང་ནང་གི་དཔོན་ཆུང་།།
ལུས་ལ་ན་ཚ་མེད་ན་ཁྱི་གཞུག་རྡོག་བརྫིས་ཐོངས།།
སེམས་ལ་སྡུག་བསྔལ་མེད་ན་བུ་ལོན་ཁག་ཐེག་གྱིས།།
ལུང་ངག་ཡིད་གསུམ་ཡར་ཕུལ་ནས།།
ལྟོ་གོས་གཏམ་གསུམ་མར་ཞུས།།
ལུས་ལ་མི་དགོས་ན་ཚ་དང་།།
སེམས་ལ་མི་དགོས་སྡུག་བསྔལ།།
ལུས་ལ་ཆེ་ཆུང་ཁྱད་ཡོད་ཀྱང།།
སྲོག་ལ་ཆེ་ཆུང་ཁྱད་པར་མེད།།
ལུས་སྲོག་གཟན་དུ་བོར།།
ལྟས་ངན་གཡང་དུ་ལེན།།
ལུས་ལ་རྨ་བརྒྱ།།
ཟས་ལ་ཁ་བརྒྱ།།
ལུས་རྒྱུ་རྐང་རྗེས་དང་།།
འཁྲིད་རྒྱུ་གྲིབ་ནག།
ལུས་པོ་སྐྱ་ཞིང་སྔོ་ལ།།
ཤ་ཟད་རུས་པ་སྐམ་པོ།།
ལུས་ལ་གང་གོན་ལྟ་མཁན་ཡོད།།
ཁོག་ནང་གང་ཟས་ལྟ་མཁན་མེད།།
ལུས་ལ་རྒྱན་ཆ་ལས།།
བློ་ལ་ཐོས་པ་དགའ།།
ལུས་ལ་དཔའ་རྩལ་ཡོད་རྒུ་ཚང་ན།།
སྐུ་གཟུགས་ར་ལས་ཆེ་མི་དགོས།།
ལུས་ལ་མེ་ཤོར་གསོད་ཐབས་དང་།།
རུམ་ལ་སྦྲང་འཛུལ་འབུད་ཐབས།།
ལེ་ལོ་ཅན་གྱི་སྐེ་ལ།།
བག་སྒོར་གཡོགས་ཀྱང་ཟ་མ་སྒྱིད།།
ལེགས་པ་བརྒྱ་ལ་བསྐོར་ཕྱོགས།།
ཞིམ་པ་བརྒྱ་ལ་གཡོ་ཕྱོགས།།
ལེགས་བཤད་བྱིས་པའི་ཁ་ལ་ཡང་ཡོད།།
ཉེས་བཤད་བླ་མས་གསུངས་ཀྱང་སྲིད།།
ལོ་མང་སོང་བའི་རྒས་པོའི་ཁ་ལ་ཉོན།།
སྐྱིད་སྡུག་མང་པོ་མྱངས་པའི་མི་རྒན་རེད།།
ལོ་ཆུང་བཅོ་ལྔ་བཅུ་དྲུག་སྐབས།།
ལས་གང་ཐུབ་པའི་དུས་ཚོད་ཡིན།།
ལོ་ན་རྒས་ན་རྒན་པ་མིན།།
ཤེས་བྱ་རྒྱས་ན་རྒན་པ་ཡིན།།
ལོ་གཅིག་ལོ་གཉིས་ལན་ཟླ་ཡིན།།
ལོ་གསུམ་ཨ་ཕོ་རྒན་རྒན་རྒན།།
ལོ་གསུམ་སྡོད་པའི་ཚེ་ལས་མེད་ཀྱང་།།
ལོ་བརྒྱ་འདང་བའི་ཡོན་ཏན་དགོས།།
ལོ་གཅིག་སྟོན་ཐོག་ཉེས་ན་ཉེས་པ་མིན།།
ཚེ་གང་གཏན་གྲོགས་ཉེས་ན་ཉེས་པ་ཡིན།།
ལོ་བརྒྱ་སྨན་དེ་འཆི་ཁར་དུག།
ལོ་ཨེ་ཡག་མི་ཡག་ཟླ་བ་བརྒྱད་པ།།
ལོ་ཡག་ཐོག་ལ་བཙས་མ་རྔོས།།
ལོང་བ་མཐོང་རྒྱ་ཆེ་བ།།
འོན་པ་གོ་རྒྱ་ཆེ་བ།།
ལོང་བས་བལྟས་ཀྱང་ཁམས་གསུམ།།
ལོང་བས་ལོང་བ་ཁྲིད།།
ལོང་བ་ཆུ་ལ་ལྷུང་།།
ཤ།
ཤ་མང་པོ་བྱང་ཐང་འབྲོང་ལ་ཡོང་།།
མི་མང་པོར་བགོས་ན་ཐོབ་སྐལ་ཆུང་།།
ཤ་གྲང་མོ་དགའ་སྟེ་ཇག་པར་མི་རག།
ཇ་ཚ་པོ་དགའ་སྟེ་འཚེམ་བུ་བར་མི་རག།
ཤ་སོགས་པ་གཅིག་ལ་ཟ་རེས་དང་།།
ཆང་དམ་བི་གང་ལ་འཐུང་རེས།།
ཤ་འཁྱགས་བཙོས་ན་བཟའ་ཚང་གྲོས་བྱེད།།
ཤ་རྡོག་སྒང་ལ་མར་རྡོག།
གོས་ཆེན་སྒང་ལ་ཕར་ཕྱིན།།
ཤ་ནས་ཤ་ཁུ་དང་མར་ནས་མར་ཁུ།།
ཤ་བུ་མོ་གཉིས་ཀྱིས་ཕུགས་མི་འཕེར།།
ཤ་ཞིམ་པོ་རུས་པའི་གསེབ་ལ་ཡོད།།
དེ་དཔོན་ལ་མ་རག་གཡོགས་ལ་རག།
ཤ་ལོ་དཀར་པོ་རུས་པའི་གཏིང་ནས་མེད་ན།།
དྲེག་པ་ནག་པོ་ཕྱིས་ཀྱང་མི་འགྲོ།།
ཤ་ལུག་མགོ་ཟ་བར།།
མིག་རིལ་གྱི་ལྟོགས་སླ།།
ཤ་ཡིས་མར་དགོས་མ་ཆོད།།
ཤ་ཁྱི་རྐང་པ་ཚ་རོགས་དང་།།
ཇོ་ལགས་སྐུ་ཐང་མཉེལ་རོགས།།
ཤ་གཟན་གྱི་ཨ་ཕོ་སྤྱང་ཀི་དེ་རི་ལ་བཏང་།།
ཆུ་འཐུང་གི་ཨ་ཅེ་ཝ་མོ་དེ་རྒྱ་ལ་བཟུང་།།
ཤ་ཡོད་ན་ལྤགས་པ་ཡོད་པ།།
ཤ་མི་ཟ་ཟེར་མི་བླ་མ་རེད།།
ཤ་བྲང་ཤ་དགོས་མི་བླ་མ་རེད།།
ཤ་ཞིམ་པོ་ཨ་ཕོ་སྤྱང་ཀིས་བཟས།།
ཁག་ངན་པ་ཨ་ལྕེ་ཝ་མོར་བཞག།
ཤ་ཁང་མུན་པ་ནག་ཀྱང་།།
ཤ་ལ་ཤ་གྲངས་བརྒྱབས་ཡོད།།
ཤ་ཤི་ཤར་མ་གཟིགས་ཀྱང་།།
སྡེར་མ་གསེར་སྡེར་ལ་དགོངས་པ་བཞེས།།
ཤ་འཚོ་ཞན་མེད་པ་འདྲེས་དགོས།།
གྲི་ཡག་ཉེས་མེད་པ་རྣོ་དགོས།།
ཤ་གར་སོང་མེད་པར།།
རིན་འཇོག་ལ་རྩོད་པ།།
ཤ་ཚ་བའི་གཏམ་གྱིས་རྣ་ཚ།།
ནད་མཁྲིས་པའི་སྨན་གྱིས་ལྕེ་ཏིག།
ཤ་རྡོག་གཅིག་ལ་འཚོས་རྒྱུ་མེད།།
མི་རྡོ་གཅིག་ལ་སྐྱིད་རྒྱུ་མེད།།
ཤིང་རྡོག་གཅིག་ལ་འབར་རྒྱུ་མེད།།
ཤ་ལུག་མགོ་ཟ་བར་མིག་ཚིལ་གྱི་རེ་བ།།
ཤ་ཆེ་ན་ཤེད་ལ་མི་ཕན།།
གོས་ཆེ་ན་ལུས་ལ་མི་སྐྱིད།།
ཤ་ཟད་འདོད་ན་མེ་ལ་སྲེགས།།
རྒྱུ་ཟད་འདོད་ན་ཁ་མཆུ་རྒྱོབས།།
ཤ་མ་བཟས་ཀྱང་ཤ་ཁུར་མཛུབ་མོ་བཙུགས་པས་ལན།།
