སྤེལ་ཞིབ་ཕྲ།
ག) བོད་ཀྱི་ཤིང་བཟོའི་ལག་རྩལ།
དེ་ཡང་ལུས་བཟོ་ཕལ་པའི་གྲས་སུ་ཤིང་བཟོ་དང༌། རྡོ་བཟོ། འཇིམ་བཟོ། ཞལ་བ། ཚོན་བཟོ། གསེར་བཟོ། དངུལ་བཟོ། ཟངས་བཟོ། ལྕགས་བཟོ། ཕྲ་བཟོ། ལུགས་པ། ཚགས་པ། གོས་བཟོ། ཀོ་བཟོ། ཤོག་བཟོ། དཀར་ཡོལ་གྱི་བཟོ་ལས་སོགས་མང་དུ་ཡོད་པ་ལས། བོད་ཀྱི་ཤིང་བཟོའི་ལག་རྩལ་ནི། བོད་གནའ་རབས་བསྐལ་པ་ཡ་ཐོག་གི་དུས་སྐབས་ནས་བཟུང་རིམ་བཞིན་འཕེལ་རྒྱས་བྱུང་ཞིང༌། ཕྱི་ལོའི་གོང་གི་ལོ་ཉིས་བརྒྱའི་སྔོན་ལ་རྒྱལ་པོའི་ཐོག་མ་གཉའ་ཁྲི་བཙན་པོས་མཁར་གྱི་ཐོག་མ་ཕོ་བྲང་ཡུམ་བུ་བླ་མཁར་བཞེངས།
ཁ) ལུས་བཟོའི་རྣམ་ཞག་སྐོར།
བོད་ཀྱི་རིག་གནས་དེ་རིག་པའི་གནས་བཅུར་དབྱེ་ཞིང༌། རྒྱུན་སྲོལ་དུ་རིག་གནས་ཆེ་བ་ལྔ་དང༌། ཆུང་བ་ལྔ་སྟེ་བཅུ་ཕྲག་རིག་གནས་ཞེས་འབོད། རིག་གནས་ཆེ་བ་ལྔའི་ཁོངས་སུ་གཟོ་རིག་པ་དང༌། གསོ་བ་རིག་པ། སྒྲ་རིག་པ། ཚད་མ་རིག་པ། ནང་དོན་རིག་པ་བཅས་དང༌། རིག་གནས་ཆུང་བ་ལྔ་ནི། སྙན་ངག་དང༌། མངོན་བརྗོད། སྡེབ་སྦྱོར། ཟློས་གར། དཀར་རྩིས་དང་བཅས་པའི་རིག་པའི་གནས་དེ་དག་གི་ནང་ཤེས་རིག་ཀུན་རྩ་བའི་ཆ་ནས་མ་གཏོགས་པ་མེད་ཅིང༌། མདོར་ན་རང་བྱུང་ཚན་རིག་དང༌། སྤྱི་ཚོགས་ཚན་རིག་སོགས་ཀྱང་དེའི་ཁོངས་སུ་གཏོགས་ཡོད།
ཉེར་གཉིས། པོ་ཏ་ལ་དང་བོད་ཀྱི་བཟོ་རིག་ལག་རྩལ་སྐོར།
ཀ) བོད་ཀྱི་ཐུན་མོང་མ་ཡིན་པའི་བཟོ་རིག་ལག་རྩལ་སྐོར། ས་རྡོ་ཤིང་གསུམ་གསེར་དངུལ་ཟངས་ལྕགས་སོགས། ། བརྐོས་ཚགས་ལུགས་དང་སྐུ་གསུང་ཐུགས་རྟེན་དང༌། ། འཐག་འཚེམ་ལྷས་སོགས་ངོ་མཚར་སྟོང་ལྡན་གྱི། ། ལྗོངས་འདིའི་བཟོ་རྩལ་ཁྱད་འཕགས་འདི་ན་གསལ། །
བོད་ཀྱི་ཨར་ལས་བཟོ་སྐྲུན་སྐོར་རགས་ཙམ་བཀོད་པ།
