Tag: features

ས་བཅད་གསུམ་པ། རྩ་ཧྲེང་རྫོང་། ལེ་ཚན་དང་པོ། རྫོང་གི་མིང་དང་ས་བབ་ཆགས་ཚུལ། དང་པོ། རྩ་ཧྲེང་རྫོང་གི་མིང་ཐོགས་ཚུལ། སྔོན་གྱི་ལོ་རྒྱུས་ཡིག་ཚགས་སུ་ཁུལ་དེར་རྩ་ཧྲེང་ཞེས་པའི་དོད་དུ་རྩ་རང་ཞེས་གསལ། དེ་མིན་ཤང་རྩེ་རྫོང་ཞེས་ཀྱང་འབོད་སྲོལ་མཆིས།[1] རྩ་ཧྲེང་ནི་བོད་གཞུང་དགའ་ལྡན་ཕོ་བྲང་གི་དམག་དཔོན་དགའ་ལྡན་ཚེ་དབང་གིས་མངའ་རིས་ཁུལ་དབང་སྒྱུར་གནང་བ་ནས་ཐོགས་པར་བཞེད། དེ་ཡང་《མངའ་རིས་ཆོས་འབྱུང་གངས་ལྗོངས་མཛེས་རྒྱན།》ལས། དགའ་ལྡན་ཚེ་དབང་གིས་མངའ་རིས་ཁུལ་ནས་ལ་དྭགས་རྒྱལ་པོའི་བཙན་ཤུགས་མཐར་སྐྲོད་ཀྱིས་ཕྱིར་འཁོར་རྗེས། སྡེ་སྲིད་སངས་རྒྱས་རྒྱ་མཚོས་ཁོང་ལ་མངའ་རིས་ཕྱོགས་སུ་དཔུང་འཇུག་བྱེད་སྐབས་དཀའ་བ་ཇི་ལྟར་བྱུང་མིན་སྐོར་བཀའ་འདྲི་ཞུས་པར།

ལེ་ཚན་གསུམ་པ། ཡུལ་སྡེ་དང་། རི། ལ། མཚོ། གཙང་པོ། དང་པོ། ཡུལ་སྡེ་ཆེ་ཁག སྒར། སྒར་དབྱར་ས། གཙོད་ཚོ། བདེ་མཆོག རྒོད་ཚང་སྟོད། རྒོད་ཚང་སྨད། གྱམ་སྨུག ལྕང་སྡོང་། གླང་བཅུ། གླང་དམར། མོན་འཚེར། གནམ་རུ། སོག་སྟོད། སོག་སྨད། ཐང་རྭ། བཀྲ་ཤིས་སྒང་། འུག་ཚང། ཞིང་ག་གོང་། ཆུ་མིག་ཤར། དོ་པོ་སྔོན་ཆུང་། ཆུ་ཁ་གྱེན། སྤོག་ཆེན། ཀོ་ལོགས། འབྲོག་ས་ལ་ཆུ་གསུམ་མདོ་དང་། པར། གུ་རུ་གྱམ་དགོན་པ། དེའུ་ཁྲ་བོ། ཏོག་པོ་སྔོ་རི། མདུང་རྩེ་སོགས་ཡོད་འདུག[1] གཉིས་པ། རི་དང་། ལ།…

གཉིས་པ། རྫོང་གཞིས་འགྲོ་སྟངས་དང་ཁྲལ་འུལ་ཁྲིམས་གནོན། ༡ རྫོང་གཞིས་འགྲོ་སྟངས། མངའ་རིས་སྐོར་གསུམ་གྱི་སྲིད་འཛིན་སྒྲིག་གཞིའི་ལམ་ལུགས་ལས་རྫོང་གཞིས་དཔོན་དྲུག་གི་འགྲོ་སྟངས་ལྟར་བྱས་ན་སྒར་རྫོང་ལ་རྫོང་གཞིས་ཀྱི་མིང་དུ་མ་བསྙད་ཀྱང་། དེང་གི་སྒར་རྫོང་གི་མངའ་ཞབས་སུ་དེ་སྔའི་དཔོན་དྲུག་གི་ཡ་གྱལ་གནམ་རུ་དཔོན་[1]དང་གཙོད་ཚོ་དཔོན་[2]གཉིས་ཀྱིས་གཙོ་བོར་བྱས་པའི་ཚོ་ཁག་མོན་མཚེར་དང་།[3] དགུན་ས།[4] སོག་སྟོད།[5] སོག་སྨད། བཀྲ་ཤིས་སྒང་།[6] སྒར་གྲོང་གསར།[7] གླང་དམར།[8] གྱམ་སྨུག[9] གླང་བཅུ།[10] རྒོད་ཚང་སྟོད།[11] རྒོད་ཚང་སྨད་སོགས་མཆིས་ཤིང་།

