སྤེལ་ཞིབ་ཕྲ།
༸མི་རྗེ་ཟུར་ཁང་ས་དབང་ཆེན་མོ་གླེང་བ།
༸མི་རྗེ་ཟུར་ཁང་ས་དབང་ཆེན་མོ་གླེང་བ། ངས་པོ་རྒྱལ་མཚན། ༦༽ བླ་ན་མེད་པའི་རྣམ་དཔྱོད་དང་མཛད་རྗེས། རྒྱ་དམར་ཇག་པས་བོད་ལ་བཙན་འཛུལ་སྐབས། སྤྱི་ ལོ་ ༡༩༥༩ ལོར་རྒྱ་དམར་གྱིས་གཡོ་ཐབས་གང་ཡོད་སྤྱད་ནས་༸གོང་ས་མཆོག་སྐུ་བཀྲོང་རྒྱུའམ་རྒྱ་ནག་ཏུ་བཙན་ཁྲིད་བྱ་རྒྱུའི་ངན་ཇུས་གང་ནུས་འདོན་བཞིན་པའི་སྐབས་སུ། མི་མང་གིས་ཞུ་འབོད་ལྟར་༸གོང་ས་མཆོག་རྒྱའི་དམག་སྒར་ལ་ཕེབས་རྒྱུ་མིན་པའི་བཀའ་ཕེབས་པ་བཞིན།” བཀའ་བློན་ཁྲི་པ་ཟུར་ཁང་དབང་ཆེན་དགེ་ལེགས་མཆོག་གིས་མི་དམངས་འགོ་འཁྲིད་ཚོར་བཀའ་བགུགས་ཀྱིས།
སུམ་སྟོན་ཡེ་ཤེས་གཟུངས་ཀྱིས་གཡུ་ཐོག་རྙིང་མ་ཡོད་པར་མི་བཞེད་པ།
ར་སེ་དཀོན་རྒྱམ། དེ་ལ་སུམ་སྟོན་ཡེ་ཤེེས་གཟུངས་ནི་བོད་ཀྱི་གསོ་རིག་གི་ལོ་རྒྱུས་ཐོག་གི་མི་སྣ་ཆེས་འབུར་དུ་ཐོན་པ་ཅིག་རེད། ཁོང་གིས་རབ་བྱུང་གསུམ་པའི་ནང་བྱོན་པའི་གསོ་རིག་སྨྲ་བའི་དབང་པོ་གཡུ་ཐོག་མགོན་པོའམ་ཕྱིས་སུ་གཡུ་ཐོག་ཡོན་ཏན་མགོན་པོར་གྲགས་པའི་བདག་ཉིད་ཆེན་པོ་དེའི་དངོས་སློབ་ཡིན་པ་མ་ཟད། གཡུ་ཐོག་པའི་དགོངས་པ་བཞིན་དཔལ་ལྡན་རྒྱུད་བཞི་ཞེས་པའི་གསོ་རིག་གི་བསྟན་བཅོས་ཆེན་པོ་འདི་ཉིད་ཐོག་མར་བོད་ཡུལ་གྱི་གཞི་རུ་ཀུན་གྱི་སྤྱོད་ཡུལ་དུ་བཤམས་པར་མཛད་མཁན་དེ་ཡིན་ནོ། །
བོད་བརྒྱུད་ནང་བསྟན་གྱི་བསྟན་སྲུང་བྱེ་བྲག་པེ་ཧར་རྒྱལ་པོའི་སྐོར་གླེང་བ།
བོད་བརྒྱུད་ནང་བསྟན་གྱི་བསྟན་སྲུང་བྱེ་བྲག་པེ་ཧར་རྒྱལ་པོའི་སྐོར་གླེང་བ། རྩོམ་པ་པོ། གྲ་བཞི་མིག་དམར་ཚེ་རིང་། [ནང་དོན་གནད་བསྡུས།] དཔྱད་རྩོམ་འདིའི་ནང་བོད་བརྒྱུད་ནང་བསྟན་གྱི་བསྟན་སྲུང་བྱེ་བྲག་པེ་ཧར་རྒྱལ་པོའི་བྱུང་བ་དང་། དེ་ནས་ཐོག་མར་བོད་བརྒྱུད་ནང་བསྟན་གྱི་སྲུང་མར་གྱུར་ཚུལ། དགེ་ལུགས་པའི་སྲུང་མར་བསྐོས་ཚུལ། པེ་ཧར་ཞེས་པའི་མིང་ཐོགས་ཚུལ། པེ་ཧར་རྒྱལ་པོའི་སྐུ་བརྙན་གྱི་ཁྱད་ཆོས་དང་། སྤྲུལ་པ། མིང་གི་རྣམ་གྲངས། དེ་བཞིན་པེ་ཧར་རྒྱལ་པོ་དང་འབྲེལ་བའི་དུས་མཆོད་བཅས་ཀྱི་སྐོར་བོད་ཡིག་གི་ཡིག་ཆ་གཙོ་བོར་ཁུངས་གཏུགས་ཏེ་དཔྱད་པ་བཏང་ཡོད།
