སྨན་ལྷ་གཉིས་པ་གཡུ་ཐོག་རྙིང་མ་ཡོན་ཏན་མགོན་པོ་ནི། ས་སྤྲེལ་ (སྤྱི་ལོ་ ༧༠༨) ལོར་སྟོད་ལུང་བདེ་ཆེན་ཤང་ཁོངས་གཡུ་ཐོག་སྒང་དུ་ཡབ་ཁྱུང་པོ་རྡོ་རྗེ་དང་ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྐུ་འཁྲུངས། དགུང་ལོ་བརྒྱ་དང་ཉི་ཤུ་རྩ་ལྔ་འཚོ་བཞུགས་གནང་། དགུང་ལོ་གསུམ་ཐོག་ཡབ་ཀྱི་དྲུང་དུ་ཡི་གི་འབྲི་ཀློག་ལ་སྦྱང་པ་མཛད་པས་ཚེགས་མེད་དུ་མཁྱེན། སྐུ་ན་སོན་རྗེས་གསོ་རིག་ལ་སྦྱང་པ་ལེགས་པར་མཛད་དེ་མཁས་པར་གྱུར། དེ་རྗེས་ཁོང་གི་མཚན་སྙན་ཆོས་རྒྱལ་མེས་ཧག་ཚོམ་གྱི་སྙན་དུ་འཁྱོལ་བས་བསམ་ཡས་སུ་གདན་དྲངས། བོད་ཀྱི་སྨན་པ་མཁས་པ་མང་པོ་དང་ཕྱོགས་བཞིའི་སྨན་པ་མི་དགུ་བོད་དུ་གདན་དྲངས་པ་རྣམས་དང་རྩོད་གླེང་མཛད་པས། སྐུ་ཡོན་ཁྱད་དུ་འཕགས་པར་བོད་ཀྱི་སྨན་པ་མཁས་པ་རྣམས་དད་གུས་སྐྱེས།
གཡུ་ཐོག་རྙིང་མ་ཡོན་ཏན་མགོན་པོ། ཆོས་རྒྱལ་མེས་ཨག་ཚོམ་དང༌། ཁྲི་སྲོང་ལྡེ་བཙན་གཉིས་ཀྱི་བླ་སྨན་པ་མཛད། དགུང་ལོ་ཉེར་ལྔ་ཐོག་རྒྱ་གར་དུ་ཐེངས་དང་པོ་ཕེབས་པ་དང་རིམ་བཞིན་ཐེངས་གསུམ་ཕེབས་ཏེ་པཎ་ཆེན་ཙནྡྲཱ་བྷཱི་དང༌། མཁས་པ་མེ་དབང་སོགས་སློབ་དཔོན་དུ་མ་བསྟེན་ནས་དཔལ་ལྡན་རྒྱུད་བཞིའི་ཁ་སྐོང་མུ་ཏིག་ཕྲེང་བ་དང༌། ཐུར་དཔྱད་གནད་ཀྱི་ལྡེ་མིག་སོགས་གདམས་ངག་མང་པོ་གསན། རྒྱ་ནག་རི་བོ་རྩེ་ལྔར་ཐེངས་གཅིག་ཕེབས་ཏེ་འཕགས་པ་འཇམ་དཔལ་གྱི་མདུན་ནས་སྦྱོར་བའི་ཕྲེང་བ་དང༌། བྱང་ཁོག་དོན་འགྲེམས་སོགས་གདམས་ངག་དུ་མ་ཞུས་ནས་གངས་ཅན་བོད་ཡུལ་གྱི་སྨན་གྱི་རིག་པས་གཞི་བྱས། དེའི་སྟེང་རྒྱ་གར་ནག་གི་སློབ་དཔོན་རྣམས་ཀྱི་གདམས་ངག་དང༌། བེ་རོ་ཙ་ནས་བསྒྱུར་པའི་ཕྱོགས་གཞན་གྱི་གསོ་བ་རིག་པའི་འགྱུར་དག་གི་དགོངས་བཅུད་རྣམས་བླངས་ནས་ཁ་སྣོན་མཛད་དེ་དཔལ་ལྡན་རྒྱུད་བཞི་ཞེས་པའི་མ་ཕྱི་བསྐྲུན། བལ་པོའི་རྒྱལ་པོ་ཧ་རྡ་རུ་གྲང་བ་ཐུར་འབབས་ཀྱི་ནད་བཅོས