རྩོམ་པ་པོ། བག་མཁར་ངག་དབང་དཀོན་མཆོག རང་རེའི་རྒྱལ་རབས་ཆོས་འབྱུང་དག་ཏུ་གསལ་བ་ལྟར་ན།  གནའ་རབས་བོད་ཀྱི་ལོ་རྒྱུས་ཐོག་བྱུང་བའི་རྒྱལ་ཕྲན་བཅུ་གཉིས་དང་སིལ་མ་བཞི་བཅུ་སོགས་ལ་དབང་མཛད་ཅེས་གྲགས་ཤིང་།  ལོ་རྒྱུས་ཀྱི་ཡི་གེ་ལ་ལར་མངའ་མཛད་དང་། ལ་ལར་དབང་བྱས། ཡང་ན་དབང་བྱེད་སོགས་འབྲི་ཚུལ་མི་འདྲ་བ་འགའ་མཐོང་བ་མ་ཟད།  དེའི་གོ་དོན་དང་གྲངས་ཀ་བཅས་ཀྱི་ཐད་ལའང་བཤད་ཚུལ་མི་མཐུན་པ་སྣ་ཚོགས་ཡོད།         གཅིག 《བཀའ་ཐང་སྡེ་ལྔ》ལས།  “བོད་ཡུལ་གངས་རི་རྩེ་དགུའི་ལྗོངས་འདི་རུ།  །སྤུར་རྒྱལ་གོང་དུ་མངའ་མཛད་དྲུག་ཏུ་བྱུང་།།” ①ཞེས་གཉའ་ཁྲི་བཙན་པོའི་གོང་དུ་བོད་ལ་མངའ་མཛད་རིམ་པ་དྲུག་བྱུང་ཟེར་བ་དང་མངའ་མཛད་དྲུག་པོ་གང་དག་ཡིན་མིན་གསལ་པོར་འཁོད་ཡོད་པ་ཙམ་ལས། མངའ་མཛད་དེ་དག་མི་ཡིན་དང་མ་ཡིན་མཐའ་དཔྱོད་བྱས་མེད།  དེ་ནི་རྒྱལ་རབས་ཆོས་འབྱུང་གཞན་དང་མི་མཐུན་པའི་བཤད་ཚུལ་ཞིག་ཀྱང་རེད།

  སྐྱུ་རའི་རླུང་བུས།            སྔར་འོ་མའི་ཐང་ཞེས་བརྗོད་ལ་ད་ལྟ་འོ་བརྒྱལ་ཐང་ཞེས་བརྗོད་པའི་ས་ཡུལ་དེ་ནི།  སྔར་མེས་སྲོང་བཙན་སྐབས་ནས་འགྲུལ་བཞུད་ཀྱི་གདོང་ཁ་གཏོད་སའི་ལྟེ་བའི་གནས་གཞིས་ཤིག་ཡིན་པ་མ་ཟད་རྒྱལ་རབས་ཆོས་འབྱུང་ཁག་ལས་ཀྱང་ལྟེ་བའི་ས་གནས་ཤིག་ལ་ངོས་བཟུང་ཡོད།     གནས་དེར་འོ་བརྒྱལ་ཐང་ཞེས་ཐོགས་ཚུལ་ལའང་།  ཆོས་འབྱུང་འགའ་ཞིག་ལས་རྒྱལ་པོ་སྲོང་བཙན་འདས་ཤིང་མང་སྲོང་མང་བཙན་སྐབས་བོད་ལ་རྒྱའི་དམག་དྲངས་ནས་ཡུལ་གཞིས་ཅི་དྲག་བཅོམ་སྟེ་སྟོན་པ་དགུང་ལོ་བཅུ་གཉིས་པའི་ཚད་ཇོ་བོ་ཤཱཀྱ་མུ་ནི་དེ་ཉིད་རྒྱ་ནག་ཏུ་གདན་དྲངས་པའི་སྐབས་སུ་དང་པོ་རྟ་པ་མི་གཅིག་གིས་པང་དུ་ཐེག་པ་དང་རྗེས་སུ་མ་ཐེག་པར་དྲ་བར་བཅུག་སྟེ་མི་སུམ་བརྒྱས་སྒོར་ཕྱུང་བ་དང་།   