སྤེལ་ཞིབ་ཕྲ།
དུང་དཀར་འཆད་ཁྲིད། ལེའུ་བཞི་པ་ནས་དྲུག་པ་བར།
བཞི་པ། བག་ཡོད་ཀྱི་ལེའུ། དེ་ནས་གཤམ་དུ་བཤད་རྒྱུ་ནི་ལེའུ་བཞི་པ་དེ་ཡིན། ལེའུ་བཞི་པ་འདིར་བག་ཡོད་ཀྱི་ལེའུ་ཟེར། བག་མེད་མི་བྱེད་པར་བག་ཡོད་བྱེད་དགོས་ལ། བྱ་སྤྱོད་ངན་པ་དེ་དག་རང་ཉིད་ཀྱིས་བཀག་པ་ཙམ་གྱིས་མི་འགྲིག་པར་ད་དུང་སེམས་ནང་བག་ཡོད་ཀྱི་བསམ་བློ་ཞིག་དགོས་ཀྱི་ཡོད། བག་ཡོད་ཅེས་པ་དེ་ནི་ལས་ཀ་སྡུག་པ་ཞིག་བྱེད་རྒྱུའི་བསམ་བློ་འཁོར་གྱི་འདུག་ན་ངས་འདི་བྱས་ན་ཉེས་པ་ཡོད། དེ་ལྟར་བྱས་ན་ཡག་པོ་མེད་སྙམ་སྟེ་རང་ཉིད་ཀྱི་བསམ་བློ་དེ་བཅུན་ཏེ་སེམས་བག་མེད་ལ་མི་གཏོང་བ་དེ་གལ་གནད་ཆེན་པོ་ཡིན་པའི་སྐོར་གསུངས་ཡོད།
དུང་དཀར་འཆད་ཁྲིད། ལེའུ་དང་པོ་ནས་གསུམ་པ་བར།
དང་པོ། བྱང་ཆུབ་སེམས་ཀྱི་ཕན་ཡོན་གྱི་ལེའུ། སྤྱོད་འཇུག་གི་ལེའུ་དང་པོ་དང་། གཉིས་པ། གསུམ་པ་བཅས་ཀྱི་སྐོར་རྣམས་དམིགས་བསལ་ཞུ་མི་དགོས་པར། ལེའུ་བཞི་པ་ནས་མར་ཞུ་གི་ཡིན། ལེའུ་དང་པོ་དེ་སེམས་བཟང་པོ་བྱང་ཆུབ་ཀྱི་སེམས་ཀྱི་ཕན་ཡོན་རེད། བྱང་ཆུབ་ཀྱི་སེམས་ཞེས་པ་གོ་བདེ་པོར་ཞུས་ན་གཞན་ལ་ཕན་པའི་སེམས་བཟང་པོ་དེ་ལ་ཟེར། གོ་བདེ་པོ་མ་བཤད་པར་དཔེ་ཆའི་ནང་བཤད་པ་ལྟར་བྱས་ན་བྱང་ཆུབ་ཀྱི་སེམས་ཞེས་བྱང་བ་དང་ཆུབ་པ་ཞེས་པ་ལས་བྱང་བ་ནི་སྐྱོན་རྣམས་བྱང་བ་དང་། ཆུབ་པ་ནི་ཡོན་ཏན་ཀུན་ཁོང་དུ་ཆུད་པའི་དོན་ཡིན། སངས་རྒྱས་པ་དང་བྱང་ཆུབ་པ་གཉིས་དོན་དག་གཅིག་པ་རེད། སངས་པ་དེ་སྐྱོན་ཐམས་ཅད་སངས་པ་དང་། རྒྱས་པ་དེ་ཡོན་ཏན་ཐམས་ཅད་རྒྱས་པ་ལ་གོ །ང་རང་ཚོ་སངས་རྒྱས་ཁས་མི་ལེན་སྟབས་བྱང་ཆུབ་ཀྱི་སེམས་དངོས་གནས་དེ་དགོས་པ་མེད། སངས་རྒྱས་ཁས་ལེན་མཁན་ཞིག་ལ་བྱང་ཆུབ་ཀྱི་སེམས་དགོས་ཤིང་། བྱང་ཆུབ་ཀྱི་སེམས་ཞེས་པ་དེ་གཞན་ལ་ཕན་པའི་སེམས་གཅིག་པུ་མིན་པར་གཞན་ལ་ཕན་བདེ་སྒྲུབ་མཁན་གྱི་སྐྱེས་བུ་དམ་པ་ཞིག་བྱེད་ཐུབ་པའི་བསམ་བློ་ཞིག་དགོས་ཀྱི་ཡོད།
