སྤེལ་ཞིབ་ཕྲ།
༄༅།།སྨན་ལུགས་ཤིང་རྟའི་སྲོལ་འབྱེད་སྨན་བླ་དོན་གྲུབ་ཀྱི་ལོ་རྒྱུས།
༄༅།།སྨན་ལུགས་ཤིང་རྟའི་སྲོལ་འབྱེད་ཆེན་མོ་སྨན་བླ་དོན་གྲུབ་ཀྱི་ལོ་རྒྱུས་དང་གང་གིས་མཛད་པའི་ཆ་ཚད་ཀྱི་བསྟན་བཅོས་ཆེན་མོ་༼༼བདེ་བར་གཤེགས་པའི་སྐུ་གཟུགས་ཀྱི་ཚད་ཀྱི་རབ་ཏུ་བྱེད་པ་ཡིས་བཞིན་ནོར་བུར་བུ་༽༽ཡི་སྐོར་ལ་ཅུང་ཟད་དཔྱད་པ། ཐུགས་བསྐྱེད་འགྲོ་ལ་སྨན་མཛད་ཞོ་གསར་སྤུངས་པའི་བླ།། འཕྲིན་ལས་དོན་ཀུན་གྲུབ་མཛད་གསེར་གྱི་ལྷུན་པོར་འགྱིང་།། གང་གསུང་བློ་གྲོས་རབ་གཏམས་ཁྲི་གདུགས་ཉི་མ་ཆེ།། སྨན་ཐང་པིར་ཐོགས་དབང་པོར་སྒོ་གསུམ་གུས་པས་བཏུད།། གང་གི་ཆེ་བའི་ཡོན་ཏན་སྐར་ཚོགས་གྲངས། །མ་ལུད་གཞན་ནུས་ལྷ་ཡི་སྤྱོད་ཡུལ་ཉིད། །འོན་ཏེ་ཕྱོགས་མཚོན་ཙམ་ཞིག་འདིར་བཀོད་པ། །སྐལ་མཉམ་རྣམས་ལ་དོན་ལྡན་ཉིད་ཏུ་གྱུར། །སྔོན་ཆད་བྱོན་པའི་དཔོན་མོ་ལས། །ངོ་མཚར་དེ་བས་ཁྱད་འཕགས་པའི་། །པིར་ཐོགས་དབང་པོ་སྨན་ཐང་པའི། །མཛད་པ་ཅུང་ཟད་འཆད་ལ་སྤྲོ། །མེད་པ་ཡོད་པར་སྒྲོ་བཏགས་སོགས། །རྨོངས་གཏམ་དཔྱོད་ལྡན་ཁྲེལ་བའི་ཚོག །འབད་པས་སྤངས་ཏེ་དྲང་པོའི་སྲོལ། །ཡིད་ལ་སྒོམ་ཕྱིར་ཚུལ་འདི་སྤེལ།
བཟོ་རིག་པ།
བཟོ་རིག་པ། རྩོམ་པ་པོ། ཀོང་སྤྲུལ་ཡོན་ཏན་རྒྱ་མཚོ། སྒོ་གསུམ་གྱི་བཟོ་རིག་བྱེ་བྲག་རྒྱས་པར་བཤད་པ། ས་བཅད་དང་པོ། ལུས་བཟོ། དང་པོ། ལུས་བཟོ་མཆོག་གི་རྣམ་གཞག་མདོར་བསྟན་པ། ལུས་བཟོ་མཆོག་ནི་སྐུ་གསུང་ཐུགས་རྟེན་ཏེ། ལུས་བཟོ་ལ་གཙོ་ཕལ་གཉིས་ཡོད་པའི་མཆོག་གམ་གཙོ་བོ་ནི་སྐུ་རྟེན་རྒྱལ་བའི་སྐུ་བརྙན་བྲིས་འབུར། གསུང་རྟེན་འཕགས་བོད་ཡིག་རིགས། ཐུགས་རྟེན་མཆོད་རྟེན་དང་ཕྱག་མཚན་གྱི་རིགས་ལ་སོགས་པ་རྣམས་ཡིན་པས་རིམ་པར་བཤད་པར་བྱ་སྟེ། ཞེས་སོ།། གཉིས་པ། རྒྱས་པར་བཤད་པ། （གཅིག） སྐུ་རྟེན།
རྣམ་བཅུ་དབང་ལྡན་ངོ་སྤྲོད།
