སྤེལ་ཞིབ་ཕྲ།
ཕྱྭ་པ་ཆོས་ཀྱི་སེང་གེའི་གསུང་འབུམ་དང་འབྲེལ་བའི་ཆ་འཕྲིན།
༄༅། །ཕྱྭ་པ་ཆོས་ཀྱི་སེང་གེའི་གསུང་འབུམ་དང་འབྲེལ་བའི་ཆ་འཕྲིན། རྩོམ་པ་པོ། མགོན་སེང་ཀརྨ་བདེ་ལེགས། ཕྱྭ་པ་ཆོས་ཀྱི་སེང་གེའི་གདན་ས། དེ་ཡང་སྔར་སྤྱི་ལོ༡༩༩༡ལོར་ཀ་ཐོག་རྒྱུད་སྡེ་བཤད་སྒྲུབ་ནོར་བུ་ལྷུན་པོར་སློབ་གཉེར་བྱས་སྐབས། བོད་ཡུལ་དུ་ཕྱྭ་པ་ཆོས་ཀྱི་སེང་གེའི་དབུ་ཚད་ཀྱི་རིགས་ལམ་རྒྱ་ཆེར་སྤེལ་ཚུལ་གྱི་མཛད་རྣམ་མདོར་བསྡུས་ཙམ་ཐོག་མར་ཐོས། ད་དུང་ཡ་མཚན་པ་ཞིག་ལ་ཁོང་གིས། འགྲོ་བ་སེམས་ཅན་ཉལ་ནས་འཆི། །ང་ཕྱྭ་པ་ཆོས་སེང་ལངས་ནས་འཆི། །གསུངས་ནས་རྟགས་གསལ་གཏོང་བཞིན་གཤེགས་ཚུལ་ངག་རྒྱུན་གྱི་ལོ་རྒྱུས་ཡ་མཚན་ཅན་འགའ་ཤས་ཤིག་ཐོས་པ་ཙམ་ལས་ཞིབ་ཕྲའི་རྣམ་ཐར་དང་གསུང་སོགས་གང་ཡང་མཇལ་རྒྱུ་མ་བྱུང་།
ཡར་ཀླུང་གནས་རྟེན་ཕུག་གསུམ་གྱི་ཕྲན་དཔྱད།
ཡར་ཀླུང་གནས་རྟེན་ཕུག་གསུམ་གྱི་ཕྲན་དཔྱད། ཨེ་ཉི་མ་ཚེ་རིང་ནས། ཡར་ཀླུང་རྟེན་གསུམ་བཤད་པ། དེ་ཡང་ཡར་ཀླུང་གཞུང་དུ་ཕེབས་མཁན་གྱི་དད་ལྡན་མང་ཚོགས་དང་། ཡང་ན་ཞིབ་འཇུག་ལ་ཁ་ཕྱོགས་པའི་རིག་གནས་པ།སྤྱིར་བཏང་གི་ལྗོངས་རྒྱུ་བ་གང་འདྲ་ཞིག་ཡིན་ན་ཡང་། ཡུལ་ཡར་ཀླུང་ཞེས་པའི་ལུང་གཞུང་འདིར་འབྱོར་ཕྱིན།ཡིད་ལ་ཐོག་མར་འཆར་བ་ནི་ཡར་ཀླུང་རྟེན་གསུམ་དང་གནས་གསུམ་ཕུག་གསུམ་གྱི་མཇལ་རྟེན་སྐོར་ནས་བགྲོ་བའི་གླེང་མོར་གྱུར་བ་བརྗོད་མི་དགོས་པ་ཞིག་རེད།
དཔལ་གསང་ཕུ་དགོན་དང་དེ་དང་འབྲེལ་བའི་ཚད་མ་རིག་པ་བྱུང་འཕེལ་སྐོར།
དཔལ་གསང་ཕུ་དགོན་དང་དེ་དང་འབྲེལ་བའི་ཚད་མ་རིག་པ་བྱུང་འཕེལ་སྐོར། རྩོམ་པ་པོ། དག་སྨྱོན། དེ་ཡང་ཆོས་ཚིགས་ཀྱི་དབང་དུ་བྱས་པའི་བོད་ཀྱི་ལྟེ་བའི་གྲོང་ཁྱེར་ལྷ་ས་ནས་ལྷོ་ནུབ་མཚམས་ལ་ཁ་གཏད་དེ་སྤྱི་ལེ་25ལྷག་ཙམ་སོང་ན། གསང་མདའ་གྲོང་ཚོར་སླེབས་ཤིང་། གྲོང་ཚོའི་དེའི་ཕུ་རུ། མུ་མཐུད་སྤྱི་ལེ་7ཙམ་བསྐྱོད་ན་གསང་ཕུ་དགོན་དུ་འབྱོར། གདན་ས་འདི་ཉིད་ནི་སྔར་སེ་འབྲས་དགའ་གསུམ་མ་ཆགས་པའི་གོང་དུ་དབུས་ཀྱི་གྲྭ་ས་ཆེན་པོ་དྲུག་གི་ཡ་གྱལ་ཞིག་ཡིན་ལ། དབུས་ཁུལ་གྱི་བཀའ་གདམས་མ་དགོན་གཉིས་ཀྱི་གྲས་ཤིག་ཀྱང་ཡིན།
