སྤེལ་ཞིབ་ཕྲ།
འདམ་གཞུང་གི་ས་མིང་འགའི་བྱུང་ཚུལ་དང་ཁྱད་ཆོས་མདོ་ཙམ་གླེང་བ།
༄༅།།འདམ་གཞུང་གི་ས་མིང་འགའི་བྱུང་ཚུལ་དང་ཁྱད་ཆོས་མདོ་ཙམ་གླེང་བ། རྩོམ་པ་པོ། པད་མ་ཆོས་སྒྲོན། གུ་གེ་འཆི་མེད་རྡོ་རྗེ། སྤྱིར་ན་རྒྱལ་ཁབ་དང་མི་རིགས་གང་ཞིག་ཡིན་རུང་རང་རང་གནས་སྡོད་བྱེད་ཁུལ་གྱི་ས་ཆ་དང་། གྲོང་ཚོ་དེར་གནའ་ དུས་ནས་བྱུང་བའི་གཏམ་རྒྱུད་དང་འབྲེལ་བའམ་དམངས་སྲོལ་གཤིས་ལུགས་དང་འབྲེལ་བ། ཡང་ན་ཁྱིམ་བརྒྱུད་སྡེ་ཚན་གྱི རུས་མིང་དང་འབྲེལ་བའི་མིང་འདོགས་པའི་གོམས་སྲོལ་རེ་ཡོད། ས་མིང་དེ་དག་ལས་ས་ཚམས་དབྱེ་འབྱེད་དང་ཁ་ཕྱོགས་ ངེས་གཏན་ཞིག་བསྟན་ཐུབ་ཀྱིན་ཡོད་ལ་མི་རིགས་གང་རུང་གི་རིག་གནས་ལོ་རྒྱུས་འཕེལ་རིམ་གྱི་དཔྱད་གཞི་ཁུངས་བཙན་ཞིག་ཀྱང་བརྒྱུད་སྤྲོད་བྱེད་ཐུབ་ཀྱིན་ཡོད།
བོད་ཀྱི་གཞིས་ཀའི་བྱུང་ཚུལ་སྐོར་རགས་ཙམ་གླེང་བ།
བོད་ཀྱི་གཞིས་ཀའི་བྱུང་ཚུལ་སྐོར་རགས་ཙམ་གླེང་བ།① མདོ་རྩེ་སྐལ་བཟང་ཚེ་རིང་། [ནང་དོན་གནད་བསྡུས།］དཔྱད་རྩོམ་འདིར་དགའ་ལྡན་ཕོ་བྲང་སྐབས་སུ་གཞིས་ཀའི་གཏོགས་ཁོངས་མི་འདྲ་བ་ལས་གཞུང་སྒེར་ཆོས་གསུམ་ཞེས་གཞུང་གཞིས་དང་། སྒེར་གཞིས། ཆོས་གཞིས་གསུམ་དུ་བཀར་ཡོད་པ་དེ་རེ་རེའི་བྱུང་འཕེལ་གྱི་བརྒྱུད་རིམ་དང་། ལོ་རྒྱུས་ཀྱི་རྒྱབ་ལྗོངས་ཇི་ལྟ་བུ་ཡོད་པར་དཔྱད་ཞིབ་ཀྱིས་སྒེར་གཞིས་དང་ཆོས་གཞིས་ནི་བཙན་པོའི་དུས་སུ་བྱུང་འགོ་བརྩམས་པ་དང་། གཞུང་གཞིས་ནི་ཕག་གྲུའི་སྲིད་དབང་གི་སྐབས་སུ་བྱུང་བར་འདོད་པའི་ལྟ་བ་བཏོན་ཡོད། [བརྡ་ཆད་གཙོ་བོ།] བོད། གཞིས་ཀ བྱུང་ཚུལ།
དབུས་གཙང་ལོ་རྒྱུས་ཆེན་མོ་ལས། རྒྱ་མདའ་རྫོང་གི་གཞི་རིམ་ལོ་རྒྱུས།
བཞི་པ། རྒྱ་མདའ་རྫོང་། ས་བཅད་དང་པོ། རྫོང་གི་གཞི་རིམ་ལོ་རྒྱུས། ལེ་ཚན་དང་པོ། རྫོང་གི་མིང་བྱུང་ཚུལ། རྫོང་དེར་རྒྱ་མདའ་ཞེས་མིང་དུ་བསྙད་པའི་སྒྲ་བཤད་ཀྱང་ས་ཀོང་རོང་གི་ལུང་པའི་ཁ་ཞེས་པའི་དོན་ལ་གོ་བར་གྲགས། འོན་ཀྱང་། དེང་ཡོངས་གྲགས་སུ་འབོད་པའི་རྫོང་མིང་རྒྱ་མདའ་ཞེས་པ་ནི།《བཀའ་བརྒྱུད་གསེར་ཕྲེང་ཟླ་བ་ཆུ་ཤེལ།》ལས། ཀརྨ་པ་སྐུ་ཕྲེང་བཞི་པ་རོལ་པའི་རྡོ་རྗེའི་རྣམ་ཐར་གསུང་སྐབས། ཉང་པོ་རྒྱབ་མདའ་།[1] ཞེས་བྱུང་བས་ན། དེང་ཀོང་པོ་རྒྱ་མདའ་རྒྱ་ཞེས་འབྲི་བཞིན་པ་དེ་ལ་ཡང་བསམ་གཞིགས་བྱ་དགོས་པའི་གཞི་ཆེན་པོ་འདུག
གཙང་སྟོད་ལྷ་ངམ་ཕུན་གསུམ་གྱི་སྔོན་བྱུང་ལོ་རྒྱུས།