དུང་དཀར་འཆད་ཁྲིད། སྤྱོད་འཇུག་མཛད་པ་པོ་དང་། ཇི་ལྟར་མཛད་ཚུལ།
སྤྱོད་འཇུག་གི་གཞུང་ངོ་སྤྲོད་དང་། སངས་རྒྱས་ཆོས་ལུགས་ཀྱི་མཚན་ཉིད་རིག་པའི་སྐོར་གླེང་བ། (མཁས་དབང་དུང་དཀར་བློ་བཟང་འཕྲིན་ལས་མཆོག་གིས་ཀྲུང་གོ་བོད་རིག་པ་ཞིབ་འཇུག་ལྟེ་གནས་ཁང་དུ་གནང་བའི་འཆད་འཁྲིད།) ཀ) སྤྱོད་འཇུག་མཛད་པ་པོ་དང་། ཇི་ལྟར་མཛད་ཚུལ། སྤྱོད་འཇུག་གི་གཞུང་འདི་ནང་པ་སངས་རྒྱས་པའི་ཆོས་ལུགས་ཀྱི་མཚན་ཉིད་རིག་པའི་གཞུང་ཆེན་པོ་ཞིག་རེད། འགའ་ཤས་ཀྱིས་འདི་མཚན་ཉིད་རིག་པའི་གཞུང་མ་རེད་ཟེར། འོན་ཀྱང་། འདི་ནི་ནང་པ་སངས་རྒྱས་པའི་མཚན་ཉིད་རིག་པའི་གཞུང་ཡིན་པར་མ་ཟད་དེའི་ནང་ནས་ནང་པ་སངས་རྒྱས་པའི་ཐེག་པ་ཆེན་པོའི་ཆོས་ཀྱི་མཚན་ཉིད་རིག་པའི་གཞུང་ཚད་གཞི་མཐོ་ཤོས་གཅིག་ཡིན། སྤྱོད་འཇུག་འདི་སུས་བརྩམས་མིན་དང་། རྩོམ་པ་པོ་ཞི་བ་ལྷའི་ལོ་རྒྱུས་ཞིབ་ཕྲ་ཞུ་མི་དགོས་པ་བྱ་རྒྱུ་ཡིན། དེ་དག་གི་སྐོར་བུ་སྟོན་ཆོས་འབྱུང་དང་། མཁས་པའི་དགའ་སྟོན། རྒྱ་གར་ཆོས་འབྱུང་སོགས་སུ་གསལ་ཡོད།
དུང་དཀར་གྲུབ་མཐའ། ས་བཅད་ལྔ་པ།
དཔལ་རི་བོ་དགེ་ལྡན་པའི་གྲུབ་མཐའི་རྣམ་གཞག་དངོས་བཤད་པ། (མཆན། གཤམ་གྱི་ཡིག་འབྲུ་ཆེ་བ་རྣམས་ནི་བསེ་ཚང་བློ་བཟང་དཔལ་ལྡན་གྱིས་མཛད་པའི་<<དཔལ་མཉམ་མེད་རི་བོ་དགེ་ལྡན་པའི་གྲུབ་མཐའི་རྣམ་གཞག་མདོ་ཙམ་བརྗོད་པ་འཇམ་མགོན་བསྟན་པའི་མཛེས་རྒྱན་>>(གངས་ཅན་རིག་བརྒྱའི་སྒོ་འབྱེད་ལྡེ་མིག་དེབ་བཅུ་པ་)ཞེས་བྱ་བའི་ལེའུ་བཅུ་པ་མན་ཆད་དེ་སློབ་གཞིའི་མ་ཡིག་དང༌། ཡིག་ཆུང་དེ་དག་མཁས་དབང་དུང་དཀར་བློ་བཟང་འཕྲིན་ལས་མཆོག་ནས་མ་ཡིག་གཞིར་བཟུང་སློབ་ཁྲིད་མཛད་པའི