སྤེལ་ཞིབ་ཕྲ།
༄༅།།མཁས་དབང་བློ་བཟང་དབྱིག་གཉེན་མཆོག་སྐུ་གཤེགས་པར་མྱ་ངན་ཞུ།
ལྕགས་རི་རིག་བྱེད་འགྲོ་ཕན་གླིང་གི་གསོ་བ་རིག་པ་མཁས་ཅན་དང་། ལྷ་ལྡན་སྨན་རྩིས་གླིང་གི་རྩ་ཆེའི་སྨན་པ་མཁས་དབང་བློ་བཟང་དབྱིག་གཉེན་མཆོག་སྤྱི་ལོ་ ༢༠༡༩ ལོའི་ཟླ་ ༣ ཚེས་ ༡༨ ཉིན་གནས་མཆོག་ལྷ་སར་སྐུ་གཤེགས་པར་སྐྱོ་སེམས་དྲག་པོས་མྱ་ངན་དང་དྲན་གསོ་ཞུ། དེ་ཡང་མཁས་དབང་བློ་བཟང་དབྱིག་གཉེན་མཆོག་ནི། མེ་བྱ་ལོ་སྟེ་སྤྱི་ལོ་ ༡༩༣༦ ལོར་ལྷོ་ཁ་ས་ཁུལ་ཟངས་རི་རྫོང་ཁོངས་སུ་སྐུ་འཁྲུངས། དགུང་གྲངས་ ༡༢ ལ་ཕེབས་པ་མེ་ཕག་སྤྱི་ལོ་ ༡༩༤༧ ལོར་ལྕགས་རི་རིག་བྱེད་འགྲོ་ཕན་གླིང་གི་སྨན་གྱི་སློབ་གྲྭ་ལྟ་ན་སྡུག་ཏུ་བོད་ཀྱི་གསོ་བ་རིག་པ་གཙོ་བོར་འགྱུར་པའི་སྨན་རྩིས་གཉིས་ལ་སློབ་གཉེར་གནང་འགོ་ཚུགས། ལྕགས་རི་འགྲོ་ཕན་གླིང་དུ་བགྲང་བྱ་བཅུ་ལ་ཉེ་བ་དཔལ་ལྡན་རྒྱུད་བཞིས་གཙོས་པའི་གསོ་བ་རིག་པའི་གཞུང་ལུགས་མན་ངག་དང་། ནད་ཐོག་ལག་ལེན། སྨན་ངོ་ངོས་འཛིན་སོགས་ལ་སྦྱངས་པ་མཐར་ཕྱིན་མཛད་དེ་རང་ལོ་…
གངས་ལྗོངས་སྨན་རྩིས་རིག་མཛོད་ཆེན་མོ།
གངས་ལྗོངས་སྨན་རྩིས་རིག་མཛོད་ཆེན་མོ། ཞེས་པའི་དཔེ་ཚོགས་འདི་ནི་བོད་ལྗོངས་སྨན་རྩིས་ཁང་ནས་མི་ལོ་ ༣༢༠ ཐམ་པའི་ལོ་རྒྱུས་ཡོད་པའི་ལྕགས་པོ་རི་རིག་བྱེད་འགྲོ་ཕན་གླིང་དང་། ལོ་བརྒྱ་འཁོར་བའི་སྨན་རྩིས་ཁང་གི་དཔེ་མཛོད་ཁང་དུ་ཉར་ཚགས་བྱས་པའི་རྩ་ཆེའི་དཔེ་རྙིང་རྣམས་རྨང་གཞིར་བཟུང་བའི་ཐོག སྤྱི་ལོ་ ༢༠༠༦ ནས་བཟུང་ཕོ་བྲང་པོ་ཏ་ལའི་དཔེ་མཛོད་དུ་བཞུགས་པའི་རྩིས་རིག་དང་། གསོ་རིག་གི་གནའ་དཔེ་རྣམས་བཤེར་འབེབས་བྱས་པས་མཚོན། བོད་ལྗོངས་ཀྱི་ས་གནས་ཁག་དང་། སི་ཁྲོན་དང་མཚོ་སྔོན་སོགས་བོད་ཀྱི་གསོ་རིག་དང་རྩིས་རིག་དར་ཁྱབ་ཆེ་བའི་ས་གནས་ཁག་ཏུ་ལན་མང་བསྐྱོད་ནས་སྨན་རྩིས་གཉིས་ཀྱི་གནའ་གཞུང་ཡོད་དོ་ཅོག་གི་ཆ་འཕྲིན་རྟོག་ཞིབ་དང་། གནའ་དཔེ་འཚོལ་བསྡུ་བྱེད་པའི་ལས་གཞི་ཆེན་པོ་ཞིག་སྤེལ་བ་ལས་གྲུབ་པ་ཞིག་ཡིན།