དེ་ནས་མི་སྟོང་གིས་མ་ཐེག་པར་ད་ལྟའི་འོ་བརྒྱལ་ཐང་འདིར་བྱེ་མའི་གཏིང་རུམ་དུ་སྦས་པས་ཇོ་བོ་འོ་བརྒྱལ་བྱུང་ནས་འོ་བརྒྱལ་ཐང་ཞེས་གྲགས་པ་རེད་ཟེར་བ་དང་།  ཡང་ཇོ་བོ་གདན་དྲངས་པའི་སྐབས་སུ་དོ་མོའི་ཐང་ལ་ཟླ་ཤས་འོ་བརྒྱལ་བྱུང་ནས་འོ་བརྒྱལ་ཐང་ཞེས་གྲགས་པ་རེད་ཟེར་བ།  གཞན་ཡང་།  ཇོ་བོ་རྣམ་གཉིས་ཀྱི་རྟེན་ཁང་བརྗེ་སྲོོལ་བྱུང་བའི་ཆ་གཞི་ཐོག་མ་ཡང་དེ་སྐབས་ནས་བྱུང་བ་སོགས་བཞེད་ཚུལ་མང་མོད།  ཅིའི་ཆ་ནས་དཔྱད་གཞི་ལས་ཐག་གཅོད་མི་རུང་ཡང་།   དེ་དག་ཁུངས་དག་པར་མི་སྣང་སྙམ་སྟེ།  ཆོས་འབྱུང་མཁས་དགའ་གཞིར་བཞག་ནས་ཅུང་ཟད་སྤྲོས་ན།

ལ་སྟོད་ནོར་བུ། དབུང་གཙས་གཉིས་ལས་གཙང་གི་ཁོངས་གཏོགས་ལ་སྟོད་ལྷོ་དིང་རི་ཁུལ་གྱི་དགུ་ཐུག་ངོ་སྤྲོད་མདོར་བསྡུས་ཤིག་ཞུ་རྒྱུ་ལགས་ན། དེ་ཡང་ལོ་རྙིང་པའི་ཟླ་བ་མཐའ་མ་སྟེ་བོད་ཟླ་བཅུ་གཅིག་པའི་ཚེས་༢༩ཉིན་ཏེ། ལོ་གཅིག་གི་འགལ་རྐྱེན་སེལ་བར་དམིགས་ནས་གླུད་རྫོང་བྱེད་པའི་ཡུལ་སྲོལ་རྒྱ་ཁྱབ་ཆེ་བ་ཞིག་ཡོད་པ་དེ་ལ་དགུ་ཐུག་ཅེས་ཟེར། དེ་བཞིན་དགུ་ཐུག་དེ་རོལ་བཅུད་ལྡན་པ་ཞིག་ཡོང་ཆེད་རྡོལ་གཙོ་བོ་ཤ་དང། ལ་ཕུག གྲོ་མ། ཕྲུ་ར། སྔོ་ཚོད་སོགས་ཟས་རིགས་སྣ་ཁ་དགུ་ཙམ་བླུགས་སྲོལ་ཡོད། དགུ་ཐུག་བསྐོལ་བའི་སྐབས་སུ་ནམ་ཀུན་དང་མི་འདྲ་བར་དོ་སྣང་བྱེད་དགོས་ས་གཅིག་ཡོད་པ་ནི་ནང་མིའི་གྲངས་འབོར་དང་མཉམ་པར་བག་རིལ་བྱིངས་ལས་དབྱིབས་ཏོག་ཙམ་ཆེ་བ་བཟོ་སྲོལ་ཡོད། དེ་བཞིན་བག་རིལ་དེ་དག་གི་ནང་དུ་རྫས་འདྲ་མིན་བླུགས་སྲོལ་ཡོད་པ་སྟེ། རྡོ་དཀར་གོང་། བལ་དཀར། དཀར་ཡོལ། སྐུད་པ་ནང་སྒྲིམ། སྐུད་པ་ཕྱི་སྒྲིམ། སོལ་བ། སི་པན། སྲན་རིལ། རྩོང་། ཚྭ། ཤོག་བུ་བཅས་རྫས་སྣ་ཚོགས་པ་བླུགས་སྲོལ་ཡོད།

