དགོན་པ་འདི་ནི་བཀའ་བརྒྱུད་བསྟན་པའི་འབྱུང་ཁུངས་ཀྱི་ཆུ་འགོ་ཅིག་ཡིན་པས་བྱིན་རླབས་དང་སྙན་གྲགས་གཉིས་ཀ་ཆེ།
གཞན་ཡང་གདན་ས་འདིའི་ཡང་དབེན་གནས་སྟག་ཉེ་ཞེས་པར་རྗེ་བཙུན་མི་ལར་དཔལ་འཁོར་ལོ་སྡོམ་པའི་དབང་བསྐུར་ཞིང་། གདམས་ངག་རྫོགས་པར་གནང་ཞིང་། མི་ལ་རས་པས་བླ་མའི་བཀའ་བཞིན་ཟླ་བ་བཅུ་གཅིག་རིང་མར་མེ་མགོ་ཐོག་ཏུ་བཞག་པས་ཚེ་གཅིག་ལུས་གཅིག་ལ་སངས་རྒྱས་པའི་ལོ་རྒྱུས་ཡོད་པ་དང་། མར་པས་དེང་སང་བོད་དུ་བརྒྱུད་པ་ཆད་པའི་ཕོ་བ་གྲོང་འཇུག་ཅེས་པ་སྟེ། མི་དང་སེངས་ཅན་སོགས་ཤི་བའི་རོ་ལ་རངགི་རྣམ་ཤེས་ཞུགས་ཏེ་སླར་གསོན་པར་བྱེད་པའི་གདམས་ངག་ཁྱད་པར་ཅན་དེའང་གནས་འདི་ན་མཛད། དེས་ན་གནས་འདིར་སླེབ་པ་ཙམ་གྱིས་རིགས་པ་དྭངས། དགེ་སྦྱོར་འཕེལ། དེར་བཞུགས་བསམ་གཏན་པ་རྣམས་ལ་ཏིང་ངེ་འཛིན་གྱི་ཉམས་རྟོགས་ཁྱད་པར་ཅན་འཁྲུངས་པ་སོགས་ཡོན་ཏན་མཐའ་ཡས་དང་ལྡན་ནོ།།