ར་ས་འཕྲུལ་སྣང་གཙུག་ལག་ཁང་།
ལྷ་ལྡན་འཕྲུལ་གྱི་གཙུག་ལག་ཁང་། གཙུག་ལག་ཁང་འདི་ནི་བོད་ཀྱི་བཙན་པོ་སྲོང་བཙན་སྒམ་པོས་བལ་བཟའ་ཁྲི་བཙུན་དང། རྒྱ་བཟའ་འུན་ཤིང་ཀོང་ཇོ་ཁབ་ཏུ་བསུས་རྗེས་བོད་ཀྱི་ངལ་རྩོལ་མི་དམངས་ཀྱིས་གཙོ་བཞུགས་བྱས་ཏེ་སྤྱི་ལོའི་དུས་རབས་བདུན་པའི་དུས་དཀྱིལ་དུ་གསར་དུ་བསྐྲུན་པ་ནས་དབར་མི་ལོ་ཆིག་སྟོང་ལྷག་ཙམ་གྱི་ལོ་རྒྱུས་ཡོད་པ་དང། དེའི་རིང་དུས་རབས་རིམ་ཅན་གྱི་ནང་ཉམས་གསོ་རྒྱ་སྐྱེད་ཐེངས་མང་བྱས་པ་བརྒྱུད་རིམ་བཞིན་ད་ཡོད་ཀྱི་གཞི་ཁྱོན་འདི་ལྟར་ཆགས་པ་ཡིན།
ལྷོ་བྲག་གྲོ་བོ་ལུང་དགོན།
ལྷོ་བྲག་གྲོ་བོ་ལུང་དགོན། ངོ་སྤྲོད། མཚན་རྒྱས་པར་ལྷོ་གནས་མཆོག་འོག་མིན་ཨོ་རྒྱན་དཔལ་གྱི་གྲོ་བོ་ལུང་ཞེས་ཞུ། སྲས་མཁར་དགུ་ཐོག་ནས་ལྷོ་ངོས་ཀྱི་རིར་རྐང་ཐང་མར་ཆུ་ཚོད་གཅིག་ལྷག་ཙམ་ཞིག་འཛེགས་ན་མི་ལ་དང་མར་པ་ཐོག་མར་མཇལ་ས་མཐུན་རྐྱེན་ཞིང་ཞེས་པའི་སྟེང་ནས་ཞལ་ནུབ་བྱང་མཚམས་སུ་གཏད་པའི་དགོན་དེ་མཇལ་གྱི་རེད། དགོན་དེ་ནི་མར་པ་ལོ་ཙཱ་བ་དགུང་ལོ་ཉེར་དགུའི་སྟེང་ཕྱག་བཏབ་གནང་ཞེས་གསུངས། མར་པ་ལོ་ཙཱ་ནི་དགོན་དེའི་ཐད་ཀའི་བེ་ས་ཞེས་པར་སྤྱི་ལོ1012ལོར་སྐུ་འཁྲུངས། དགུང་ལོ་གསུམ་སྟེང་རྡིའུ་ཞིག་འཕངས་གནང་བ་ས་དེར་བབས་པས“ངའི་དགོན་པ་གནས་འདིར་འདེབས”ཞེས་དང་།
གཙང་གི་མཆོད་རྟེན་རྣམ་བཞིའི་ལོ་རྒྱུས།
གཙང་གི་མཆོད་རྟེན་རྣམ་བཞིའི་ལོ་རྒྱུས་རག་བཀོད། ༡༽ ཁྲོ་ཕུའི་སྐུ་འབུམ་ཆེན་མོ། ཁྲོ་ཕུའི་སྐུ་འབུམ་ཆེན་མོ་ནི། བོད་ལྗོངས་གཞིས་ཁ་རྩེ་ས་ཁུལ་ས་སྐྱ་རྫོང་གི་ཁྲོ་ཕུ་དགོན་པ་དང་ཉེ་བའི་ལུང་མདའི་ཕྱོགས་སུ་དུས་རབས་བཅུ་གསུམ་པའི་ནང་ཙམ་དུ་ཁྲོ་ཕུ་ལོ་ཙཱ་བ་བྱམས་པའི་དཔལ་དང་། སྲས་སེམས་དཔའ་ཆེན་པོ་བསོད་ནམས་སེངྒེ་གཉིས་ཀྱིས་བཞེངས་ཤིང་། ཕྱིས་ཉམས་རྒུད་དུ་སོང་ཡང་། ད་ལྟ་ལྷོ་གྲོ་བོ་ལུང་གི་བླ་མ་ཉི་མས་བཟོ་བཀོད་ཕུན་སུམ་ཚོགས་པར་བསྐྱར་བཞེངས་གནང་བ་མཇལ་རྒྱུ་ཡོད།