དེ་ཡང་ཆུ་མིག་ཆོས་འཁོར་ཆེན་མོ་ཞེས་པ་ནི། རབ་བྱུང་ལྔ་པའི་མེ་གླང་ལོ་སྟེ་ཕྱི་ལོ་ ༡༢༧༧ ལོར་འགྲོ་མགོན་ཆོས་རྒྱལ་འཕགས་པ་བོད་དུ་ཐེངས་གཉིས་པ་ཕེབས་སྐབས་གཙང་གི་ཆུ་མིག་རིང་མོར་དགེ་འདུན་ཁྲི་བདུན་འཚོགས་པའི་ཆོས་འཁོར་ཞིག་གནང་བ་དེ་ལ་བོད་ཀྱི་ལོ་རྒྱུས་ཐོག་ཆུ་མིག་ཆོས་འཁོར་ཟེར་ཞེས་དུང་དཀར་ཚིག་མཛོད་དུ་གསལ་ལ། དེ་རིང་ནི་ངོར་དགོན་ཆུ་མིག་སྒྲོལ་མ་ལྷ་ཁང་གི་ཚེ་དབང་ཆེན་མོ་སྟེ། དེ་ཡང་བོད་ཀྱི་ལོ་རྒྱུས་དེབ་ཐེར་ཁག་ཏུ་འཁོད་པའི་ཆུ་མིག་ཆོས་འཁོར་ཆེན་མོའི་དུས་དྲན་གྱི་ཉིན་མོ་ཡིན།   དུས་བཟང་འདིར་གནས་དེ་གར་དད་ལྡན་མང་ཚོགས་ཁྲི་ཕྲག་ལྷག་ཙམ་དང་། དགེ་འདུན་བརྒྱ་ཕྲག་གཅིག་ལྷག་ཙམ་འདུས་ནས་སྙིགས་དུས་འགྲོ་བའི་མགོན་པོ་འཇམ་དབྱངས་མི་ཡི་རོལ་གར་དཔལ་ངོར་དགོན་ཨེ་ཝཾ་ཆོས་ལྡན་གྱི་མཁན་ཆེན་རྡོ་རྗེ་འཆང་༸འཇམ་དབྱངས་ཐུབ་བསྟན་སྙིང་པོ་མཆོག་ནས་མགོན་པོ་ཚེ་དཔག་མེད་ཀྱི་དབང་དང་འབྲེལ་ནས་སྡིག་སྤོང་དགེ་སྒྲུབ་ཀྱི་བླང་དོར་གྱི་གནད་ཟབ་མོའི་དམ་པའི་ཆོས་ཀྱི་འཁོར་ལོ་བསྐོར་ཏེ་དད་ལྡན་སེར་སྐྱ་ཡོངས་ལ་ཐར་པ་དང་ཐམས་ཅད་མཁྱེན་པའི་ས་བོན་འཇོག་གནང་མཛད་ཀྱིན་ཡོད།

དཔེ་དེབ་གསར་ཐོན་གྱི་གཏམ་བཟང་། དེང་རབས་བོད་ཀྱི་ན་གཞོན་བསམ་བློ་བ་དང་རྩོམ་པ་པོ་ཨ་མའི་བུ་བསྟན་འཛིན་ཚེ་རིང་གིས་ཁ་སང་བཞུད་ཟིན་པའི་མི་ལོ་བཞི་ཙམ་གྱི་ནང་མཐོ་སློབ་ཀྱི་སྦྱོང་གཞིའི་སློབ་ཞོར་དུ་བྲིས་པའི་ <<གཙང་གི་སྲོལ་རྒྱུན་ཞིབ་འཇུག་དང་ལོ་རྒྱུས་ཀྱི་སྟོང་ཆ་ཁ་སྐོང་།>> ཞེས་པའི་དཔེ་དེབ་དེ། དེ་རིང་སྤྱི་ལོ་ ༢༠༡༩ ཟླ་བ་ ༡༡ ཚེས་ ༡༠ ཉིན་མཧཱ་པཎྜི་ཏ་ཟམ་གདོང་བླ་མ་བློ་བཟང་བསྟན་འཛིན་མཆོག་གིས་དབུ་འབྱེད་གནང་བ་ནི་དགའ་བ་སྒོམ་དགོས་པའི་གཏམ་བཟང་ཞིག་ཡིན་པ་མ་ཟད། རྩོམ་པ་པོ་རང་ཉིད་ལ་ཆ་མཚོན་ན། བཀྲ་ཤིས་གཉིས་བརྩེགས་སྒང་ལ་བཀྲ་ཤིས་གསུམ་བརྩེགས་ཞེས་པའི་དཔེ་ལྟར། རྟེན་འབྲེལ་བཟང་པའི་ཉིན་མོ་ཞིག་ཡིན་པར་སྨོས་ཅི་དགོས་ཨང་། དཔེ་དེབ་དེ་ནི་གཙང་གཞིས་རྩེ་རྫོང་ཁག་བཅོ་བརྒྱད་ཀྱི་ཕྱིའི་སྣོད་ཀྱི་འཇིག་རྟེན་དང་དེ་བཞིན་ནང་བཅུད་ཀྱི་འགྲོ་བ་མིའི་སྲོལ་རྒྱུན་རིག་གནས་སྣ་ཚོགས་པ་ཞིག་གི་ཐོག་ཞིབ་འཇུག་གང་ལྕོགས་ཤིག་བྱས་ཏེ། འདས་པའི་ལོ་རྒྱུས་དང་། ཐ་སྙད་སྒྲུབ་ཚུལ། རིག་གནས་ཀྱི་བྱུང་བ། ནང་བསྟན་གྱི་དགོན་རྙིང་། མི་གཞིའི་སློབ་གསོ། གནས་རྙིང་ཞིབ་འཇུག གནའ་བོའི་ཤུལ་བཞག གནའ་རྫས་རྟོག་ཞིབ། རླབས་ཆེན་གྱི་མི་སྣ། རིགས་རུས་ཀྱི་གནས་བབས། ཞིང་འབྲོག་གི་ཐོན་སྐྱེད། རྒྱན་གོས་ཀྱི་སྒྱུ་རྩལ། རོལ་མོའི་འཕེལ་རིམ། སྲོལ་རྒྱུན་གྱི་རྩེད་རིགས་ལ་སོགས་གཙང་གི་སྲོལ་རྒྱུན་དང་འབྲེལ་བའི་བརྗོད་བྱ་དྲུག་ཅུ་ལྷག་ཙམ་གྱི་ཐོག་ཞིབ་འཇུག་གི་དཔྱད་རྩོམ་ཤ་སྟག་བྲིས་ཡོད། རྩོམ་པ་པོའི་ཐོག་མའི་ཀུན་སློང་ནི། ཕྱི་ཡུལ་དུ་འཚར་ལོངས་བྱུང་བའི་བོད་མིའི་གཞོན་སྐྱེས་ཚོས་རང་གི་རིགས་གཞུང་ལ་རྒྱུས་ལོན་བྱེད་སའི་མ་དེབ་ཅིག དེ་ནི་འབྱུང་འགྱུར་གྱི་མི་རབས་ལ་བཞག་པའི་ཕྱོགས་སྟོན་འཁོར་ལོ་བཞིན་ལོ་རྒྱུས་ལ་ཆ་རྒྱུས་སླེབས་ས་ཞིག དེ་ནི་གཙང་ལ་ཕུལ་བའི་ལེགས་སྐྱེས་ཤིག་ཡིན། དེ་ནི་བདག་གི་ཨ་མའི་ནུ་རིན་ཡིན་པ་མ་ཟད། རྒྱལ་སྤྱིའི་མི་མང་ལ་རང་ཉིད་ཀྱི་ཕ་ཡུལ་ངོ་སྤྲོད་དང་འགྲེལ་བཤད་ཀྱི་མེ་ལོང་ཡིན། མདོར་ན། དེ་ནི་བོད་མི་རིགས་ཀྱི་སྣོད་བཅུད་ཀྱི་དཀའ་གནད་སེལ་ཐབས་དང་ལོ་རྒྱུས་ཀྱི་གསལ་ཁ་སྟོན་ཐུབ་པའང་ལྟ་ཅི་སྨོས། བཏབ་ས་རུ་ལོ་ཏོག་སྨིན་པ་དང་། བརྩམས་པ་དེ་ཕན་པའི་རེ་སྨོན་ཞུ། གལ་སྲིད།…

དིང་རི་སྐྱིད་པོའི་གཞོང་གཞོང་ན། ། རྩྭ་སྐོར་བུ་མོ་གླུ་སྒྲ་ཤང་ཤང་རེད།། དིང་རི་སྐྱིད་པོ་མི་འདུག ། ཚོ་ལྔ་དཔོན་པོའི་འོག་རེད།། ཐིག་རྒྱག་སར་གྲིའུ་མ་ཕྱིན་ན། ། ང་ལྷམ་བཟོ་བའི་ཕྲུ་གུ་ཡིན་མདོག་མེད།། ཐིགས་པ་མི་རྒྱག་དགུ་རྒྱག ། རྒན་མོའི་སློག་ཧྲུལ་སྒང་ལ་ཐིགས་ཐིགས།། སྡིག་པའི་ཕྲུ་ཆུང་བརྒྱབ་ལ་འཁུར། ། ཁ་ནས་ཨོཾ་བཟང་མ་ཎི་འདྲེན།། རི་སྡིང་སྡིང་གླ་བ་ཉལ་ས་རེད། ། གླ་བ་ཉལ་ཐག་རིང་ན་འཆི་ལེ་རེད།། རི་ལུག་པ་ཐག་པས་མི་ཐུམ། ། གྱང་འགྱེལ་བ་ཡོག་ཤིང་གིས་མི་བསྲོང་།། རི་རྒྱས་གླིང་གི་རྩྭ་ཁ་འདི། ། བྲག་ཕུག་གླིང་ན་ཡོད་རོགས་བྱས་ན།། རི་ཁ་ཐམས་ཅད་སྨུག་པས་བསྒྲིབ། ། དེང་སང་རྐྱང་ལ་ཕ་ཡུལ་མེད །། རིན་རྡོར་ཆང་གིས་བཟི་ནས། ། སྐྱུག་པའི་འདམ་ལ་ཤོར་འདུག།

མེ་ཏོག་རྫོང་ནི་བོད་རང་སྐྱོང་ལྗོངས་ཟེར་བའི་ཤར་ལྷོའི་མཚམས་དང་།ཉིང་ཁྲི་གྲོང་ཁྱེར་གྱི་ཤར་ལྷོའི་རྒྱུད། ཡར་ཀླུང་གཙང་པོའི་སྨད་རྒྱུད། ཧི་མ་ལ་ཡའི་རི་རྒྱུད་ཤར་མ་དང་གངས་རི་དཀར་པོའི་ནུབ་ལའི་རི་རྒྱུད་དུ་གནས་ཡོད། ས་ཁོངས་ཧ་ལམ་སའི་གོ་ལའི་བྱང་གི་འཕྲེད་ཐིག27°34′ནས29°56′དང་ཤར་གྱི་གཞུང་ཐིག93°46′ནས96°05′ཐོག་ཏུ་གནས་ཡོད། རྫོང་སྲིད་གཞུང་གི་གནས་ཡུལ་མེ་ཏོག་གྲོང་རྡལ་ནི་ཧ་ལམ་སའི་གོ་ལའི་བྱང་གི་འཕྲེད་ཐིག29°19′དང་ཤར་གྱི་གཞུང་ཐིག95°19′ཐོག་ཏུ་གནས་ཡོད་ཅིང་། ས་ཁོངས་ཧྲིལ་པོའི་ཤར་ནུབ་ཀྱི་ཞེང་ཚད་ལ་སྤྱི་ལེ227དང་ལྷོ་བྱང་གི་རིང་ཚད་ལ་སྤྱི་ལེ262ཙམ་ཡོད།

རྡོ་རྗེ་སྐྱིད། (ལྷ་ས།) དཔྱིད་ཟླ་གསུམ་པ་ནི་དཔྱིད་ཀྱི་དཔལ་མོ་མི་ཡུལ་དུ་བྱོན་ཏེ་ས་གཞི་ཀུན་ལ་ཚེ་སྲོག་གི་དངོས་གྲུབ་གནང་ཞིང་གཉིད་དུ་ཡུར་བའི་དགུན་ཟླ་རིང་མོར་དྲོད་ཅིང་འཇམ་པའི་ཕྱག་ཟུང་གཉིས་ཀྱིས་ཡང་ཡང་བྱིལ་བྱིལ་བྱས་ནས།  ཡོད་ཚད་ལ་བརྩེ་བ་དང་བྱམས་སེམས་ཆེན་པོས་སྐྱོང་བ་དང་། ཚང་མར་རེ་བ་དང་ཡིད་ཆེས། སྤོབས་པ་དང་ང་རྒྱལ་གྱིས་ཁེངས་པའི་དུས་བཟང་དེ་ཡིན་པས། ངའང་ཞོགས་པའི་ཉི་ཟེར་གྱི་འགྲོས་དང་བསྡོངས་ཏེ་ས་ཀོང་པོའི་ཡུལ་དུ་དཔྱིད་ཀྱི་དཔལ་མོར་བསུ་མ་བྱེད་དུ་ཆས་པ་ཡིན།