དངུལ་ཆུའི་ལོ་རྒྱུས་དང་འབྲེལ་བའི་འཁྲུལ་སེལ་ཁག་གསུམ་པ།   དབྱ༵ངས་ཅ༵ན་ངག་གི་དཔལ་ལ་དབང་འབྱོར་ཞིང་། ། གྲུ༵བ་པ༵འི་རྒྱལ་མཚན་འདེགས་ལ་ཟླ་དང་བྲལ། ། རྡོ༵་རྗེ༵འི་མཚན་གྱི་སྙན་པ་སྲིད་ན་འབར། །བརྡ་སྤྲོད་སྨྲ་བའི་ཉི་མ་གང་དེར་འདུད། ། གངས་ཅན་བརྡ་སྤྲོད་གཞུང་ལུགས་སྣ་ཚོགས་ལས། །ཁྱད་འཕགས་བསྟན་བཅོས་ཉི་ཟླ་ཟུང་འབྲེལ་ཏེ། ། ལེགས་བཤད་ལྗོན་དབང་དཀའ་གསལ་མེ་ལོང་གཉིས། །བརྩམས་པའི་ལོ་ཚིགས་ཇི་བཞིན་བརྗོད་པར་བྱ། །

བཞད་དངུལ་ཆུའི་ལོ་རྒྱུས་དང་འབྲེལ་བའི་འཁྲུལ་སེལ་གདོང་ལྔའི་སྒྲ་དབྱངས་ཞེས་བྱ་བ་ལས་ཁག་དང་པོ།     རྗེ་ཙོང་ཁ་པ་མཆོག་བཞད་དངུལ་ཆུའི་ཆོས་རྫོང་དུ་ཆིབས་བསྒྱུར་གནང་མྱོང་ཡོད་མིན་བཤད་པ། མི་འཇིགས་གསུང་གི་ང་རོ་གཅིག་གིས་ཀྱང་། །སྨྲ་ངན་ཝ་སྐྱེས་སྙིང་རྩ་འདར་བྱེད་པ། ། འཇམ་མགོན་སྨྲ་བའི་སེངྒེ་གང་དེ་ཡི། །ངོ་མཚར་རྨད་བྱུང་རྣམ་ཐར་སླར་ཡང་དྲན། ། སྙན་སྙན་ཚིག་གི་སྦྱོར་བ་མི་ལྡན་ཞིང་། །ཟབ་ཟབ་གཞུང་གི་དཀའ་གནད་མ་མཆིས་མོད། ། འཁྲུལ་བ་རགས་པ་སེལ་བའི་འཁྲུལ་སེལ་གཏམ། །གཟུར་གནས་གྲོགས་ལ་གཟུ་བོའི་ལམ་ནས་སྨྲ། །

བོད་ཡུལ་གྱི་བཤད་གྲྭའི་ཐོག་མ་གསང་ཕུའི་མིང་ཐོགས་ཚུལ། སྒོ་མང་མཁན་ཟུར་ངག་དབང་ཉི་མའི་ (1907-1990) གསུང་ལོ་རྒྱུས་ཐོར་བུ་ལས[1]། དེ་ཡང་ལྔ་བརྒྱ་པ་རྣམས་ཀྱི་གཙུག་གི་ནོར་བུ་ལྷ་གཅིག་དཱི་པཾ་ཀ་ར་དེ་ཉིད་སྙེ་ཐང་དུ་བཞུགས་སྐབས་ཤིག་རྔོག་ལེགས་པའི་ཤེས་རབ་ལ་འདི་ལྟར་ལུང་བསྟན་མཛད་དེ། གསང་ཕུའི་ཕྱོགས་སུ་ཕྱག་མཛུབ་གཏད་ནས། ལེགས་པའི་ཤེས་རབ་ལུང་པ་འདིའི་ཕུ་ན་དུང་དཀར་པོ་གཡས་སུ་འཁྱིལ་བའི་རང་བྱོན་དང་། ནམ་མཁའ་ལ་ཡང་གསེར་གྱི་འཁོར་ལོ་རྩིབས་སྟོང་དང་ལྡན་པ་འཁོར་ཞིང་།