་སྒྲ་ཕབ་ལས་ལེགས་སྒྲིག་ཞུས་ཏེ་བོད་ལྗོངས་སློབ་ཆེའི་དགེ་རྒན་ཆེན་མོ་བཀྲས་ལྷུན་བཀའ་ཆེན་ཚེ་དབང་ལགས་དང་བོད་ལྗོངས་སྤྱི་ཚོགས་ཚན་རིག་ཁང་གི་ཞིབ་འཇུག་པ་ནོར་བྲང་ཨོ་རྒྱན་ལགས་རྣམ་གཉིས་ནས་དག་ཞུས་མཛད་པ་དེ་ལགས་སོ།། བསྡུ་སྒྲིག་པས།)
དུང་དཀར་གྲུབ་མཐའ། ས་བཅད་བཞི་པ།
ས་བཅད་བཞི་པ། སངས་རྒྱས་ཆོས་ལུགས་ཀྱི་གྲུབ་མཐའ་སོ་སོའི་འདོད་ཚུལ། སངས་རྒྱས་ཆོས་ལུགས་ལ་རྒྱ་གར་དུ་བྱེ་བྲག་སྨྲ་བ་དང༌། མདོ་སྡེ་པ། སེམས་ཙམ་པ། དབུ་མ་པ་བཅས་གྲུབ་མཐའ་བཞི་དང༌། བོད་དུ་རྙིང་མ། བཀའ་གདམས་པ། ས་སྐྱ། བཀའ་བརྒྱུད། ཞི་བྱེད། ཇོ་ནང༌། དགེ་ལུགས་སོགས་བྱུང་བ་ཚང་མའི་གཞི། ལམ། འབྲས་བུ་བཅས་ལ་འདོད་ཚུལ་མི་འདྲ་བ་ཕྲན་བུ་ཡོད་ཀྱང་རྩ་བའི་འགལ་བ་ཆེར་མེད་ཅིང༌། གྲུབ་མཐའ་མི་འདྲ་བའི་ཁྱད་པར་ཆེན་པོ་འབྱུང་སའི་རྩ་བ་ཐུག་ས་ནི་ལྟ་བ་མི་འདྲ་བའི་སྒོ་ནས་འཇོག་པ་ཡིན་པས་འདིར་དེའི་སྐོར་གནད་བསྡུས་བརྡ་མཚོན་ཙམ་ཞིག་དོན་ཚན་གསུམ་དུ་བསྡུས་ནས་འཆད་རྒྱུར།
དུང་དཀར་གྲུབ་མཐའ། ས་བཅད་གསུམ་པ།
ས་བཅད་གསུམ་པ། སངས་རྒྱས་ཆོས་ལུགས་ཀྱི་གྲུབ་མཐའ་སྤྱིའི་རྩ་བའི་ལྟ་ཚུལ། རྒྱ་གར་དུ་སངས་རྒྱས་ཆོས་ལུགས་ལ་དད་པ་ཡོད་པའི་མིའི་གོ་རྟོགས་མཐོ་དམན་གྱི་དབང་གིས་གྲུབ་མཐའ་མི་འདྲ་བ་བཞི་( ༡. བྱེ་བྲག་སྨྲ་བ། ༢. མདོ་སྡེ་པ། ༣. སེམས་ཙམ་པ། ༤. དབུ་མ་པ་)ཡོད། དེའི་ནང་ནས་བྱེ་བྲག་སྨྲ་བ་དང་མདོ་སྡེ་པ་གཉིས་ནི་ཐེག་པ་ཆུང་ངུའི་གྲུབ་མཐའ་སྨྲ་བ་ཡིན་ཅིང༌། སེམས་ཙམ་པ་དང་དབུ་མ་པ་གཉིས་ནི་ཐེག་པ་ཆེན་པོའི་གྲུབ་མཐའ་སྨྲ་བ་ཡིན། གྲུབ་མཐའ་བཞི་པོ་དེ་ཡང་འོག་མ་འོག་མའི་ལྟ་བ་དེ་གོང་མ་གོང་མའི་ལྟ་བ་ཤེས་རྟོགས་བྱེད་རྒྱུར་ཕན་ཐོགས་ཡོད་པ་ནི་སྐས་ལ་འཛེགས་པའི་ཐེམ་སྐས་ཀྱི་བང་རིམ་དང་འདྲ་བ་ཞིག་ཡིན།