ཤ་མ་འཚོས་པ་མ་ཤེས་པར།།
གྲི་མ་རྣོ་བའི་མགོ་ལ་བསྐྱལ།།
ཤ་ལ་འཚོས་ལོང་དང་།།
ཤ་ཁུར་གྲང་ལོང་ཡོད་དགོས།།
ཤ་ཁོག་ཕར་སྤྲད།།
ཏིག་ཁ་ཚུར་སྒུག།
ཤ་མཉམ་དུ་བཙོས་ཀྱང་།།
ཤ་དང་ཤ་ཁུ་ཁག་ཁག།
ཤ་ཟ་བདེ་བ་དང་།།
རུས་པ་བསྐྱུར་བདེ་བ།།
ཤ་ཤོར་གྱི་ཤ་ལན་དང་།།
རྒྱུ་ཤོར་གྱི་ར་མདའ།།
ཤའི་རིན་འབབ་ཚི་ལུས་ཐེག་དགོས།།
ཤ་ཁག་ཁག་གྲི་སོ་སོ།།
ཤ་གཅིག་ནས་བྲེགས་པའི་ཏིག་ཁ་དང་།།
ཀོ་བ་གཅིག་ནས་བྲེགས་པའི་རྒྱུན་བུ།།
ཤ་ལ་ཟ་ལོང་དང་།།
ལ་རྫས་ལ་གསོལ་ལོང་།།
ཤ་ལ་རྒྱག་དུས་རུས་ལ་གནོད།།
བཤད་པའི་ཚིག་ནག་སྙིང་ལ་ཟུག།
ཤ་གསར་ཨ་མ་ཨ་སྒྲོན།།
ལྟོ་ནད་མ་གཏོགས་གཏམ་ནད་མེད།།
ཤ་ཚའི་ཁ་ནས་གཏམ་སྙན་མི་ཐོན།།
ཤ་ལོ་དཀར་པོ་རུས་པའི་གཏིང་ནས་མེད་པར།།
སུག་པ་བུལ་ཏོག་བརྒྱབས་ཀྱང་ཨང་ལས་འོ།།
ཤྭ་རྐྱང་ཕར་འགྲོ་ཚུར་འགྲོ།།
ལ་རྫས་ཐལ་རྡུལ་གཏོང་ས།།
ཤྭ་བ་རྭ་ཅོ་རིང་ཡང་།།
གནམ་གྱི་སྐས་ཀ་མི་ཉན།།
ཤྭ་འདྲོག་རྐྱང་འདྲོགས་དགོ་བ་འདྲོག།
འདྲོག་རྒྱུ་མི་རྙེད་རི་བོང་འདྲོག།
ཤྭ་ཕོ་ལ་སྒང་འགྲོ་བ་ལ།།
ཕྱི་བལྟས་ལན་གསུམ་ལྟ་དགོས།།
ཤྭ་སྡུག་ཁྱི་སྡུག་རྔོན་པ་སྡུག།
རྫ་ཁྲ་ཡག་དཀྱིལ་དུ་གསུམ་ག་སྡུག།
ཤྭ་དང་ཤ་ཁྱི་ཐུག་ན།།
ཁྱི་ར་མགོན་པོ་རྡོ་རྗེ།།
ཤྭ་བ་རི་ནས་རྒྱག།
ཁ་མཆུ་འདུམ་ན་ཁེ།།
ཤྭ་བ་འཛིན་རྒྱུ་མེད་པས།།
ལུང་གཞུང་ཁྱི་སྒྲས་བརྒྱངས།།
ཤྭ་ཆད་ཐང་ལ་འབབས་དུས།།
ཤ་ཁྱི་གླ་ཁྱིས་བསྐོར།།
ཤྭ་ཕོ་དང་རྭ་ཅན་ལ་འགྲོ་ལུགས་བཅོ་བརྒྱད་ཡོད་ན།།
རྔོན་པ་སྨ་ར་ཅན་ལ་སྒུག་ལུགས་ཉི་ཤུ།།
ཤྭ་བ་ཡུལ་གྲུ་གང་དུ་བསྐོར་ཀྱང་།།
ཐ་མ་ལོག་ས་རང་གི་ཕ་ཡུལ།།
ཤྭ་ཕོའི་ཤེད་དང་།།
དགོ་ཕོའི་བང་།།
ཤྭ་བ་ཕོ་ཆེན་གྱི་མགོ་བོ་ཡང་མགོ།
བྱེའུ་ཆུང་ཛི་བི་ཡི་མགོ་བོ་ཡང་མགོ།
ཤྭ་བ་ཨ་མའི་སྔོན་ལ་ཤྭ་ཕྲུག།
ཤྭ་བ་གསོད་པའི་མི་དང་།།
ཤྭ་མཇུག་ནོན་པའི་ཁྱི།།
ཤྰཀྱ་ཐུབ་པའི་མདུན་དུ།།
ཤ་རིའི་བུ་ཡིས་སྒམ་སྒམ།།
ཤྰཀྱ་ཐུབ་པས་བཀག་ཀྱང་མི་ཁོགས་པ་དང་།།
འཇམ་དཔལ་དབྱངས་ཀྱིས་བཙལ་ཀྱང་མི་རྙེད་པ།།
ཤྰཀྱ་ཐུབ་པ་ཕེབས་དུས་མགོ་སྒུར་མ་དགོས་པ།།
གླང་ཆེན་སྨྱོན་པ་ཡོང་དུས་ལམ་གཟུར་མ་དགོས་པ།།
ཤག་པོས་མནའ་མི་ཟ།།
ཤགས་བརྒྱབ་ན་ཕ་བཟང་གི་བུ་ལ་རྒྱོབས།།
རྔོན་བརྒྱབ་ན་བྱང་ཐང་གི་འབྲོང་ལ་རྒྱོབས།།
ཤང་ཤང་རྒྱུག་ཆུར་རུལ་རྒྱུ་མེད།།
ཡ་རབས་ཚིག་ལ་འགྱུར་རྒྱུ་མེད།།
ཤངས་ནས་ཤངས་ལ་ཉིན་ལམ་གཅིག།
ཤངས་པས་ཤངས་པ་ངོ་མི་ཤེས།།
ཤངས་ལུང་པ་རྩྭ་སྣ་འཛོམས་ལེ་རེད།།
འཛོམས་མ་འཛོམས་གཡང་དཀར་ལུག་ལ་དྲིས།།
ཤན་པ་ལ་ཁ་ནས་གྲིབ་བརྡར།།
རྒས་མོ་ཐང་ཐེར་ནས་ངུ་ཤོད།།
ཤར་རྒྱ་གར་གྱི་རྨ་བྱ་ལ།།
ཚེ་འདི་ལ་ངོམ་རྒྱུ་སྒྲོ་མདོངས་རེད།།
ཤར་སྐྱ་རེངས་བཏང་ཡང་ནམ་མ་ལངས།།
ལྷོ་སྒེའུ་ཁུང་ཕྱེ་དང་མ་ཕྱེ་མེད།།
ཤི་མ་མྱོང་དམྱལ་བའི་ལོ་རྒྱུས།།
རྒས་མ་མྱོང་ཕ་ཚེ་བུ་རབས།།
ཤི་བ་བརྗེད་སླ།།
རྒས་པ་ངོ་ཆུང་།།
ཤི་ན་ཆོས་མེད་གྲྭ་སའི་གྲྭ་པ།།
བཤས་ན་ཤ་མེད་ཡུལ་པའི་རྨོན་ཁལ།།
ཤི་དམྱལ་བའི་ཡུལ་གྱི་ཆ་བསྐུར་དེ།།
གསོན་བྲང་ངེ་ཁམས་ལ་ཐེངས་པ་དགོས།།
ཤི་ས་ཡག་སྟེ་པོ་ཏ་ལ།།
ཤི་ལུགས་ངན་གདའ་སྒེའུ་ཁུང་ནང་།།
ཤིག་དང་འཇི་བ་སྲོ་མ་གསུམ།།
ཚེ་སྲོག་དོར་ས་སོར་མོའི་སྟེང་།།
ཤིག་གི་ཞོར་དུ་མཐེ་བོང་མེས་ཚིག།
ཤིག་གསོད་པར་སྟ་རེ་འཕྱར་མི་དགོས།།
ཤིག་མང་ན་རོགས་ཀྱིས་སྡང་།།
རྒྱུ་མེད་ན་གཉེན་གྱིས་སྡང་།།
ཤིག་ཟོས་ནས་གྲོད་པ་མི་རྒྱགས་ཀྱང་།།
ཚགས་ཟེར་ནས་སྣང་བ་སྐྱིད་སྐྱིད་རེད།།
ཤིག་གི་རྒྱུས་པ་བཏོན།།
སྲོ་མའི་ཀླད་པ་བལྡགས།།
ཤིག་འགྲོ་ས་མཐོང་བ་ལས།།
མཛོ་འགྲོ་ས་མི་མཐོང་བ།།
ཤིག་ལ་བརྒྱབ་ཀྱང་གོང་བའི་ཕྱི།།