ཀཿགནམ་གྲོང་ཚོ་ནི། རང་བྱུང་གྲོང་ཚོ་དེ་ནི་ཀཿགནམ་གྲོང་ཚོ་ཆགས་ཡུལ་ཡིན་པ་དང་། མིང་གི་ལོ་རྒྱུས་ནི་གོང་དུ་ཞུས་ཟིན་དང་གཅིག་མཚུངས་ཡིན། 【ཀཿགནམ་སྡེ་པ། ཤོད་རྒྱུན་ལྟར་ན། སྤུར་རྒྱལ་གྲི་གུམ་བཙན་པོ་ལོ་ངམ་རྟ་རྫིས་བཀྲོངས་རྗེས། དེའི་སྲས་ཐ་ཆུང་བྱ་ཁྲི་སྤོ་ཡུལ་དུ་བྲོས། མི་རིང་བར་བྱ་ཁྲི་སྤུར་རྒྱལ་བཙན་པོའི་ཁྲིར་གསོལ་ཏེ་སྤུ་དེ་གུང་རྒྱལ་ཞེས་སུ་གྲགས། སྤོ་ཡུལ་ནི་དེའི་གདུང་རྒྱུད་ཀྱིས་མུ་མཐུད་མངའ་མཛད་པར་གསུངས། དགའ་ལྡན་ཕོ་བྲང་སྔོན་དུས་སུ་སྤོ་ཡུལ་ནི་དེའི་མངའ་ཁོངས་སུ་མིང་ཙམ་ལས་དོན་དུ་ཕྱེད་རང་བཙན་གྱི་རྣམ་པར་གནས་ཏེ། ཀཿགནམ་སྡེ་པ་ཞེས་གྲགས། བོད་ཀྱི་ཡིག་ཆར་ཀཿགནམ་སྡེ་པ་ཞེས་དང་། རྒྱ་ནག་ཡིག་ཆར་སྤོ་མེས་རྒྱལ་པོ་ཞེས་འཁོད། དེའི་མངའ་ཁོངས་སུ་ད་ལྟའི་སྤོ་བོ་རྫོང་དང་། མེ་ཏོག་རྫོང་། དེ་བཞིན་བྲག་ཡིབ་ཆུས་ཀྱི་ཤར་ངོས་ཀྱི་ཆ་ཤས་བཅས་གཏོགས་ཤིང་། མངའ་ཐང་རྒྱས་ཤོས་སྐབས་རྫོང་ཁག་བཅོ་བརྒྱད་དབང་དུ་བསྡུ་མྱོང་བར་གསུངས། དེའི་རྒྱལ་ས་སྤོ་བོ་ཀཿགནམ་དུ་ཆགས་པས་ཀཿགནམ་རྒྱལ་པོའམ་སྡེ་པ་ཞེས་ཡོངས་སུ་གྲགས།

སྤོ་བོ་རྫོང་ནི་བོད་རང་སྐྱོང་ལྗོངས་་ཟེར་བའི་ཤར་ལྷོའི་མཚམས་དང་། ཉིང་ཁྲི་གྲོང་ཁྱེར་གྱི་བྱང་ཤར་མཚམས་སུ་གནས་ཡོད།ཧ་ལམ་སའི་གོ་ལའི་བྱང་གི་འཕྲེད་ཐིག29°08′དང་། ཤར་གྱི་གཞུང་ཐིག95°70′མཚམས་ན་གནས་ཡོད། རྫོང་གྲོང་ཁྱེར་ཁྲབ་་རྨོག་གྲོང་རྡལ་གྱི་བྱང་ངོས་ཁྲོན་བོད་གཞུང་ལམ་མམ་རྒྱལ་ལམ318ཀྱི་འཁྲིས་སུ་ཆགས་ཡོད་ཅིང་། ཉིང་ཁྲི་གྲོང་ཁྱེར་གྱི་གནས་ཡུལ་བྲག་ཡིབ་ཆུས་དང་རྒྱང་ཐག་སྤྱི་ལེ234དང་། དབུས་ཀྱི་ལྷ་ས་དང་རྒྱང་ཐག་སྤྱི་ལེ640ཡོད། རྫོང་སྲིད་གཞུང་གནས་ཁུལ་གྱི་ས་བབ་མཐོ་ཚད་ལ་རྒྱ་མཚོའི་ངོས་ལས་རྨིད2720ཡོད་པ་དང་ལོ་འཁོར་མོའི་གནམ་གཤིས་ཀྱི་ཆ་སྙོམས་དྲོད་ཚད་ནི7.8℃ཡིན།