ༀ་མ་ནི་པདྨེ་ཧཱུྃ་ཧྲཱི༔ 

འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ།།

ༀ་མ་ནི་པདྨེ་ཧཱུྃ་ཧྲཱི༔

དོན་འདི་ལས་ལྷག་པ་གསུང་རྒྱུ་མེད།།

བྱམས་པའི་བསྟན་ཅིང་སྙན་པའི་ཚིག །

བུ་བརྩེ་བའི་སེམས་ཀྱིས་སྐྱོངས་པའི་དྲིན་ཆེན་མ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

ཁ་ཟས་ཁས་བྱིན་མི་གཙང་ལག་པས་ཕྱིས།།

ཡང་ཡང་པང་དུ་བླངས་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པ་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

སྐྱེས་པའི་ཐ་མར་ངེས་པར་འཆི་བ་ཡིན།།

ཁ་དྲག་ཅན་ལ་ཅུང་ཟད་འདུག་དབང་མེད།

གཅིག་པུར་འགྲོ་ལ་ཕན་པ་དམ་པའི་ཆོས།།

ཁམས་གསུམ་འཁོར་བ་འཁྱམ་པའི་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

འགྲོགས་པའི་ཐ་མར་ངེས་པར་བྲལ་བ་ལ།།

བརྩེ་གདུང་ཅན་ལ་ཅུང་ཟད་སྡོད་དབང་མེད།།

གཅིག་པུར་འགྲོ་ལ་ཕན་པ་དམ་པའི་ཆོས།།

ཁམས་གསུམ་འཁོར་བར་འཁྱམས་པའི་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

བསོགས་པའི་ཐ་མར་ངེས་པར་ཟད་པ་ལ།།

སེར་སྣ་ཅན་ལ་ཅུང་ཟད་ཁྱེར་དབང་མེད།།

གཅིག་པུར་འགྲོ་ལ་ཕན་པའི་དམ་པའི་ཆོས།།

ཁམས་གསུམ་འཁོར་བ་འཁྱམ་པའི་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

མ་ཁྱོད་འདི་ནས་གཅིག་པུར་འགྲོ་བ་ལ།།

ང་དང་ཁྱོད་དང་སྤྱན་རས་གཟིགས་དང་གསུམ།།

འཛོམས་པའི་སྨོན་ལམ་འཚལ་ལོ་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

བླ་མ་དང་མགོན་པོ་འཇམ་པའི་དབྱངས་ལ་ཕྱག་འཚལ་ལོ།།

ཁམས་གསུམ་འགྲོ་བ་རིགས་དྲུག་གར་སྐྱེས་ཀྱང་།།

སྐྱེ་གནས་བཞི་པོ་དག་ལ་བརྟེན་ནས་སྐྱེས།།

རྫུས་ཏེ་སྐྱེ་གནས་གཅིག་པུར་མ་གཏོགས་པར།།

ཕ་མ་དག་ལ་བརྟེན་ནས་གཟུགས་སུ་གྲུབ།།

ལས་ཀྱི་དབང་གིས་མ་བུ་གྱུར་པའི་ཚེ།།

ཟླ་དགུ་ཞག་བཅུ་ཁུར་བའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

ཐིག་ལེ་རླུང་གིས་གཡོ་བའི་དུས་ཀྱི་ཚེ།།

ཤ་རུས་ཁ་ཁར་བྲལ་བའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

ཁྲག་དང་ཆུ་སེར་ལྷན་དུ་བཙས་པའི་ཚེ།།

འོ་མ་རྣག་ཁྲག་འདྲེས་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

ཤ་རུས་ཉབ་ཉོབ་འཐིབ་པའི་དུས་ཀྱི་ཚེ།།

ཕྱག་གིས་འཇམ་པོར་བླངས་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

མིག་དང་དབང་པོ་སྒོ་ལྔ་རྣག་པའི་ཚེ།།

ཁ་འཇམ་ལྕེ་ཡིས་བལྡག་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

མི་གཙང་དྲི་མ་ཁ་རུ་སོང་བ་ན།།

སྣང་བ་ཞེན་པ་མ་ལོག་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

ཉིན་མཚན་མེད་པར་རུམ་ཁུང་དྲོན་མོར་བཅུག །

མཆིན་ཁར་བྲལ་མེད་གཏུག་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

