༄༅། །ཇོ་བོ་དཱི་པཾ་ཀ་ར་ཤྲཱི་ཛྙཱ་ན་ལ་བསྟོད་པ་བྱིན་རླབས་ཀྱི་རྒྱ་མཚོ་རོལ་པའི་བཀོད་པ་ཞེས་བྱ་བ།[1]   ༼རོང་སྟོན་ཤཱཀྱ་རྒྱལ་མཚན་ (1367-1449) གྱིས་མཛད་པ།༽   བླ་མ་དང་ལྷག་པའི་ལྷ་ལ་ཕྱག་འཚལ་ལོ། །ཚད་མའི་སྐྱེས་བུ་དོན་གཉིས་དབང་འབྱོར་བ། །འཕགས་པའི་ཡུལ་དུ་གྲུབ་པའི་ཡོན་ཏན་བརྙེས། །མཁས་མཆོག་རྒྱ་མཚོའི་དབུས་སུ་མངོན་མཐོ་ཞིང་། །ཡང་དག་རིགས་པས་ཕས་རྒོལ་ཟིལ་གྱིས་གནོན། །སྒྲ་ཚད་བཟོ་དང་གསོ་བ་ནང་དོན་དང་། །རྡོ་རྗེ་ཐེག་སོགས་སྡེ་སྣོད་ལ་མཁས་ཤིང་། །རིམ་གཉིས་ཟབ་མོའི་རྟོགས་པ་ཕུལ་བྱུང་ལྡན། །རྣམ་དག་སྤྱོད་པ་ལྷུར་ལེན་གདུལ་བྱ་རྣམས། །དགེ་བའི་ལས་ལམ་མཆོག་ལ་འགོད་པར་མཛད། །

༄༅། །ཇོ་བོ་རྗེའི་བསྟོད་པ་བརྒྱད་ཅུ་པ་བཞུགས་སོ།།[1]   ༼ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བས་ (1011-1064) མཛད།༽   ན་མོ་གུ་རུ་མཉྫུ་གྷོ་ཥཱ་ཡ། ཤར་ཕྱོགས་ཟ་ཧོར་ཡུལ་མཆོག་ན། །དེ་ན་གྲོང་ཁྱེར་ཆེན་པོ་ཡོད། །བི་ཀྲ་མ་ནི་པུ་ར་ཡིན། །དེ་ཡི་དབུས་ན་རྒྱལ་པོའི་ཁབ། །ཕོ་བྲང་ཤིན་ཏུ་ཡངས་པ་ཡོད། །གསེར་གྱི་རྒྱལ་མཚན་ཅན་ཞེས་བྱ། །ལོངས་སྤྱོད་མངའ་ཐང་འབྱོར་པ་ནི། །རྒྱ་ནག་སྟོང་ཁུན་རྒྱལ་པོ་འདྲ། །ཡུལ་དེའི་རྒྱལ་པོ་དགེ་བའི་དཔལ། །བཙུན་མོ་དཔལ་མོ་འོད་ཟེར་ཅན། །ཡབ་ཡུམ་གཉིས་ལ་སྲས་གསུམ་མངའ། །པདྨའི་སྙིང་དང་ཟླ་བའི་སྙིང༌། །དཔལ་གྱི་སྙིང་པོ་ཞེས་བྱ་འོ། །རྒྱལ་བུ་པདྨའི་སྙིང་པོ་ལ། །བཙུན་མོ་ལྔ་ཡོད་སྲས་ནི་དགུ། །སྲས་ཀྱི་ཐུ་བོ་བསོད་ནམས་དཔལ། །