ཐོག་ཁ་རྒྱ་ཆེ་ཡང་འགྲོ་ས་ཝ་མཆུ།།
ཤིག་སྡོད་མ་ཚུགས་ན།།
སེན་མོའི་བར་ལ་ཚུད་ཡོང་།།
ཤིང་བཟང་ལོ་འདབ་རྒྱས་ན།།
རི་ཀླུང་ཚང་མའི་རྒྱན་རེད།།
ཤིང་ལོ་འདབ་རྒྱས་ན་བསིལ་གྲིབ་བཟང་།།
ཆུ་རྐ་འགོར་ཡོད་ན་རྐ་མཇུག་བཟང་།།
ཤིང་ཆུང་ཆུང་གིས་གནམ་རྒྱ་རལ་དོགས་མེད།།
ཆུ་ཆུང་ཆུང་གི་ཟམ་པ་འཁྱེར་དོགས་མེད།།
ཤིང་སྔོན་པོའི་རྩེ་མོ་མཐོ་ན་ཡང་།།
རྣོ་སྟ་གྲིས་ཕར་བཅད་ཚུར་བཅད་རེད།།
ཤིང་རྩ་བ་མ་རུལ་ན་ལོ་མ་མི་སྐམ།།
ཤིང་ཀྱང་ཀྱོག་ལ་འཛེགས་སླ།།
མི་དབུལ་ཕོངས་ལ་ཤོད་སླ།།
ཤིང་རྒས་ན་རྩ་བ་མང་།།
མི་རྒས་ན་སྐད་ཆ་མང་།།
ཤིང་རྐང་གཅིག་གིས་ཇ་མི་འཁོལ།།
མི་ཧྲེང་གཅིག་གིས་ཐབ་མི་འཛིན།།
ཤིང་གདུང་མ་ཉན་པ་དགོས་ན་ཆུང་ན་བཟོ།།
མི་འཇོན་ཐང་ཡོད་པ་དགོས་ན་ཆུང་ནས་གསོ།།
ཤིང་གི་སོག་ལེ་ཤིང་ལ་མི་འགྲོ།།
ཤིང་ལ་ལྤགས་པ་དང་།།
མི་ལ་རྒྱུ་དག་དགོས།།
ཤིང་འཛེར་པའི་སྒང་ལ་སྟ་རེ་མ་གཞུ།།
མི་བདག་ཡོད་སྒང་ལ་བསམ་བློ་མ་གཏོང་།།
ཤིང་བཟང་ལྤགས་པའི་འོག་ཏུ་རུལ།།
མི་བཟང་ངོ་ཚའི་འོག་ཏུ་རུལ།།
ཤིང་ལ་ལྤགས་པ་དང་།།
མི་ལ་ངོ་ཚ་ཡོད།།
ཤིང་ཚེར་མ་ལ།།
བདག་པོ་ཀླུ་བཙན་ཡོད།།
ཤིང་སྡོང་ཐོག་ཏུ་འཛེགས་ནས།།
ཉ་མོ་ཐོབ་རེ་བྱེད་པ།།
ཤིང་སྡོང་གཅིག་གིས་ནགས་ཚལ་མི་ཆགས།།
རྩིད་རྐང་གཅིག་གིས་ཐག་པ་མི་ཡོང་།།
ཤིང་འཁྱོག་མེད་ནགས་ན་མེད།།
མི་སྐྱོན་མེད་གང་སར་མེད།།
ཤིང་ཐུར་གཅིག་གིས་གུར་མི་ཕུབ།།
ཨོང་རིལ་གཅིག་གིས་ཇ་མི་འཁོལ།།
ཤིང་གཟེར་ཤིང་ལ་མི་འགྲོ།།
མར་སྐོགས་མར་གྱིས་མི་དུལ།།
ཤིང་སྣ་འཛོམས་སར་བྱ་རིགས་མང་།།
དྲང་སེམས་ཅན་ལ་གྲོགས་པོ་མང་།།
ཤིང་གས་པ་སྤྱིན་གྱིས་སྦྱར་ལེ་ཡིན།།
གོས་རལ་པ་སྐུད་པས་འཚེམ་ལེ་ཡིན།།
ཤིང་གས་པའི་བར་གྱི་སྤྱིན་མ་བྱུང་ཡང་།།
རྡོ་གས་པའི་བར་ལ་བྱེ་མ་བྱེད་རྒྱུ་མེད།།
ཤེས་སུ་ཆེ་དང་།།
ཁ་སུ་བདེ་རེད།།
ཤེད་ཡོད་བཤན་པ་རྒྱལ་པོ་ལ།།
ཤེད་དེ་ཡོད་ཀྱང་དབང་དེ་མེད།།
ཤེད་མེད་ནུ་དཀར་རྒྱལ་པོ་ལ།།
དབང་དེ་ཡོད་ཀྱང་ཤེད་དེ་མེད།།
ཤེད་ཆེ་ནས་འབྲོང་ལ་མ་འཐམས་ཏེ།།
འུ་ཐུག་ནས་མི་འཐམ་ཀ་མེད་རེད།།
ཤེད་རྒྱལ་པོར་ཡོད་ཀྱང་བསྡུར་མཁན་མེད།།
བློ་སྤྲང་པོར་ཡོད་ཀྱང་དྲིས་མཁན་མེད།།
ཤེད་བཟང་དྲེའུའི་ཁལ་ཆེན་དེ།།
ཤེད་མེད་ཁ་དཀར་རྐྱང་ལ་བཀལ།།
ཤེད་ངོམ་ནས་རྟགས་ཚན་ཐོན་པ་དགོས།།
དེ་མེད་ན་སྟོང་གཏམ་འཆལ་བཤད་ཟེར།།
ཤེལ་སྒོའི་ནང་གི་མོག་མོག།
མིག་ལ་མཛེས་ཀྱང་ཟ་དབང་མེད།།
ཤེས་རྒྱུ་ལ་ཁབ་ལས་མེད་ཀྱང་།།
སྡོད་སྟངས་ལ་མགར་ཆེན་སྡོད་སྟངས།།
ཤེས་བྱ་བྱེ་ཐང་ཆུ་དང་འདྲ།།
གཏིང་དུ་བརྐོས་ན་དྭངས་ཤིང་བསལ།།
ཤེས་པ་ཁ་ནས་མ་ལབ་ན།།
བློ་གྲོས་ཁོག་པ་ནང་དུ་རུལ།།
ཤེས་ཡོན་མང་ཡང་རྫོགས་མཐའ་མེད།།
རྒྱུ་ནོར་མང་ཡང་རྫོགས་མཐའ་ཡོད།།
ཤེས་བྱ་མེད་པའི་འཚོ་བ་དེ།།
མེ་ཏོག་དྲི་མ་མེད་དང་མཚུངས།།
ཤེས་ཡོན་ནི་མདངས་ཆེའི་གསེར་ཏོག་དང་།།
རྒྱུ་ནོར་ནི་འདོད་པའི་ལྕགས་སྒྲོག་ཡིན།།
ཤོ་ཁེ་སར་རྒྱག།
རྒྱན་ལོན་སར་བཙུགས།།
ཤོག་ཟེར་ཉ་བསྒོང་ཟེ་གཟེངས་དང་།།
སྤྲོད་ཟེར་ཞ་ཆུ་ཁྲུམ་ཁྲུམ།།
ཤོད་མཁས་པས་སྒྲིབ་པ་མི་དག།
ངུ་མཁས་པས་མྱ་ངན་མི་སེལ།།
ཤོད་མ་དགོས་ཇོ་བོའི་དབུ་སྐྲ་དང་།།
ཕྱིས་མ་དགོས་དངུལ་དཀར་མེ་ལོང་།།
ཤོད་རྒྱུ་མེད་ནས་བཤད་ནད་ལངས།།
ཟེར་རྒྱུ་མེད་ནས་ཟེར་ནད་ལངས།།
ཤོད་རང་མཁས་ཀྱང་།།
སྤྱོད་མི་མཁས།།
གཤིབ་མ་དགོས་པའི་སྙིང་རྗེ་པོ།།
གསོ་མ་དགོས་པའི་གྲོད་པ་ཆུང་ཆུང་།།
གཤོག་སྒྲོ་དར་སྐུད་ཀྱིས་བསྡམས་ན།།
རྒོད་པོ་ནམ་འཕང་གཅོད་ཐབས་མེད།།
གཤོག་རྩལ་ཡོད་ན།།
ནམ་འཕང་སྤྱོད་དུས་ཤར།།
ས།
ས་སྐྱ་གོང་མ་ལྔ་ནི་སློབ་དཔོན་དངོས།།