ལྷ་རྩེ་རྫོང་ཁོངས་སུ་འཁྲུངས་པའི་བོད་སྨན་མཁས་དབང་རྣམས་ཀྱི་རྣམ་ཐར།
༡༽ བོད་སྨན་མཁས་པ་མི་དགུའི་ནང་ཚན་ཆེར་རྗེ་ཞིག་པོའི་རྣམ་ཐར། བོད་སྨན་མཁས་པ་མི་དགུ་ཞེས་པ་ནི། སྟོད་ན་ཆེར་རྗེ་ཞིག་པོ་དང་། འུག་པ་ཆོས་བཟང་། བི་བྱི་ལེགས་མགོན་གསུམ། བར་ན་གཡུ་ཐོག་མགོན་པོ་དང་། མི་ཉག་རོང་རྗེ། བྲང་ཏི་རྒྱལ་བཟང་གསུམ། སྨད་ན་གཉའ་པ་ཆོས་བཟང་དང་། མཐའ་བཞི་དར་པོ། སྟོང་པ་གྲགས་རྒྱལ་གསུམ་བཅས་སོ། །ཆེར་རྗེ་ནི། ལྷ་རྩེ་མང་མཁར་གྱི་གཞུང་དུ་སྐུ་འཁྲུངས། མང་མཁར་གྱི་གཞུང་ན་ཆེར་རྗེའི་གུང་ཞེས་པ་མཁར་དང་བཅས་པ་ཡོད། དེར་ཆེར་རྗེ་ཏི་པང་དང་། ཇོ་ནག འཕན་ཕྱུག རྟག་རྟོག་རྒྱལ་པོ་ལ་སོགས་པ་མཁས་པ་མང་དུ་བྱོན།
གཡུ་ཐོག་རྙིང་མ་ཡོན་ཏན་མགོན་པོ་ངོ་སྤྲོད་མདོར་བསྡུས།
སྨན་ལྷ་གཉིས་པ་གཡུ་ཐོག་རྙིང་མ་ཡོན་ཏན་མགོན་པོ་ནི། ས་སྤྲེལ་ (སྤྱི་ལོ་ ༧༠༨) ལོར་སྟོད་ལུང་བདེ་ཆེན་ཤང་ཁོངས་གཡུ་ཐོག་སྒང་དུ་ཡབ་ཁྱུང་པོ་རྡོ་རྗེ་དང་ཡུམ་རྒྱ་པ་ཆོས་སྒྲོན་གཉིས་ཀྱི་སྲས་སུ་སྐུ་འཁྲུངས། དགུང་ལོ་བརྒྱ་དང་ཉི་ཤུ་རྩ་ལྔ་འཚོ་བཞུགས་གནང་། དགུང་ལོ་གསུམ་ཐོག་ཡབ་ཀྱི་དྲུང་དུ་ཡི་གི་འབྲི་ཀློག་ལ་སྦྱང་པ་མཛད་པས་ཚེགས་མེད་དུ་མཁྱེན། སྐུ་ན་སོན་རྗེས་གསོ་རིག་ལ་སྦྱང་པ་ལེགས་པར་མཛད་དེ་མཁས་པར་གྱུར། དེ་རྗེས་ཁོང་གི་མཚན་སྙན་ཆོས་རྒྱལ་མེས་ཧག་ཚོམ་གྱི་སྙན་དུ་འཁྱོལ་བས་བསམ་ཡས་སུ་གདན་དྲངས། བོད་ཀྱི་སྨན་པ་མཁས་པ་མང་པོ་དང་ཕྱོགས་བཞིའི་སྨན་པ་མི་དགུ་བོད་དུ་གདན་དྲངས་པ་རྣམས་དང་རྩོད་གླེང་མཛད་པས། སྐུ་ཡོན་ཁྱད་དུ་འཕགས་པར་བོད་ཀྱི་སྨན་པ་མཁས་པ་རྣམས་དད་གུས་སྐྱེས།