གཙང་སྟོད་ལྷ་ངམ་ཕུན་གསུམ་གྱི་སྔོན་བྱུང་ལོ་རྒྱུས་ཞེས་པ་ནི་ལོ་རྒྱུས་སློབ་དཔོན་སྟོབས་ལགས་ཀྱིས་བརྩམས་ཤིང་། ཕྱི་ལོ་ ༢༠༢༡ ལོར་པར་སྐྲུན་གནང་བ་ཞིག་ཡིན། དེབ་འདི་སྔོན་གླེང་དུ་གསལ་བར། གཙང་སྟོད་ལྷ་ངམ་ཕུན་གསུམ་གྱི་ཁུལ་འདི་ནི་བོད་ཀྱི་རིག་གཞུང་ལོ་རྒྱུས་ཐོག་གལ་ཆེའི་གནས་བབ་བཟུང་ཡོད་པ་ནི། སངས་རྒྱས་ཆོས་ལུགས་བོད་ལ་མ་དར་བའི་ཡར་སྔོན་དུ། ཟང་ཟང་ལྷ་བྲག སྟག་ཕུ་སྒྲོན་ལས། གཙང་གི་སྒྱེར་ཕུ། མང་མཁར་ལྕང་འཕྲང་། གཡུང་དྲུང་ལྷ་རྩེ་སོགས་གཡུང་དྲུང་བོད་ཀྱི་གལ་ཆེའི་འདུ་གནས་ཁག་་ཁུལ་འདིར་གནས་ཡོད་ལ། སངས་རྒྱས་ཆོས་ལུགས་བོད་ལ་དར་ཚུན་དང་ཡང་སྒོས་བསྟན་པ་ཕྱི་དར་འགོ་ཚུགས་སྐབས། ལྷ་རྩེའི་ཆེ་བཙུན་གསུམ་གྱིས་གྲོམ་པ་རྒྱང་དུ་དགེ་འདུན་གནས་གཞི་གཙུག་ལག་བཏབ་པ་སོགསལ། གཙང་སྟོད་ལྷ་ངམ་ཕུན་གསུམ་གྱི་ཁུལ་འདི་ནས་སྔར་ད་ནས་ལྟའི་བར་གྲགས་ཆེན་སྐྱེ་བུ་ཇི་སྙེད་ཅིག་བྱོན་པ་དག་གིས།
དབུས་གཙང་ལོ་རྒྱུས་ཆེན་མོ་ལས། སྐྱེམས་སྟོང་གི་རྫོང་གཞིས་འགྲོ་སྟངས་དང་། ཡུལ་སྡེ་དང་། རི། ལ། མཚོ། གཙང་པོ་སོགས་སྐོར།
ལྔ། སྐྱེམས་སྟོང་གི་རྫོང་གཞིས་འགྲོ་སྟངས། སྐྱེམས་སྟོང་གི་འབྲི་ཚུལ་ཐད་གོང་དུ་བྱུང་བ་ལྟར་ཡིག་ཆ་རྙིང་ཁུངས་ཁག་ནང་སྐྱེན་ཞེས་བྱུང་བ་དང་། དེ་མིན་ལོ་རྒྱུས་ཀྱི་ཡིག་ཆ་འགའ་རེར་རྐྱེན་ཞེས་ཀྱང་བྲིས་པ་འདུག་ལ།[1] དེ་དང་ཕྱོགས་མཚུངས་སྐྱེམས་དང་སྐྱེམ་ཞེས་པའི་དག་ཆའང་གང་འདོད་ཀྱིས་ཚུལ་དུ་བཀོལ་བ་མཐོང་། དེ་ཡང་། ཁུལ་དེ་ནི་ལོ་རྒྱུས་ཐོག་སྐྱེན་པ་རྒྱལ་པོ་ཞེས་པ་ཞིག་བྱུང་བ་དེའི་ཡུལ་སྡེ་མིན་ནམ་སྙམ་ཞིང་། ལོ་རྒྱུས་ཐོག་སྐྱེན་རྒྱལ་པོ་དཔལ་བཟང་ཞེས་གྲགས་ཤིག་བྱུང་འདུག་ལ།
དབུས་གཙང་ལོ་རྒྱུས་ཆེན་མོ་ལས། སྣང་རྫོང་གི་རྫོང་གཞིས་འགྲོ་སྟངས་དང་། ཁྲལ་འུ་ཁྲིམས་འགོ།
ལེ་ཚན་གཉིས་པ། རྫོང་གཞིས་འགྲོ་སྟངས་དང་། ཁྲལ་འུ་ཁྲིམས་འགོ། གཅིག སྣང་རྫོང་གི་རྫོང་གཞིས་འགྲོ་སྟངས། སྣང་རྫོང་ནི་གཞུང་ས་དགའ་ལྡན་ཕོ་བྲང་པའི་རྫོང་འགོ་འབྲིང་གྲས་རིམ་པ་དྲུག་པའི་རྫོང་སྡོད་སྐྱ་བོ་གཅིག་གི་འགྲོ་ཁུངས་ཅན་གྱི་གཞུང་རྫོང་ཞིག་ཡིན།[1] དེ་སྔའི་སྣང་རྫོང་གི་སྲིད་འཛིན་ལྟེ་བ་ཆགས་ཡུལ་ནི་དྭགས་པོ་ལ་འོག་གི་ཆུ་དང་ཡར་ཀླུང་གཙང་པོ་འདྲེམས་མཚམས་ཀྱི་སུམ་མདོའི་བྲག་ཟུར་སྟེང་གཞིས་རྒྱ་ཆེ་བའི་མཁར་ཤུལ་ཞིག་ཡོད་པའི་གཤམ་འོག་ཏུ་ཡིན་ལ།