་པ་སོགས་སྐུ་ཚེ་གང་པོར་གསོ་རིག་བསྟན་དོན་ཁོ་ན་མཛད། གདུང་རྒྱུད་འཛིན་པའི་སྲས་འབུམ་སེང་དང༌། དཔལ་འབུམ། དགའ་དགའ་གསུམ་འཁྲུངས། ཀོང་པོ་བདེ་རྒྱལ་སོགས་སློབ་མའི་ཚོགས་ཀྱིས་བོད་ཡུལ་གྱི་ས་ཆེན་པོ་འདི་གང་བར་བསྐྲུན། དགུང་ལོ་བརྒྱ་དང་ཉི་ཤུ་རྩ་ལྔའི་ཐོག་འདས་པའོ།།
དེ་བཞིན། གཡུ་ཐོག་རྙིང་མ་ཡོན་ཏན་མགོན་པོ་མཆོག་ནི། སྤྱི་ལོ་ ༧༢༩ པར་སྟོད་ལུང་སྐྱིད་སྣ་རུ་ཡབ་ཁྱུང་པོ་རྡོ་རྗེ་དང་ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྤེལ་ཟླའི་ཚེས་བཅོ་ལྔའི་ཉིན་འཁྲུངས། དགུང་ལོ་གསུམ་པར་རང་གི་ཡང་ལས་ཡི་གེ་འབྲི་ཀློག་དང་གསོ་དཔྱད་ཀྱི་གཞུང་ལུགས་གསན་པས་ཚེགས་མེད་དུ་མཁྱེན། དགུང་ལོ་ལྔ་པར་ཡབ་ལས་བདུད་རྩི་སྨན་སྒྲུབ་དང་། སྨན་བླའི་སྒྲུབ་ཐབས་རྗེས་གནང་དང་བཅས་པ་ཞུས། དགུང་ལོ་བཅུ་པར་ཆོས་རྒྱལ་མེས་ཨག་ཚོམ་གྱིས་སྤྱན་དྲངས་ནས་བསམ་ཡས་སུ་ཕེབས། རྒྱལ་པོས་ཉམས་ལེན་ཕྱིར་ཕོ་བྲང་དུ་རྒྱལ་གཉེར་མཁར་ཕུག་སོགས་བོད་ཀྱི་མཁས་པ་རྣམས་དང་རྩོད་དུ་བཅུག་པར་ཀུན་ལས་རྣམ་པར་རྒྱལ་ཏེ་བོད་སྨན་གྱི་མཁས་པ་མི་དགུའི་གཙོ་བོར་གྱུར། རྒྱ་གར་གྱི་སྨན་པ་དང་རྒྱ་ནག་གི་སྨན་པ་སྟོང་གསུམ་གང་བ་སོགས་ཡུལ་གཞན་ནས་གདན་དྲངས་བླ་སྨན་མཁས་པ་མི་དགུས་དྲི་བ་མི་འདྲ་བ་བཏོན་པར་ཁོང་གིས་སྒྲ་ཚད་རིགས་ལམ་གྱི་ལན་དོན་མཐུན་བཏབ་སྟེ་རྒྱ་དཀར་ནག་བོད་ཀྱི་མཁས་པ་ཡོངས་ཀྱི་གཙུག་ཏུ་བཀུར་ཞིང་སངས་རྒྱས་སྨན་བླར་དངོས་སུ་འཛིན། ཆོས་རྒྱལ་མེས་ཨག་ཚོམ་དང་ཁྲི་སྲོང་ལྡེ་བཙན་གྱི་བླ་སྨན་མཛད།
དགུང་ལོ་ཉེར་ལྔ་པར་རྒྱ་གར་དུ་ཐེངས་མང་པོར་ཕེབས་ཏེ་པཎ་ཆེན་ཙན་དྲ་དང་མཁས་པ་མེད་དབང་སོགས་བསྟེན་ནས་དཔལ་ལྡན་རྒྱུད་བཞིའི་ཁ་སྐོང་མུ་ཏིག་ཕྲེང་བ་དང་། ཐུར་དཔྱད་གནད་ཀྱི་ལྡེ་མིག་སོགས་གདམས་ངག་མང་པོ་གསན། རྒྱ་ནག་རི་བོ་རྩེ་ལྔར་ཐེངས་གཅིག་ཕེབས་ཏེ་འཕགས་པ་འཇམ་དཔལ་ལས་སྦྱོར་བའི་ཕྲེང་བ་དང་། བྱང་ཁོག་དོན་འགྲེལ་སོགས་གསན། སྐུ་ཚེ་གང་པོར་བོད་ཡུལ་ཐམས་ཅད་དུ་འགྲོ་བ་ནད་པའི་སྡུག་བསྔལ་སེལ་བ་དང་གསོ་དཔྱད་སྨན་རྒྱུད་སྤེལ་བའི་སློབ་མའི་ཚོགས་བསྐྱངས། སྐྱེས་དངོས་སྨན་གྱི་ངོས་འཛིན་སྤྱོར་བསྡེབས་ཀྱི་ཆེད་དུ་ཞབས་ཀྱིས་བཅགས། བལ་པོར་ཕེབས་ཏེ་བལ་པོའི་རྒྱལ་པོ་ཧ་རྡ་རུ་གྲང་བ་ཐུར་འབབ་ཀྱི་ནད་བཅོས་མཛད་དེ་གསོས། ཁོང་གིས་གསོ་བ་རིག་པའི་གཞུང་ཆེན་དཔལ་ལྡན་རྒྱུད་བཞི་ཞེས་པ་དང་རྒྱུད་བཞི་ཐེམ་ཡིག་ཅེས་པ། རྒྱུད་ཀྱི་ཁ་སྐོང་ཞེས་པ་སོགས་པོ་ཏི་སུམ་ཅུ་ལྷག་གི་གསུང་རྩོམ་ཡང་མཛད། སྨན་པའི་ཆེད་ལས་ཀྱི་རིམ་པ་སྨན་པ་རབ་འབྱམས་པ་དང་། དཀའ་བཅུ་པ། བསྡུས་ར་བའི་མཚན་རྟགས་ཀྱི་སྲོལ་ཡང་བཏོད། སྐུ་ཚེ་གང་པོར་གསོ་རིག་བསྟན་དོན་ཁོ་ན་མཛད་དེ་དགུང་ལོ་བརྒྱ་དང་ཉེར་ལྔ་པ་སྤྱི་ལོ་ ༨༥༤ ལོར་གཤེགས། ཁོང་ལ་གདུང་རྒྱུད་བཙུན་པའི་སྲས་འབུམ་སེང་དང་དཔལ་འབུལ། དགའ་དགའ་གསུམ་འཁྲུངས། ཀོང་བ་བདེ་རྒྱལ་སོགས་སློབ་མའི་ཚོགས་ཀྱིས་བོད་ཡུལ་གང་བར་བསྐྲུན་ཏོ། །
བོད་ཀྱི་བྱིས་པའི་རིགས་གནས་བསླབ་དེབ་བློ་གསལ་འཇུག་ངོགས་ཞེས་བྱ་བ་ལས་བཏུས།
གཡུ་ཐོག་ཡོན་ཏན་མགོན་པོ།
ཁོང་ནི་སྤྱི་ལོ་༧༢༩པར་སྟོད་ལུང་སྐྱིད་སྣ་རུ་ཡབ་ཁྱུང་བོ་རྡོ་རྗེ་དང་ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྤྲེལ་ཟླའི་ཚེས་བཅོ་ལྔའི་ཉིན་འཁྲུངས།དགུང་ལོ་གསུམ་པར་རང་གི་ཡང་ལས་ཡི་གེ་འབྲི་ཀློག་དང་གསོ་དཔྱད་ཀྱི་གཞུང་ལུགས་གསན་པས་ཚེགས་མེད་དུ་མཁྱེན། དགུང་ལོ་ལྔ་བར་ཡབ་ལས་བདུད་རྩི་སྨན་སྒྲུབ་དང༌། སྨན་བླའི་སྒྲུབ་ཐབས་རྗེས་གནང་དང་བཅས་པ་ཞུས།དགུང་ལོ་བཅུ་བ་ཆོས་རྒྱལ་མེས་ཨག་ཚོམ་གྱིས་སྤྱན་དྲངས་ནས་བསམ་ཡས་སུ་ཕེབས། རྒྱལ་བོས་ཉམས་ལེན་ཕྱིར་ཕོ་བྲང་དུ་རྒྱལ་གཉེར་མཁར་ཕུག་སོགས་བོད་ཀྱི་མཁས་པ་རྣམས་དང་རྩོད་དུ་བཅུག་པར་ཀུན་ལས་རྣམ་པར་རྒྱལ་ཏེ་བོད་སྨན་གྱི་མཁས་པ་མི་དགུའི་གཙོ་བོར་གྱུར། རྒྱ་གར་གྱི་སྨན་པ་དང་རྒྱ་ནག་གི་སྨན་པ་སྟོང་གསུམ་གང་བ་སོགས་ཡུལ་གཞན་ནས་གདན་དྲངས་བླ་སྨན་མཁས་པ་མི་དགུས་དྲི་བ་མི་འདྲ་བ་བཏོན་པར་ཁོང་གིས་སྒྲ་ཚད་རིགས་ལམ་གྱི་ལན་དོན་མཐུན་བཏབ་སྟེ་རྒྱ་གར་ནག་བོད་ཀྱི་མཁས་པ་ཡོངས་ཀྱིས་གཙུག་ཏུ་བཀུར་ཞིང་སངས་རྒྱས་སྨན་བླར་དངོས་སུ་འཛིན། ཆོས་རྒྱལ་མེས་ཨག་ཚོམ་དང་ཁྲི་སྲོང་ལྡེ་བཙན་གྱི་བླ་སྨན་མཛད། དགུང་ལོ་ཉེར་ལྔ་བར་རྒྱ་གར་དུ་ཐེངས་མང་པོར་ཕེབས་ཏེ་པཎ་ཆེན་ཙན་དྲ་དང་མཁས་པ་མེད་དབང་སོགས་བསྟེན་ནས་དཔལ་ལྡན་རྒྱུད་བཞིའི་ཁ་སྐོང་མུ་ཏིག་ཕྲེང་བ་དང༌། ཐུར་དཔྱད་གནད་ཀྱི་ལྡེ་མིག་སོགས་གདམས་ངག་མང་པོ་གསན། རྒྱ་ནག་རི་བོ་རྩེ་ལྔར་ཐེངས་གཅིག་ཕེབས་ཏེ་འཕགས་པ་འཇམ་དཔལ་ལས་སྦྱོར་བའི་ཕྲེང་བ་དང་བྱང་ཁོག་དོན་འགྲེལ་སོགས་གསན། སྐུ་ཚེ་གང་བོར་བོད་ཡུལ་ཐམས་ཅད་དུ་འགྲོ་བ་ནད་པའི་སྡུག་བསྔལ་སེལ་བ་དང་གསོ་དཔྱད་སྨན་རྒྱུད་སྤེལ་བའི་སློབ་མའི་ཚོགས་བསྐྱངས། སྐྱེས་དངོས་སྨན་གྱི་ངོས་འཛིན་སྦྱོར་བསྡེབས་ཀྱི་ཆེད་དུ་ཞབས་ཀྱིས་བཅགས། བལ་བོར་ཕེབས་ཏེ་བལ་བོའི་རྒྱལ་བོ་ཧ་རྡ་རུ་གྲང་བ་ཐུར་འབབ་ཀྱི་ནད་བཅོས་མཛད་དེ་གསོས།ཁོང་གིས་གསོ་བ་རིག་པའི་གཞུང་ཆེན་དཔལ་ལྡན་རྒྱུད་བཞི་ཞེས་པ་དང་རྒྱུད་བཞི་ཐེམ་ཡིག་ཅེས་པ། རྒྱུད་ཀྱི་ཁ་སྐོང་ཞེས་པ་སོགས་པོ་ཏི་སུམ་ཅུ་ལྷག་གི་གསུང་རྩོམ་ཡང་མཛད། སྨན་པའི་ཆེད་ལས་ཀྱི་རིམ་པ་སྨན་པ་རབ་འབྱམས་པ་དང་དཀའ་བཅུ་བ།བསྡུས་ར་བའི་མཚན་རྟགས་ཀྱི་སྲོལ་ཡང་བཏོན། སྐུ་ཚེ་གང་བོར་གསོ་རིག་བསྟན་དོན་ཁོ་ན་མཛད་དེ་དགུང་ལོ་བརྒྱ་དང་ཉེར་ལྔ་བ་སྤྱི་ལོ་༨༥༤ལོར་གཤེགས། ཁོང་ལ་གདུང་རྒྱུད་བཙུན་པའི་སྲས་འབུམ་སེང་དང་དཔལ་འབུམ། དགའ་དགའ་གསུམ་འཁྲུངས། ཀོང་བ་བདེ་རྒྱལ་སོགས་སློབ་མའི་ཚོགས་ཀྱིས་བོད་ཡུལ་གང་བར་བསྐྲུན་ཏོ།།