དེང་དུས་ས་པཎ་ཁྱོད་ལ་ང་མི་འཇིགས།།
ས་འོག་འབུ་ལ་འབུ་རོགས་ཡོད།།
ནམ་མཁའི་བྱ་ལ་བྱ་རོགས་ཡོད།།
རྡོ་ཡི་རང་འཐག་སྟེང་འོག་གཉིས།།
ས་ལ་མལ་ལ་སྤུངས།།
རྡོ་རྡོ་མལ་ལ་སྐྱེལ།།
ས་བོན་ཡག་ན་མྱུ་གུ་ཡག།
མྱུ་གུ་ཡག་ན་འབྲས་བུ་ཡག།
ས་རུབ་གྱིས་ཆུ་མི་འཚོགས།།
ཀོ་རུལ་གྱིས་རྒྱུན་བུ་མི་ཉན།།
ས་ལེ་སྦྲམ་ནི་བསྲེགས་བཅད་ཀྱང་།།
དེ་ཡི་ཁ་དོག་ཉམས་མི་སྲིད།།
ས་གནས་ཀྱི་མེ་མདའ་དགོས།།
ས་འཁྱགས་ལ་སྔས་དང་།།
རྡོ་འཁྱགས་ལ་རྐུབ་བཀྱག་བྱས་ནས་དཀའ་བ་སྤྱོད།།
ས་ཕྱེ་མར་འདྲ་བ་དེ་བཟས།།
ཆུ་མར་ཁུ་འདྲ་བ་དེ་བཏུང་།།
ས་ཆ་གྲང་མོའི་སྒང་ལ།།
ལག་པ་ཚ་པོ་བརྒྱབ་པ།།
ས་ཟད་ན་རྡོ་ལ་ཐུག་ཡོང་།།
ས་ཁྱབ་རྡོ་ཁྱབ་ཏུ་གྱུར་པ།།
ས་བོན་ལ་དོ་སྣང་མ་བྱས་ན།།
ལྟོ་ཕོར་ཧྲུལ་ཆག་འགྲོ་རྒྱུ་ཤོད་མ་དགོས།།
ས་ཆ་གང་ཡིན་སྐད་ཀྱིས་ཤེས།།
ལུང་པ་གང་ཡིན་གཞས་ཀྱིས་ཤེས།།
ས་མ་འབྲོག་ལས་སྐྱིད་པ་མེད།།
ངོ་མ་གཡོག་ལས་ཁག་པ་མེད།།
ས་རྒྱ་གར་ལ་འགྲོ་བ་ལ།།
དོན་ས་ལེའི་པགས་པ།།
ས་བཤིག་ཨ་བྲ་འཕེལ་སྟོབས་ཆེ།།
སྡེ་བཤིག་ཁྲམ་པ་བྱ་བྱེད་མང་།།
ས་རུབ་སྦི་བསིལ།།
ནམ་ལངས་འུ་ཟུབ།།
ས་འཁོད་སྙོམས་པ་ལ།།
རྡེའུ་འབུར་དུ་ཐོན།།
ས་ཤུལ་ས་ཡིས་མི་ཁེངས།།
བང་མཚོད་ནོར་གྱིས་མི་ཁེངས།།
ས་བརླག་གི་ཨ་བྲ།།
སྡེ་བརླག་གི་རྐུན་མ།།
སང་ཉིན་གྱི་ཤ་ལས།།
དེ་རིང་གི་རུས་པ་ཞིམ།།
སའི་རི་མོ་ཐང་ལ་ཡོད།།
སྟག་གི་རི་མོ་ཕྱི་ལ་ཡོད།།
མིའི་རི་མོ་ནང་ལ་ཡོད།།
སངས་རྒྱས་ལ་ཀ་ཁ་དང་།།
ཉི་མ་ལ་སྒྲོན་མེ།།
སངས་རྒྱས་རང་མགོ་མ་ཐོན་པར།།
ཕྱི་མའི་རང་འདྲེན་ག་ལ་ཡོང་།།
སངས་རྒྱས་ལ་འདྲེན་པའི་ལྕགས་ཀྱུ་ཡོད་ཀྱང་།།
སེམས་ཅན་ལ་འཁོན་པའི་ཨ་ལོང་མེད།།
སངས་རྒྱས་ཕེབས་དུས་བྲམ་ཟེ་རྒས།།
བར་མི་འབྱོར་དུས་གཏམ་ཐག་ཆོད།།
སིལ་སྙན་ནམ་མཁར་འཕྱར་མ་དགོས་པར།།
དྲིལ་བུ་སྤར་འོག་ནས་འཁྲོལ་བ།།
སུག་བཞི་ལ་སྒང་ནས་རྙེད་ན་རྙེད་པ་མིན།།
གཡུ་ཆུང་སྒོ་རྒྱབ་ནས་རྙེད་ན་རྙེད་པ་ཡིན།།
སེང་གེས་ལས་ལྷག་པའི་གཅན་གཟན།།
ཅང་ཤེས་ལས་ལྷག་པའི་རྟ་མཆོག།
སེང་གེ་རང་ལུས་ཀྱི་འབུས་མ་གཏོགས།།
སྲོག་ཆགས་གཞན་གྱིས་གནོད་མི་ཐུབ།།
སེང་གེ་གངས་ལ་བསྡད་ན་སེང་གེ་དང་།།
སེང་གེ་ཀླུང་ལ་བབས་ན་ཁྱི་རྒན་འདྲ།།
སེང་གེས་གདོང་ཐག་ཐུང་།།
སྤྲེལ་རྒན་སྤྲོ་ཁ་ཚ།།
སེང་གེའི་གཡུ་རལ་ལ།།
སྤྲེའུའི་ལག་རྩེད།།
སེང་གེའི་ཁོག་པ་འབུ་ཡིས་བཟས་པ་ལྟར།།
བཀྲ་ཤིས་བསྟན་པ་ནང་ནས་བཤིག།
སེང་གེའི་མདུན་ན་སྒོ་ཁྱི་དང་།།
རྨ་བྱའི་མདུན་ན་བྱ་ནག།
སེང་གེས་གངས་དང་མ་བྲལ།།
རྒྱལ་པོ་ཁྲི་དང་མ་བྲལ།།
སེང་གེས་ནགས་སྲུང་།།
ནགས་ཀྱིས་སེང་གེ་སྲུང་།།
སེང་གེའི་ཡ་མགལ་ལ།།
ཁྱི་རྒན་གྱི་མ་མགལ་སྦྱོར་བ།།
སེང་གེའི་རྒྱན་ཆ་གཡུ་རལ།།
མི་ཡི་རྒྱན་ཆ་ཡོན་ཏན།།
སེམས་སྡུག་སྡུག་གིས་ལ་མོ་མ་རྒྱག་རོགས།།
ཁྲ་སིལ་སིལ་དུ་ལ་རྩེར་སླེབས་དུས་ཡོད།།
སེམས་པ་སྐྱིད་འདོད་ན།།
ལུས་པོ་དཀའ་བ་སྤྱོད།།
སེམས་མཐུན་མ་གཅིག་བུ་གཅིག་འདྲ།།
ཤེད་མཉམ་རྒོད་པོའི་གཤོག་པ་འདྲ།།
སེམས་སྡུག་པའི་སྒང་ལ་ཁྭ་ཏ་སྒྲོག།
ཡིད་ཆད་པའི་སྒང་ལ་ཁུ་བྱུག་སྒྲོག།
སེམས་པས་ལུས་པོ་མ་བསྐུལ་ན།།
ལུས་པོ་ཤ་ཡི་ཐོར་ཅོག་ཡིན།།
སེམས་འགྱུར་བ་སྐར་མའི་འགོ་འཇུག།
དུས་འགྱུར་བ་ཉི་མའི་སྔ་ཕྱི།།
སེམས་མཐུན་གྲོགས་པོ་འཛོམས་ན་མཚན་མོ་ཐུང་།།
མི་མཐུན་མཉམ་དུ་འཛོམས་ན་དུས་ཡུན་རིང་།།
སེམས་བསམ་པའི་བར་སྣང་ལ་རྟ་བརྒྱུགས་ཀྱང་།།
རྒྱུ་དངོས་པོའི་སྤར་མཐིལ་ལ་སོ་མི་ཐེབས།།
སེམས་པ་རྟ་རྒོད་རྒྱུགས་པར།།
བྱ་སྤྱོད་ཐོག་ལྟར་མྱུར་དགོས།།
སེམས་དཀར་ཟས་ལ་མང་མི་དགོས།།
ཡིད་སྨོན་གཏམ་དེ་ཉུང་མི་རུང་།།