༄༅། །ཇོ་བོ་རྗེ་དཔལ་ལྡན་ཨ་ཏི་ཤའི་བསྟོད་པ་སུམ་ཅུ་པ་བཞུགས་སོ།།[1]   ༼འབྲོམ་སྟོན་རྒྱལ་བའི་འབྱུང་གནས་ (1004/1005-1064) ཀྱིས་མཛད།༽   ༄༅། །ཨོཾ་བདེ་ལེགས་སུ་གྱུར་ཅིག །ཕུན་སུམ་ཚོགས་པ་བྷཾ་ག་ལ་ཡི་ཡུལ། །ཆོ་རིགས་བཙུན་པ་ཟ་ཧོར་རྒྱལ་པོའི་རིགས། །བྱང་ཆུབ་སེམས་དཔའ་ཞི་འཚོ་འཁྲུངས་པའི་རྒྱུད། །མར་མེ་མཛད་པའི་ཞབས་ལ་གསོལ་བ་འདེབས། །ཡབ་དང་ཡུམ་ལ་སྲི་ཞུ་མཁས་ཤིང་གུས། །གཟུགས་མཛེས་ཡིད་འོང་ཤེས་རབ་སྙིང་བརྩེར་ལྡན། །དུལ་ཞིང་རྒྱུད་འཇམ་ཐབས་མཁས་སྙིང་སྟོབས་ཆེ། །མར་མེ་མཛད་པའི་ཞབས་ལ་གསོལ་བ་འདེབས། །འཇིག་རྟེན་ལུགས་ཀྱི་བསྟན་བཅོས་ཐམས་ཅད་དང༌། །བཟོ་དང་གསོ་བ་སྒྱུ་རྩལ་སྣ་ཚོགས་དང༌། །རིག་བྱེད་ཀུན་ལ་མཁས་ཤིང་མཁྱེན་པ་རྒྱས། །མར་མེ་མཛད་པའི་ཞབས་ལ་གསོལ་བ་འདེབས། །

 ༄༅། །ཀུན་གཟིགས་༸རྒྱལ་དབང་ཡབ་སྲས་ཀྱི་འཁྲུངས་རབས་མདོར་བསྡུས་གསོལ་འདེབས་སྨོན་ཚིག་དང་བཅས་པ་བཞུགས་སོ།། ༄༅། །ཨོཾ་སྭསྟི། བདེ་ལྡན་ཞིང་མགོན་སྣང་བ་མཐའ་ཡས་སྲས། །ས་བཅུའི་དབང་ཕྱུག་ལག་ན་པད་དཀར་འཆང་། །ཐུགས་རྗེའི་སྒྱུ་འཕྲུལ་དཀོན་མཆོག་འབངས་ལ་སོགས། །འཕགས་ཡུལ་རིམ་བྱོན་དམ་པར་གསོལ་བ་འདེབས། །གངས་ཅན་འཛིན་མར་དགེ་བཅུའི་སྣང་བ་དང་། །བསྟན་པའི་སྲོལ་གཏོད་སྲོང་བཙན་ཉིན་མོར་བྱེད། །ཁྲི་སྲོང་ཁྲི་རལ་འབྲོམ་སྟོན་ཆེན་པོ་སོགས། །རྒྱལ་བློན་པཎ་གྲུབ་རྣམས་ལ་གསོལ་བ་འདེབས། །འཇམ་མགོན་བསྟན་སྲོག་དགེ་འདུན་གྲུབ་རྒྱ་མཚོ། །བསོད་ནམས་ཡོན་ཏན་ངག་དབང་བློ་བཟང་དང་། །རིན་ཆེན་ཚངས་དབྱངས་བསྐལ་བཟང་རྒྱ་མཚོའི་མཚན། །ངུར་སྨྲིག་འཆང་བ་རྣམས་ལ་གསོལ་བ་འདེབས། །

རྗེས་དྲན་དང་མྱ་ངན་གྱི་དྲན་ཚོར།   ཨ་མའི་བུ་བསྟན་ཚེ་རིང་། (ཧྥ་རན་སི།) གཞིས་རྩེ་གདོང་དཀར་ཞེས་པའི་གྲོང་སྡེ་རུ། ། རིག་པའི་དཔའ་རྒོད་མི་འདུག་མ་གསུང་ཨང་། ། ཉམས་ཞིབ་མཁས་པའི་ནོར་བྲང་ཨོ་རྒྱན་མཆོག ། ས་གཞི་འདི་ནས་འཁྲུངས་ནས་བོད་ལ་སྨན། །