རྣམ་བཅུ་དབང་ལྡན་ནི། དུས་ཀྱི་འཁོར་ལོའི་སྙིང་པོ་ཡིན། དེ་ནི། ཡ ར བ ལ མ ཀྵ ཧ་ཞེས་པའི་ཡི་གེ་བདུན་དང༌། ཡི་གེ་གཟུགས་འགྱུར་བའི་རྗེས་སུ་སྣ་ལྡན་ནམ་ཟླ་ཚེས། ཐིག་ལེ། སྲོག་གི་ཨ་ཡིག་མཚོན་པར་བྱེད་པའི་ནཱ་ད་བཅས་ཡི་གེ་རྣམ་པ་བཅུ་བརྩེགས་མར་གནས་པ་ཞིག་ཡིན། དེ་ཉིད་བོད་ཡིག་ཏུ་བྲིས་ན། ཞེས་པ་འདི་ཡིན། ད་ལྟ་འདིར་བཀོད་པ་ནི། ལེགས་སྦྱར་སྐད་ཀྱི་ཡིག་གཟུགས་ལཉྫ་ལྟར་བྲིས་པ་ཞིག་ཡིན། ཡིག་གཟུགས་འབྲི་སྟངས་རྒྱས་བསྡུས་ལས། ཕྱི་ཤད་མང་ཉུང་གི་ཁྱད་པར་ཅུང་ཟད་རེ་ཡོད། འདིའི་མཚོན་དོན་འཇིག་རྟེན་ཁམས་ལ་སྦྱར་ན། ཡ་ནི་རླུང་གི་ཁམས། ར་མེའི་ཁམས། བ་ཆུའི་ཁམས། ལ་སའི་ཁམས་ཏེ་ཕྱི་སྣོད་ཀྱི་འཇིག་རྟེན་འབྱུང་བ་རིམ་བརྩེགས་ཀྱི་སྙིང་པོའམ་མཚོན་བྱེད་ཡིན། མ་ནི་འདོད་པའི་ཁམས་དང༌།…
བོད་དུ་ཇ་དང་དཀར་ཡོལ་བྱུང་བའི་ལོ་རྒྱུས།
རྒྱལ་པོ་འདུས་སྲོང་མང་པོ་རྗེའི་དུས་སུ། བོད་ན། སྨན་སྤྱད་གཞུང་བཞིན་ཤེས་པ་ནི་མེད། ཟས་དང་། སྤྱོད་ལམ། རིག་བཟོ་ལ་བརྟེན་པ་ཙམ་ཡོད་པས། སྐུ་འཚམས་བར་བཞུགས་ཡོད་པའི་ནང་ནས། ཕོ་བྲང་གི་པུ་ཤུ་ཟུར་ན། བྱ་ཡིད་དུ་འོང་བ། སྔར་མ་མཐོང་བ་གཅིག་གི་ཁ་ན། ཤིང་བུ་ལོ་འདབས་དང་ཉུང་ཤས་ཤིག་ཁྱེར་ནས། སྐད་སྙན་པར་སྒྲོག་གི་འདུག་པ། རྒྱལ་པོས་གཟིགས་ནའང་། སྔན་མ་ཕྱེད་གཉེར་མ་མཛད། སང་སྣངས་ཀྱང་། ཉི་མ་ཤར་མཚམས་སུ། དེ་བཞིན་ཀ་བྱེད་ཀྱི་འདུག་པ་དང་། རྒྱལ་པོའང་ཐེ་ཚོམ་སྐྱེས་ཏེ། ལྟས་ནས། ཤིང་དེ་རྣམས་ལ།…
བོད་ཀྱི་རི་མོའི་སྒྱུ་རྩལ་གྱི་ལུགས་ཆེན་པོ་བཞི།
གཙུག་ཏོར་རྣམ་རྒྱལ་མ། བོད་ཀྱི་རི་མོའི་སྒྱུ་རྩལ་འདི་ནི་འཛམ་གླིང་མི་རིགས་གཞན་ལ་ཐད་ཀར་ངོམ་ཆོག་ཆོག་གི་རང་མི་རིགས་ཀྱི་རིག་པའི་དཔལ་ཡོན་ཞིག་ཡིན་པར་མ་ཟད། བོད་རང་གནས་ཀྱི་ཆོས་ལུགས་དང་། ལོ་རྒྱུས། འཚོ་བ། ཡུལ་སྲོལ་གོམས་གཤིས་སོགས་དང་བསྟུན་ནས་རིམ་བཞིན་འཕེལ་རྒྱས་ཕྱིན་པའི་བསམ་བློའི་ཐོན་རྫས་ཤིག་ཀྱང་ཡིན། ཉེ་བའི་ལོ་ཤས་རིང་ལ་རང་རྒྱལ་གྱི་ཡང་དག་པའི་སྲིད་ཇུས་འོག་ཚོང་ལས་དང་དཔལ་འབྱོར་། དེང་རབས་ཅན་གྱི་བརྡ་འཕྲིན་སོགས་ལ་བརྟེན་ནས་ཁྱིམ་གཞི་ཆེན་པོའི་མེས་རྒྱལ་གྱི་མི་རིགས་སོ་སོའི་དཔལ་ཡོན་སྔོག་འདོན་དང་། རྒྱུན་འཛིན། དར་སྤེལ། ཁེ་ལས་ཅན་གྱི་རིག་གནས་ཀྱི་ཐོན་རྫས་གསར་གཏོད་ཕྱོགས་ལ་སྐུལ་འདེབས་དང་སྣེ་ཁྲིད་མཛད་དེ། འཛམ་གླིང་དངོས་མིན་རིག་གནས་ཀྱི་རྒྱུན་འཛིན་པ་དང་རིག་གནས་ཐོན་རྫས་ཀྱི་ཁེ་ལས་པའང་མང་པོ་བྱུང་ཡོད། དེ་བཞིན་བོད་ཀྱི་རི་མོའི་སྒྱུ་རྩལ་འདི་སྤྱིའི་ཆ་ནས་ནང་བསྟན་རིག་གནས་ཀྱི་བསམ་བློ་དང་ཁ་བྲལ་ཐབས་མེད་པ་ཞིག་ཆགས་ཡོད་དེ། ཡིན་ཡང་། བོད་ཀྱི་རི་མོའི་སྒྱུ་རྩལ་འདིའང་ཆོས་ལུགས་རིག་གནས་ཁོ་ན་ཞིག་ནི་གཏན་ནས་མ་ཡིན་ཏེ། དེ་ལ་འགྲོ་བ་མིའི་རིགས་ཀྱི་བསམ་བློའི་རིན་ཐང་དང་ལོ་རྒྱུས་ཀྱི་རིན་ཐང་།
བོད་ཀྱི་དམངས་ཁྲོད་དུ་དར་བའི་ཁང་ཚོན་རི་མོའི་ངོ་སྤྲོད་མདོར་བསྡུས།
ཚོན་མདངས་རྣམ་པར་བཀྲ་བའི་ཁང་ཚོན་རི་མོ། བོད་ཀྱི་དམངས་ཁྲོད་དུ་དར་ཁྱབ་ཆེ་བའི་སྡོད་ཁང་གི་གྱང་ལྡེབས་དང་བར་ཁྱམས་སོགས་ཀྱི་ངོས་སུ་འོས་ཤིང་འཚམ་པའི་སྒོ་ནས་ཚོན་མདངས་རྣམ་པར་བཀྲ་བའི་རི་མོ་འབྲི་སྲོལ་ཡོད། དེ་ནི་མཛེས་མཚོན་ཙམ་མ་ཟད། དེ་ལས་གལ་ཆེ་བ་ཞིག་ནི་རི་མོ་དེ་དག་བྲིས་ནས་འགལ་རྐྱེན་ཐམས་ཅད་ཞི་ཞིང་མཐུན་རྐྱེན་མཐའ་དག་བདེ་བླག་ཏུ་འགྲུབ་པའི་རྟགས་དང་རྟེན་འབྲེལ་དུ་མ་མཚོན་པར་བྱས་ཡོད། དེ་ཡང་སྤྱི་ལོའི་དུས་རབས་དགུ་པའི་ནང་ནང་པ་སངས་རྒྱས་པའི་ཆོས་ལ་དད་པ་ཡོད་མཁན་ཚོས་སྡོམ་བརྩོན་དམ་པའི་རི་མོ་འདི་བརྩམས་ཏེ་འདིའི་ཐོག་ནས་མཁན་སློབ་ཆོས་གསུམ་མཚོན་པར་བྱས་ཤིང་། དབུས་ཀྱི་མེ་ཏོག་པད་མ་དེ་གསང་སྔགས་རྙིང་མ་བའི་སྲོལ་གཏོད་སློབ་དཔོན་པདྨ་འབྱུང་གནས་མཚོན་པ་དང་། པད་མའི་སྟེང་རལ་གྲི་བསླངས་པ་ནི་འཇམ་དཔལ་དབྱངས་ཀྱི་སྤྲུལ་པ་ཆོས་རྒྱལ་ཁྲི་སྲོང་ལྡེ་བཙན། གཡས་སུ་ངང་སེར་མགོ་གཉིས་ཅན་ནི་སྐད་གཉིས་སྨྲ་བའི་དབང་ཕྱུག་ངུར་སྨྲིག་འཛིན་པ་དང་མཁན་ཆེན་ཞི་བ་འཚོ། གཡོན་དུ་ནེ་ཙོ་མགོ་གཉིས་ཅན་ནི་སྒྲ་བསྒྱུར་གྱི་ལོ་ཙཱ་བ་བཅས་མཚོན་གྱི་ཡོད། དེ་བཞིན་མཐུན་པ་སྤུན་བཞི་དང་ཚེ་རིང་རྣམ་དྲུག་སོགས་འབྲི་སྲོལ་ཡང་ཡོད།