སེམས་བཟང་རྣམ་པར་དག་པའི་ལས་བྱས་ན།།
མི་ལུས་གཅིག་ལ་འབྲས་བུ་བྱུང་ན་ཡིན།།
སེམས་ཆུང་སྡུག་གིས་ཤི་བ་མིན།།
རིན་ཆེན་ཆུ་ཡིས་ཁྱེར་བ་མིན།།
སེམས་བཟང་པོའི་ལྟ་བ་ལོག་ན།།
ལ་ལུང་པ་གལ་ཏེ་མགོ་འབྲེལ་རེད།།
སེམས་པས་སླེབས་སར།།
ལུས་པོས་མ་སླེབས།།
སེམས་ཆུང་ལ་ཆག་སྒོ་མང་།།
ཧམ་ཆེན་ལ་ཟ་སྒོ་མང་།།
སེམས་པ་ངན་པ་མི་ལ་བྱས་ན།།
བྱ་བ་ངན་པ་རང་ལ་འཁོར།།
སེམས་ཀྱི་འགྱུ་བ་སྐས་ཀྱི་འགོ་མཇུག་ཡིན།།
སེམས་གྲུང་དང་མི་གྲུང་རང་མགོ་ཐོན་མིན་ཡིན།།
སེར་སྣ་ཅན་གྱིས་བསགས་པ་དེ།།
ཧམ་པ་ཅན་གྱིས་ཟ་བ་མང་།།
སེར་སྣ་ཅན་ལ་སྤུན་མི་འཁོར།།
གཡོ་སྒྱུ་ཅན་ལ་གྲོགས་མི་འཁོར།།
སེར་བ་གཏོང་ཁར་གནམ་གཤིས་འཇམ།།
སེར་སྣའི་དམ་བཅའ་བཟའ་བཏུང་ཞིམ་པོས་གྲོལ།།
སོ་མེད་ཟ་ལུགས་ངན།།
མིག་མེད་ལྟ་སྟངས་ངན།།
སོ་སུམ་ཅུའི་སོ་གྲལ་མ་ཞིག་ན།།
ཟས་ཞིམ་པོ་ག་ནས་བཟང་བཟས་རེད།།
སོ་མེད་ཟས་དང་བྲལ།།
ནོར་མེད་གཉེན་དང་བྲལ།།
སོ་རམ་པའི་དགེ་བཤེས་རྟས་གཡུགས།།
འབབ་མ་དགོས་ཁེ་བཟང་དང་།།
རྐུབ་བརྡབ་པ་སྡུག་གྱོང་།།
སོ་ཡོད་སྲན་མ་ཟ་བར།།
སོ་མེད་སྙིང་རླུང་ལངས།།
སོ་མེད་ན་སོ་ནད་ན་དོན་མེད།།
མིག་མེད་ན་ལིང་ཏོག་སྐྱེ་དོན་མེད།།
སོ་སོའི་སྒྲོལ་མ་སོ་སོས་སྐྱོར།།
སོ་མེད་ཀྱང་ཟ་འཁྱེར།།
མིག་མེད་ཀྱང་ལྟ་འཁྱེར།།
སོ་ནམ་མེད་ན་ལོ་ཏོག་དཀའ།།
བརྩོན་འགྲུས་མེད་ན་དོན་གྲུབ་དཀའ།།
སོ་ནམ་ལུང་པའི་ཕུ་ནས་བྱེད།།
བཙས་མ་ལུང་པའི་མདའ་ནས་བརྔ།།
སོག་མ་རྒྱ་མཚོའི་ཁ་ལ་འཕྱོ།།
ནོར་བུ་རྒྱ་མཚོའི་གཏིང་ལ་གནས།།
སོག་པོ་ལ་ཡོད་པ་རྔ་མོང་།།
རྔ་མོང་ལ་ཡོད་པ་ཤ་རྡོག།
སོག་པོའི་ལས་ལ་བསོད་ནམས་ཆོས་འཕེལ་མཁས།།
སོང་ཟེར་ན་ཆུ་བོ་འབབ་འབབ།།
སྡོད་ཟེར་ན་རི་བོ་ཙོག་ཙོག།
སོན་ནི་གསེར་དང་ས་ནོ་དངུལ།།
དུས་ཚིགས་ཤོར་ན་ཡོང་ཐབས་བྲལ།།
སོན་བཟང་བཏབ་ན་འབྲས་བུ་ལེགས།།
སོར་མོ་བཅུ་ནས་གང་འཐེན་ན།།
བུ་ཚ་བཅུ་ལ་ཁྱད་མེད་ཡིན།།
སོར་མོ་ལྔ་པོ་ཁུ་ཚུར་གྱི་གཞི།།
ནང་ཁ་ཤིས་པ་རྒྱལ་ཁའི་གཞི།།
སོལ་བ་ཆུ་ལ་བཀྲུས་ན་ཡང་།།
ཁ་དོག་དཀར་པོར་འགྱུར་མི་སྲིད།།
སྲབ་ཐག་ཤོར་བའི་རྟ་རྒན།།
ལང་དུ་ཤོར་བའི་འཆལ་མོ།།
སྲམ་གྱིས་འུག་པ་གསོ་དགོས་ཚེ་སྔོན་ལས།།
སྲས་ཆུང་ཆུང་དགྲ་ལྷ་རྩེ་རྒྱལ་དེ།།
ཐུགས་ཆུང་ཆུང་ཨ་བྲའི་རིལ་མ་འདྲ།།
སྲན་མ་གླགས་མ་ཁེལ་བར།།
ནས་རྐྱང་ལ་ཐུབ་ཚོད།།
སྲིད་པའི་གངས་རི་ཡིན་མིན།།
ཉི་མ་ཤར་དུས་ཤེས་ཡོང་།།
སྲིན་བུ་མེ་འཁྱེར་ཉི་མར་འགྲན།།
སྲེ་མོང་གི་གཡུ་དང་།།
དུག་སྦྲུལ་གྱི་ཀླད་ཐིགས།།
སླ་ངར་ལག་པ་མ་འཆང་ན།།
སླ་ངའི་དྲེག་པ་འགོས་དོན་མེད།།
སློང་ན་ཞིམ་པོ་མི་རགས།།
ཉན་ན་སྙན་པོ་མི་གོ།
སློབ་མ་སྙིང་རག་མས་བླ་མའི་དབུ་གཡོགས།།
སློབ་མ་ངན་པས་སློབ་དཔོན་བརྫུ།།
གསང་དང་མ་གསང་མི་འདུག།
ཞབས་རྗེས་གངས་ལ་བཞག་འདུག།
གསལ་པོ་དག་ལ་གསལ་སྦྱོར།།
ནག་ཆུང་སྲན་མར་རིལ་སྐྱོར།།
གསུང་རྒྱུ་བླ་མས་གསུང་ལེ་ཡིན།།
མཛད་རྒྱུ་བླ་མས་མཛད་ལེ་ཡིན།།
གསེར་ས་འོག་ཏུ་ཡོད་ཀྱང་།།
འོད་ནམ་མཁར་ཁྱབ།།
གསེར་གྱི་རི་ལ་འཛེགས་པར།།
དངུལ་གྱི་ལྷམ་ཆུང་དགོས།།
གསེར་གཡུ་མི་ཏིག་གི་རྒྱན་ཆ་ལས།།
ཤ་མར་ཐུད་གསུམ་གྱི་འཚོ་བ་དགའ།།
གསེར་དངུལ་ལ་སོགས་ནོར་རྫས་ཀྱིས།
སྙན་པའི་གྲགས་པ་ཉོ་མི་ཐུབ།།
གསེར་གྱི་ཚིགས་ཁོག་གྱོན་རྒྱུ་བྱུང་ན།།
མཛུབ་མོའི་སྟེང་ལ་ཟུག་ཀྱང་ཟུག།
གསེར་ཞོ་གང་གིས་རང་ཚོད་ཟིན།།
ལྟོས་གྲོད་པ་བརྒྱགས་ན་ཟ་ཚོད་ཟིན།།
གསེར་རྔའི་རྔ་ཆུང་འབྲུག་རིས་མ།།
རྡུང་མིའི་ལག་པ་མ་བྱང་ན།།
གསེར་རྔའི་རྔ་ཆུང་ལན་ཁག་མེད།།
གསེར་འདོན་སྐབས་བྱེ་མ་མི་འདྲེས་པ་དང་།།