ནུབ་མོ་གཏི་མུག་གཉིད་ཀྱི་ཁྱེར་བའི་ཚེ།།

མ་དག་ནུབ་གཉིད་ཆགས་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

པང་དུ་འཇམ་ཞིང་བཀོད་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

སེམས་ལ་དགའ་སྤྲོ་འཛོམ་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

རྟག་དུ་གཡོ་ཞིང་ངུ་བའི་ཚུལ་སྟོན་པ།།

མ་བཟོད་ནུ་ཞོ་བསྣུམ་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

གཉིད་དུས་མིག་ལ་སེར་བུ་ཕོག་པའི་དུས།།

ཚ་གྲང་མྱུར་དུ་སྐྱོབ་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

རང་ལུས་རང་གིས་སྲུང་བརྩིས་མེད་པའི་དུས།།

ན་བཟའ་གཙང་འཇམ་བྱེད་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

རྐང་བཞི་དུད་འགྲོ་བཞིན་དུ་འགྲོ་བའི་དུས།།

རྐང་ཚེ་གོམ་ཚེ་བསླབས་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

དེ་ནས་ལོ་གསུམ་གསུམ་ལོན་པའི་དུས་ཀྱི་ཚེ།།

གར་འགྲོ་མིག་གིས་འཚོ་བའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

དེ་ནས་ལོ་ལྔ་ལོན་པའི་དུས་ཀྱི་ཚེ།།

གོས་ལྷམ་ལམ་མཆོག་སྟོན་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

དེ་ནས་ལོ་བཅུ་ལོན་པའི་དུས་ཀྱི་ཚེ།།

སེམས་ཀྱི་ཁོ་ཐག་ཆོད་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

སེམས་ལ་རྩེ་གཅིག་བསྒོམ་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

གང་ནས་འགྲོ་དབང་ཡོད་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

འགྲོག་ནས་རང་དབང་ཡོད་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

གློ་བུར་བདུད་ཀྱི་ཁྱེར་པའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

ཁྱེར་ནས་གར་ཡོད་མི་ཤེས་དྲིན་ཆེན་མ།།

རྣམ་ཤེས་དབྱེར་མེད་རྫོགས་པའི་དྲིན་ཆེན་མ།།

བརྗོད་ནས་ཁྲོ་བ་མི་བྱེད་དྲིན་ཆེན་མ།།

བསམ་པ་ཡང་ཡང་འཕྲོག་པའི་དྲིན་ཆེན་མ།།

དྲིན་ལས་འཆི་མ་ཤོར་བའི་དྲིན་ཆེན་མ།།

ཁམས་གསུམ་འཁོར་བར་འཁྱམས་པས་སྙིང་རེ་རྗེ།།

སྤྱན་རས་གཟིགས་ཀྱིས་ལམ་སྣ་དྲོང་དུ་གསོལ།།

ༀ་མ་ནི་པདྨེ་ཧཱུྃ་ཧྲཱི༔

མ་ཁྱོད་འདི་ནས་ལུས་སེམས་བྲལ་བའི་ཚེ།།

ཞིང་མཆོག་བདེ་བ་ཅན་དུ་སྐྱེ་བར་ཤོག །

སྐྱེས་ནས་བྱང་ཆུབ་སྙིང་པོ་ཐོབ་པར་ཤོག །

ཐོབ་ནས་སེམས་ཅན་དོན་ཀུན་མཛད་དུ་གསོལ།།

དོན་ཆེན་སྙིང་ནས་ཚིག་གི་སེམས་ལ་བཅགས།།

སྟུག་པོ་བཀོད་པའི་ཞིང་འདིར་རྡོ་རྗེ་འཆང་།།

རྔ་ཡབ་གླིང་ནས་པདྨ་འབྱུང་གནས་ཞེས།།

ཁ་བ་ཅན་ནས་དཔལ་ལྡན་ཀརྨ་པས།།

དྲིན་ཆེན་མ་ལ་དྲིན་ལན་སོད་པར་ཤོག །

ༀ་མ་ནི་པདྨེ་ཧཱུྃ་ཧྲཱི༔

ཞེས་པ་འདི་ཡང་ཀརྨ་པ་རང་བྱུང་རྡོ་རྗེས་ཡུམ་གྱི་དྲིན་ལེན་བཤགས་པའི་མདོ་མཛད་པ་དགེའོ།། །།

ཀརྨ་པ་རང་བྱུང་རྡོ་རྗེ།