སྨན་རྩིས་མཁས་དབང་མཁྱེན་རབ་ནོར་བུ་མཆོག་གི་རྣམ་ཐར་སྙིང་བསྡུས།
སྨན་རྩིས་མཁས་དབང་མཁྱེན་རབ་ནོར་བུ་མཆོག་ནི་ལྷོ་ཁ་རྩེ་ཐང་ཁུལ་བྱ་ས་ལྷ་ཁང་གི་ཉེ་འདབས་སུ་ཡབ་རྩིས་རིག་སྨྲ་བ་ཀྲང་གོ་ལེབ་བམ་རྩིས་པ་རྔ་བོ་ཆེར་གྲགས་པ་དང་། ཡུམ་དབྱངས་ཅན་གཉིས་ཀྱི་སྲས་སུ་ རབ་བྱུང་བཅོ་ལྔ་པའི་ཆུ་ལུག（༡༨༨༣）ལོར་སྐུ་བལྟམས། ཆུང་དུས་རྩེད་ཐང་ལྔ་མཆོད་གྲྭ་ཚང་དུ་ཆོས་ཞུགས་གནང་། དགུང་ལོ་བཅུ་བཞི་ཡས་མས་སུ་དགོན་པས་དྲག་འདེམས་ཀྱིས་ ལྷ་ས་ལྕགས་རི་འགྲོ་ཕན་གླིང་དུ་གསོ་རིག་སློབ་གཉེར་དུ་མངགས། ཐོག་མར་སྨན་དགེ་ངག་དབང་ཆོས་ལྡན་གྱི་དྲུང་ནས་སྨན་གཞུང་གསན་སྦྱངས་ཀྱི་དབུ་ཚུགས།
༄༅།།ས་སྐྱ་ཡབ་སྲས་དང་དེ་ལས་འཁྲུངས་པའི་གསོ་རིག་བསྟན་བཅོས་ཀྱི་སྐོར།
༄༅།།རྗེ་བཙུན་ས་སྐྱ་པ་ཡབ་སྲས་རྣམ་གསུམ་དང་ཁོང་རྣམས་ཀྱིས་མཛད་པའི་གསོ་བ་རིག་པའི་བསྟན་བཅོས་ཀྱི་སྐོར་མདོ་ཙམ་གླེང་བ་འཇམ་མགོན་དགྱེས་པའི་མཆོད་སྤྲིན། བན་ཟུར་འཇིགས་མེད། བོད་ལྗོངས་བོད་ལུགས་གསོ་རིག་སློབ་ཆེན་ཞིབ་འཇུག་སློབ་མའི་དོ་དམ་ཚན་ཁག ནང་དོན་གནད་བསྡུས། རྩོམ་ཡིག་འདིའི་ནང་གངས་ལྗོངས་གསོ་རིག་བསྟན་པའི་ཉིན་བྱེད་རིམ་བྱོན་ལས་ས་སྐྱ་པ་ཡབ་སྲས་རྣམ་གསུམ་སྟེ། རྗེ་བཙུན་གྲགས་པ་རྒྱལ་མཚན་དང་། དཔལ་ཆེན་འོད་པོ་ཆེ། ས་སྐྱ་པཎ་ཆེན་ཀུན་དགའ་རྒྱལ་མཚན་གསུམ་མཚམས་སྦྱོར་མདོར་བསྡུས་དང་། ཁོང་རྣམས་ཀྱིས་མཛད་པའི་གསོ་བ་རིག་པའི་བསྟན་བཅོས་གསོ་དཔྱད་རྒྱལ་པོའི་དཀོར་མཛོད་དང་། བརྒྱད་ཆུང་ཉི་མའི་འཁོར་ལོ། ཡན་ལག་བརྒྱད་པའི་སྙིང་པོ་སོགས་ཀྱི་སྐོར་ལ་དཔྱད་པ་ཞུས་ཡོད། བརྡ་ཆད་གཙོ་བོ། ས་སྐྱ་པ། ཡབ་སྲས་རྣམ་གསུམ། གསོ་བ་རིག་པའི་བསྟན་བཅོས། བརྟན་པའི་འཁོར་ལོ་མི་ཡི་ཟོལ་དུ་བྱོན། ། སྨན་གྱི་བླ་མའི་བྱིན་རླབས་དངོས་སུ་ཞུགས། །…