གཡག་གསོད་སྐབས་ཁྲག་ཐིགས་མི་རྒྱག་པ་མེད།།
གསེར་སྐུ་རང་འབྱོན་གྱིས་གསུང་མི་བྱོན།།
ནག་པོ་འབྲུ་ཞིབ་ཀྱིས་ཁ་མི་གྲགས།།
གསེར་ས་འོག་ཡོད་ན་འོད་ནམ་མཁར་དང་།།
གྲོ་མ་གཏིང་ན་ཡོད་ན་གྲོ་ལོ་ཁ་ལ་ཐོན།།
གསེར་གསེར་ཞོ་སྤྲད་པའི་གླ་པ་དེ།།
ལས་ལས་རྒྱུ་མེད་ཀྱང་ལངས་སྡོད་དགོས།།
གསེར་དང་ར་གན་བརྗེ་མི་སྨྱོན་པ་རེད།།
གཡུ་དང་དོ་ལོ་ནོར་ན་ལྐུགས་པ་རེད།།
གསོ་སྐྱོང་ཕ་མས་བྱས་ཀྱང་།།
ལུས་སྲོག་དཔོན་ལ་བདག།
གསོ་དུས་མེད་པའི་ནད་པ།།
སླེབས་དུས་མེད་པའི་མགྲོན་པོ།།
གསོན་ན་སྙིང་གཏམ་དང་།།
ཤི་ན་ཁ་ཆེམས།།
གསོལ་བ་རྐུབ་ལ་བཏབ་ན།།
དངོས་གྲུབ་ཡོང་རྒྱུ་ཕྱེན།།
གསོན་དུས་ཉེ་བས་མ་ཕན་ན།།
ཤི་ན་བར་དོའི་འཕྲང་འགག་རེད།།
བསག་བསག་གསིག་གསིག་བྱས་ཀྱང་།།
ལྗང་པ་ཐོར་ཁར་མི་སྐྱེ།།
བསགས་པ་ཚེ་གང་ལ།།
དགོས་པ་ཉིན་གཅིག།
བསད་ན་ཆེ་དྲགས་པ་དང་།།
བརྡུངས་ན་ཆུང་དྲགས་པ།།
བསད་པའི་མི་ལ་བརྒྱབ་པའི་རྨ་ཁ་དགོས།།
བསམ་པ་བཟང་པོར་གནོད་མ་སྐྱེལ།།
བྱང་ཆུང་སེམས་པར་དམའ་མ་འབེབས།།
བསམ་འདུན་འདོད་ལྟར་མ་འགྲུབ་ཀྱང་།།
བློ་རྩེ་གཅིག་གིས་བརྩོན་པར་བྱ།།
བསམ་པ་དཀར་པོ་དུང་འདྲ་བ།།
བྱ་བ་དྲང་པོ་མདའ་འདྲ་བ།།
བསམ་པ་བཟང་པོའི་རྫས།།
དམ་ཚིག་གཙང་མའི་ཟས།།
བསམ་པ་ལ་ལྷད་མ་ཤོར་བ་དང་།།
སྒོ་ང་ལ་ཆུ་མ་ཤོར་བ་དགོས།།
བསམ་པ་ཆོས་ལ་བསམས།།
བཀོད་པ་སྡིག་ལ་བཀོད།།
བསམ་རྒྱུ་རྟ་ཕོ་བསམས།།
ལས་ལ་རྐང་ཐང་བསྐོས།།
བསམ་ཚད་ཁ་ནས་འདོན་པ་དང་།།
དྲན་ཚད་ལག་ཏུ་མ་ལོན།།
བསམ་བློ་སྔོན་ལ་བཏང་ན་མཁས་པ་དང་།།
འགྱོད་པ་རྗེས་ལ་སྐྱེ་བ་གླེན་པ་ཡིན།།
བསམ་ངན་ཕྱི་ཐག་ཐུང་དང་གྲོགས་མ་བྱེད།།
ཞེ་སྡང་ཁ་འཇམ་ཅན་ལ་རང་སྐྱོན་གྱིས།།
བསམ་ངན་ཡིད་ལ་ཤར།།
སྤྱོད་ངན་ལག་ཏུ་བསྟར།།
བསམ་བློ་བཏང་བའི་གད་མོ་རང་སྐྱོན་མིན་ན་གང་ཡིན།།
མི་ལ་བལྟས་པའི་གད་མོ་འཕྱ་ལད་མིན་ན་གང་ཡིན།།
བསམ་ངན་མ་ཎི་འདྲེན་པ་ལས།།
སེམས་བཟང་གླུ་ཆུང་བཏང་བ་དགའ།།
བསམ་ཚད་ཐོག་ཏུ་བབ་ལེ་ལ།།
ཆ་རྐྱེན་དཔག་ཏུ་མེད་པ་དགོས།།
བསམས་པ་ཐོག་ཏུ་མ་སོང་བར།།
མ་བསམས་ཁ་བ་འབབ་འབབ།།
བསེ་རུ་ལྟ་བུའི་སེམས་བསྐྱེད་དང་།།
རྫི་བོ་ལྟ་བུའི་བྱམས་སེམས།།
བསོད་ནམས་ཟད་ཁར་བསམ་ངན་དྲན།།
བསོད་ནམས་ཅན་ལ་ནོར་བུ་མེད་ཀྱང་འཁོར།།
ཐོད་པ་དཀར་པོས་ནོར་བུ་ཡོད་ཀྱང་སྐྱེལ།།
བསོད་ནམས་ལ་བ་བསྐོས་ཀྱང་།།
དབང་ཐང་ལ་བཞོན་བསྐམས།།
བསོད་ནམས་ར་བས་མ་ཁེགས་ན།།
ཚེར་མ་ར་བས་ག་ལ་ཁེགས།།
བསོད་བདེ་མེད་པའི་སྒོག་ཏིང་།།
ཚིལ་ལུ་བརྡུངས་ཀྱང་ཞག་མི་འཁོར།།
བསླབ་བྱ་བརྒྱ་ལས།།
སྣ་སུན་གཅིག་དགའ།།
བསླབ་པ་ལ་རྒན་གཞོན་དང་།།
མཆོད་རྟེན་ལ་བང་རིམ་ཡོད།།
བསླབ་པའི་ཤེས་རྒྱ་མེད།།
སྒོམ་པའི་ཉམས་མྱོང་མེད་པ།།
ཧ།
ཧ་ཅང་ཕྱུག་པའི་མིས་ཟ་མི་ནུས།།
ཟ་ཁ་ཆེ་ཉིན་སྡོད་དབང་རྫོགས།།
ཧ་མ་གོ་ཧ་གོ་རིལ་རིལ་དེ།།
དོན་ཉག་ལ་བཀར་ན་རང་ལ་འཁོར།།
ཧ་མ་གོ་ན་རྐུན་མ་དང་།།
ཧ་གོ་ན་རྩེད་མོ།།
ཧ་ཅང་གཡོ་སྒྱུ་ཆེ་དྲགས་ན།།
ཐ་མ་རང་ཉིད་བརླགས་པར་འགྱུར།།
ཧར་པ་བུ་ལོན་ལེན་ཞོར་དང་།།
སྡིག་ཅན་དམྱལ་བར་འགྲོ་ཞོར།།
ཧར་ཆེན་གྱིས་ཧར་མ་བཤད་ན།།
ཧར་ཆུང་གད་མོ་ཤོར་དོན་མེད།།
ཧམ་པ་རི་ཙམ་བཤད་ནས།།
བདེན་པ་གཡག་ཙམ་ཐོབ་རེ།།
ཧེ་བག་ཤིག་ཙམ་ལ།།
ཁྱད་པར་མཛོ་ཙམ།།
ཧོར་ལ་རྒྱག་པ་མ་མཐོང་།།
ཐུད་ཟ་བ་མཐོང་།།
ཧོལ་རྒྱུག་བྱེད་པའི་རྩ་ཁ་དེ།།
ཤེས་རྒྱ་མེད་པའི་རྐྱེན་གྱིས་ཡིན།།
ཧོར་བྱང་ཐང་ལ་རྟ་རྒྱུགས་པར།།
ཨ་ཙ་ར་བྲག་ཁུང་ནས་གད་མོ་ཤོར།།
ལྷ་མདུན་ལ་བཞག།
ཕྱག་རྒྱབ་ལ་འཚལ།།
ལྷ་ཁང་ནང་གི་མདའ་མོ།།
བཀང་ས་ཡོད་ཀྱང་རྒྱག་ས་མེད།།
ལྷ་ཁང་རྙིང་པ་ལ།།
གནས་བཤད་གསར་པ།།
ལྷ་པ་མོ་པ་སྒྱུ་མ་གསུམ།།
འཇིག་རྟེན་ཁམས་ན་རྫུན་ཆེན་གསུམ།།
ལྷ་སའི་ཡས་རེད་མ་རེད།།
མོག་མོག་ཐང་གཞི་ཆག།
ལྷ་སའི་རྒད་པོས་ལྷ་སའི་ཇོ་བོ་མ་མཇལ།།
ལྷ་ལུང་དཔལ་རྡོར་རི་ལ་སོང་ཡང་།།
རྟ་ཕོའི་ཞབས་རྗེས་ཐང་ལ་ལུས།།
ལྷ་སར་གསོལ་འདེབས་དུས།།
ཡིད་ལ་རིགས་དྲུག་འཁོར་དགོས།།
ལྷ་ཁང་ནང་གི་དད་པ་ལྟར།།
རྒྱུན་དུ་ཡོད་ན་དགའ་བ་ལ།།
ལྷ་མོ་བཞིན་དུ་མཛེས་གྱུར་ཀྱང་།།
བྱང་ཆུབ་སེམས་དཔའ་ཡིན་པ་དཀའ།།
ལྷ་འབོད་ཐག་རིང་།།
འདྲེ་ཁ་ཐག་ཉེ།།
ལྷ་རི་ཁྲ་བོ་ལ་མེ་རྒྱག་པ་སླ།།
མེ་སྟག་མཛུབ་མོས་དཀྲུག་པ་དཀའ།།
ལྷ་ཡུལ་ལམ་ཡོད་ལ་མ་ཕྱིན་པར།།
དམྱལ་བ་སྒོ་མེད་ནང་འཛུལ་བ།།
ལྷ་ལས་རིགས་རུས་མཐོ་ཡང་།།
ཡོན་ཏན་མེད་ན་མགྲིན་བཟང་རེད།།
ལྷ་མི་མགོན་མི་དེ་ཚོས།།
འདྲེ་མི་གནོད་མི་དེ་བཀར།།
ལྷ་ཡི་ལོངས་སྤྱོད་ལ།།
འདྲེ་ཡི་གདུལ་བྱ།།
ལྷ་ཡིད་ཆེས་ལ།།
འདྲེ་ཁོ་ཐག་མི་ཆོད་པ།།
ལྷ་ཆུས་གྱེན་དང་འདྲེ་ཆུས་ཐུར།།
གང་དུ་འཁྱེར་ཀྱང་ལས་ཡིན།།
ལྷ་ཁང་དྲི་མས་རྒྱོང་དུས་ང་མེད།།
ཇོ་བོར་གསེར་ཆབ་འབུལ་དུས་ང་ཡོད།།
ལྷ་འདྲེ་མི་གསུམ་སྤྱོད་ལམ་གཅིག།
ལྷ་མོ་མ་མཉེས་མགོན་པོ་ཁྲོས།།
ལྷ་བླ་མ་ཉལ་ན་ཆོས་འགོ་འཕྱོར།།
གོང་དཔོན་པོ་ཉལ་ན་ཁྲིམས་འགོ་འཕྱོར།།
ལྷ་རྣམ་སྲས་ཀྱི་བང་མཛོད་ལ།།
འདྲེ་ཡི་དྭགས་ཀྱི་དཀོན་གཉེར།།
ལྷ་ལ་མཆོད་པ་དང་།
ཡི་དྭགས་ལ་གཏོར་མ།།
ལྷ་གསོལ་མ་དགོས་པར།།
དཔལ་རྒྱ་མཐོངས་ནས་ལྷུངས།།
ལྷའི་སྙན་ཅོག་ལ་ཙོང་གི་པི་པི།།
ལྷ་ལ་རྣམ་པར་རྒྱལ་པའི་ཁང་བཟང་ཡོད་ན།།
འདྲེ་ལ་ཨ་སུ་ར་ཡི་བྲག་ཕུག་ཡོད།།
ལྷ་ལུང་ལ་འདྲེ་ལག་རྐྱོང་བ།།
ལྷ་ལ་གསེར་རྒྱན་དང་།།
མི་ལ་གོས་ཀྱིས་རྒྱན།།
ལྷ་ཁང་གསར་པ་བཞེངས་ཀྱི་སྡོད་པ་ལས།།
ལྷ་ཁང་རྙིང་པར་ཉམས་གསོ་བྱས་ན་དགའ།།
ལྷ་གསར་པ་ལས།།
འདྲེ་རྙིང་པ་དགའ།།
ལྷ་ལ་མཆོད་པ་དགའ།།
མི་ལ་ངོ་བསྟོད་དགའ།།
ལྷ་ས་མ་མཇལ་ན།།
མི་ལུས་ཕྱེད་ཀ་ཡིན།།
ལྷ་བཞེངས་པ་ལས་བཞུགས་ན་སྤམ།།
ལྷན་ཆུང་གྲུ་བཞིའི་ཁ་འོག་ཏུ།།
སྐུད་སྣེ་བརྒྱ་ཚང་ཡོང་ངེས་བྱེད།།
ལྷམ་རུལ་ནང་ནས་དྲི་ངན།།
མི་ངན་ཁ་ནས་གཏམ་ངན།།
ལྷམ་གོག་ཨ་ཀྲད་ལ་མ་ལྟོས།།
ཞབས་བྲོའི་འབྱུང་ཁུངས་ལ་ལྟོས།།
ལྷད་སྐྱོན་མེད་པའི་གཡང་ཌི་དཀར་པོ་དང་།།
ཁ་ཞེ་མེད་པའི་སེམས་པ་དར་དཀར།།
ལྷན་པ་གཅིག་གི་ཞབས་ལ་སྐུད་སྣེ་བརྒྱ།།
ལྷམ་ལ་བསྟུན་ནས་རྐང་གཞོག་པ།།
ལྷུག་ཏུ་བཏང་ནས་སྤུ་སྐྱེས་ཀྱང་།།
འཐོག་པར་འགྲོ་དུས་ལག་ཏུ་མ་ཟིན།།
ལྷགས་པ་ལངས་ཐོག་གི་རྡུལ།།
ཆར་པ་འབབ་ཐོག་གི་ཆུ།།
ཨ།
ཨ་མའི་བུ་ལ་ཡོན་ཏན་ཡོད་ན།།
དགའ་ལྡན་ཁྲི་ལ་དམ་ཕྲུག་མེད།།
ཨ་ཕས་འཁྲབ་ཀྱིས་བསམས་ནས།།
ར་ཕོས་འཁྲབ་རྒྱུ་མེད།།
ཨ་མ་མ་ཡར་ཤི་ན་དགའ།།
པ་ཕ་ཕ་ཡར་བསྐོས་ན་དགའ།།
ཨ་ཕོ་རང་གིས་མ་འཇོན་ན།།
སྐྱབས་མི་ལ་བཅོལ་བ་ལས་ཀྱི་མཐའ།།
ཨ་ཡོད་ནང་གི་ད་ཡོད།།
སྒོ་ངའི་ནང་གི་སེར་རིལ།
ཨ་མའི་པང་ལ་སྡོད་དུས་སྐྱིད་མ་བསམས།།
མི་ཡུལ་གཞན་དུ་སླེབས་དུས་སེམས་པ་སྐྱོ།།
ཨ་ནི་བཞག་ནི་ལྷན་རྟི།།
གྲུབ་པ་བཞག་ནི་རལ་ལྕོག།
ཨ་ཁུ་ལུག་རྫི་སྡོད་ཤེས་ན།།
གཡང་དཀར་ལུ་གུ་འཁོར་ཤེས།།
ཨ་བྲ་ཆུང་ཡང་ཡན་ལག་ཚང་།།
སྤོ་མཐོ་ཆུང་ཡང་རི་ཡི་རྒྱུད།།
ཨ་ཁུ་ཡོད་ན་ཡོད་ཐབས་མེད།།
ཨ་ཁུ་མེད་ན་མེད་ཐབས་མེད།།
ཨ་ཅག་ལསག་ལས་མཛེས་པ།།
ཞི་མིའི་སྤུ་ལས་འཇམ་པ།།
ཨ་བསར་སྲན་མའི་མེ་ཏོག།
ཟླ་བ་གཅིག་ལ་ཡལ་སོང་།།
ཨ་བསར་རྟ་ལས་མགྱོགས་པ།།
གཞུ་གུ་ལུག་ལས་ཐུང་བ།།
ཨ་བསར་སྤ་མའི་མེ་སྐོང་།།
འབར་ན་དྲོ་སྟེ་འབར་ཡུན་ཐུང་།།
ཨ་མས་བུ་ལོན་མ་བྱས་པ་དང་།།
བུ་མོས་ཨ་མ་མི་བྱེད་པ་མེད།།
ཨ་ཅོར་ལ་ཡ་ང་བ་མ་རེད།།
རྡོག་ཁྲེས་ལ་ཤ་ཚ་བ་རེད།།