དགེ་བཅུའི་ཡོན་ཏན་ཕྱུར་བུར་སྤུད་པ་ཡི། །ནོར་འཛིན་བུ་མོའི་མངལ་ཁུར་རབ་ལྕི་བ། །འགྱུར་མེད་ལྟེ་བ་གྲུ་འཛིན་ཕོ་བྲང་ཞེས། །ཡངས་པའི་འཛམ་གླིང་སྤོ་ལས་མངོན་པར་འཕགས། །ཞེས་༸རྒྱལ་དབང་ལྔ་པ་ཆེན་པོས་བསྔགས་བརྗོད་མཛད་པ་ལྟར། རང་རེ་བོད་གངས་ཅན་གྱི་ལྗོངས་འདིར་ལོ་སྟོང་ཕྲག་མང་པོའི་གོང་རོལ་ནས་མི་ཡི་འགྲོ་བ་བྱུང་ཞིང༌། རིམ་པས་ཡར་རྒྱས་སུ་ཕྱིན་ཡོད། དཔེར་ན། གདོད་མའི་སྤྱི་ཚོགས་ལས་གྲོལ་མཚམས་ས་རྡོ་ཤིང་གསུམ་བེད་སྤྱད་དེ་འཚོ་སྤྱོད་བྱེད་འགོ་ཚུགས་བསྟུན་རིམ་བཞིན་བྲག་སྐྱིབས་དང༌། གད་སྐྱིབས། ཤིང་སྡོང་ཁོག་རུལ་སོགས་སུ་གནས་བཅའ་བའི་དུས་རབས་བརྒལ་ཏེ་ས་རྡོ་ཤིང་གསུམ་བེད་སྤྱད་ནས་མཁར་ལས་ཀྱི་རྨང་གཞི་བཙུགས་འགོ་ཚུགས། དེ་ཡང་བཻ་དཀར་ལས། གནའ་དུས་ཀོང་པོའི་ཁུལ་དུ་མི་རྣམས་ཉ་ཆེན་གྱི་རུས་པའི་ནང་གནས་བཅས་ཞེས་འཁོད་པ་ལས་རྟོགས་ཐུབ།
རྡོ་རྗེ་རྒྱ་གྲམ་གྱི་མཚོན་དོན་འགྲེལ་བཤད།
དེ་ཡང་རྡོ་རྗེ་ནི་མི་ཕྱེད་པ་དང༌། མི་ཆོད་པ། མི་ཤིགས་པ། སྲ་ཞིང་བརྟན་པ། གཞོམ་དུ་མེད་པའི་དོན་དང༌། རྒྱ་གྲམ་ནི། ཀུ་རུ་ཁའི་རྟགས་ཏེ་བསྣོལ་མའི་མིང་སྟེ། དབྱིབས་ཀྱི་ཆ་ནས་བཏགས་པའི་མིང་ཞིག་ཡིན། དེ་ལྟར་རྡོ་རྗེ་རྒྱ་གྲམ་ནི་ལས་བཞི་མཚོན་བྱེད་ཀྱི་ལྷའི་ཕྱག་མཚན་ཞིག་ཡིན་ལ། མཚན་གྱི་རྣམ་གྲངས་སུ་སྣ་ཚོགས་རྡོ་རྗེ་ཞེས་ཀྱང་གྲགས།
འཇའ་ཚོན་སྣ་ལྔའི་མཚོན་དོན།
རང་རེའི་སྤྱན་སྔར་རྟག་ཏུ་རིག་རྒྱུ་མང་བའི་ནམ་མཁའི་འཇའ་ཚོན་ནི། ཚན་རིག་གི་གཞུང་སོགས་ལས་ཚོན་མདོག་སྣ་ཁ་བདུན་ལས་གྲུབ་པར་གསུངས་རུང༌། རང་ཅག་བོད་ལུགས་ཀྱི་སྲོལ་ལ་འཇའ་ནི་ཚོན་མདོག་སྣ་ལྔ་ལས་གྲུབ་པར་ངོས་འཛིན་བྱེད་ཀྱི་ཡོད། རྒྱུ་མཚན་གང་ལགས་ཤེ་ན། དེའང་བོད་བརྒྱུད་ནང་བསྟན་དང་འབྲེལ་བ་གཏིང་ཟབ་ཡོད་པར་བསམ། བོད་མིས་དད་གུས་ཆེན་པོ་བྱེད་པའི་ཤར་རྡོ་རྗེ་རིགས་ཀྱི་མཁའ་འགྲོ་མ་དང༌། ལྷོ་རིན་ཆེན་རིགས་ཀྱི་མཁའ་འགྲོ། ནུབ་པདྨ་རིགས་ཀྱི་མཁའ་འགྲོ། བྱང་ལས་ཀྱི་རིགས་ཀྱི་མཁའ་འགྲོ། དབུས་སངས་རྒྱས་མཁའ་འགྲོ་བཅས་མཁའ་འགྲོ་སྡེ་ལྔ་དེ་འཇའ་ཡི་ཚོན་མདོག་སྣ་ལྔ་ལས་མཚོན་པར་བྱེད་སྲོལ་ཡོད། དོན་དམ་དུ་དེ་ཡང་རྩ་བའི་ཚོན་མདོག་དང་འབྲེལ་བ་ཡོད་ངེས་ཡིན་པས་ཚང་མས་དཔྱད་པར་ཞུ།