འབའ་ར་དཀར་བརྒྱུད་དང་དེའི་སྲོལ་འབྱེད་སུ་ཡིན་མཁྱེན་ནམ།
འབའ་ར་དཀར་བརྒྱུད་དང་དེའི་སྲོལ་འབྱེད་སུ་ཡིན་མཁྱེན་ནམ། སྤོས་ཁང་སྒྲོལ་བཟང་། འབའ་ར་བ་རྒྱལ་མཚན་དཔལ་བཟང་། སྟོད་འབྲུག་བསྟན་པའི་རྒྱུད་འཛིན་འབའ་ར་བ་རྒྱལ་མཚན་དཔལ་བཟང་མཆོག་ནི་འབའ་ར་དཀར་བརྒྱུད་ཀྱི་སྲོལ་འབྱེད་ཡིན། ཁོང་ནི་གཙང་གཡས་རུ་ཤངས་ཀྱི་ཆབ་ལུང་པར་དཔོན་འབུམ་ཞེས་པའི་མི་ཆེན་དེ་དང་ཡུམ་བསོད་ནམས་འབུམ་གྱི་སྲས་སུ་རབ་བྱུང་ལྔ་པའི་ལྕགས་ཁྱི་སྤྱི་ལོ་ 1310 ལོར་བལྟམས། དེང་ཤངས་རྣམ་གླིང་རྫོང་མཁར་རྩེ་ཡུལ་ཤོག་ཆབ་གྲོང་ཚོ་ཡིན། རུས་རྒྱ། བྱིས་པའི་དུས་ནས་བྱམས་དང་སྙིང་རྗེ་ཆེན་པོ་མངའ།
གསང་ཕུར་འཆད་ཉན་མཛད་མྱོང་བའི་བོད་ཀྱི་མཁས་པ་ཁག་གཅིག
(གངས་ཅན་བོད་ཀྱི་ནཱ་ལེནྡཱ་དང་པོ་)གསང་ཕུ་བཤད་གྲྭ་ཆེན་མོ་ནས་དངོས་སུ་འཆད་ཉན་མཛད་མྱོང་ཞིང་། བོད་གངས་ཅན་གྱི་ཆོས་རིག་ལོ་རྒྱུས་ཁྲོད་སྐད་གྲགས་ཆེ་བའི་མཁས་པ་ཁག་གཅིག་ངོ་སྤྲོད། ༡ རྔོག་ལེགས་པའི་ཤེས་རབ། ཁོང་ནི་བོད་ཀྱི་བཤད་གྲྭ་ཆེན་མོ་གསང་ཕུ་ནེའུ་ཐོག་དགོན་པ་ཐོག་མར (༡༠༧༣) ཕྱག་འདེབས་པ་པོ་ཡིན། ༢ རྔོག་བློ་ལྡན་ཤེས་རབ། ཁོང་ནི་ (༡༠༥༩-༡༡༠༩) གསང་ཕུ་དགོན་པའི་གདན་རབས་གཉིས་པ་དང་། བོད་ཀྱི་གཞུང་ཆེན་འཆད་ཉན་སློབ་གཉེར་ཐམས་ཅད་ཀྱི་རྩ་བའི་འབྱུང་ཁུངས་ (སམ་སྲོལ་གཏོད་པ་) ལྟ་བུ་ཡིན།
ས་ཆེན་ཀུན་དགའ་སྙིང་པོའི་རྣམ་ཐར་མདོར་བསྡུས།
ས་ཆེན་ཀུན་དགའ་སྙིང་པོའི་རྣམ་ཐར་མདོར་བསྡུས། ས་ཆེན་ཀུན་དགའ་སྙིང་པོ་ནི་གཙང་སྟོད་གྲོམ་པའི་ཡུལ་གྱི་སྟོད་དུ། འཁོན་དཀོན་མཆོག་རྒྱལ་པོའི་བཙུན་མོ་ཆུང་བ་མ་གཅིག་ཞང་མོའི་སྲས་སུ་རབ་བྱུང་གཉིས་པའི་ཆུ་ཕོ་སྤྲེལ（༡༠༩༢）ལོ་ལ་སྐུ་འཁྲུངས། མི་རིང་བར་སྐུ་སྐྱེད་ཤིན་ཏུ་མགྱོགས་ཤིང་ཀུན་གྱིས་མཐོང་ན་དགའ་བས་མཚན་ལ་ཀུན་དགའ་སྙིང་པོར་གསོལ།