ཨ་མའི་བུ་ལ་སྙིང་རུས་ཡོད་ན།།
ལྕགས་ཧྲེང་བརྡར་ནས་ཁབ་ལ་གྱུར།།
ཨ་མ་ཡིན་ཤག་དང་།།
ནུ་མ་འཇིབ་ཤག།
ཨ་ཕ་མེད་ཟེར་ཤ་མི་ཟ་བ་དང་།།
ཨ་མ་མེད་ཟེར་སྤགས་མི་ཟ།།
ཨ་ཙ་ར་བལ་པོ་མི་འདོད།།
བལ་པོའི་སོག་བྱིལ་འདོད།།
ཨ་བྲ་སྤང་ལ་རྒྱུག་པར།།
རྒྱུག་ལུགས་རྣམ་པ་བཅོ་བརྒྱད།།
ཙི་ཙི་རམ་པ་ཟ་བར།།
ཟ་ལུགས་རྣམ་པ་བཅོ་བརྒྱད།།
ཨ་བྲས་ཚེ་གང་བསགས་པ་དེ།།
མཛོ་ཕོས་ཁ་གང་ལ་བཟས།།
ཨ་མའི་བུ་ནི་ཀུན་ཀྱང་ཡིན།།
ཕ་ཡི་བུ་ནི་རེ་གཉིས་ཙམ།།
ཨ་མའི་བུ་མོས་སྒུག་ཀྱང་།།
གསན་ཆུང་ཉི་མས་མ་སྒུག།
ཨ་ཡག་དགོས་ན།།
ཨ་ཚ་སྒོམ།།
ཨ་ཕ་དགའ་བའི་ཞབས་བྲོ་མ་རེད།།
རྐང་པ་མེས་ཙིག་པའི་བྲོ་རེད།།
ཨ་ཕ་ཆང་གིས་བཟི་བའི་བློ་ཤེད་ཀྱིས།།
མཛོག་མགོ་ཨམ་ཕྲག་ནང་དུ་བླུག།
ཨ་མའི་ཨོ་ལོར་འཇོན་ཐང་ཡོད་ན།།
མ་རུང་ལྟག་སྒོར་སྒོ་ཟམ་འཐེན།།
ཨ་ཞང་ཧ་ལས།།
ཞང་པོ་ཡིད་ཆེས།།
ཨ་ཕོས་འཁྲབ་འཁྲ་ར་ཕོས་འཁྲབ།།
ར་ཕོའི་རྭ་རྩེ་རྡོ་ལ་བརྡབ།།
ཨ་མའི་ཁོག་པའི་ནང་ནས།།
སྐྱེས་པའི་རྗེས་ལ་ཤི་རྒྱུ་རེད།།
ཨ་མ་ཡོང་བ་དགའ།།
སྐྱུར་འགོང་སངས་པ་དགའ།།
ཨ་ཁུའི་སྤྱོད་པ་ལ་བལྟས་ན་མར་མར་དང་།།
ཨ་ཁུའི་རྒྱུད་པ་ལ་བལྟས་ན་ཡར་ཡར་རེད།།
ཨ་ཕ་མེད་ཅེས་གོ་སྟོད་སྟོང་པ་དང།།
ཨ་མ་མེད་ཅེས་གོ་སྨད་སྟོང་པར་ལུས་མི་ཡོང་།།
ཨ་མའི་བུ་མོར་སྙིང་རུས་ཡོད་ན།།
ལུག་གི་བལ་ལ་རུས་པ་མེད།།
ཨ་རུ་རྒྱ་གར་ལ་སྐྱེས་པ་དང་།།
གོ་སྙོད་རྩིག་ཁུག་ལ་སྐྱེས་པ་གནས་འདྲ།།
ཨ་ཁུ་མི་གྲལ་དང་།།
གྲོད་པ་ཤ་གྲལ་ལ་མི་འཇོག།
ཨ་ཕོ་རང་ལ་མེད་ན།།
སྐྱེས་པ་གསེར་ལས་དཀོན།།
ཨ་མའི་སྦས་ཁུང་ནང་གི་གཡུ་ཆུང་དེ།།
བུ་མོ་ང་ལ་མ་གཏོགས་འགྲོ་ས་མེད།།
ཨ་མས་བྱམས་པོ་མ་གནང་།།
ང་རང་ཉན་པོ་མ་བྱས།།
ཨ་སྐྱིད་ལ་དགོས་བསམས་ད་སྐྱིད་མནའ་མར་བླངས།།
ཨ་མ་ཤོད་མཁས་ན།།
བུ་སྤྲུལ་པའི་སྐུ།།
ཨ་རིག་རིག་པ་ཕྲ་ཡང་།།
གྲོང་སྡོད་ཤར་པ་མི་རེད།།
ཨ་མས་བུ་ཆོས་ལ་ཡོད་བསམ།།
བུས་རྐྱང་ཐང་ན་ཁར་ཨོང་རིལ་སྒུག།
ཨ་ཕྲུག་གཟུགས་ལས་རྡོག་ཁྲེས་ཆེ།།
ཨ་རོགས་མདའ་འདྲ་བྱས་ན་མདའ་འདྲ་བྱེད།།
གཞུ་འདྲ་བྱས་ན་གཞུ་འདྲ་བྱེད།།
ཨ་ཇོ་མདོག་རིས་ཞན་ཡང་།།
སྐྱེས་ས་ལྷ་སའི་བར་སྐོར།།
ཨ་ཕོ་སྟག་ལ་བཞོན་མུས་དང་།།
སྦྲུལ་གྱི་རྟ་ལྕག་འཁྱེར་མུས།།
ཨ་ཙ་ར་རྟ་ལ་བསྐྱོན་ན།།
ལྟག་པ་དགྱེ་རུ་དགྱེ་རུ།།
ཨ་བྲའི་དཔོན་པོ་རྫ་བྲ།།
རྫ་བྲའི་དཔོན་པོ་སྲེ་མོང་།།
དགྲ་ཨོག་དཀར་བྱུང་དུས་འདྲ་འདྲ་རེད།།
ཨ་གཡོག་ལ་ཡང་གཡོག།
སྣ་དཀར་རྩེ་པའི་བོང་གཡོག།
ཨ་ནེས་བཙུགས་པའི་ཟམ་པར།།
ཨ་ནེ་ཐར་བ་དགོས།།
ཨ་བྲས་ཐེག་པ་སྤེན་མའི་མདའ།།
ཨ་མའི་པང་དུ་སྐྱེས་མ་ཐག།
བླ་མ་བཟང་པོའི་ཕྱག་ཏུ་ཕུལ།།
ཨམ་ཕྲག་ལ་གང་ཡོད་མཛོག་མགོའི་རྒྱུས།།
ཨམ་ཕྲག་ལ་ཟ་རྒྱུ་ཡོད་ན།།
མཛོག་མགོ་བློ་མི་བདེ།།
ཨམ་མཆོད་ཡོན་ཏན་ཕད་གོག་གང་།།
ཕད་གོག་ལུས་ན་ཡོན་ཏན་ལུས།།
ཨམ་ཕྲག་རྡོ་ཡིས་ཁེངས་པའི་བློ་ཤེད།།
ཨམ་མཆོག་བཀོག་ནས་རྐུབ་ཀྱི་ལྷན་པ།།
ཨར་པོ་ཞག་གསུམ་རྒྱག་པར།།
བསམ་བློ་ལོ་གསུམ་གཏོང་དགོས།།
ཨའུ་ཙི་དང་གྲོགས་པོ་བྱས་ན།།
ཨ་ཁ་ཁ་རྒྱུན་མི་ཆད།།
ཨེ་སྦྱར་མི་སྦྱར་བྱེད་རྒྱུ་མེད།།
རྡོ་ལ་སྦྱིན་སྦྱར་བྱེད་རྒྱུ་མེད།།
ཨེ་ཧེ་ཧེ་ཡང་མི་དགོས།།
ཞོག་གཅིག་མ་གཉིས་ཀྱང་མི་དགོས།།
ཨེ་འདྲ་ཚད།།
མི་འདྲ་སྡུར།།
ཨེ་ཆུ་མདོ་སྒང་གི་མི་ལུས་ལས།།
ཡུལ་རྩྭ་ཆུ་འཛོམས་སའི་རི་དྭགས་སྐྱིད།།
ཨེ་ཡག་བསམས་ནས་ལྷ་ཁང་བཞེངས།།
མ་ཡག་ཕུག་རོན་འཁོར་ས་ཆགས།།
ཨུག་ཆོས་མེ་ཏོག་ངས་ཀྱང་བྱས།།
མཛོ་མོ་ར་ཀྱོག་ཁྱོད་ལའང་ཡོད།།
ཨོ་རོག་དམར་དད་ཆེ་ཡང་།།
དུག་ཚལ་དམར་པོ་མི་ཟ།།
ཨོ་རོག་མི་ཞོག་ལྷ་འདྲེ།།
འཇག་མ་མི་ཞོག་རླུང་བུ།།
